Pas presidentit, kryeministrit dhe figurave të larta politike, i ka ardhur radha fituesit të “Big Brother VIP” që të bëhet lajm.
Luiz Ejlli ka votuar në Shkodër ku ka edhe vendbanimin.
“Kjo është shtëpia ime, po të mos kisha le ktu sdo kisha fitu. Unë nuk merrem me pjesën e politikës. Njerëz që më kanë ndihmu dua t’i shoh sa më lart”-tha Luizi.
Fillimisht, në “BBV” ai kishte shprehur konsiderata të larta për Berishën, por më pas kaloi te Benet Beci i PS-së, që e kishte futur në punë dhe me të cilin u takua, pasi doli nga shtëpia e BB-së, për ta mbështetur publikisht në garën për bashkinë e Shkodrës, përballë Bardh Spahisë.
Dy vëllezër kanë votuar bashkë për herë të parë sot në Lushnje. Të pa informuar për rregullat e procesit të votimit, ata thanë se kishin qëndruar sëbashku në dhomën e fshehtë.
Indiferentë ndaj kësaj shkelje, gjimnazistët u shprehen se për ta vota nuk kishte rëndësi, pasi thanë se kanë votuar me mik.
Pjesë nga biseda me gazetarin e Top Channel:
Gazetari: Votoni për herë të parë?
Gjimnazisti: Po, për herë të parë.
Gazetari: Sa e rëndësishme është për ju vota?
Gjimnazisti: Nuk është aspak kemi ardhur me mik, nuk është se na intereson shumë.
Gazetari: Ju shkuat të dy në kutinë e votimit për të votuar së bashku, e di që nuk lejohet?
Gjimnazisti: Pse?
Gazetari: Nuk lejohen dy persona, vota është e fshehtë.
Sot mbahen zgjedhjet vendore në vendin tonë, ku pritet të zgjidhen 61 kryebashkiakët e rinj.
Të dhëna nga KQZ deri në orën 10:00, tri orë nga hapja e procesit të votimit tregojnë që pjesëmarrja është 8.08%. Pjesëmarrjen më të lartë e shënon Pusteci me 15.65 për qind. Ndërsa pjesëmarrjen më të ulët Vlora me 5.42 për qind.
Nga 61 bashki, tri prej tyre, Vorë, Kamzë dhe Elbasan do të ketë votim dhe numërim elektronik dhe rezultati pritet të dalë 30 minuta pas përfundimit të votimit të qytetarëve.
Janë 3.650.550 zgjedhës me të drejtë vote, ndërsa 122.545 janë votues për herë të parë. Sipas informacioneve janë 5211 qendra votimi të ngritura në të gjithë vendin.
44 parti janë regjistruar në zgjedhje nga të cilat 38 janë jashtë koalicioneve. Dy koalicione janë në zgjedhje, “Bashkë Fitojmë” me kryetar Ilir Metën dhe “Aleanca Liberale e Djathtë” me kryetar Artur Roshin.
Këtë të diel garojnë 144 kandidatë për kryetar bashkie, kurse për këshilla bashkiakë garojnë 23.762 kandidatë. Votimi dhe numërimi elektronik do të zbatohet në tre bashki me 401 qendra votimi.
Në Elbasan janë 224 qendra votimi dhe pritet të votojnë 171.225 qytetarë. Në Kamëz janë 133 qendra votimi dhe pritet të votojnë 108.799 qytetarë. Në Vorë janë 44 qendra votimi dhe pritet të votojnë 30.822 qytetarë.
Një pjesë jo të vogël të votuesve ditën e sotme në zgjedhjet vendore, e përbëjnë edhe emigrantët që kanë ardhur nga jashtë për të votuar.
Burime bëjnë me dije se vetëm në pikën kufitare të Kakavijës ka pasur 4452 hyrje nga jashtë dhe 1400 dalje nga vendi ynë.
Pjesëmarrja në votime nuk ka qenë shumë e lartë gjatë paradites, por pritet që deri në orën 19:00 të rritet numri i personave që ushtrojnë të drejtën e votës.
