Aurora

Njihuni me shenjat që ju tregojnë nëse e keni kaluar koronavirusin

Shendetesi / /

Të gjithë jemi në dyshim nëse jemi prekur nga koronavirusi.

Megjithëse është e vështirë të thuhet një përgjigje e saktë, vetëm nëpërmjet simptomave, këtu janë disa shenja që tregojnë se në të shkuarën ju mund të keni qenë të infektuar.

Nëse keni qenë shumë sëmurë në shkurt!

Adam Spivak, një doktor i sëmundjeve infektive në Universitetin e Utah në Salt Lake City, thotë se nëse keni qenë shumë sëmurë, midis periudhës janar-shkurtit, ka gjasë ta keni kaluar koronavirusin.

Nëse keni pasur ethe dhe kollë!

Nëse për disa ditë, në këtë periudhë, keni pasur ethe, kollë dhe lodhje të tepërt, ka shumë gjasa që ju ta keni kaluar virusin.

Papritur keni humbur nuhatjen dhe shijen e ushqimit!

Humbja e nuhatjes dhe e shijes, është një nga shenjat që dallon koronavirusin e ri. Rreth 66% e atyre që janë bartës me koronavirus, kanë këtë simptomë. Nëse krejt e papritur, edhe ju për një kohë keni humbur nuhatjen dhe shijen, mund të keni pasur Covid-19.

Nëse e gjithë familja u sëmur njëkohësit!

Nëse të gjithë familjarët, dikush më shumë dhe sikush më pak, ka përjetuar grip, informon dritare.net, por në të njëjtën periudhë kohë, ka gjasa që e gjithë familja të ketë qenë infektuar.

Nëse keni pasur shenja në lëkurë që ju shkaktonin kruajtje!

Është një nga simptomat që është zbuluar së fundmi, por e rëndësishme për të kuptuar nëse një person është infektuar me virus.

Këto janë disa shenja, por jo domosdoshmërish dikush që ka pasur njërën prej tyre, ka qenë i infektuar. Vetëm testi serologjik, mund të japë një përgjigje të saktë./lajmifundit

Njihuni me shenjat që ju tregojnë nëse e keni kaluar koronavirusin Read More »

Arilena Ara nis pushimet me menaxherin Popi Kola/ Zyrtarizojnë lidhjen

ShowBiz / /

Marrëdhënia e kengetares Arilena Ara me menaxherin e saj Popi Kola përflitej prej kohësh, por gjërat nisën të qartësoheshin përmes postimeve të tyre në rrjete sociale.

Gjatë izolimit, këngëtarja ka ndarë vazhdimisht foto me ndjekësit e saj në Instagram, ku shfaqte hapur romancën me Popin.

Miq dhe të afërm të çiftit konfirmuan se dyshja e ka zyrtarizuar lidhjen, duke u prezantuar edhe te familjet e tyre si partnerë.

Por, vetëm disa ditë më parë në festën e 22 vjetorit të Arilenës, ata i vunë vulën” çdo gjëjë duke pozuar edhe me pjesëtarët e familjes së secilit.

Tanimë, çifti i ri i showbizit ka nisur edhe pushimet sëbashku .

Bukuroshja bionde dhe menaxheri i saj kanë publikuar një foto tepër të ëmbël në një jaht, që ka marrë vëmendjen e të gjithëve.

Këngëtarja u njoh me partnerin gjatë “X Factor Albania”, kur Popi punonte si asistent i Vera Grabockës dhe Alketa Vejsiut.

Arilena Ara nis pushimet me menaxherin Popi Kola/ Zyrtarizojnë lidhjen Read More »

Horoskopi ditor, shëndeti,dashuria,puna

Aktualitet / /

Dashi

Në dashuri duhet kujdes si dhe këshillohet që të shmangen debatet e kota. Nervozizmi do të jetë i pranishëm gjatë kësaj dite dhe në familje mund të ketë përplasje. Në punë, duhet të keni më shumë besim në vete, në mënyrë që ti përfundoni me më shumë energji projektet e nisura.

Demi

Kjo e premte është mjaft pozitive sa i takon dashurisë, ku Hëna do të jetë në anën tuaj. Bëni mirë që ti besoni instinktit. Në punë dhe në studime, duhet ti referoheni situatave, para se të merrni vendime.

Binjakët

E premtja nuk është një ndër ditët më të mira në dashuri. Ndaj para se të bëni diçka, do të ishte mirë që të dëgjoni mendimin e të tjerëve. Kjo është një periudhë e mirë për punën, por gjatë kësaj dite do të hasni në vështirësi.

