Melisa Lleshi, ish-konkurrentja e Për’puthen, sapo ka lançuar këngën e saj të parë, duke hedhur kështu hapa të tjerë rreth botës së spektaklit dhe ekranit.
Çfarë ndodhi më herët këtë javë?
Melisa fshiu krejt papritur të gjitha fotot e postimet në rrjetet sociale. Në foton e profilit ajo vendosi një poster ku shkruhej “Së shpejti”, duke i bërë fansat shumë kuriozë lidhur me projektin që ajo kishte gatuar.
Më pas, ajo zbuloi se bëhej fjalë për një projekt muzikor, pasion për të cilin Melisa nuk na kishte folur më herët. Pritja nuk zgjati shumë, pasi ditën e sotmja, Melisa ka publikuar në You Tube këngën e saj të parë që mban titullin “U kry”. Në rrjetet sociale, ajo ka treguar se po e priste realizimin e kësaj ëndrre prej 7 vitesh, ndërsa më në fund kishte ardhur dita ta bënte realitet.
