Zana Berisha, ish-Miss Kosova përflitet se është arrestuar pas dyshimeve se ka shantazhuar ish të dashurin e saj biznesmen, madje duke i marr edhe shuma të mëdha parash.
Berisha, e cila u shpall Miss Kosova në vitin 2018, është paraqitur para disa ditësh në bankën e të akuzuarve në Gjykatën Themelore në Prizren.
Sipas raportimeve në mediat kosovare, Zana, e cila përfaqësoi Kosovën në Miss Univers 2018-të, është ndarë me ish të dashurin e saj në mënyrë jo paqësore, duke bërë kështu që cështja e tyre të përfundonte në gjykatë.
Lidhja e dashurisë mes ish-miss Kosovës dhe biznesmenit të njohur, përfundoi me përfitim të kundërligjshëm të pasurisë nga ana e Berishës, e cila arriti ta shantazhojë biznesmenin për dy vjet me radhë, duke e kërcënuar se do t’ia dëmtojë nderin dhe autoritetin e tij.
Me qëllim që të përfitojë materialisht, Zana vendosi që përmes kërcënimeve nga më të ndryshmet, ta detyrojë biznesmenin që të veprojë në bazë të kërkesave të saj, duke e kushtëzuar me publikimin e fotografive e video-incizimeve intime të tyre, që ajo i kishte realizuar gjatë kohës sa po shijonin lidhjen e dashurisë.
Ish-missi vendosi që t’i hakmerret me kanosje, e madje ka shkuar edhe më tej, duke ia dërguar familjarëve të tij fotografi dhe video-incizime ku ata shiheshin bashkë, si sinjal që ta paralajmërojë biznesmenin se në rast se vazhdon të mos veprojë siç ka kërkuar ajo, do ta pësojë sërish.
Duke vazhduar kështu të jetë viktimë e shantazhit, shuma që ia kishte caktuar ish-missi ishte 5 mijë euro për muaj. Pra për 11 muaj sa dyshohet se ka zgjatur ky raport sa i “nxehtë” por edhe i ashpër mes tyre, biznesmeni i bie se ka dhënë 55 mijë euro.
Në total, biznesmeni ka paguar rreth 175 mijë euro, duke përfshirë edhe blerjen e një makine, duke u kërcënuar e shantazhuar.