Gaforrja

Në dashuri mundohuni që ta shfrytëzoni këtë periudhë pozitive, pasi situata mund të tensionohet në ditët në vijim. Sfera profesionale paraqitet mjaft mirë, ku do të shfaqni shumë energji.

Luani

Me ndikimin e Diellit në anën tuaj, dashuria do të jetë më e thjeshtë. Do të nervozoheni lehtësisht, ndaj bëni kujdes ndaj debateve në familje. Bëni mirë që të përqendroheni në projektet që keni në mendje, edhe pse mund të ketë probleme që kërkojnë zgjidhje.

Virgjëresha

Në dashuri gjërat do të ecin më mirë, ku me kalimin e ditëve, Venusin nuk do e keni më kundër. Në punë, duhet të mendoni mirë lidhur me atë që doni të bëni.

Peshorja

Jeni të shqetësuar dhe të tensionuar, por duhet të mbani parasysh se është normale që të hasni në vështirësi dhe se mund ti kaloni, shkruan noa.al. Nuk duhet të lini që t’iu ikin nga duart mundësitë profesionale interesante.

Akrepi

Në raportin në çift ka disa vështirësi të cilat duhen kaluar, ku do të ketë keqkuptime dhe debate. Por nga ana tjetër keni shumë dëshirë që ti bëni gjërat të funksionojnë. Në punë, keni dëshirë për të ndryshuar.

Shigjetari

Mundohuni që të mos çoni përpara, lidhje që nuk ja vlejnë. Kjo pasi mund të përballeni me probleme dhe acarime. Në punë, mund të hasni në probleme të vogla.

Bricjapi

Zgjidhja e problemeve të mbetura pezull në dashuri, do të jetë më e thjeshtë gjatë kësaj dite. Në punë, jeni në pritje të diçkaje që ju intereson.

Ujori

Mund të përqendroheni në njohjen e njerëzve të rinj dhe në bërjen e miqësive të reja si dhe të vendosni se çfarë duhet të bëni në muajt e ardhshëm. Në punë, situata paraqitet disi më e përmirësuar, por kujdes duhet treguar me financat, pasi keni pasur shumë shpenzime.

Peshqit

Me ndikimin e kundërt të Hënës jeta sentimentale do të komplikohet. Bëni mirë që të mos i ndani ndjenjat mes dy personave. Në punë, zhvillimet e reja do të sjellin mundësi të mira, ndaj shmangni monotoninë.

Horoskopi ditor, shëndeti,dashuria,puna Read More »

Bes Kallaku ‘nuk ia përton’ Xhensliës, ia thotë publikisht ankesën: Oj goc nuk kam për ti pagujt un…

ShowBiz / /

Xhensila Myrtezaj postoi ditën e sotme një foto tepër të bukur në Instagram që u pëlqye dhe komentua shumë nga fansat.

Këngëtarja pozonte në makinë, e veshur sportive, por tepër tërheqëse. E teksa të gjithë po e komplimentonin për look-un, bashkëshortit të saj, Bes Kallaku, i ka rënë në sy një tjetër detaji, që është fakti se Xhensila nuk ka vendosur rripin e sigurimit.

Dhe nuk ka hezituar ta thojë këtë edhe në koment, me nota humori siç di të bëjë më së miri ai, duke shkruar: “Vendos rrypin e sigurimit oj goc! Nuk kam për ti pagujt un gjobat e tuja!”

Ai nuk ka marrë ende asnjë koment nga Xhensila, të paktën publikisht, por ne e kemi një arsyetim para saj. Ndoshta këngëtarja ka qenë thjesht duke pozuar dhe jo duke i dhënë makinës në ato momente, prandaj edhe nuk e ka vendosur rripin.

Sakaq, ajo po shijon super suksesin e hitit që solli në bashkëpunim me Ardian Bujupin, “Panorama”, që ka arritur 10 milionë klikime në vetëm 1 javë.

Bes Kallaku ‘nuk ia përton’ Xhensliës, ia thotë publikisht ankesën: Oj goc nuk kam për ti pagujt un… Read More »

Këshilli Politik/ Hajdari, thirrje PD-së të mbështesë listat e hapura: I duhen vendit

Aktualitet, Opinione, Politike / /

Deputetja Rudina Hajdari i bëri sërish thirrje Partisë Demokratike të mbështesë ndryshimet kushtetuese që do të miratohen më 30 korrik që lidhen me hapjen e listave.

Menjëherë pas përfundimit të takimit të Këshillit Politik, Hajdari i bëri thirrje edhe çdo demokrati dhe secilit që sipas saj është i zhgënjyer nga servilosja e njerëzve që futen në Parlament dhe nuk i përgjigjen kërkesave të qytetarëve të vazhdojnë të mbështesin listat e hapura.

