Aurora

Eduart Grishaj tregon vendin ku do të bëjnë dasmën me moderetoren Arbana Osmani

ShowBiz / /

Eduarti ka folur për jetën private, ka zbuluar pak nga planet për dasmën. Gjatë një interviste për “Pushime on Top”, Eduart Grishaj ka treguar më shumë detaje nga jeta e tij personale.

Eduarti ka rrëfyer se ai dhe Arbana e kanë zgjedhur destinacionin e dasmës, edhe pse ende nuk kanë vendosur një datë.

“Dasmën nuk e di kur do ta bëjmë por do ta bëjmë në Bogë. Arbana është pro gjërave të bukura dhe Boga futet tek gjërat e bukura”.

Eduarti rrëfeu si e ka përjetuar lajmin e shtatzënisë dhe më pas pranoi se bebushit do t’i vendosin një emër tipik shqiptar, ndërsa ne mezi po presim ta mësojmë.

“Në fillim ishte shumë emocionuese. Më pas me kalimin e kohës kthehet çdo gjë në normalitet. Por pastaj fillojnë zënkat pse ma bleve këtë shalqinin kështu, po domatet pse si more të fshatit dhe thua kur po vjen momenti që të iki kjo periudha. Po do të jetë tipik shqiptar”.

Eduart Grishaj tregon vendin ku do të bëjnë dasmën me moderetoren Arbana Osmani Read More »

Dashuria nuk njeh moshë/ Ja të famshmet shqiptare që e zgjodhën partnerin më të ri se vetja

ShowBiz / /

Asnje nga ne nuk e di se si dhe sa do te zgjase nje histori dashurie. Per secilin prej nesh deshira eshte e madhe per nje dashuri perrallash ku ‘ata jetojne te lumtur pergjithmone’.

Vjen nje moment ku me gjithe ngjyrat qe ka nje martese apo marredhenie dashurie qe eshte ndertuar vite apo dekada me radhe nuk funksionon me. Zgjidhja me e mire e nje rasti te tille eshte ndarja.

Shume prej vajzave te njohura te ekranit kane lene pas nje martese apo marrdhenie duke u perballur me divorcin. Vajzat e showbiz-it kane vazhduar jeten me nje dashuri te re, partner te ri.

Per koncidence, zhgenjimi duket se i hodhi Jonida Maliqin ,Arbana Osmanin, Bora Zemanin, Teuta Krasniqin, apo edhe Dua Lipen ne krahet e meshkujve te cilet jane vite me te rinje se ato.

Arbana Osmani dhe Eduart Grishaj

Per moderatoren ikonike te Top Channel, ne fillim te ketij viti mediat online perhapen me shpejtesi lajmin se i ka dhene fund marteses me bashkeshortin e saj prej 16 vitesh me Ardit Keron, me te cilin ka nje djale.

Nje tjeter lajm vetem pak jave me vone doli ne ‘dritare’ nga jeta private e Arbanes. Ajo shijon nje romance me regjisorin e programit “Dua te te bej te lumtur” me te ciilin tashme eshte ne pritje te embel.
Ne te njejten dite me 7 maj, cifti festone bashke ditelindjen dhe kjo eshte nje rastesi shume e bukur per ata.

Eduarti eshte kater vite me i vogel, ai eshte 33 vjec ndersa Arbana 37 vjece.

Jonida Maliqi dhe Romeo Veshaj

Ndarja e kengetares Jonida Maliqi dhe biznesmenit Gent Prizreni, me te cilin kengetarja kishte nje lidhje 17 vjeçare ishte nje tjeter divorc qe ‘tronditi’ portalet. Vetem tre vite nga divorci Jondida eshte e qete ne krahet aktorit te humorit Romeo Veshaj.
Nje diference te madhe ka Jonida me partnerin e saj te ri, ajo eshte 36 vjece ndersa Veshaj eshte vetem 23 vjeç. Diferenca e moshes nuk e ka penguar aspak çiftin te shijojne romancen e tyre. Dhe fundja mire bejne!

Bora Zemani dhe Donald Veshaj

Duket se edhe ‘fati’ binjakut tjeter ishte te dashurohej me nje vajze me te madhe ne moshe se ai. Bukuroshja qe i ka rrembyer zemren Donaldit eshte Bora . Moderatojra eshte 28 vjece ndersa aktori 23 vjeç.

