Duhet ta pranojmë që gjëja e parë që bëjmë kur nisim një dietë, reduktojmë në mënyrë drastike apo heqim dorë nga buka dhe makaronat, sigurisht me shumë sforco dhe sakrificë. Por duhet të dini se kjo është e gabuar, pasi këta përbërës nëse konsumohen në sasinë e duhur, janë të rëndësishëm për shëndetin, dhe për formën fizike. Ndryshe nga sa besohet, të hash proteina me fruta dh eperime duke hequr dorë nga makaronat, nuk është receta e duhur për të humbur peshë.
E thotë shkenca
Një studim amerikan thotë se ai që zgjedh të heqë dorë nga buka dhe makaronat rrezikon të sëmuret më lehtë nga tumori dhe të ketë probleme me zemrën.
Energjia on top!
Karbohidratet nuk duhet të mungojnë kurrë në ushqimin tonë të përditshme pasi këto sheqerna dhe glucide bashkë me proteinat dhe yndyrnat, na japin energjinë e nevojshme për të funksionuar organizmi siç duhet.
Nuk janë të gjitha njësoj
Duhet bërë dallimi mes karbohidrateve të thjeshta dhe komplekse. Të thjeshta janë sheqeri, fruktoza dhe galaktoza, dhe përthithen më shpejt nga organizmi pa kërkuar aktivitet metabolik, pra energjia është gati. Karbohidratet komplekse, kërkojnë më shumë kohë për tu përthithur dhe tretur.
Të domsdoshme
Tek karbohidratet komplekse përfshihen niseshteja, e pranishme sidomos tek drithërat, perimet e thata, dhe patate, si dhe fibrat ushqyese që gjenden tek frutat, perimet e freskëta, dhe që kanë si funksion lehtësimin e tranzitit të zorrëve. Mos të harrojmë se niseshteja, apo amidoni, rregullon përthithjen e disa ushqyesve, dhe kontribuon në kontrollin e glicemisë. Pra, të heqësh dorë nga një pjatë e shijshme me makarona, nuk ka kuptim. Mos e harroni këtë!
Ndërsa kryeministri Rama kundërshtonte demokratët në seancën e sotme plenare ku po diskutohej mocioni me debat për skemën e re të ndihmës ekonomike, kryeministri Rama nuk i ka kursyer batutat me kreun e grupit Parlamentar të PD-së, Edmond Spahon.
Ky i fundit replikonte nga vendi dhe në një moment kryeministri dëgjohet t’i thotë: Profersor te jap kufjet e mia une ty edhe dëgjo çfarë them unë.
Por kjo, nuk ka mjaftuar dhe Spaho ka vijuar të flasë. Në atë moment Rama dëgjohet të thotë sërish: Profesor vjen nga katedra ti, s’je i pyllit. Ata te pyllit le te flasin kur të mbaroj.
Nga vendi me sa duket po replikonte edhe deputeti Bardh Spahiua të cilin, Rama e quajti këngëtar, madje e thirri edhe Pavaroti.
“Pavaroti, vazhdojmë… e çmojmë shumë këtë mundësi, aq më shumë kur më jepet nga një këngëtar si ty”,- u dëgjua kryeministri.
Pas deklaratës së kryeministrit Edi Rama nuk kanë munguar replika e kreut të grupit parlamentar të PD-së Emond Spaho. Pas etiketimeve ‘i katedrës’ nga kryeministri, Spaho i kujtoi veshjen me çitjane dhe atlete.
Spaho: I bëre bisht dy çështjeve të rëndësishme, ke zvogëluar me 38% numrin e familjeve dhe me 40% ke zvogëluar fondet. Ti Edi merresh me individin jo me problemin. Unë nuk merrem me individin se po të merresha me individin do thosha që km rri me poture si Haxhi Qamili dhe i mbush poturet. Ti vesh çorape jeshile, të verdha, do merresha me atletet që i shkove në takim zv. presidentin amerikan dhe pastaj të përzunë. Po këtë nuk e bëj por nuk e bëj për një arsye se ti problemin nuk e ke tek këmbët por tek koka.
