Ministri i Punëve të Jashtme dhe i Europës, Ditmir Bushati ishte mes 7 deputetëve të përjashtuar me 10 ditë pas dhunës së ditës së sotme në Kuvend.
Për këtë përjashtim të ministrit Bushati ka reaguar në facebook edhe kryeministri Edi Rama. Kryeministri shkruan se Ditmir Bushati reagoi sot instinktivisht ndaj një agresioni të shëmtuar dhe gaboi!
Rama thotë më tej se ai kërkoi ndjesë publike e prapëseprapë u ndëshkua.
“Sepse për ne rregullat vlejnë njësoj për të gjithë dhe NE NUK JEMI NJESOJ SI ATA që jo vetëm s’e njohin ndjesën, po janë krenarë për shëmtitë e tyre!”, shkruan Rama.
Në seancën e kësaj të enjte në Kuvend u priste një rikthim i ish-ministrit të Brendshëm, Saimir Tahiri. Deputeti i pavarur kishte regjistruar emrin për të folur 20 minuta, por opozita ja prishi planet.
Por lajm është bërë koha shtesë që merr Prokuroria. Prokuroria e Krimeve të Rënda ka ngritur sërish kartonin, duke kërkuar zgjatje të afatit hetimor edhe për 90 ditë të tjera.
Shtyrja e hetimeve është firmosur deri në datën 18 qershor, derisa autoritetet e drejtësisë jashtë vendit të kthejnë përgjigje për dy letërporosi, të cilat pretendohet t’i shërbejnë hetimit. Në pritje të dorëzimit të dy letërporosive, njëra nga Greqia dhe tjetra nga Italia, Prokuroria e Krimeve të Rënda që po heton ish-ministrin e Brendshëm, Saimir Tahiri, ka kryer lëvizjen e radhës.
Grupi hetimor i ka kërkuar Inspektoratit të Lartë të Deklarimit e Kontrollit të Pasurive që t’i depozitojë deklaratën e pasurisë për vitin 2017 të ish-ministrit Tahiri. Ky veprim hetimor vjen në një kohë kur ish-ministri i Brendshëm sipas ligjit antimafia është edhe nën hetim pasuror përderisa, ish-zyrtari i lartë aktualisht deputet i pavarur, dyshohet për trafik e korrupsion. Më herët informacione për asetet pasurore jo vetëm të Tahirit, por edhe të familjarëve të tij janë kërkuar edhe nga hipotekat, doganat, qendra kombëtare e biznesit, por edhe agjenci të tjera.
Nga ana tjetër, Gjykata e Lartë nuk ka vendosur ende një datë se kur do ta shqyrtojë kërkesën e Prokurorisë që këmbëngul që Tahirit t’i ndalohet të dalë jashtë Shqipërisë. Kërkesa është regjistruar në datën 7 shkurt, pak kohë pasi akuza humbi në gjykatë me qëndrimet për bllokim të pasaportës së ish-ministrit. Hetimet në themel, ndërkohë gjenden në vendqëndro.
Prokurorët shpresojnë që të marrin nga italianët dhe grekët materiale shtesë që do të hidhnin dritë mbi dyshimet e tyre për çështjen më të bujshme të vitit 2017, e cila nisi nga botimet në media pas goditjes së grupit të Habilajve. Prokuroria kërkoi nga Kuvendi autorizimin për arrestimin e tij, por kërkesa u rrëzua nga mazhoranca.
Byroja e Kuvendit vendosi të përjashtojë për 10 ditë 6 deputetë të opozitës dhe ministrin e Jashtëm, Ditmir Bushati. Kërkesa për përjashtimin e deputetëve të opozitës u bë nga deputetët e PS. Ndërsa kërkesa për përjashtimin e Bushatit u bë nga kreu i Kuvendit, Gramoz Ruçi.
Seanca e sotme e parlamenti u zhvillua mes tensioneve të forta në sallë. Deputetët e opozitës bllokuan foltoren duke kërkuar përjashtimin e kryeministrit Edi Rama, ndërsa më pas disa prej tyre hodhën miell, vezë e shishe uji në drejtim të tij. I ulur në krah të kreu të qeverisë, ministri i Jashtëm Ditmir Bushati u kundërpërgjigj duke hedhur dhe ai ujë drejt deputetëve të opozitës.