“Vetëm kështu do të sjellim ndryshimin në Kuvend. Duhet patjetër që në zgjedhjet e ardhshme të shkohet me lista të hapura, sepse në Kuvend nuk do të miratohen më koncesione, por ligje që kanë të bëjnë me rritjen e cilësisë së jetës së qytetarit”, tha Hajdari.

Deputetët, tha Hajdari, sot nuk kanë fjalën e tyre të lirë dhe dëshirë për të luftuar për ata qytetarë që i votojnë. “Listat e hapura do e mundësojnë këtë dhe nuk ka njeri të ndalë këtë furtunë ndryshimi, sepse i duhet vendit. Edhe BE aplikon po të njëjtën metodë, sepse është mënyra më demokratike”, u shpreh deputetja opozitare.

Sipas saj, kur duhet të flasim për lista të hapura duhet të kemi konsensus të gjerë politik, prandaj, u shpreh ajo, “vij në Këshillin Politik”.

“Dua të mos ndaloj së reshturi për t’i shtirë dorën çdo demokrati që ndjehet i braktisur nga ata që kanë braktisur vullnetin e tyre për të ndryshuar gjendjen në Shqipëri. Listat e hapura janë realiteti i ardhshëm në zgjedhjet e ardhshme. Është koha për të përqafuar këtë ndryshim”, tha Hajdari./atsh

Këshilli Politik/ Hajdari, thirrje PD-së të mbështesë listat e hapura: I duhen vendit Read More »

Kush ishte Ymer Ali (Cekodhima), vullkani patriotik qe u dekorua me medaljen ‘Per veprimtari patriotike’

Art-Kulture, Histori, Opinione, Te fundit nga zona / /

Ymer Radhima ne prag te shperberjes se perandorise turke, punoi e luftoi per nje Shqiperi te pavarur e perparimtare. Ai ishte mbeshtetes i Ismail Qemalit; nga qeveria e te cilit u ngarkua per organizimin e mbrojtjes se Llogorase prej pushtimit grek; gjat periudhes se shpalljes se pavaresise, Isa Bolutini ka banuar ne shtepine e tij ne Lagjen Muradie.

Ai u bashkua me luften e popullit te Vlores kunder Italise me 1920 dhe kunder intrigave per coptimin e Shqiperise si dhe kunder njerezve si Marka Gjoni, qe donte te luante rolin e agjentit jugosllav kunder pavaresise shqiptare. Ne keto vite ate e gjeje ne Vlore ne krye te kesaj lufte dhe si perkrahes i programit te Avni Rustemit, Ymeri ka dhene nje kontribut te shquar ne luften per clirim kombetar. Me 1921 ai ka qene ne krye te udheheqies se keshillit te Federates “Atdheu” ne Vlore, qe perbehej nga pese veta dhe qe kishte si kryetar patriotin Jani Minga; po kete vit ai ka qene kryetar i keshillit “Mbrojtja Kombetare”.

Se bashku me kryeredaktorin e Gazetes “Fjale e Lire” avokat Agjah Libohoven, Ymeri udhetoi me 17 Nentor 1921 me vaprin “LLOJD” Vlore-Shengjin e pastaj drejt Shkodres per t’u takuar me Avni Rustemin, ku prej nga te tre bashke udhetuan drejt Mirdites per t’u takuar e biseduar me Marka Gjonin si dhe per te protesuar ndaj veprimtarise se tij pro jugosllave ne dem te indipendences se Shqiperise. * Ymer Radhima merr pjese me nje grup bashkefshataresh ne festen qe u organizua ne Vlore me rastin e 1-vjetorit te Luftes se Vlores. Ne kete miting eshte perpiluar e derguar nje telegram Keshillit Kombetar te Qeverise ne Tirane, me anen e te cilit
47
kerkohej te beheshin zgjedhje te lira; te miratohej me ligj liria e votimit per te zgjedhur nje asamble kushtetuese, prej se ciles do te dilte qeveria. Ky telegram, qe nenshkruhet nga 80 burra ne emer te popullit te Vlores, u firmos edhe nga 5 (pese) burra nga Radhima qe ishin: Ymer Radhima, Xhafer Asllan Ramosaco, Avokat Mehmet Halil Lameborshi, Elmaz Ali Alikapo dhe Mulla Sali Xhafer Lameborshi. * * Ymer Radhima gjate gjithe jetes se tij ka qene nje figure e paster patriotike, ai ka qene vullkan patriotik dhe si i tille kujtohet me respekt nga gjithe radhimjotet. Ne kujtim te veprimtarise se tij, me 26 Nentor 1962 eshte dekoruar nga Kuvendi Popullor me medaljen “Per Veprimtari Patriotike”.

