Andueli

Çmimet e naftës dhe benzinës janë rritur sërish gjatë ditës së sotme, me 10 lekë për litër, duke reflektuar shtrenjtimin e karburanteve në tregjet ndërkombëtare.
Sipas burimeve nga tregu “Monitor”, Bordi i Transparencës ka vendosur sot që një litër naftë do të tregtohet tashmë me 243 lekë, nga 233 lekë që ishte deri sot, sipas vendimit që ishte marrë në datën 27 prill. Ky është niveli më i lartë që nga data 26 mars.

Në rritje është edhe benzina, që do të tregtohet me 223 lekë, nga 213 lekë që ishte deri tani.

Gazi është rritur me dy lekë për litër, në 106 lekë.

Aktorët e tregut pohojnë se arsyet e shtrenjtimit lidhet me rritjen e karburantit në bursat ndërkombëtare, që ka arritur në 1200 dollarë për ton. Edhe në këto nivele që po tregtohet nga ne, ata pohojnë se çmimet e bordit janë nën kosto dhe prej tre ditësh ata po operonin me hu mbje.
Çmimi në bursa është momentalisht 1200 dollarë për ton, por, sipas tregtuesve të karburanteve, nëse ai e kalon 1240 dollarë për ton, që njihet dhe si pikë e rezistencës, nafta në tregun vendas mund të arrijë deri në 300 lekë për litër, raporton Monitor.

Çmimet e naftës shënuan rritje të fortë në fillim të marsit, pas pushtimit të Ukrainës nga Rusia, që çorientoi burimet e furnizimit kudo në botë. Nafta në tregun vendas arriti deri në 260 lekë për litër në tregun vendas në javën e dytë të marsit, nga 195 lekë në fund të shkurtit. Me krijimin e Bordit të Transparencës nga qeveria, çmimet po vendosen nga ky bord. Aktorët e tregut pohojnë se vendosja e çmimeve po e ul fleksibilitetin e operatorëve për të qenë eficientë ndaj lëvizjes së shpejtë të tregjeve, ndërkohë që po detyrohen që të mbajnë humbjet që po vijnë nga fiksimi i çmimeve.

Miliona persona do të kenë mundësinë të shohin eklipsin e parë diellor të vitit 2022 këtë fundjavë, megjithëse do të jetë i pjesshëm.

Për fat të keq shumica prej nesh nuk do të jenë në vendin e duhur për ta parë, por ata që ndodhen në skajin jugor të Amerikës së Jugut, veçanërisht në Kili do mund të shijojnë surprizën diellore.

Eklipset ndodhin kur hëna kalon përballë Diellit nga një kënd i caktuar i dukshëm për Tokën.

Eklipsi fillon të shtunën, rreth orës 16:30 me orën lokale. Një orë më vonë, ajo do të arrijë pamjen maksimale, në momentin që hëna është më afër qendrës së Diellit, duke u dukur si një copëz e kafshuar prej saj.

Në total, ngjarja do të zgjasë rreth një orë e gjysmë.

Eklipsi do të jetë gjithashtu i dukshëm në të gjithë Antarktidën si dhe në Oqeanin Paqësor dhe Atlantik.

Ashtu si me çdo eklips diellor, shikimi i drejtpërdrejtë i tij me sy të lirë mund të dëmtojë shikimin tuaj.

Pra, kushdo që ka fatin të jetë dëshmitar i eklipsit duhet të përdorë syze speciale mbrojtëse.

Eklipsi i radhës do të ndodhë në tetor, i cili do të jetë i dukshëm për zonat më të populluara.

Kjo përfshin Evropën, Afrikën verilindore, Lindjen e Mesme dhe Azinë Perëndimore

Qeveria ka njoftuar një rishikim të faturave të energjisë elektrike për ata abonentë familjarë që vlerësohet se harxhojnë shumë. Fillimisht kryeministri Rama dhe më pas ministrja Balluku njoftuan mbi një studim që është duke u bërë në këtë drejtim për të identifikuar ato familje që e kalojnë këtë fashë.

Referuar të dhënave nga raportet vjetore të ERE-s duket se janë mbi 50 mijë abonentë familjarë që e kalojnë këtë fashë, të cilët pritet ta paguajnë më shtrenjtë energjinë elektrike. Në total, OSHEE ka rreth 1.2 milion abonentë familjarë, nga të cilët rreth 50 mijë vlerësohet sipas raporteve publike se harxhojnë më shumë se 700 kW/h në muaj.

Përllogaritet që kjo kategori të përbëjë 6% të numrit total të abonentëve, raporton abcnews.al.

Aktualisht, pas heqjes së fashës mbrojtëse prej 300 kW/h disa vite më parë, çdo abonent familjar e paguan një kW/h energji elektrike me 9.5 lekë pa TVSH, ndërsa nuk dihet ende se sa do të jetë çmimi mbi fashën 700 kW/h.

Referuar asaj që thotë kryeministri, i cili tha se “qeveria nuk mundet që të mbrojë nga çmimet e tregut këta abonentë krahasuar me mbrojtjen që u ofrohet familjeve të mësuesve, infermierëve, etj”, gjasat janë që më shumë se 50 000 abonentë ta paguajnë energjinë e harxhuar mbi 700 kW/h me çmimin e tregut rajonal, i cili aktualisht është tepër i lartë duke gjeneruar kështu fatura dy apo trefish më të larta se këto aktualet për ta

Ndryshe nga mendimi i rr ënjosur, njerëzit të cilët shajnë dhe përdorin fjalë vulgare nuk janë as budallenj as të paarsimuar, por kanë fjalor “të ëmbël” që tregon shprehje fjalori të pasur dhe të artikuluar, zbulon studimi i botuar në revistën Language Sciences.
Shumica e njerëzve besojnë në hipotezën e “fjalorit të va rfër”, konstatimit që njerëzit të cilët shajnë shumë e bëjnë këtë sepse nuk kanë ç’të thonë tjetër gjë, transmeton Telegrafi.

Mirëpo, studimi i Kolegjit Marist dhe i Akademisë së artit liberal nga Massachusettsi, ka treguar që kjo hipotezë mund të hidhet poshtë, sepse është vërtetuar që ata të cilët janë të mësuar sajojnë fjalë tabu, në përgjithësi janë më elokuentë.

“Shpesh konsiderohet që njerëzit shajnë për shkak se posedojë fond të kufizuar të fjalëve apo janë të paarsimuar, mirëpo hulumtimi ynë ka treguar që ajo shprehi pikërisht të udhëzon në elokuencë dhe në aftësi më të mëdha intelektuale”, konkludojnë shkencëtarët.

Edhe studimet e mëhershme kanë treguar anët e mira të përdorimit të sharjeve.

Siç transmeton Elite Daily, sharja zvogëlon dhembjen, ndihmon në ballafaqimin me situatat stresuese. Kur shajmë qetësohemi, sepse çlirojnë energjinë e grumbulluar negative.

Sharjet janë ventili më i mirë i shfryrjes, gjithashtu shërbejnë edhe për lidhje më të lehta ndërmjet njerëzve.

Adhurues të sharjeve kanë qenë edhe Shekspiri, Martin Luteri, Gete dhe Mark Tueni, të cilët shprehjet e pista i kanë përdorur edhe në literaturën e tyre.