Votime Sondazhe

Albin Kurti, kandidat për kryeministër nga partia fituese e zgjedhjeve ka folur para mediave pas rezultateve të votimit.

Ka shpallur fitoren e partisë së tij, teksa ka thënë se i gjithë angazhimi ja ka vlejtur, shkruan lajmi.net.

“Unë si kryeministër i ri i Republikës së Kosovës e shpall fitoren e Vetëvendosjes në zgjedhjet e 6 tetorit”, ka thënë ai.

“Kemi punuar shumë, jemi angazhuar gjatë mirëpo gjithçka ja ka vlejtur sepse për popullin tonë çka kemi bërë e kemi konsideruar si detyrë tonën”, ka shtuar ai.

“Qeveria e re duhet të kompensojë kohën e humbur dhe mundësitë e çuara dëm”, tha ai.

Teksa tha se që nga nesër do të fillojnë me angazhimet për formimin e Qeverisë së re.

Foli edhe për koalicionin e mundshëm me LDK-në.

“Sot, nuk do t’i kontaktoj, por qysh nesër do të vendos kontakt me LDK-në, që me subjektin që ishim në opozitë që ta kurorëzojmë ndryshimin”, tha ai.

Kandidati për kryeministër nga radhët e koalicionit AAK-PSD, Ramush Haradinaj deklaroi se qytetarët e Kosovës sot e kanë mundësinë të vendosin për fatin e vendit me votën e tyre.

Pasi votoi, i shoqëruar edhe nga bashkëshortja e tij, Haradinaj theksoi rëndësinë e kësaj dite qe sipas tij ata që nuk votojnë sot, për ta vendosin të tjerët.

Haradinaj u bëri thirrje të gjithë qytetarëve të Republikës që sot të shfrytëzojnë të drejtën e tyre për të votuar.

“I lus krejt qytetarët e vendit, të gjithë, pa marrë parasysh bindjet politike ose cilësdo përkatësi të votojnë, vetëm me votë vendosim vetë, pra ata qe nuk votojnë të tjerët vendosin për ta pra i ftoj të gjithë të votojnë, është sukses për Kosovën një demokraci kaq e mirë pra çdo gjë ka shkuar si duhet deri tash, edhe sot procesi i votimit po shkon me rregull në te gjithë vendin pra në të gjitha pjesët e Kosovës”, tha Haradinaj.

Po ashtu, Haradinaj tha se zgjedhjet janë një proces i rëndësishëm për vendin.

“Jemi në proces të rëndësishëm për vendin. Besoj vetëdija jonë sot do të vjen në shprehje. Të gjithë do të vendosim ashtu siç është e drejta e vendit tonë”, shtoi ai.KosovaPress/

Kandidati i PDK-së për kryeministër të Kosovës, Kadri Veseli në ditën e zgjedhjeve ka votuar në shkollën “Faik Konica” në Prishtinë.

Me këtë rast, ai tha se përmes këtyre zgjedhjeve duhet t’i japin perspektivë të ardhmes dhe Kosovës siç tha perëndimore.

Veseli i cili ishte i shoqëruar nga bashkëshortja, pas votimit, para mediave u shpreh se kjo ditë është e jashtëzakonshme për vendin tonë.

“Sot është një ditë e mirë e jashtëzakonshme për Kosovën tonë të shenjtë. I uroj gjithë qytetarët e vendit tim , i japim perspektiv vetvetes, Kosovës sonë perëndimore. I japim perspektivë të ardhmes sonë më shumti”, tha Veseli.

Ndryshe në këtë qendër të votimit në orët në vazhdim pritët të votojnë dhe liderë të tjerë partiak dhe presidenti Hashim Thaçi./KosovaPress/

Kandidati për kryeministër nga Lëvizja Vetëvendosje, Albin Kurti ka votuar në Qendrën e Votimit në Fakultetin Juridik.

Kurti i shoqëruar nga bashkëshortja dhe vajza e tij e vogël, pasi votoi tha se sot është ditë e veçantë për tu dhënë përgjigje sovrani gjitha partive politike.