Pas vendimit, deputeti socialist Ervin Bushati tha se në seancë nuk u thye vetëm rregullorja, por u konsumuan edhe elementë të veprës penale. “Deputeti Flamur Noka ka qëlluar me sende të forta drejt ministrave, gjë që është edhe vepër penale. I takon prokurorisë të vendos”,- tha Bushati.
Ndërkohë deputetët e opozitës e cilësuan vendimin si një farsë. Kreu i deputetëve të PD-së, Edi Paloka tha se vendimi është vazhdim i turpit të Kuvendit. “Vendimi që pritej. U dënuan deputetët e opozitës, megjithëse ishin atje sot thjesht në një reagim krejt normal në mbrojtje të qytetarëve të burgosur të Kukësit që edhe vet Rama i ka shpallur të pafajshëm dhe në mbështetjen e kërkesës sonë logjike për përjashtimin e një kryeministri që ka fyer popullin e tij. Një kryeministër që krahason popullin e tij me organin gjenital të mashkullit ndodh vetëm në Shqipëri. Nuk ka ndodhur edhe me politikanin më bastard”,- tha Edi Paloka.
Ndërkohë vendimet e sotme të Byrosë duket se nuk do të sjellin normalizmin e situatës. Deputetët e opozitës thanë se në seancën e radhës nuk do të qëllojnë vetëm me miell, por edhe me sende të tjera.
Pas vendimeve të Byrosë ka reaguar dhe Kryeministri Edi Rama. Në një koment në Facebook ai thotë se përjashtimi i Ministrit Ditmir Bushati është shembulli që jep Partia Socialiste, se kur shkelet rregullorja nuk heziton të ndëshkojë edhe njerëzit e vetë.
Në votimin në Byro, përjashtimi i Bushatit është votuar vetëm nga deputetët e PS dhe jo të opozitës.
NJOFTIMI I KUVEDIT PËR PËRJASHTIMIN E DEPUTETËVE
Në drejtimin e Kryetarit të Kuvendit të Shqipërisë, z. Gramoz Ruçi, u mblodh Byroja e Kuvendit me këtë rend dite:
1- Shqyrtimin e kërkesës të Kryetarit të Kuvendit me numër 1316 prot, datë 14.04.2018 për marrjen e masës disiplinore “përjashtim për një periudhë deri në 10 ditë nga punimet e Kuvendit në seancë plenare dhe në komisione” të deputetëve Flamur Noka, Ervin Salianji dhe Klevis Balliu.
2- Shqyrtimin e kërkesës së Kryetari të Kuvendit me numër 1312 prot. për marrjen e masës disiplinore “për përjashtimin e z. Ditmir Bushati deri në 10 ditë nga seancat e Kuvendit”.
3- Shqyrtimin e kërkesës së një grupi deputetesh të Grupit Parlamentar të Partisë Socialiste për marrjen e masës disiplinore më të rëndë “përjashtimin nga punimet e Kuvendit në seancë plenare dhe komisione deri në 10 ditë”, me numër 1315 prot., të deputetëve Edi Paloka, Flamur Noka, Klevis Balliu, Ervin Salianji, Kejdi Mehmetaj dhe Endrit Braimllari
Pas diskutimeve ndërmjet anëtarëve dhe dëgjesën që Byroja zhvilloi me secilin nga deputetët (znj. Kejdi Mehmetaj dhe z. Ditmir Bushati nuk ishin të pranishëm), për të cilët ishin paraqitur kërkesa për masë disiplinore, anëtarët e Byrosë së Kuvendit vendosën përjashtimin nga punimet e Kuvendit në seancë plenare dhe në komisione të deputetëve:
Edi Paloka, me 6 deputetë të mazhorancës pro dhe 2 deputetë të opozitës kundër;
Flamur Noka, me 6 deputetët e mazhorancës pro dhe 2 deputetët e opozitës kundër;
Ervin Salianji, me 6 deputetët e mazhorancës pro dhe 2 deputetët e opozitës kundër;
Klevis Balliu, me 6 deputetët e mazhorancës pro dhe 2 deputetët e opozitës kundër;
Kejdi Mehmetaj, me 6 deputetët e mazhorancës pro dhe 2 deputetët e opozitës kundër;
Endrit Braimllari, me 6 deputetët e mazhorancës pro dhe 2 deputetët e opozitës kundër.