Ruçi: Faleminderit zoti Spaho që bërë atë që predikon.
Zbardhen detaje në lidhje me dëshminë e ‘Financierit të Habilajve’, Nezar Seiti të dhënë në Itali.
Seiti mësohet se ka dhënë shpjegime të hollësishme në Prokurorinë e Katanias, ku edhe u ekstradua në mënyrë të fshehtë nga ana e ministrisë së Drejtësisë edhe pse në Shqipëri ai është nën hetim, duke shkaktuar një debat të gjerë politik.
Dëshmia e tij pritet ti vihet në dispozicion prokurorisë për Krime të Rënda në vendin tonë.
Burimet kanë bërë të ditur se Seiti në dëshminë e tij, ka implikuar njerëz të rëndësishëm në Shqipëri, përfshirë edhe nga kupola e drejtësisë shqiptare.
Në një letërporosi të Krimeve të Rënda drejtuar autoriteteve italiane në muajin shkurt, ku kërkohej ndihmë për hetimin e çelur ndaj ish-Ministrit të Brendshëm, Saimir Tahiri, theksohej fakti se gjatë qëndrimit në paraburgim në vendin tonë, Seiti ka refuzuar të japë shpjegime rreth çështjes.
Ndaj në këtë letër porosi u kërkua që të pyetej nga autoritetet e drejtësisë atje për llogari të hetimit që po zhvillohet ndaj Saimir Tahirit.
Nezar Seiti që konsiderohet si një nga njerëzit më të besuar të Moisi Habilajt, (i arrestuar ne Itali) u arrestua në Babicë të Vlorës më 19 tetor të vitit të kaluar gjatë një operacioni antidrogë ku u sekuestruan rreth 4 ton kanabis. Përgjatë katër muajve që qëndroi në paraburgim, Nezar Seiti e kyçi gojën për hetuesit shqiptarë, ndërsa nuk dihet nëse do të veprojë njësoj përpara prokurorëve në Itali.
Kryetarja e LSI-së Monika Kryemadhi duke iu referuar debatit për skemën e re të ndihmës ekonomike për familjet në nevojë, akuzoi qeverinë dhe kryeministrin Edi Rama si shkaktarin kryesor të situatës së krijuar me shtresat e varfra në vend.
“E kam vështirë të flas për një hall pasi shqipëria është vend i probelemeve. I kuptojnë qytetarët që ndjejnë neveri për politikanët. Diktatura e arrogancës së kryeministrit. Ka edhe analistë që thonë se shqiptarët janë fatlumë dhe se mesia është pranë nesh. Unë sot nuk do të flas për drogën dhe as për krimin, por si një hall shumë i madh për shqiptarët. Kemi nje kryeministër të babëzitur. Ky zotëri që urren të varfërit me një të rënë të lapsit ka nxjerrë nga ndihma 20 mijë familje, për disa raste thotë se e ka fajin sistemi. Sot nuk kemi tollona, por kemi njerëz që marrin ushqime me lista. Njerëzit u përjashtuan nga skema por çfarë krimi paskan bërë”– u shpreh kryetarja e LSI-së, Monika Kryemadhi.
Propozimi i LSI-së
Kryemadhi thotë se kjo realizohet duke çuar fondin e ndihmës ekonomike 2% të GDP, çka do të thotë që mbi 80 mijë familje do tu jepet 240 dollarë në muaj nga qeveria.
“Ne jemi një forcë politike që kemi prezantuar një plan konkret, planin kundër varfërisë si një kurë jetike kundër sëmundjes së varfërisë, e cila në themel të saj nuk jep lëmoshë, por një ndihmë ekonomike dinjitoze për familjet në nevojë. Kemi një vizion për një qasje transformuese të ndryshme nga skema aktuale parazitare e lëmoshës.