Koalicioni ‘Bashkë fitojmë’ do të nisë sot zyrtarisht fushatën elektorale për zgjedhjet lokale të 14 majit.
Në orën 12.00, në Arenën Kombëtare, liderët e 4 partive në koalicion do të shpalosin programin e tyre, ndërsa pritet një fjalim nga kryedemokrati Sali Berisha, kreu i Partisë së Lirisë, Ilir Meta dhe kandidatët që do të garojnë për 61 bashkitë e vendit.
Koalicioni përbëhet nga Partia Demokratike (Sali Berisha), Partia e Lirisë, Partia Demokristiane dhe Partia për të Bashkimi për të Drejtave të Njeriut.
Megjithatë edhe pse jo në koalicion, shumë nga aleatët e PD-së janë shprehur të gatshëm që të ndihmojnë kandidatët në qarqe.
Fushata e opozitës nis sot, deri më 12 maj, pasi më 13 është disa e heshtjes zgjedhore, ndërsa më 14 maj, qytetarët do t’iu drejtohen kutive të votimit.
Deputeti demokrat, Tritan Shehu iu ka bërë thirrje qytetarëve që të marrin pjesë në çeljen e fushatës së koalicionit ‘Bashkë Fitojmë’ për zgjedhjet lokale të 14 majit.
Në një mesazh në ‘Facebook’ Shehu theksoi se demokratët kthehen sërish në stadiumin ‘Air Albania’ dhe këtë herë jo për t’u ringritur por për të fituar më 14 maj.
MESAZHI I SHEHUT Perseri sot ne ate Stadium! Kete here jo thjesht per tu ringritur! Por per te fituar me 14 Maj! Te gjithe se bashku ne mesdite! Numerimi “mbrapsht” ka filluar tashme. Kudo, qe nga Gjirokastra, Libohova, Dropulli, Tepelena, Memaliaj, Kelcyra, Permeti…. Tirana, Durresi, Elbasani, Lushnja, Kukesi, Shkodra… Ne te gjithe Shqiperine!
Sot Partia Socialiste pritet të zyrtarizojë kandidatët për zgjedhjet vendore të 14 majit!
Kur duhen edhe 2 ditë nga përfundimi i afatit zyrtar të depozitimit të listave të kandidatëve, për kryebashkiakë apo anëtarë këshillash, ashtu siç u paralajmërua në mbledhjen e kaluar të kryesisë, socialistët do të caktojnë këtë të shtunë një listë përfundimtare për kandidatët që do të garojnë në zgjedhjet lokale.
Dhe për këtë vendim kryeministri Edi Rama me të mbërritur nga Britania e Msdhe udhëtoi drejt Vlorës aty ku ndoqi nga afër procesin e votimit të Asamblesë së PS-së të këtij qyteti të emrit të kandidatit për kryetar në Bashkinë e Vlorës, që do të pasojë Dritan Lelin.
Në garë mes socialistëve të Vlorës ishin Ermal Dredha dhe Fate Velaj, ish-deputet dhe ish-këshilltar i kryeministrit Edi Rama.
Por Asambleja e PS zgjodhi pikërisht Dredhën, i cili ka mbajtur postin e ambasadorit të Shqipërisë në Emiratet e Bashkuara Arabe dhe që pak kohë më parë është shpërngulur dhe vendbanimin nga Tirana në Vlorë.
Gazetari Edi Ruçi raportoi për “Ora News” se në përfundim të votimit Dredha ka dalë me mbi 200 vota plus nga kandidati tjetër Fate Velaj.
Ermal Dredha është djali i Neki Dredhës, ish-kryebashkiak i Vlorës në vitin 2000.
Emri i zgjedhur nga PS ka një karrierë të pasur në diplomaci. Ai ka shërbyer si Konsull i Përgjithshëm i Shqipërisë në Bari, Itali.
Më pas ka mbajtur postin e kreut të Protokollit të Shtetit në Ministrinë e Punëve të Jashtme, deri në vitin 2016 kur edhe u emërua Ambasador i Republikës së Shqipërisë në Abu Dhabi, Emiratet e Bashkuara Arabe.