Dua Lipa dhe Awar Hadid

Dua Lipa e krijoi lidhjen e re ‘me shpejtesine e eres’ . Artistja nga Kosova u hodh ne krahet e nje tjeter partneri, vetem pak dite pas ndarjes nga partneri me te cilin kishte disa vite lidhje. Partneri i saj i ri eshte Anwar, vellai i modeleve te famshme Gigi dhe
Bella Hadid.
Dua ka 4 vite diference ne moshe duke qene se ai eshte 20 vjeç.

Teuta Krasniqi dhe Adonis Morina

Me kengetarin Blero Muharremi, aktorja kosovare Teuta Krasniqi i dha fund marteses pese vite me pare. Por u be publik lajmi pak jave me vone se Teuta kishte nisur nje romance me ate qe sot eshte bashkeshorti i saj Adonis Morina. Ndersa duket se marredhenia e tyre shkon shkelqyeshem ,trajneri i fitnesit eshte pak vite me i vogel se Teuta.

Dashuria nuk njeh moshë/ Ja të famshmet shqiptare që e zgjodhën partnerin më të ri se vetja Read More »

Robert Ndrenika ripohon mbështetjen e tij për ndërtimin e teatrit të ri

Aktualitet, Opinione / /

Në asnjë centimetër të Teatrit të ri Kombëtar nuk do të ketë ndërtime të tjera dhe as kulla.

Ikona e Teatrit Kombëtar Robert Ndrenika ka ripohuar mbështetjen e tij për ndërtimin e teatrit të ri.

Në një prononcim për mediet, Ndrenika thekson se është njohur me projektin e godinës së re pasi e kanë thirrur në zyrë, regjisori Altin Basha, drejtori i teatrit, Hervin Çuli dhe inxhinier Bejleri dhe se në të gjithë territorin e teatrit, në asnjë centimetër të tij, nuk do të ketë ndërtime të tjera dhe as kulla. Ai thekson se në këtë projekt janë të pasqyruara të gjithë kërkesat e komunitetit të artistëve.

“Falënderim! Dje më thirrën regjisori Altin Basha, drejtori i teatrit, Hervin Çuli dhe inxhinier Bejleri, në një zyrë arkitekture dhe pashë skicat dhe projektin e ndërtimit të teatrit të ri. U kënaqa shumë. Me këtë rast dua të bëj një falënderim (për dijeni edhe të mikes sime, gazetares Fatmira Nikolli) dua të falënderoj Aleancën për Mbrojtjen e Teatrit dhe Partinë Demokratike, sepse gjatë gjithë kohës që unë pashë këto skica si edhe projektin e teatrit të ri, pata parasysh vërejtjet dhe sugjerimet që kanë bërë Aleanca dhe PD-ja, duke dashur që në projekt, të jenë të pasqyruara të gjitha vërejtjet e tyre për teatrin”, – tha Ndrenika.

“Të gjitha këto vërejtje i gjeta të rregulluara në projektin e teatrit të ri. Për shembull, në të gjithë territorin e teatrit, në asnjë centimetër të tij, nuk do të ketë ndërtime të tjera dhe as kulla. I gjeta të pasqyruara në atë projekt të gjitha kërkesat e tyre përveç njërës ‘që teatri do bëhet, aty ku ishte, por do bëhet shumë herë më i mirë nga sa ishte’. Teatri i ri, do të jetë me kushte bashkëkohore si shumë teatro evropianë”, shprehet Ndrenika. /atsh

Robert Ndrenika ripohon mbështetjen e tij për ndërtimin e teatrit të ri Read More »

Mesazhi i kryeinfermieres Luca: Ne jemi në luftë me COVID-19/ Më janë zbardhur flokët, por nuk më ka ikur buzëqeshja!

Aktualitet, Shendetesi / /

“Janë 5 muaj luftë, më janë zbardhur flokët, më është rrudhosur fytyra, por nuk më ka ikur buzëqeshja sepse ne jemi të gjithë bashkë në luftë me COVID-19”.

Ky është mesazhi optimist i kryeinfermieres së spitalit Infektiv Ana Luca e cila së bashku me mjekë e infermierë të tjerë prej muajsh janë në vijën e parë në luftë me koronavirusin.

Luca ka publikuar edhe një video teksa tregon momentet kur ndërron rrobat që përdor në pavionin ku pacientë të prekur me COVID-19 po marrin shërbimin shëndetësor.