Ne duhet të përaqfojmë idenë se çdo qytetar shqiptar duhet ti garantohet ajo që në konceptet moderne ekonomike dhe të mbështetjes sociale quhet të ardhurat bazike universale. Konkretisht, ne besojme se mund ti japim fund varfërisë absolute për çdo shqiptar vetëm nese: Fondi i ndihmës ekonomike do të shkojë 2% të GDP. Kjo do të thotë që mbi 80 mijë familje me mesatarisht 4 anëtarë do t’u jepet nga qeveria 240 dollarë në muaj për cdo familje, pra 2 dollarë në ditë për cdo anëtar të saj në mënyrë për të kaluar pragun e varfërisë absolute. Përmes kësaj skemë mbi 300 mijë të varfër do të ndilnin nga varfëria absolute në të cilën ndodhen akutalisht. Për ne kjo është financiarisht e mundur dhe realisht sio objektiv i realizueshëm. Mjafton të kursejme dy koncesione abuzive të shëndetësisë dhe kjo skemë do të jetë efikase”- theksoi Kryemadhi.
Kreu i PD-së Lulzim Basha ka kërkuar të marrë sot në foltore edhe kohën e deputetëve të tjerë të PD-së të paracaktuar për të marrë fjalën në mocionin me debat por nuk është lejuar nga kreu i Kuvendit Gramoz Ruçi.
Në përgjigje të kryeministrit Edi Rama, i cili përmendi emrat e të gjithë atyre njerëzve të vizituar nga Basha si të përjashtuar nga ndihma ekonomike por tashmë disa të punësuar, kreu i PD-së nxori me foto qytetarët. Ndërsa tregoi foton e një vajze të varfër duke qarë, kreu i Kuvendit i ndërpreu fjalën për shkak të mbarimit të kohës.
Por Basha tha se do të flasë ne emër të gjithë grupit. Nga ana tjetër Ruçi tha se pasi fiksohet minutazhi nuk lejohet që kohën e një deputeti ta marrë një tjetër. Por pas këtyre debateve, deputeti i PD Flamur Noka është ngritur më këmbë, gati për t’u afruar tek foltorja, ndërsa Ruçi e ka ndalur.
REPLIKAT Basha: Flas në emër të opozitës, gjithë grupit. Ruçi: Nuk e përcaktoni ju kohën.
(Noka çohet nga vendi) Ruçi: Mos fol ti. Sot do të flasë aq kohë sa i ka dhënë grupi i tij parlamentar sipas rregullores së parlamentit. Ju mund të merrnit 40 minuta nga grupi parlamentar sipas rregullores. Ju lutem mësojeni këtë. Unë e kam mësuar dhe koha mbaroi.
(Basha flet pa mikrofon)
Ruçi: Pasi fiksohet minutazhi nuk lejohet që kohën e një deputeti ta marrë një deputet tjetër. Ka një nen të posaçëm të rregullores. 3 minuta për procedurë. Basha: 30 mijë familje janë hequr pa e ditur përse. Midis tyre Rama ka qëmtuar disa që qenkëshin me vila e makina. Nëse ata janë në skemë ata duhet të ishin larguar nga skema 5 vite më parë se ka 5 vite që qeveris. Është përgjegjësia e tij nëse ishin në skemë. Por Rama nuk ka përgjigje. Këta njerëz që janë hequr iu është hequr buka e fëmijëve, për këta mban përgjegjësi Edi Rama, i cili ka bërë një akt kriminal.
Kreu i grupit parlamentar të PS-së Taulant Balla ka nxjerrë sot ne parlament kontratën e nënshkruar sipas tij nga Muzin Capital dhe PD për financim dhe lobim në SHBA.
Ai ka lexuar numrin e pasaportës së kreut të PD-së Lulzim Basha, si firmëtar i kësaj kontrate, pas deklaratave të këtij të fundit se nuk kishte dijeni për financimet.
