Të gjithë e kemi një idhull, por sa të drejtë jemi në këtë zgjedhje nuk e dimë sidomos kur jemi në një moshë të re. Të hedhim një vështrim te moshat e reja, idhujtë e tyre janë kryesisht këngëtarët, sidomos ato të zhanerit rrep, ku videoklipet janë të mbushura me makina të shtrenjta, armë dhe fjalor banal.
Sot ne do të ‘skanojmë’ Rigels Rajkun, i njohur ndryshe si Noizy. I ardhur nga Londra në Shqipëri në moshën 20 vjeçari ai hyri vrullshëm në tregun muzikor me këngën Kosovë-Shqipëri. Noizy krijoi një grup repi të cilin e quajti OTR (On Top of the Rest). Ajo çka këngëtari ka deklaruar vetë më parë ishte se në Lodër është marrë me ‘Boks rruge’, por shkaku i kthimit të tij në Shqipëri ishte jo vetëm të kthehej për të krijuar një emër, por edhe se policia e ka kapur atë me një sasi të konsiderueshme droge. Kjo ngjarje ka bërë që ai të deportohet drejt Shqipërisë, duke ju ndaluar hyrja në shtetin britanik për një kohë të gjatë.
Rozana Radi ishte këngëtarja e parë femër që bëri një videoklip me të dhe pas saj, ‘vërshuan me vrull’ këngëtaret e tjera shqiptare Kujtojmë bashkëpunimet e Noizy me Dafina Zeqiri, Enca, Eni Koçi, Ciljeta dhe shume emra të tjerë të showbizit shqiptar. Noizy u tregua i zgjuar, ‘peshkoi’ një target-grup adoleshentësh duke rritur famën e tij.
Këngëtari njihet edhe për sherret e shumta, ai ka disa ‘beteja’ të hapura me disa grupe të tjera rrepi ku secili grup i bën ‘dis’ grupit tjetër. Kujtojmë ngjarjen e vitit 2016 ndodhur në Prishtinë, ku pati shkëmbime zjarri mes tij dhe këngëtarit Gozman. Dhe nuk kishte se si të ndodhte ndryshe.. ‘Cherchez la femme’, sebepi i sherrit është femra. Pikërishtë një deklaratë e Noizy-t në një studio televizive ku ai tha se ka pasur marrëdhënje me partneren e reperit Gozman, këngëtaren Ajtuna Sejdini e njohur ndryshe si TUNA. Gozman për të ruajtur dhe vënë në vend “nderin” u përplas me të në një hotel në Prishtinë, ku vetëm disa ditë më parë gjykata i cilësoi të dy reperët me faj.
Kujtojmë që Tuna jeton e lumtur me partnerin e saj të ri që tashme ka edhe një fëmi me të. Famën e Noizyt nuk e lakmuan vetëm këngëtaret, por edhe njerëz të biznesit dhe të politikës. Në videoklipet e tij, Noizy shihet me biznesmenin e njohur Samir Mane.
Noizyn e shohim shpesh edhe krah presidentit Ilir Meta. Në një klip të tij ‘E bardhë apo jeshile’, i cili ka kushtuar shumë që nga Ferrarri, orët e shtrenjta etj., ajo çka ti vret sytë dhe veshët është teksti i këngës. Mesazhi që ai përcjell me anë të këngës, që për fat të keq është këngëtari që dëgjohet më se shumti nga adolëshentët jep është trafiku i paligjshëm. Noizy pyet se si e do drogën, sa kilogram do dhe se paratë i ka të paluara pale- palë.
Këngëtari ka deklaruar se ka në zotërim një ferrarri, 3 biznese, dy locale, një në Durrës dhe një në Tiranë, si dhe një dyqan veshjesh. Këngëtari 30 vjeçar nga Dibra, i dënuar në Angli ka një ‘perandori’ luksi të krijuar me një shpejtësi ere.
“Gojët e liga” flasin se ai merret me punë të pista edhe përgjatë koncerteve ku merr pjesë si brenda dhe jashtë vendit. Madje ai e bën këtë pa frikë sepse ka mbeshtetje të politikanëve me peshë në Shqipëri, është i përkëdheluri i tyre, të dy palët ndihmojnë njeri tjerin.
Këngëtari pasurohet, rrit famën dhe politikani pasurohet dhe nëpërmjet këngëtarit merr mbështetjen e një pjese të ‘droguarish’ që hedhin votën çdo katër vite pa e menduar mirë se ku po e hedhin, thjesht nën ndikimin e idhullit të tyre. Problemi ynë është se brezi i ri, e ardhmja e Shqipërisë po rritet në një mjedis shumë kontravers, ku i ndershëm është Fullani, i zoti është Noizy dhe burrë i fjalës është Ilir Meta.
Fundja e ‘bardha apo jeshilja’ i ka futur trurit lavazh.. Ne shpresojmë që drejtësia e re të merret edhe me njërëzit që janë jashtë politike, por të afërt me politikën, ku bëhet fjalë për ‘punë’.
Noizy, dhe jo vetëm ky, deklarojnë fitime përrallore në një koncerti… Po tatimet a i paguajnë në shtet?!
P.S. Noizy kujdes me “tortat me hashash”, është vepër penale./pamfleti