Kryeinfermierja përpiqet që të zbatojë të gjithë protokollin e zhveshjes, në mënyrë që të zvogëlojë sa më shumë rriskun e infektimit të vetes së saj, por edhe mos përhapjen e virusit.

Luca shprehet se i gjithë stafi në spitalin Infektiv është duke punuar me heshtje dhe përkushtim, për të bërë më të mirën për pacientët që kanë nevojë për ta.

“Janë 5 muaj luftë, më janë zbardhur flokët, më është rrudhosur fytyra, por nuk më ka ikur buzëqeshja sepse ne jemi të gjithë bashkë. Ne jemi në luftë me COVID-19. Të heshtur e të përkushtuar. Ne flasim me gjuhën e shërbimit mjekësor nga një armatë e tërë personeli mjekësor”, shprehet ajo.

“Por ata që shpresojnë te Zoti fitojnë forca të reja, ngrihen me krahë si shqiponja, vrapojnë pa u lodhur dhe ecin pa u lodhur.” Isaia 40:31”, thekson Luca duke cituar Biblën./atsh

Mesazhi i kryeinfermieres Luca: Ne jemi në luftë me COVID-19/ Më janë zbardhur flokët, por nuk më ka ikur buzëqeshja! Read More »

Horoskopi ditor, e hënë 20 korrik 2020

Aktualitet / /

Dashi

Mos kërkoni me ngulm gjate kësaj dite qe partneri te kete per cdo gje, te njëjtin mendim me ju. Lereni ate te shprehet lirisht dhe mos impononi asgje nese nuk doni ta humbni se shpejti. Nese jeni beqare, nuk do keni fat as gjeta kësaj dite. Beni ende durim. Ne planin financiar do ketë ndryshime mjaft pozitive. Do tregoheni te matur me shpenzimet dhe kjo do jete gjëja me e mirë.

Demi

Sot do merrni vendime te rëndësishme për jetën tuaj ne cift dhe kjo do iu bejë te ndiheni edhe më mirë. Personi qe keni ne krah do tregohet i dashur dhe i sinqertë me ju. Beqarët do kalojnë një ditë interesante dhe me emocione. Përfitoni nga takimet qe do bëni. Klima ne planin financiar do jetë e favorshme. Mund te kryeni më ne fund transaksionet qe kishit menduar prej kohësh.

Binjaket

Marrëdhënia ne çift do jete goxha e ndërlikuar gjate kësaj dite. Debatet do jene te shumta dhe asnjeri prej jush nuk do tregohet i gatshëm te toleroje. Beqaret do vazhdojnë edhe sot te qëndrojnë vetëm. Mundësitë për takime do jene shume te pakta. Ne planin financiar mund te përballeni me surpriza jo te mira nëse shpenzoni kuturi. Maturia duhet te mbizotërojë gjate gjithë ditës.

Gaforrja

Çiftet do kenë mbështetjen e Marsit gjate kësaj dite dhe do kalojnë momente te mrekullueshme. Partneri do përmbushë edhe disa premtime qe iu kishte bere para disa kohesh. Beqaret ka shume gjasa te gjejnë peronin e duhur dhe te fillojnë angazhime serioz. Ne planin financiar nuk do keni për çfarë te qaheni. Situata do jete me e mire sesa mendonit.

Luani

Dashuria do jet ë ne qendër te vëmendjes gjatë kësaj dite. Do i kushtoni me tepër kohë atij qe keni ne krah dhe emocionet do jenë te shumëfishuara. Nese jeni vetem, do keni takimin qe keni pritur prej kohësh. Tregohuni te duruar para se te hidhni një hap më tej. Me financat duhet me tepër maturi dhe kujdes. Shmangni investimet e mëdha dhe te rrezikshme.

Virgjeresha

Shuë planetë do ndikojnë sot në jetën tuaj ne cift dhe do e bëjnë atë më te bukur. Shfrytezojeni për t’i shprehur më tepër ndjenjat dhe emocionet. Edhe nëse keni pakenaqësi thojini sot. Gjetja e dashurisë do jetë një mision i pamundur per beqarët. Beëni durim. Ne planin financiar do jetë një ditë e paqëndrueshme. Nëse bëni shumë shpenzime do keni tronditje.

