Aurora

Foto/ Sara dhe Ledio Liço martohen këtë verë, ky është hoteli më i shtrenjtë në botë ku do bëhet dasma madhështore

Leave a Comment / ShowBiz / /

Që prej kohës që moderatori Ledion Liço dhe trashëgimtarja e ‘Top Medias’ Sara Hoxha kanë pranuar publikisht lidhjen e tyre janë kthyer në një nga çiftet më të komentuar nga mediat online. Ata shpallën fejesën e tyre dhe përpara një viti u bënë prindër të një djali që quhet London Noor.

Përpara disa muajsh qarkulloi lajmi që çifti i famshëm do të kurorëzonte martesën këtë vit, megjithatë ata nuk konfirmuan dhe mohuan asgjë, duke i lënë lajmet thjesht në kuadrin e thashethemeve.

Mirëpo sipas disa informacioneve  Sara dhe Ledioni do të martohen në muajin gusht në “Villa d’Este” në Como të Italisë.

Siç është mësuar ftesat e dasmës tashmë kanë filluar të shpërndahen dhe të ftuarit do të rrinë për tre ditë në ambientin superluksoz të kësaj vile, ku qëndrimi për një person kushton plot 500 euro.

Përgatitjet kanë filluar dhe me siguri kjo do të jetë dasma e vitit, duke qenë se hoteli në të cilin do të zhvillohet është një nga 10 më të shtrenjtët në botë.

Foto/ Sara dhe Ledio Liço martohen këtë verë, ky është hoteli më i shtrenjtë në botë ku do bëhet dasma madhështore Read More »

Në këto orë do të jenë syfyri dhe iftari i parë. Ja kur fillon Ramazani!

Leave a Comment / Aktualitet, Lajmi i fundit / /

Çdo vit për muajin e shenjtë të Ramazanit, miliona myslimanë në të gjithë botën agjërojnë për 30 ditë nga mëngjesi deri në mbrëmje

Por, ky muaj është shumë më tepër se thjesht agjërim. Agjërimi i këtij muaji në shumë ajete të Kur’anit (libër i shenjtë) thuhet se është obligim apo (farz) për besimtarët e fesë islame.

Dihet se tani kanë mbetur më pak se një muaj kur do të startohet me këtë muaj. Pra, siç edhe ishte raportuar më herët Ramazani fillon më 16 maj (ditë e mërkurë).

“Indeksonline” ka siguruar fotografi ku mund të shikoni orarin e plotë të vakteve siç njihet ndryshe nga besimtarët myslimanë si “Syfyri”, “Iftari” dhe disa të tjera.

Mirëpo, theksojmë se gjatë këtij muaji përveç ditëve që bien të premte (e xhuma) janë edhe disa ditë të tjera që cilësohen si më të rëndësishme.

Duke filluar me ditën e parë, nis në syfyr (ditën e martë) ora 03:06 dhe iftari i parë është në orën 19:58. Pastaj, dita e Fitorës në Bedër, që i bie e premte, për këtë, syfyri: 2:43 dhe iftari 20:13, në rend është dita e “Itikafit”, (e hënë) Syfyri – 2:40, Iftari – 20:15, pastaj Nata e Kadrit, (e diel), Syfyri -2:34, Iftari 20:18.

Pas 30 ditë agjërimi besimtarët myslimanë festojnë festën e Fitër Bajramit që do të jetë me 15 qershor (e premte) e cila vazhdon pastaj edhe për dy ditë tjera.

Në këto orë do të jenë syfyri dhe iftari i parë. Ja kur fillon Ramazani! Read More »

DVP.Vlorë në bashkëpunim me DAV, kanë zhvilluar disa aktivitete, kundër kultivimit të narkotikëve

Leave a Comment / Aktualitet, Arsim / /

DVP.Vlorë në bashkëpunim me Drejtorinë Arsimore Vlorë, kanë zhvilluar disa aktivitete, kundër kultivimit të narkotikëve.

Ndërkohë kanë vijuar kontrollet e territorit në të gjithë qarkun me qëllim parandalimin e kultivimit të bimëve narkotike si dhe evidentimin e goditjen e këtij fenomeni.

Policia e Vlorës, do të vijojë punën për goditjen e paligjshmërisë si dhe kërkon bashkëpunimin e qytetarëve në rast se konstatojnë veprimtari të paligjshme të telefonojnë në numrin 129 në mënyrë që të kontribuojnë në rritjen e parametrave të sigurisë.
Janë proceduar penalisht 16 shtetas për vepra të ndryshme penale.