Kush ishte Ymer Ali (Cekodhima), vullkani patriotik qe u dekorua me medaljen ‘Per veprimtari patriotike’ Read More »

Kandidatët për deputetë/ Kim: Kryetarët e partive do mbajnë përgjegjësi, mos i fyeni votuesit, mos promovoni korrupsionin

Opinione, Politike / /

Në media u publikua një lajm sipas të cilit gjyqtari Gjin Gjoni është propozuar nga PD për përfshirjen e tij në listat e kandidatëve për deputetë.

Siç raportojnë mediet, strukturat e degës së Partisë Demokratike në Lezhë e kanë propozuar emrin e gjyqtarit Gjoni si kandidat për deputet, i cili vetëm një ditë më parë dha dorëheqjen nga sistemi i drejtësisë.

Por lidhur me këtë lajm reagoi PD, duke u shprehur se gjyqtari Gjoni është propozuar si kandidat për deputet nga dega e PD Lezhë, por mohon që ai do të pranohet.

Sipas PD-së, nuk mund të kandidohet për deputetë “asnjë individ i cili është larguar nga detyra për shkak të Vetingut apo që ka dhënë dorëheqjen nga funksioni në drejtësi pas hyrjes në fuqi të ligjit të Vetingut”.

Ndërkaq, ambasadorja amerikane në Tiranë, Yuri Kim paralajmëroi liderët e partive politike se do të mbajnë përgjegjësi për ata që garojnë nën logon e tyre, ndërsa kanë nisur përgatitjet për listimin e kandidatëve për zgjedhjet parlamentare të vitit të ardhshëm.

“Paralajmërim: Ndërsa partitë përgatiten për zgjedhje, liderët do të mbajnë përgjegjësi për ata që garojnë nën flamurin e tyre. Ju lutemi, shqyrtoni kandidatët tuaj – mos i fyeni votuesit, mos e dëmtoni demokracinë, mos promovoni korrupsionin”, u shpreh Kim.

Një ditë më parë, gjyqtari i Apelit Gjin Gjoni deklaroi dorëheqjen nga sistemi i drejtësisë ndërsa pritej të përballej me Vetingun. Ai tha se “trupa që më gjykon mua dhe kolegët e mi, është në nivel që lë për të dëshiruar”, duke shtuar në argumentin e tij se ”sita e Vetingut nuk ka të njëjtat parametra, dhe as kritere të barabarta për të gjithë, nëse je shërbëtor i politikës”. /atsh

Kandidatët për deputetë/ Kim: Kryetarët e partive do mbajnë përgjegjësi, mos i fyeni votuesit, mos promovoni korrupsionin Read More »

Lehtësohet policimi në det i mjeteve lundruese, turistike dhe të argëtimit

Aktualitet, Turizem / /

Komisioni për Veprimtaritë Prodhuese, Tregtinë dhe Mjedisin në drejtimin e kryetarit Niko Peleshi dhe në cilësinë e komisionit përgjegjës, shqyrtoi dhe miratoi në parim projektligjin “Për regjistrimin, mënyrën e përdorimit dhe kontrollin e mjeteve lundruese, turistike e të argëtimit, me motor mbi 30 KW ose 40.8 KF, me tonazh nën 150 GT”.

Projektligji u relatua për komisionin nga deputeti Ilir Beqaj dhe u prezantua nga Blendi Klosi, ministër i Turizmit dhe Mjedisit dhe Artan Shkreli, zëvendësministër i Energjisë dhe Infrastrukturës.

Ministri Klosi u shpreh se projekligji vjen si nevojë emergjente për të lehtësuar policimin në det dhe synon përmirësimin e monitorimit të mjeteve lundruese, turistike dhe të argëtimit, pa krijuar bezdisje tek turistët.

Sipas Klosit, nisma ka një lloj urgjence në miratim, në mënyrë që t’i vijë në ndihmë sa më parë sezonit turistik të vështirë të vitit 2020.

Objektivat që synohen të arrihen përmes projektligjit janë: rregullimi i mënyrës së regjistrimit të mjeteve lundruese duke krijuar një regjistër elektronik i cili të jetë i aksesueshëm edhe nga institucionet e tjera ligjzbatuese; përcaktimi i normave të lundrimit në det dhe ujërat e brendshme tokësore; si dhe monitorimi sa më mirë i mjeteve lundruese turistike dhe atyre të argëtimit që operojnë në det dhe ujërat e brendshme tokësore.

Pas pyetjeve dhe diskutimeve, komisioni miratoi në parim projektligjin në fjalë./atsh

Lehtësohet policimi në det i mjeteve lundruese, turistike dhe të argëtimit Read More »