Peshorja

Një fllad romantik dhe emocionues do fryje gjate kësaj dite ne jetën tuaj ne çift. Do ndiheni me te plotësuar dhe do përjetoni emocione pa fund. Beqaret nuk duhet ne asnjë mënyrë te bëjnë çmenduri vetëm për te krijuar një lidhje sepse do pendohen shpejt. Ne planin financiar, kombinimi i yjeve do favorizoje një situate te qëndrueshme dhe te qete. Nuk do keni frike te bëni shpenzimet e nevojshme.

Akrepi

Shtojini dozat e fantazise ne jeten tuaj ne cift gjate kësaj dite dhe do jetoni ne nje ambient me te ngrohte ne cift. Partneri nga ana e tij ka menduar t’iu beje nje propozim interesant. Mendohuni mire para se te përgjigjeni. Takimet per beqaret do jene te pafundme, por asnjeri nuk do jete ne lartesine e duhur. Ne planin financiar ndiqni intuiten dhe aspak te tjeret.

Shigjetari

Zemra juaj do flakërohet gjate kësaj dite dhe emocionet do jene te papërshkrueshme. Partneri do iu përgatisë surpriza dhe dhurata te mrekullueshme. Beqaret do fillojnë histori te bukura dashurie te cilat do ua mbushin jetën me gëzim. Shfrytëzojeni çdo moment. Ne planin financiar qëndroni te matur nëse nuk doni te keni surpriza te pakëndshme. Kujdes!

Bricjapi

Do flisni pa u menduar sot duke menduar se partneri ju do aq shume saqë mund te pranojnë edhe ndonjë gabim. Ne fakt kjo nuk do ndodhe sot sepse partneri nuk do jete aspak ne humor te mire. Priten debate. Beqaret do ndikohen nga financat e disa personave qe do takojnë dhe do bëjnë zgjedhje te gabuara. ne planin financiar duhet te ndiqni një strategji shume strikte.

Ujori

Hëna do e ndërlikojë jetën tuaj ne çift gjate kësaj dite dhe do keni debate te ashpra me partnerin. Do prekeni mjaft nga disa gjera qe ai do iu thotë dhe do trishtoheni. Beqaret do e kenë te vështire te gjejnë personin me te përshtatshëm për veten. Beni edhe pak durim. Çështjet financiare nuk do shkojnë ashtu si duhet. Do keni vështirësi te cilat mezi do i kaloni.

Peshqit

Influenca e yjeve ne jetën sentimentale te cifteve do jetë e favorshme. Përfitoni sa më shumë nga kjo klimë e qetë pa e kthyer kokën pas. Ju beqarë edhe pse do josheni mjaft nga dikush sot nuk do e jepni veten kollaj. Analizojeni me kujdes cdo detaj dhe më pas vendosni për te ardhmen tuaj. Urani dhe Neptuni do iu sjellin përmirësime te financave, por mos u tregoni impulsivë me shpenzimet.

Horoskopi ditor, e hënë 20 korrik 2020 Read More »

Kanioni i Llëngës, atraksion për turizmin malor në Pogradec

Aktualitet, Turizem / /

Shqipëria gjithnjë e më shumë njihet në botë si një vend turistik, i mbushur me bukuri natyrore që zbulohen dalëngadalë. Peizazhi natyror i larmishëm i vendin tonë ofron të gjitha llojet e turizmit.

Kanioni i Llëngës në Trebinjë të Pogradecit, është një tjetër bukuri natyrore shqiptare, që krahas historisë dhe kulturës që mbart në vetvete kjo zonë ka potenciale dhe ofron mundësi të mëdha për turizmin malor.

Kanioni i Llëngës i quajtur ndryshe si “Gryka e Gurit” ndodhet në zonën e Mokrës, në afërsi të Kishës së Shën Marenës, rreth dy e 30 minuta larg qytetit të bukur liqenor të Pogradecit.

Kanioni është i gjatë rreth 1 km dhe ka një gjerësi prej 15 deri 20 metra e gjerë. Ajo përbën një bukuri të rrallë me shpate mali që bien thikë në një lartësi rreth 50-60 m mbi hullinë e kanionit. Gjithashtu, një reliev të ngjashëm ka edhe një tjetër kanion më i vogël përsëri në afërsi të fshatit Llëngë.

Vizitorë dhe turistë që frekuentojnë pushimet në liqenin e Pogradecit kanë mundësinë të shijojnë edhe një udhëtim në natyrë drejt kësaj zone fantastike.