Ditmir Bushati, u përjashtua nga punimet e seancës plenare me 6 vota pro nga deputetët e mazhorancës dhe dy votat kundër të z. Paloka dhe z. Mima.
Taulant Balla: Ajo që ndodhi në Kuvend nuk u shërben negociatave
Alibeaj: Sot me miell, nesër me mjete të tjera
Deputeti i LSI, Brahimllari: Populli nuk ndalet
Paloka paralajmëron Ramën: Do reagojmë edhe më fort
Brenda liqenit Loktak në shtetin verilindor të Indisë të Manipurit, shekulli i 21-të zhduket. Peshkatarët kanë vendosur ekuilibrin në kanoe, duke hedhur rrjeta me dorë. Heshtja është shqetësuese në zonë dhe vetëm hovi i ujit e thyen atë, ndërsa peshkatarët punojnë për të “fshehur” kurthet e peshkut bambu, dizajni i tyre i pandryshuar në shekuj.
Nata sjell një paraqitje të shkurtër të modernitetit: vezullim qiellor, qindra drita në miniaturë kërrusur mbi grumbujt e vegjetacionit që tërheqin insektet, të cilat joshin peshqit për në kurthe.
Parku i vetëm lundrues në botë, Phumdis, janë vendimtare për jetën në Liqenin Loktak. Peshkatarët manipulojnë peshqit duke formuar rrethime.
Rreth 4,000 nga këta peshkatarë dhe familjet e tyre jetojnë në kasolle.
Familjet dërgojnë fëmijët e tyre në shkollën fillore lundruese të Indisë; e inauguruar në fillim të vitit 2017, shkolla e cila jo vetëm që u shërben fëmijëve lokalë, por edhe siguron arsimimin e të rriturve.
Pjesa më e madhe e liqenit prej 40 km katror, u caktua Park Kombëtar në vitin 1977, për të mbrojtur gjithashtu edhe fiset sangai, të cilët janë të rrezikuar.
Sot, është parku kombëtar i vetëm lundrues në botë.
Një ekosistem delikat nga lart, liqeni afërsisht 240 km katror duket i mbushur me ishuj. Sidoqoftë, ata nuk janë aspak ishuj, por masa lundruese të vegjetacionit, tokës dhe deformimit të lëndës organike.
Pjesa më e madhe e masës së flumideve ulet nën sipërfaqen e liqenit sikur të ishin asjbergë, duke lejuar rrënjët e gjalla të arrijnë shtratin e liqenit gjatë sezonit të thatë. Ata thithin ushqyes nga shtrati dhe rriten përsëri gjatë sezonit pasues të musoneve.
Kreu i grupit parlamentar i PS-së, Taulant Balla, në një prononcim për mediat nga kryesia e kuvendit, u shpreh se pret nga raporti i BE-së hapje të negociatave.
Pas takimit me deputetin gjemrman, Balla tha se javën tjetër për Shqipërinë do jetë një ditë e rëndësishme, pasi hapjen e negociatave është një arritje kombëtare. Sipas tij nëse Shqipëria humbet trenin këtë vite, ka humbur dy apo tre vite të tjera.
Në fund Balla nuk harroi pa thumbuar dhe opozitën, pasi thasë fotografia e tyre në Kuvend nuk bien mirë këtij procesi.
Pjesë nga deklarata
Pata kënaqësinë të prisja një mik të Shqipërisë në Bundestagun Gjerman, që është he raportues në bashkimin evropian. Ndava një vlerësim se Shqipëria është në rrugën e saj drejt Bashkimit Evropian.
Javën tjetër Komisioni Evropian duket se do ti sugjeroj hapjen pas asnjë kusht hapjen pa asnjë kushte të Shqipërisë me BE.
Shumë e rëndësishme që ta kuptojmë të gjithë që ditët në vijim dhe javët në vijim janë shumtë rëndësishme. Hapja e negociatave nuk duhet të konsiderohet si një fitore e PS apo qeverisë, por një ditë historike. Nëse humbasim trenin këtë vit duhet të presim dhe dy apo tre vite të tjera. Jam shpresë plot se në parlamentin Gjerman do të na mbështesin.