Balla i ka kërkuar Bashës të japë llogari për 500 mijë dollarët e paguar për lobim. Ai ka përmendur ish-deputeten e PD-së Jozefina Topalli dhe deputetin aktual Arben Ristani.
“Ke firmosur ti në kontratë. Ja numri i pasaportës. Lulzim Basha dhe Muzin. Kontrata ndërmjet Muzin Capital partners dhe PD-së. Është detyrim ligjor të ishte e depozituar në KQZ. Ti i di të gjitha si ka mundësi që nuk di këtë. Edhe kjo historia droga-droga është pjesë e një skenari rus për të baltosur Shqipërinë, të jesh i sigurt. Ke njerëz brenda stafit tënd të ngushtë që kanë marrë kontakte me këta njerëz për të stabilizuar Shqipërinë. Dole dhe the nuk e njeh Biniata Trade, ja ku janë në një faqe. Uroj që të mos jetë e vërtetë që Putini paska zgjedhur aleat një si ti në Shqipëri. Të gjithave ua fut kjo letër, kjo shkresë. Tani Lulzim Cohu dhe thuaj ku i ka gjetur PD 500 mijë dollarë për të paguar një dorë të vetme në 9 qershor 2017. Ku i keni gjetur, se nëse keni të tjera mirë është tja çoni bashkisë së Kamzës të rrisin fondin e ndihmës ekonomike. Aq është, për një muaj bashkia Kamëz ja del të rrisë ndihmën ekonomike. Ku i ke gjetur këto 500 mijë dollarë tavarish Luli. Këtu kemi të bëjmë me një skandal tepër të rëndë kur së pari kemi burime të dyshimta që përfshijnë biznesmenë me shtetësi ruse, kompani of shorë. Si ja Jozefina s’kishte faj, ku e ke futur PD-në pa leje. Je bërë si zhelezhnovi dhe së treti pa deklarime sipas kodit zgjedhor.
Lulzim mos u fshi as pas Arben Ristanit. Se nuk di çfarë ke bërë ti. Edhe ku e fute në listë e fute për ta heqë. Ç’të dijë Arben Ristani. Edhe këtë firmë nuk e ke hedhur në Shqipëri. Mbaro 2 minutëshin dhe shko në prokurori”, deklaroi Balla.
Seanca e djeshme te Krimet e Rënda për gjyqin ndaj Emiljano Shullazit është shoqëruar me debate të ashpra mes të akuzuarit dhe prokurores Elisabeta Imeraj. Shkak është bërë dëshmia e shoferit të Ylvi Beqes, që është edhe kunati i tij. Vitin që shkoi, Besnik Musai dëshmoi në gjyq i mbrojtur nga uniformat blu dhe tha se e kishte parë Emiljano Shullazin të kërcënonte me armë zjarri Ylvi Beqen, teksa hartohej kontrata e dhurimit të ish-hotel “Vollgës” në Durrës. Janë pikërisht këto dy dëshmi, ajo e Musait dhe e Ylvi Beqes, që e mbajnë Emiljano Shullazin në burg, ndërkohë që dëshmitarët e tjerë janë tërhequr nga dëshmitë e para. Në seancën e djeshme, avokatët e Emiljano Shullazit kërkuan që Besnik Musai të thirrej sërish në gjyq dhe pyetën prokuroren nëse ai është marrë në pyetje në Prokurorinë e Krimeve të Rënda përpara se të dëshmonte në gjykatë.
Prokurorja Elisabeta Imeraj tha se dëshmitari nuk është thirrur më parë në Prokurori dhe se dëshmia e tij e parë për ngjarjet në Durrës ishte ajo që dha para gjykatës. Mirëpo, i akuzuari Emiljano Shullazi vuri në dyshim fjalët e prokurores dhe kërkoi të dinte se përse Besnik Musai ruhej nga uniformat blu.
