Aurela Gaçe njihet jo vetëm për suksesin në karrierën muzikore, por edhe për stilin e veçantë që ka me të cilin befason publikun herë pas here.
Së fundmi, këngëtarja ka hapur galerinë dhe ka publikuar në Instastory shumë foto të realizuar vite më parë, duke nisur që nga 2003-i.
Aurela duket se ka eksperimentuar shumë me flokët që në atë kohë, pasi ka provuar ngjyrën e zezë, bionde dhe disa nuanca të së kuqes, duke u shfaqur kështu ndryshe nga njëri vit në tjetrin.
Po ashtu, Aurela shfaqet herë me flokë të gjata deri tek supet e herë me flokë shumë të shkurtër.
Në secilën prej imazheve, artistja shihet me make up profesional e me veshje të ndryshme, duke filluar që nga xhupi, xhinset, e deri tek fustanet.
Këngëtarja më parë ka treguar edhe reagimin e dy vajzave të saj kur kanë parë fotot e vjetra të nënës së tyre. Grace dhe Abigail e kanë cilësuar atë si “të çmendur”.
