Moderatorja shumë e dashur nga publiku, Marina Vjollca u bë nënë për herë të parë në nëntorin e kaluar. Ajo solli në jetë një vajzë, që e pagëzoi me emrin Marget.
Mirëpo, duket se pas 6-muajsh e bekuar, Marina po mendon për fëmijën e dytë. Në një intervistë për T7, moderatorja u shpreh se është gati të bëjë jo vetëm një fëmijë të dytë, por edhe të tretë e të katërt.
“Fëmijë të dytë, të tretë, të katërt, nuk ndaloj unë tani, kuptova që i menaxhoj mirë të gjitha punët”, u shpreh Vjollca.
Kujtojmë që moderatorja pak javë më parë prezantoi në Tiranë koleksionin e ri të veshjeve me stilisten italiane Elisabetta Franchi.