Sipas tij, vendosja e Musait në ruajtje fizike nga forcat e rendit ka krijuar kushte që ai të japë dëshmi të rreme. Për këtë arsye, Emiljano Shullazi kërkoi që Besnik Musai të rithirrej në gjykatë për të dëshmuar. Por kërkesa e të akuzuarit u hodh poshtë nga gjyqtari Fran Prendi. Gjithashtu, edhe kërkesa për të pyetur oficerin e policisë, Petrit Gjeçaj, nuk u pranua nga gjykata.
Ylvi Beqja dhe Besnik Musai dëshmuan në fund të vitit të kaluar në Gjykatën e Krimeve të Rënda në lidhje me çështjen e ish-hotel “Vollgës”. Sipas Beqjes, Emiljano Shullazi e pati kërcënuar që ai ta bënte bashkëpronar në objektin në fjalë. Kërcënimi, sipas Beqes, ishte bërë në Durrës te noterja Aida Spahiu, ku Shullazi i vendosi pistoletën Beqjes dhe e detyroi që të përpilonte aktin e dhurimit. Ky version është pohuar edhe nga Besnik Musai. Por Shullazi vetë e ka kundërshtuar, duke thënë se ishte Ylvi Beqja ai që e bëri bashkëpronar pas ndihmës që ai i ofroi për regjistrimin e ish-hotel “Vollgës” si pronë të tijën
Skandali i mishit të prishur që është zbuluar në Belgjikë nga Agjencia Federale për Sigurimin e Rrjetit Ushqimor (FASFC) javën e kaluar, ka prekur edhe Kosovën. Agjencia zbuloi se mishtorja belge “Veviba” kishte shitur sasi të mëdha të mishit të prishur brenda Belgjikës dhe jashtë saj. Hetimi ndaj kompanisë me bazë në Bastonjë të Belgjikës kishte nisur pas asgjësimit të 20 tonëve mish – prej të cilës një sasi e madhe e saj ishte konstatuar të ketë qenë e prishur – nga Dogana e Kosovës në shtatorin e vitit 2016 në Prizren. Agjencia e Ushqimit dhe Veterinarisë në Kosovë kishte njoftuar autoritetet belge, të cilat pas dy vitesh hetime kishin ardhur në përfundim se kompania “Veviba” kishte prodhuar dhe shitur mish të prishur dhe me afat të skaduar.
Kjo kompani kishte eksportuar mishin e saj në Kosovë edhe para se të asgjësoheshin 20 tonët e mishit të prishur nga Dogana e Kosovës. Insajderi ka siguruar dokumente brenda Doganës së Kosovës që tregojnë emrin e kompanisë kosovare që kishte eksportuar mish nga kompania “Veviba”. Sipas dokumenteve, kompania për përpunimin dhe konservimin e mishit “Euro Ida” me bazë në Komunën e Rahovecit, është kompania kosovare që kishte importuar mish nga kompania belge “Veviba”. “Euro Ida” kishte importuar mish tri herë brenda muajve maj dhe qershor të vitit 2016. Mishi i importuar kishte qenë “mish gjedhi”. “Euro Ida” kishte marrë rreth 60 ton mish nga kompania belge “Veviba” në tri importe të realizuara ndaras nga njëra-tjetra. Pavarësisht se dokumenti që ka siguruar Insajderi tregon për importet e kompanisë “Euro Ida” nga kompania belge që është pjesë e skandalit të mishit të prishur “Veviba”, drejtori i kompanisë nga Rahoveci, Anton Jupa ka thënë se kompania e tij nuk ka importuar asnjëherë mish nga Belgjika.