Strukturat e Drejtorisë Vendore të Policisë Vlorë kanë vijuar punën për përmbushjen e detyrave dhe parandalimin e goditjen e paligjshmërisë, me qëllim rritjen e parametrave të sigurisë.

Gjatë javës që kaloi Strukturat Policore të DVP Vlorë kanë arrestuar në flagrancë :

6 shtetas për vepra të ndryshme penale, konkretisht :

1 shtetas për veprat penale “Ngacmimi seksual”

5 shtetas për veprën penale “Drejtimi i mjeteve në mënyrë të parregullt”

Janë kapur 3 shtetas për veprën penale “Vjedhja, kryer në bashkëpunim”, (në operacionin policor të koduar Shëtitësit).

Janë kapur 4 shtetas të shpallur në kërkim, konkretisht :

2 shtetas për veprën penale “Vjedhja”

1 shtetas për veprën penale “Plagosje e rëndë me dashje, kryer në bashkëpunim”

1 shtetas për veprën penale “Plagosje e lehtë me dashje” dhe “Prodhimi dhe mbajtja pa leje e armëve luftarake dhe e municionit”

Janë shpallur në kërkim :

1 shtetas për veprën penale “ Largimi të burgosurit nga vendi qëndrimit”

1 shtetas për veprën penale “Vjedhja”

1 shtetas për veprën penale “Dëmtime të tjera me dashje, kryer në bashkëpunim” dhe “Vjedhja, e mbetur në tentativë”

Janë plotësuar 2 kërkesë padi për Urdhër Mbrojtje të menjëhershme.

DVP.Vlorë në bashkëpunim me DAV, kanë zhvilluar disa aktivitete, kundër kultivimit të narkotikëve Read More »

Paralajmërimi tronditës i Bashës: Brenda pak javëve pritet të shpërthejë…

Leave a Comment / Politike / /

Në mbledhjen e sotme të grupit parlamentar të PD, Lulzim Basha deklaroi se në maj priten shpërthime skandalesh të mëdha.

Lideri i demokratëve u shpreh se gjëma e katër viteve të qeverisjes Rama nuk mund të shkojë më tej pa shpërthyer dhe të gjitha të dhënat janë se kjo do të ndodhë brenda pak javëve.

Çështja “Tahiri” ndërkohë do të vazhdojë të jetë një çështje kryesore në artikulimin politik të opozitës. Sipas demokratëve me ish-ministrin e Brendshëm në Parlament dhe katër kuksianët në burg nuk do të ketë seancë plenare normale të enjten. Grupi i PD do të vazhdojë bojkotin e komisioneve parlamentare, me përjashtim të komisioneve të posaçme si hetimori i drogës dhe ai për reformën zgjedhore.

Ndërkohë punët e partisë nuk do pezullohen. Pas miratimit nga Kuvendi Kombëtar i ndryshimeve statutore Partia Demokratike nis procesin e zgjedhjeve në bazë. Krerët e Seksioneve dhe Grupseksioneve zgjidhen me parimin një anëtar-një vote, ndërsa kryetarët e degëve nga Kuvendet. Udhëzimi për nisjen e procesit del këtë javë.

Paralajmërimi tronditës i Bashës: Brenda pak javëve pritet të shpërthejë… Read More »

Lajm i fundit/ Gjermania tregon vendimin e saj për fatin e Shqipërisë në BE

Leave a Comment / Aktualitet, Politike / /

“DW”, (Dojçe Vele) ishte media gjermane që e ndoqi nga afër vizitën e kryeministrit Rama në Berlin.

Ajo raportoi e para edhe komentet dhe deklaratat e këtij takimi.

Qëndrimi gjerman ndaj Shqipërisë është komentuar edhe nga mediat gjermane.

Adelheid Feilcke, drejtore për Departamentin e Europës në Dojçe Vele, themeluese e seksionit në gjuhën shqipe dhe një njohëse shumë e mirë e gjuhës shqipe në një lidhje direkt për Top Channel thotë se politikanët shqiptarë duhet të lobojnë në parti të ndryshme evropiane, pasi ka mjaft politikanë evropianë që ndjekin me vëmendje çfarë po ndodh në Shqipëri.

