“Paketa jonë e lehtësirave fiskale për investitorët strategjik ka dhënë efekte të menjëhershme dhe sot në ditë e samitit firmosim tre kontrata disa milionëshe për investimet e tre hoteleve ne Shqipëri”, tha sot ministri i Turizmit dhe Mjedisit, Blendi Klosi, duke theksuar se Shqipëria është tashmë destinacion konkurrues në fushën e turizmit.
Duke iu drejtuar investitorëve në Samitin e Investitorëve të Huaj në Turizëm, mbajtur sot në Tiranë, Klosi shtoi se në vitin 2019, buxheti shton investime në fushën e turizmit, por sfida vazhdon me zbatimin e 365 masave që kemi përcaktuar.
“Kush është modeli, kush është rruga, kush është është përpjekja jonë për ta shndërruar turizmin në një destinacion europian turistik. Ne jemi në rajon me konkurrent nga më të fortët të turizmit, Italinë, Greqinë, Turqinë Kroacia, Malin e Zi. Pra, ku jemi? Sa do të përgatitemi dhe sa të gatshëm jemi të përballemi me këta konkurrencë. Kjo është sfida jonë. 10 milionë turistë ka në themelin e saj punën dhe sa do jemi ne në gjendje të zbatojmë 365 masat qe ne kemi përcaktuar për të punuar çdo ditë për ta shndërruar Shqipërinë në një destinacion turistik”.
Shqipëria falë projektimit të qartë të qeverisë është shndërruar në një destinacion konkurrent në fushën e turizmit, falë lehtësirave fiskale.
“Por padyshim kemi për të bërë shumë në infrastrukturë. Çfarë do bëjmë për më shumë cilësi, pa dyshim kemi shumë për të bërë. Çfarë do bëjmë ne me arsimin profesional, të rrisim cilësinë e kualitetin e shërbimit. Ne jemi shumë të qartë se gjithë këto brende dhe gjithë këto kompani që pranojnë të investojnë, janë këtu se gjejnë këtë atmosferë, por nëse nuk fitojnë ikin, prandaj jemi këtu për jetë gjatësinë e turizmit”, tha ai.
Modeli i turizmit në Shqipëri, sistem miks
Shqipëria afron natyrën, detin, turizmin malorë dhe historik, agro-turizmin, trashëgimin shpirtërorëve, dhe modeli i turizmit në Shqipëri është një model miks”, u shpreh ministri i Turizmit dhe Mjedisit, Blendi Klosi.
Duke iu drejtuar investitorëve në Samitin e Investitorëve të Huaj në Turizëm, Kosi shpalosi modeli e turizmit në Shqipëri.
“Ne nuk duhet të biem në bumerangun e turizmit masiv, as në letargjinë e mungesës së shfrytëzimit të gjitha potencialeve për t’u fokusuar te turizmi elitar. Modeli ynë është një sistem miks, duke mbajtur në konsideratë zonat specifike dhe karakteristikat specifike të asaj çfarë duam të ndërtojmë në vendin tonë. Me këtë sistem duhet të ketë rregulla të qarta”, tha ai.
Klosi tha se ne kemi 400 km bregdet të cilin në rast se do të vazhdohet pa model pa mbrojtje ne do të gjendemi në një situatë.
“Ajo që propozojmë sot është një model i qartë me pesë pika të cilat shënon identifikimin e zonave turistike me një inters kombëtar. Kemi përcaktuar gjashtë destinacione që do t’i zhvillojmë ku përfshihen nga veriu në jug, nga bukuritë e Shkodrës, Shëngjin, Velipojë, Alpet si një destinacion unikal, bukurinë e bregdetit të Adriatikut, kombinuar me qytetin e Tiranës si një destinacion dhe festival muzikorë. Krijimin polit të vërtetë të Jugut të ri dhe krijimin e perlës joniane”, tha ministri.
Po ashtu, Klosi tha se kemi një plan të qartë me pesë pika për zhvillimin e turizmit në Shqipëri.
“Plani jonë do të ketë 5 pika, identifikimin e zonave, përcaktimin e modeleve të zhvillimit të gjashtë rajoneve, mbrojtjen atraksioneve turistike, zonave të mbrojtura. Arsyeja pse duhet të vizitojnë turistët e huaj vendin tonë, përcaktimi i zonave dhe destinacioneve, sepse çdo bashki e vendit është destinacion turistik”, tha ai.
Klosi tha se ne nuk mund të ecim përpara pa parë se si vendet si Mali i Zi, Kroacia, Greqia, Sllovenia kanë ecur në turizëm, pra janë këto katër model që ne do të kemi në zhvillimin e turizmit.
“Ne kemi fatit të ecim pas disa klasikeve të turizmit dhe të përcaktojmë qartë se kush është modeli ynë të tërheqjes të turistëve drejt vendit tonë me karakteristikat tona, specifikat që na bëjnë një model që duhet të vendosim ku duhet të investojmë. Ky forum do të rri të jap përgjigje pyetjes ku shkojmë, çfarë kërkojmë dhe si mund të jemi një destinacion europian turistike”, tha ai.
Klosi: 300 milion dollarë më shumë në buxhetin e operatorëve të turizmit
Ministri Klosi tha se në buxhetin e kompanive që kanë operuar në fushën e turizmit këtë vit kanë shkuar 300 milion dollarë më shumë se sa një vit më parë.
Ministri Klosi tha se “300 milion dollarë më shumë se sa një vit më parë është shënuar nga biznesi i turizmit drejt për drejti në buxhetin e kompanive tuaja. Të bëhemi së bashku që këto fitime të dyfishohen dhe ti shkojnë të ardhmes së Shqipërisë dhe të krijomë këtë aleancë në fuqinë e pesë yjeve”
Duke iu referuar shifrave ministri, Klosi tha se ky vit ishte i suksesshëm për sa i përket numrit të vizitorëve të huaj në Shqipëri.
“Më 25 nëntor kanë hyrë në Shqipëri 7398 turist të huaj, i gjithë muaj nëntor kanë shkuar 213427, duke shtuar dhe nëntorin 10% me shumë se po i njëjti muaj i viti të kaluar. Në Shqipëri në vitin 2018 kanë hyrë 6 milion turistë që sipas Bankës së Shqipërisë do shënojnë 2 miliard euro të ardhura në prodhimin e brendshëm bruto të vendit tone”, tha ai./atsh
