E papritur! Alketa Vejsiu sjell talent show-n legjendar italian në Shqipëri!
Nga editor -February 27, 2023
Alketa Vejsiu do të sjellë në Shqipëri një tjetër patentë italiane. Bëhet fjalë për produksionin artistik “Amici”, i cili prej vitesh ka mirëpritur shqiptarët e talentuar në Itali.
Burime për Anabel.al bëjnë me dije se producentja dhe moderatorja Alketa Vejsiu ka marrë patentën e programit të famshëm italian. Po të njëjtat burime bëjnë me dije se produksioni ka nisur nga puna për ndërtimin e të gjitha strukturave që e bëjnë Amici-n një akademi.
Ndonëse mbetet akoma e paqartë data e fillimit të këtij projekti të ri, i cili zhvillohet për herë të parë në vendin tonë. Edhe vetë Alketa i ka konfirmuar këto zëra, duke ripostuar në Instagramin e saj postimin, teksa shkruan “E vërtetë”.
I njohur fillimisht si “Saranno famosi”, “Amici” është talent show më i gjatë në televizionin italian. I konceptuar dhe drejtuar nga Maria De Filippi, “Amici” u transmetua për herë të parë në vitin 2001.