Ai ftoi qytetarët ta shfrytëzojnë të drejtën e tyre për votë duke e konsideruar si shans unik me karakter historik.

“Dita sot është fortë e veçantë të gjitha përgjigjeve të gjitha partive e politikanëve në fushatë përgjigjet populli si burim i sovranitetit të Republikës sonë. Në ditën e sotme nuk ka rëndësi se a je i pasur apo i varfër, a je grua apo burrë, i ri apo i moshuar a vjen nga fshati a nga qyteti a ke mbaruar shkollim të lartë apo jo të gjithë jemi të barabartë sistemi politik është hapur për të gjithë dhe secilin prej nesh. Unë u bëjë thirrje të gjithë qytetarëve me të drejtë vote që ta shfrytëzojnë këtë shans unik për nga karakteri, e historik për nga pesha”, tha Kurti.

Kurti kur u pyet se përse nuk votoi bashkëshortja e tij, tha se gruaja dhe vajza e tij nuk kanë nënshtetësi të Kosovës.Ndryshe në qendrën e votimit në Fakultetit Juridik të drejt votë kanë mbi 6 mijë qytetar. /KosovaPress/

Presidenti i Kosovës, Hashim Thaçi në ditën e zgjedhjeve ka votuar në shkollën “Faik Konica” në Prishtinë, teksa ka ftuar gjithë qytetarët të votojnë për një të ardhme më të mirë për shtetin.

I pari i shtetit i shoqëruar nga bashkëshortja, para mediave u shpreh i sigurt se ky votim do të jetë një votim për të ardhmen euroatlantike të Kosovës.

“Dëshiroj që t’i uroj qytetarët e Kosovës për këtë ditë të rëndësishme, por të njëjtën kohë t’i ftoj të dalin të votojnë për të drejtën e tyre për të mirën e tyre. Do të jetë një votim për të ardhmen euroatlantike të Kosovës, për një jetë më të mire për qytetarët, për zhvillim ekonomik, për vende të punës dhe gjitha të mirat”, tha Thaçi. /KosovaPress/

Kryesuesja e Misionit për Vëzhgimin e Zgjedhjeve nga Bashkimi Europian, Viola von Cramon-Taubadel, ka vizituar paraditen e sotme disa qendra të votimit në Prishtinë, prej ku ka thënë se procedurat e hapjes së vendvotimeve kanë shkuar pa problem.

Ajo ka theksuar disa incidente të vogla, por sipas saj, në përgjithësi, procedurat në orët e para të votimit kanë rrjedhur pa problem.

Nga Fakulteti Filologjik i Universitetit të Prishtinës, ku janë të vendosura disa qendra të votimit, kryesuesja e misionit për vëzhgimin e zgjedhjeve nga BE, ka thënë se gjatë ditës do të ketë më shumë vëzhgim dhe se procesin e votimit do ta mbrojnë gjatë tërë ditës së zgjedhjeve.

“I kemi disa incidente të vogla, por në përgjithësi të gjitha procedurat, prej asaj se çfarë kemi vëzhguar kanë shkuar mirë, nuk ka pasur ndonjë problem…. Unë mendoj se një ose dy votues nuk ishin në vendvotimet e duhura, ose ndonjë gjë e tillë, mirëpo nga ajo se çfarë kemi vëzhguar rreth 98 përqind është duke shkuar mirë dhe pa probleme . I kishim 30 ekipe për hapjen e vendvotimeve dhe do t’i kemi 58 ekipe në teren për tërë ditën”, tha Cramon-Taubadel.

Ajo ka thënë se procesi duket i qetë, por që sipas saj është herët të flitet meqë kanë kaluar vetëm pak orë që kur janë hapur qendrat e votimit.Megjithatë, vëzhguesja e Bashkimit Europian theksoi se nuk ka ndonjë indikacion që mund t’i shqetësojë./KosovaPress/