Të gjithë shtetasit shqiptarë në Greqi do të mund të konvertojnë patentat e tyre shqiptare me patenta greke.
Konvertimi i patentave do të bëhet pa pasur nevojë kryerjen e testeve teorike dhe praktike.
Marrëveshja për njohjen e patentave shqiptare në Greqi është dërguar për miratim në parlamentin grek më 30 dhjetor 2019 dhe miratimi i saj pritet të jetë një nga aktet e para të ligjvënësve grekë për vitin 2020.
Ministri i Shtetit për Diasporën, Pandeli Majko bën të ditur se ”sipas kësaj marrëveshjeje, të gjithë shtetasit shqiptarë në Greqi do të mund të konvertojnë patentat e tyre shqiptare me patenta greke. Konvertimi i patentave do të bëhet pa pasur nevojë kryerjen e testeve teorike dhe praktike”.
Kjo marrëveshje u firmos në Athinë në maj të vitit 2018, por për të hyrë në fuqi kërkohet miratimi i saj në të dy parlamentet. Parlamenti shqiptar e miratoi në korrik të vitit 2018./atsh
