Moderatorja shumë e dashur për publikun, Arbana Osmani njoftoi sot se do të rikthehet në ekran nga janari me sezonin e ri të programit “Dua të të bëj të lumtur”.
Përmes postimeve në Instastory, Arbana ka zbuluar se këtë sezon të ftuar special do të jenë Ledri Vula me Sara Hoxhën.
Kjo do të jetë hera e parë që Ledrin dhe Sarën do i shohim bashkë në ekran. “Ledri Vula bashkë me Sara Hoxhën biles, se vetëm s’e duam ne”, shkruan Arbana.
Arbana zbuloi gjithashtu se i ftuar do të jetë edhe Capital T.
“TrueCapo ishte në plan të vinte që sezonin e kaluar po pandemia na i prishi planet. E sigurt që do të kemi këtë sezon”, shkruan moderatorja.
