Ajo që ka paralajmëruar “Pamfleti” herë pas here se ish kryeprokurori Adriatik Llalla do të arrestohet me sa duket po bëhet realitet.
Muaj më parë “Pamfleti” bëri publike akuzat që rëndonin mbi Adriatik Llallën dhe tashmë prangat për të janë më afër se kurrë.
Kjo dhe për faktin se pas SHBA, është dhe Gjermania ajo që njofton sipas burimeve të brendshme të ambasadës, se ia ka refuzuar kërkesën për kohëqëndrim në Gjermani.
Mediat e kanë bërë të ditur këtë fakt, ndërkohë që “Pamfleti” e lajmëroi javë më parë.
Mësohet se Lllalla nuk ka të drejtë të qëndrojë me familjen e tij në Këln të Gjermanisë, ku me paratë e përfituara përmes ryshfetit e të pastrimit të parave, ka blerë dhe një shtëpi luksoze.
Nga ana tjetër po nga Gjermania vjen mandata tjetër për Llallën. Kështu media zyrtare gjermane që transmeton dhe në gjuhën shqipe Deutsche Welle teksa bën një analizë mbi ecurinë e “Vettingut” në Shqipëri, evidenton akuzat për pastrim parash, abuzim me detyrën dhe tjetërsim pronash.
Pavarësisht se thotë se nuk ka një njoftim zyrtar se ish prokurori i Përgjithshëm Adriatik Llalla do të arrestohet, përmendja e këtij fakti lë për të kuptuar se arrestimi i tij është shumë afër.
Përmes gazetares së saj në Tiranë, DW shkruan se “rasti më domethënës është ai i ish- Prokurorit të Përgjithshëm Adriatik Llalla, ndaj të cilit Prokuroria ka hapur ҫështje penale për pastrim parash në përmasa të mëdha, edhe pse Llalla deklaroi para se të fillonte vettingu largimin vullnetar nga drejtësia. Atë që nuk e bëri dot organi i akuzës i drejtuar nga Llalla, që erdhi në krye të Prokurorisë më 2012 dhe qëndroi deri në mbyllje të mandatit 5 vjeҫar, më 3 dhjetor 2017, e nisi Departamenti Amerikan i Shtetit.
Muajin e kaluar, ai mori vendimin që ish-kryeprokurori dhe familja e tij të futen në listën e zezë dhe të mos u lejohet hyrja në SHBA “për shkak të përfshirjes së tij në raste të mëdha korrupsioni”. Por sipas medias gjermane, “fakte dhe dokumenta zyrtare, të botuara në media, kanë bërë transparente për publikun shit-blerje tokash, ullishtesh, në sipërfaqje të mëdha dhe pasurish të paluajtshme që ish-Prokurori i Përgjithshëm i blinte shumë lirë dhe pasi bëhej rivlerësimi i tyre, i shiste 20-30 herë më shtrenjtë.
Dokumentet zyrtare flasin për transaksione financiare me persona me precedentë penalë që lidhen me krime të rënda.
Hetimi ndaj ish-Prokurorit të Përgjithshëm Adriatik Llalla është një sinjal se për kulturën e pandëshkueshmërisë, të betonizuar në Shqipëri prej më shumë se dy dekadash, po fillon procesi i ҫmontimit.
Burime diplomatike në Tiranë, që ndjekin nga afër këtë proces thanë për DW se rasti i ish-Prokurorit të Përgjithshëm është vetëm fillimi i kapjes së “peshqve të mëdhenj” që do ndiqet se shpejti dhe nga raste të tjera”.
Burime diplomatike thonë se në tavolinën e Arta Markut në Prokurorinë e Përgjithshme ka mbërritur dokumentacioni i plotë për të gjitha aferat dhe pastrimin e parave të Adriatik Llallës.
Njëherësh kanë mbërritur dhe dokumente dhe prova nga Gjermania, se ku i ka dërguar dhe investuar një pjesë të këtyre parave të pastruara, për banesa dhe depozitim në bankat gjemane. Por refuzimi i qëndrimit në Gjermani për Llallën, që pritet të pasohet dhe nga shtete të tjera të BE.
Nje veprim i tillë tregon se qelia për ish Kryeprokurorin Adriatik Llalla është afër dhe arrestimi i tij është çështje ditësh.
