Aurora

Tre ditë nga skadimi i afatit për dorëzimin e formularëve të vettingut në radhët e policisë, një numër i konsiderueshëm efektivësh nuk kanë dorëzuar ende dokumentacionin. Për këtë arsye Ministria e Brendshme ka vendosur që zyrat e dorëzimit të formularëve të qëndrojnë hapur edhe gjatë fundjavës, ndërkohë që do ketë edhe tolerime për gabime njerëzore.

“Ne jemi koshient që dikush mund të shkruajë gabim një shifër ose një të dhënë prandaj askush nuk duhet të frikësohet apo stresohet, edhe ai që ka punuar në mënyrë informale apo në emigracion, e rëndësishme është të deklarojnë rrethana të vërteta”, shprehet Julian Hodaj, zv.ministër i Brendshëm.

Por po ashtu një numër i lartë punonjësish policie dhe Gardës së Republikës që shkon deri në 200 këto kohë kanë dhënë dorëheqjen duke iu shmangur vettingut.

Burime nga policia thonë se shumica janë efektiv në prag të pensionit që përfitojnë edhe pensionin suplementar. Ndërkohë ministria e Brendshme hedh poshtë aludimet se dy punonjësit e policisë në Fier dhe Shkodër që i dhanë fund jetës, të jenë vetëvrarë si pasojë e presionit mbi vettingun.

Bashkimi Evropian do t’u mundësojë 15 000 të rinjve të moshës 18-vjeçare të udhëtojnë falas nëpër Evropë këtë verë, në kuadër të një programi të quajtur “DiscoverEU”, njoftoi sot Komisioni Evropian.

Iniciativa erdhi pas një propozimi të Parlamentit Evropian me një buxhet prej 12 milionë eurosh në vitin 2018 për të financuar biletat e transportit. Programi do të hapet në qershor për aplikantët e moshës 18 vjeç dhe më 1 korrik nëpërmjet një faqeje në internet ”Portali evropian i rinisë”.

Programi synon t’u ofrojë 15 000 të rinjve mundësinë për të udhëtuar nëpër Evropë këtë verë për të zbuluar trashëgiminë e pasur kulturore të kontinentit, krijuar kontakte me persona të tjerë, për të mësuar rreth kulturave të tjera si dhe për të zbuluar atë që e bashkon Evropën, njoftoi Komisioni Evopian në një deklaratë.

Kandidatët e përzgjedhur duhet të ndjekin një itinerar të paracaktuar, me tren, me autobus madje edhe me traget, ose avion në disa raste. Udhëtimi i tyre do të zgjasë deri në 30 ditë dhe do të përfshijë nga një deri në katër destinacione të huaja.

Juria ka përgjegjësinë për përzgjedhjen përfundimtare të 15 000 përfituesve të parë, ndërsa një valë e dytë e aplikimeve mund të hapet në gjashtëmujorin e dytë të vitit, nëse do të mbeten burime financiare.

Më shumë detaje rreth kësaj iniciative do të publikohen në mes të muajit maj në ”Portalin evropian të rinisë”.

Brenda dy javëve shqiptarët do rifitojne besimin e tronditur të amerikano-europianëve lidhur me rezultatet e premtuara te penalizimit te  “bishave” te korrupsionit ne drejtesi e politike. Tahiri e Llalla po monitorohen non-stop, ndërsa të tjera surpriza priten. Natyrisht nuk janë fantazitë emocionale të Ngjelës, por ndalime që nuk kërcënojne vetëm lirinë e drejtësinë e shqiptarëve, por dhe të ineresave të qënësishme të aleatëve tanë të fuqishëm.

Konkretisht pritet arrestimi i drejtuesit të Prokurorisë së Krimeve të Rënda i cili është i mirmonitoruar si shitës i sekreteve hetimore të shume dosjeve të rëndësishme që kanë lidhje me krimin e organizuar kryesisht me figura të spikatura politiko-kriminale.

Kur bëhet fjalë për kokainën DEA nuk fal e për më tepër kur njeriu hije i tonelatave te kapura e të pa kapura i miellit të bardhë është person i njohur i Hajdarmatajt dhe ndoshta ai ka ndërhyre për te tek ish shefi i tij Llalla në  këmbim te “sadaka” që t’i hiqet një kërkim ndërkombetar.

Për arsye hetimi nuk po përmendim bosin tropojas të kokaines që natyrisht nuk është Arber Çekaj, por një tjeter djalosh të cilin partnerët e kanë indentifikuar…

Arta Marku e cila pati zgjuar një shprese të madhe tashme është jashte loje dhe po merret vetëm me riciklime të prokuroreve “patriotë” dibranë që janë thembra e Akilit e korrupsionit në prokurori.

Në javën e parë të qershorit pritet një iniciative surprizë për shkarkimin e Markut si dhe një tjetër vendim surprizë nga Vettingu për pensionimin e saj të parakohshëm duke i refuzuar dhe të drejtën për të qenë as avokate.

Marku natyrisht nuk është pjesë e pazareve të shkuara, por viktimë e turpshme e interesave meskine dhe financiare të trustit politik./Pamfleti.com

Pakistani ka përjetuar ditën më të nxehtë në botë për muajin prill, duke regjistruar temperatura ekstreme prej 50.2 gradë celsius, sipas ekspertëve. Departamenti Meteorologjik i Pakistanit konfirmoi se temperatura e skajshme u regjistrua në qytetin Nawabshah të hënën, më 30 prill, duke e bërë atë potencialisht temperaturën më të nxehtë të muajit prill të regjistruar ndonjëherë në Tokë.

Në prill, temperaturat mesatare në Pakistan varionte nga 18 deri në 29 gradë.

Etienne Kapikian, një meteorolog francez në Meteo France, tha në Twitter se ishte temperatura më e nxehtë e prillit e regjistruar në të gjithë kontinentin aziatik.

Postimi i tij bëri që një person të shkruante: ’50 gradë celsius? Në prill?! RIP Pakistan “.

Një tjetër komentoi duke theksuar se shumë njerëz kanë vdekur nga goditja e nxehtësisë.

Christopher Burt, një ekspert global për ekstremet e motit, i tha “Washington Post” se temperatura e së hënës në Pakistan mund të jetë më e larta e regjistruar ndonjëherë në botë në muajin prill.

Ai tha se ishte ndoshta temperatura më e lartë ‘ende e besueshme në Tokë nga të dhënat moderne’, duke shtuar se ndërsa është raportuar më parë se Santa Rosa, në Meksikë, kishte përjetuar 51 gradë në prill të vitit 2001, por besueshmëria e këtij rasti është e dyshimtë, transmeton oranews.

Gazeta pakistaneze Dawn njoftoi se dhjetëra banorë pësuan goditje të nxehtësisë të hënën dhe se ‘aktivitetet e biznesit u ndalën’ në Shaheed Benazirabad.

Në përgjigje, një lexues komentoi: ‘Kjo quhet një paraqitje e shkurtër e ferrit në tokë’.

Në vitin 2017, Pakistani u rendit midis dhjetë vendeve më të ndjeshme ndaj ndryshimeve klimatike, shtoi gazeta. Tre vjet më parë, një valë e nxehtë në Karaçi mori jetën e mbi 1,200 njerëzve, ndërsa më shumë se 40,000 u prekën nga goditja e nxehtësisë.