Kanioni është nga ato destinacione që ngjall interes të madh për turizmin e aventurës dhe sot është një vend i frekuentuar shpesh nga dashamirësit e natyrës dhe gjatë fundjavës./atsh

Kanioni i Llëngës, atraksion për turizmin malor në Pogradec Read More »

Tomini: Hiqet nga protokolli mbajtja e dorezave, me detyrim vetëm maskat

Aktualitet, Shendetesi / /

Eugena Tomini, shefe e Survejancës dhe Shërbimit të Inteligjencës Epidemike në Institutin e Shëndetit Publik deklaroi se COVID19 është bërë agresiv dhe ka zgjeruar fashën e moshave që prek.

Në një nga mediet e vendit, Tomini theksoi faktin se ka tendencë të rritjes së rasteve tek moshat e reja, edhe në një kohë kur temperaturat janë të larta.Sipas saj, në 3 javët e ardhshme parashikohet që të jenë përafërsisht po të njëjtat shifra të të infektuarve.

“Aktualisht ne kemi hasur këtë javë me një trend të lartë të infeksionit të COVID. Duke nisur nga 24 orëshi i kësaj jave që shkuan në 107 raste të gjurmuara. Ky gjurmim ka sjellë që të evidentohen raste simptomatik, asimptomatik. Janë evidentuar dhe raste që kanë qenë kontakte, pra bëhet fjalë për transmetim komunitar. Një pjesë e rasteve janë asimptomatik. Zgjerimi i fashës së orarit tregon se ka transmetueshmëri 2.5-3 % dhe agresivitet më të lartë. Një pjesë e madhe e pacientëve të hospitalizuar, janë me sëmundje shoqëruese. Disa prej tyre janë në gjendje të rënd. Ndaj u vendos dhe hapja e COVID2. Duhet të kemi kujdes, pasi rreziku është i madh.

Komiteti i Eksperteve vendosi që maska të behej e detyrueshme, në çdo ambient të mbyllur. Pavarësisht se deri diku në institucione publike sipërfaqja të lejon të kesh distancë. Por kjo distancë edhe mund të zvogëlohet në disa raste. Ndaj është bërë e detyrueshme. Nëse nuk mbahet dhe evidentohet se nuk është mbajtur, ligji në fuqi ka vendosur një gjobë që është në vlerën e 2 mijë lekë të rejave. Duhet të bëhet një saktësim për mbajtjen e dorezave. Disa teori, jo të saktësuara sa i përket disa rekomandimeve, janë rrëzuar. Në disa studime të fundit dhe në rekomandimet e OBSH, kanë hedhur poshtë mbajtjen e dorezave, përjashto personelin mjekësor. Ndërkohë pjesa tjetër e popullatës, nuk duhet. Komiteti Teknik e ka përjashtuar nga protokolli mbajtjen e dorezave’, tha Tomini.

‘Heqjen nga përdorimi të vendosjes së dorezave, vetëm në rastet kur kemi përdorim në gastronomi, apo dhe nëpër kuzhina. Përdorimi i dorezave në bare dhe restorante është hequr nga komiteti. Maska është e detyrueshme që të mbahet në ambientet e brendshme. Ndërkohë ambientet e mbyllura, në institucione, në fasoneri, apo dyqane, është e detyrueshme. Në lokalet e natës, jo të gjithë pjesëtarët e tavolinës, nuk janë anëtarë të një familje. Maska është bërë një element i higjienës, por domosdoshmëri me detyrim. Edhe në klubet e natës, duhet detyrimisht përdorimi i maskës. Dalë nga dalë ne jemi në ditët ku po hyjmë në këtë zbatim, ku askund s’do të lejohet pa maskë në ambientet e brendshme.”, shtoi ndër të tjera ajo./atsh

Tomini: Hiqet nga protokolli mbajtja e dorezave, me detyrim vetëm maskat Read More »

Njihuni me akulloren më të çuditshme në botë

Kuriozitete / /

Në Kinë, uthulla përdoret në shumë gatime, ashtu siç gjen përdorim edhe ne vendin tonë.

Por një dyqan në veri të Kinës e ka ofruar uthullën në diçka më të pazakontë: në akullore.

Përbërësit e tjerë të akullores janë po aq të çuditshëm. Veç qumështit, dyqani i shton edhe shije bizelesh, elbi,si dhe uthullën e famshme.

Ky dyqan ndodhet në Taijuan, që njihet si vendi ku ka origjinën një lloj uthulle shumë e famshme në Kinë, e quajtur Lao Çen Su.

Njihuni me akulloren më të çuditshme në botë Read More »