“Jam optimiste që ata që mbështesin hapjen e negociatave të anëtarësimit vazhdojnë të jenë shumicë në Bundestagun gjerman pasi ka dhe parti të tjera, po asnjëherë nuk bëhet automatikisht. Mendoj se është e rëndësishëm që politikanët shqiptare dhe të gjithë të bëjnë lobing në parti të ndryshme evropiane dhe shumë politikanë evropianë perëndimor ndjekin me vëmendje nëse Shqipëria i përmbahet premtimeve. Ky është një shans që nuk duhet humbur, rruga për BE është e gjatë”, tha Feilcke.

Lajm i fundit/ Gjermania tregon vendimin e saj për fatin e Shqipërisë në BE Read More »

Dalja e Arjan Çanit mbrëmë çoroditi dynjanë, reagon Top Channel (video)

Leave a Comment / ShowBiz / /

Mbrëmjen e të dielës, “Zona Brrylit” në “Portokalli” pati një të ftuar special. Ai ishte gazetari Arjan Çani.

Sigurisht që batutat mes aktorit Rezart Veleshnja, në rolin e Vanit dhe Çanit ishin të shumta, duke bërë që publiku të mbajë “barkun me dorë” nga të qeshurat.

“Si ka mundësi që ngjajmë kam shumë?”, pyet aktori Çanin, i cili i përgjigjet: “Duhet të kemi dalë nga e njëjta vezore!”

Më tej, Çani shprehet se ndjehet i emocionuar dhe pse ka vite të tëra në televizion.

“Unë të shoh çdo të diel dhe të imitoj të premten. I kam me 4 opsione regjistrimet, madje edhe në kasetë”, thotë Çani me humor.

*Ky ishte lajmi i publikuar ne Top Channel, pasi dje dalja e Canit ne ekranin e ketij televizioni beri buje.

Dalja e Arjan Çanit mbrëmë çoroditi dynjanë, reagon Top Channel (video) Read More »

I vranë burrin gjatë përleshjers në market, gruaja dhe djali nuk e dinë ende që…

Leave a Comment / Aktualitet, Lajmi i fundit / /

Bashkëshortja e 52-vjeçarit që u vra gjatë tentativës së grabitjes në Kamzë, Merita Buci ndodhet e shtruar në repartin e Ortopedisë dhe ende nuk di asgjë për fatin e burrit të saj. Madje as djali i tyre, i cili eshte ende i tronditur nga ngjarja.

Familjarët kanë vendosur të heshtin përpara 44-vjeçares për largimin nga jeta të babait të katër fëmijëve, pasi janë të shqetësuar për gjendjen e saj shëndetësore.

“Dy persona të maskuar dhe të armatosur hynë në dyqan dhe filluan të bërtisnin lekët, nxirrni lekët”, thotë Merita, teksa ka treguar per ngjarjen nga spitali.

Më tej 44-vjeçarja shprehet se në ato momente bashkëshorti i saj u përlesh me një prej personave të armatosur për ta larguar nga djali. Ajo thotë se autorët e qëlluan bashkëshortin në sy të djalit 6- vjeçar.

I vranë burrin gjatë përleshjers në market, gruaja dhe djali nuk e dinë ende që… Read More »

Ndotja e Pyllit të Sodës në Vlorë, reagon Bashkia Vlorë (Foto)

Leave a Comment / Aktualitet, Lajmi i fundit, Problematika / /

Ndotja e Pyllit të Sodës në Vlorë, reagon Bashkia Vlorë, ndërsa është cilesuar një ngjarje e turpshme, ajo cfarë ka ndodhur në ate që quhet mushkria e qytetit bregdetar.

Kreu i Bashkisë së Vlorës Dritan Leli, nga Pylli i Sodës, aty ku situata ishte me të vërtetë shqetësuese, e ka quajtur një turp gjendjen dhe ndotjen në këtë zonë.

Nuk duhet të lëmë abuzuesit që të ndotin pjesë të territorit të Bashkisë së Vlorës dhe gjithkush nga qytetarët duhet të denoncoje raste të tilla.

Rasti në zonën e Pyllit të Sodës nuk e nderon sipas Lelit qytetin e Vlorës, ndërsa së bashku me inspektorë dhe punonjës të Bashkisë ka nisur pastrimi i zonës.

Referuar problematikës së krijuar, policia e rendit ka nisur hetimet, ndërsa një fakt i tillë është konfirmuar edhe nga Leli, për të vënë para përgjegjësisë personat që ndotin zona të caktuara të qytetit të Vlorës, si edhe është rasti në Pyllin e Sodes.

Ndotja e Pyllit të Sodës në Vlorë, reagon Bashkia Vlorë (Foto) Read More »