“Jo (nuk kemi importuar)”, ka thënë Jupa për Insajderin. Drejtori i kompanisë “Euro Ida”, i pyetur nga Insajderi për importin që kompania e tij ka realizuar nga “Veviba”, ka folur për një skandal mishi, që sipas tij, kishte shpërthyer në Belgjikë “rreth 7-8 muaj më parë”. “Edhe unë jam në ngjarje, por kjo [skandali] ka ndodhë rreth 7-8 muaj më heret, në mos gabofsha. Nuk e di nëse është skandali i Vevibas, por në Belgjikë ka pasur skandal para 7-8 muajve”, deklaroi Jupa. Madje, Jupa ka thënë se edhe autoritetet dhe mediat në Kosovë janë penduar “që e kanë bërë të madhe skandalin e mishit belg”. “Ama kurgjo nuk ka qenë ajo, sepse këta tonët i kanë rënë pizhman që e kanë bërë të madhe këtë punë”, tha për Insajderin, drejtori i kompanisë kosovare “Euro Ida”. Ai ka thënë se kompania e tij bashkëpunon me Brazilin dhe Poloninë, për importin e mishit në Kosovë. Mishi që ishte eksportuar nga kompania belge Veviba për në Kosovë ndonjëherë kishte qenë me afat të skaduar prej 12 vitesh. Sipas asaj që raportoi të martën gazeta belge Brussels Times, një dokument gjyqësor tregon se një kamion mish nga kompania Veviba kishte arritur në Kosovë më 19 shtator të vitit 2016. Shumica e mishit ishte asgjësuar, dhe ishte konstatuar se mishi kishte qenë 12 vjet i vjetër. Gjithashtu u zbulua se një pjesë e mishit kishte ardhur nga disa thertore të tjera belge, siç janë Izegem dhe Harelbeke dhe ishin ri-paketuar në kuti që mbanin markën tregtare të kompanisë Veviba.
Në shtatorin e vitit 2015, Agjencia e Ushqimit dhe Veterinarisë së Kosovës kishte njoftuar Agjencinë Federale për Sigurimin e Rrjetit Ushqimor (FASFC) në Belgjikë, për asgjësimin e rreth 20 tonëve të mishit. Ky aksion i AUV-it në shtatorin e 2016-s do të shënonte nisjen e hetimeve ndaj kompanisë “Veviba” – me bazë në Bastonjë të Belgjikës – nga autoritetet belge. Dy vite kishin zgjatur hetimet e Agjencisë Federale për Sigurimin e Rrjetit Ushqimor të Belgjikës (FASFC) ndaj kompanisë “Veviba” Lamir Thaçi nga Agjencia e Ushqimit dhe Veterinarisë ka thënë sot për Insajderin se në bazë të aksionit të AUV-it kishin nisur hetimet ndaj kompanisë së dyshimtë belge. “Në bazë të atij rasti që ne e kemi zënë, ata kanë filluar hulumtimet dhe e kanë ndjekur kompaninë për dy vjet dhe tash i kanë bërë publike”, thotë Thaçi, teksa shprehet se nga kompania “Veviba” nuk është importuar më mish në Kosovë, që prej shtatorit të 2016-s. AUV thotë se shkaku i procedurave e rregullave nuk ka hyrë më mish nga kompania belge në territorin e Kosovës.
“Nuk ka pas më import nga e njëjta kompani më në Kosovë. Prej asaj kompanie (Veviba, v.j) më nuk ka ardhur sepse janë disa procedura dhe disa rregulla për kontrollet ushqimore”, deklaroi Thaçi. Dy vjet pas njoftimit të autoriteteve belge nga AUV lidhur me mishin e prishur që ishte asgjësuar në Kosovë, autoritetet belge kanë bërë të ditur dje se kanë kontrolluar 200 nga 2000 paleta me mish të kompanisë “Veviba”. Nga këto 200 paleta me mish, përfundimi ka dal të jetë se rreth 70 për qind e mishit të kontrolluar është i dëmshëm. Agjencia Federale për Sigurimin e Rrjetit Ushqimor (FASFC) në Belgjikë ka njoftuar se ka kontrolluar të gjitha lokalet e kësaj kompanie në Belgjikë. Hetuesit kanë gjetur se në disa raste mishi ka qenë me afat të skaduar, dhe se produktit të mishit të ngrirë i janë zëvendësuar etiketat duke ia shtyrë datën e skadimit të afateve për 1 vit më shumë.