Kështu që duke u rikthyer në zhvillimet e ditës, është për të ardhur keq se në këto ditë të rëndësishme, që fotografia që tregoi sot në Kuvend nuk i bën mirë këtij procesi.
Lentet e frikshme janë tepër të preferuara gjatë sezonit të Halloëeen, por kanë një efekt tepër të dëmshëm për sytë.
Mjekët kanë lajmëruar se nëse i blini në internet ose treg të hapur, nuk janë të aprovuara nga ligjet mjekësore dhe mund t’ju përhapin infeksione. Badrus Hussain, një kirurg për sytë ka thënë se po trajton shumë raste kur fëmijët rreth moshës 16 vjec janë infektuar prej lenteve.
“Disa nga rastet që shohim janë pacientë që i ndajnë lentet me miqtë, përdorin të njëjtat çdo vit edhe pse ka kaluar data e skadencës si dhe kanë efekte tepër të rrezikshme që mund të përfundojnë në verbërim,” – tha ai për Independent. Kirurgu shtoi se zona e kornesë së syrit është tepër delikate, prandaj ndodh që të dëmtohet edhe nga lente të krijuara në zona laboratorike nga vetë mjekët.
Marrja e një lejeje për shtesë në shtëpinë ekzistuese ose për ndërtimin e një banese të re kërkon 11 dokumente dhe 45 ditë kohë. Aplikimi kryhet në faqen “e-Albania”.
Për aplikimin për leje ndërtimi për ndërtime të reja apo shtesa, me sipërfaqe të përgjithshme deri në 250 m2 pranë njësive të qeverisjes vendore mund të aplikohet online. Me shërbimin me një ndalesë dhe procedura të thjeshtuara, transparente dhe të shpejta, reduktohen barrierat administrative dhe për-mirësohen praktikat e aplikimit për lejet përkatëse.
Personi i interesuar për të ndërtuar duhet të paraqesë kërkesën për ndërtim duke plotësuar formularin elektronikisht. Personat që aplikojnë duhet të paraqesin dokumente që vërtetojnë të drejtat pasurore të pronës, zhvillim, përfshirë marrëveshjet midis pronarëve dhe zhvilluesit ose/dhe palëve të treta, plani i vendosjes së ndërtimit mbi fragmentin e hartës në gjendjen ekzistuese, projekti i ndërtimit dhe relacioni përkatës, grafiku paraprak i punimeve dhe afati i dorëzimit të objekteve, sipas fazave të zbatimit dhe preventivi.
Në faqen “e-Albania” mësohet se nuk janë të detyrueshme projektet e instalimeve, si dhe mbikëqyrja dhe kolaudimi i punimeve, me kushtin që zbatuesi të dorëzojë një deklaratë noteriale, me të cilën të konfirmojë, nën përgjegjësinë e tij të plotë civile dhe penale, se objekti është ndërtuar në përputhje me lejen e ndërtimit dhe projektin përkatës. Kërkesat për leje ndërtimi paraqiten për shqyrtim nëpërmjet sistemit elektronik të lejeve, i cili mundëson edhe ngarkimin, lehtësisht, të dokumentacionit shoqërues të kërkesës për leje. Autoriteti përgjegjës vendos brenda 10 ditëve nga data e dorëzimit të aplikimit për leje ndërtimi me procedurë të përshpejtuar (sipas përcaktimeve të nenit 24 të VKM-së nr. 408 dt. 13.05.2015 “Rregullorja e zhvillimit të territorit”). Brenda 45 ditëve nga data e dorëzimit të aplikimit për leje ndërtimi, lëshohet leja e ndërtimit. Afati është i përcaktuar në formularin e lejes së ndërtimit.
Shërbimet
Me shërbimin me një ndalesë dhe procedura të thjeshtuara, transparente dhe të shpejta, reduktohen barrierat administrative dhe përmirësohen praktikat e aplikimit për lejet përkatëse. Personi i interesuar për të ndërtuar duhet të paraqesë kërkesën për ndërtim duke plotësuar formularin elektronikisht. /GSH/