Po sot kryesocialisti Rama do të mbledhë Kryesinë e PS-së, ku në fokus do të jenë zgjedhje e 14 majit dhe kandidatët socialistë.
Burime brenda PS bëjnë të ditur se nga 61 bashki shumica e kandidatëve do të jenë rikonfirmime, ndërkohë që deri tani vetëm dy do të jenë deputetë që lënë mandatin dhe garojnë në 14 maj.
Kështu siç është konfirmuar prej kohësh, emri i parë është ai i Benet Becit që do të garojë në Shkodër përballë Bardh Spahisë së koalicionit opozitar.
Ndërsa emri i dytë është ai i Besjan Ajazit deputetit që lë mandatin për të garuar për bashkinë e Gramshit.
Pikëpyetjet e Ramës?
Po ashtu mësohet se janë ende 6 kandidatë në pikëpyetje dhe që po shqyrtohen kandidaturat, midis tyre, Jorgo Goro kryebashkiaku i Himarës, kryebashkiaku i Divjakës Fredi Kokoneshi , kryebashkiaku i Kuccovës Kreshnik Hajdari. Ende nuk informacion nëse do të ketë një mundësi tjetër për Fredi Kokoneshin në Divjakë dhe Rajmonda Balilajn në Patos. Ndërsa në bashkinë e Bulqizës ende nuk ka informacion pasi Lefter Alla, u shkarkua nga kryeministri Edi Rama për shkelje të rënda pas arrestimit nga SPAK, vetëm një ditë më parë.
Sipas burimeve PS ka preferuar që në Bashkinë Librazhd të futet në garë me një emër të ri, njëjtë do të veprohet edhe në Sarandë ku pjesë e garës do të jetë kandidati Olti Caci.
Po e njëjta formulë do të ndiqet në Krujë me kandidatin Redon Roshin, në Has me kandidatin Halit Mulaj, Konispol me kandidatin Erges Dule dhe Bashkia Peqin me kandidatin Bukurosh Maçi.
Përveç Tiranës, 100% emra të konfirmuar do të jenë në 3 qarqe të tjera të rëndësishme, si në Korçë, Gjirokastër dhe Lezhë.
Bashkitë me pikëpyetjet më të mëdha
Bashkia Kuçovë – E papërcaktuar, priten ndryshime
Bashkia Ura Vajgurore – E papërcaktuar, priten ndryshime
Bashkia Bulqizë – E papërcaktuar
Bashkia Himarë – Jorgo Goro, në pikëpyetje
Bashkia Divjakë-E papërcaktuar
Bashkia Patos – E papërcaktuar
Bashkia Librazhd – Ermal Kurti ose Mariglen Disha
Emrat e kandidatëve socialistë për kryebashkiakë që pritet të konfirmohen nga Kryesia e PS
Prezantuesja e njohur televizive Oriela Nebijaj së shpejti do të jetë deputete e Partisë Demokratike. Këtë të martë, 15 nëntor, ajo ka njoftuar se nesër do të dorëzojë formularin e vetëdekarimit në KQZ dhe ka shprehur gatishmërinë për të marrë mandatin.
Nebijaj, dikur krah Lulzim Bashës, nuk arriti të futej dot në Kuvend në zgjedhjet e 25 prillit pasi mandati i kaloi Vangjel Dules. Madje, qytetarët nënshkruan dhe një peticion online dhe bën fushatë të madhe, që në vend të tij deputete të shkonte Ori Nebijaj.
Megjithatë, pas pak më shumë se një viti, moderatorja e njohur do të rikthehet në Kuvend, këtë herë në vend të Grida Dumës. Një rokadë mes të dyjave, sepse Grida Duma vendosi të lërë politikën për të shkuar në televizionin Top Channel ku është moderatore dhe Nebijaj.
Siç shihet dhe nga foto, Oriela Nebijaj ka vendosur të pranojë mandatin dhe të shkojë në Kuvend. Pas verifikimeve përkatëse nga Komisioni Qëndror i Zgjedhjeve, në Kuvend do të mbahet ceremonia e betimit të saj.
