Aurora

28-vjeçari Mario Majollari, u vra nga gjakëmarrja mbrëmjen e 10 e prillit në Tiranë. Majollari nga frika kishte kërkuar azil në Suedi, por shteti atje nuk e besoi. Nga Suedia, avokati i 28-vjeçarit, Maravgi Staifo, rrëfen arsyet përse iu refuzua azili. “Ai i shpjegoi mirë arsyet e tij për azil, por Bordi suedez i Emigrimit nuk e pranoi aplikimin e tij pasi ishte me vonesë. Vrasja ka ndodhur në vitin 2000 dhe kërkesa për azil u bë shumë vite më vonë”, u shpreh avokati.

Në maj të 2014 Mario kishte aplikuar për leje qëndrimi në Suedi, por nuk iu pranua, pavarësisht se ai kishte rrëfyer historinë e familjes së tij dhe frikën e hakmarrjes.

Në gusht 2015, Bordi i Migracionit në Suedi nuk e kishte pranuar kërkesën. Media suedeze shkruan se 28-vjeçari apeloi dhe mori refuzimin e mëtejshëm të së drejtës administrative në Gothenburg, dy ditë para prag të Krishtlindjeve në të njëjtin vit. 28-vjeçari kërkoi një gjykim në Gjykatën Supreme të Migracionit, por nuk e mori atë dhe u kthye në Shqipëri në pranverën e vitit 2016.

Gjatë kohës së tij në Suedi, 28-vjeçari jetonte në strehimin e azilkërkuesve Hotell Mälarblick në Strängnäs. Anders Hedqvist, menaxher i vendstrehimit e ndihmoi me punë të ndryshme gjatë viteve që ai kishte kaluar atje.

“Ai më ka shpjeguar me detaje historinë e tij, çfarë ka ndodhur dhe pse ndihej i kërcënuar. Por, Bordi i Emigrimit tha se edhe nëse ka ndonjë rrezik nga individë në Shqipëri, mund të gjente mbrojtje nga autoritetet shqiptare”,-tha avokati për emisionin ”Pasdite” në Top Channel”.

Një 37-vjeçar ka rënë në prangat e policisë greke, pasi u kap teksa transportonte drogë. Mediat greke bëjnë me dije se Erion Topit nga Durrësi iu sekuestruan 121 kg marijuanë.

Shqiptari u kap sot në Parapotamo të Igumenicës, ndërkohë që në kërkim është shpallur një tjetër shqiptar.

Mësohet se policia greke ka zbuluar 5 çanta me 108 pako që përmbanin 121 kg 492 gram marijuanë.