Turizem

Gjatë edicionit të dytë të aktivitetit “South Outdoor Festival – Himara 2018”, organizuar nga GIZ këtë fundjavë në Vuno, Ministria e Bujqësisë dhe Zhvillimit Rural, së bashku me  Ministrinë e Turizmit dhe e Mjedisit shpallën 21 festat fituese, që do të mbështeten nga këto institucione, gjatë tre muajve në vazhdim. Konkursi “Festat lokale” i cili u hap para 3 javëve, kishte për qëllim zgjimin e aktiviteteve në fshat, duke bërë protagoniste, festat lokale, si një mundësi për të gjeneruar ekonomi lokale, për krijimin e një dimensioni te ri të një turizmi shqiptar dhe për të bërë të njohura zonat tona. Në këtë kompeticion, numri i aplikantëve arriti në 63, ku morëm pjesë bashki së bashku me shoqata dhe organizata të ndryshme.

21 festat fituese do të zhvillohen në 21 nga fshatrat  e përzgjedhura të programit “100 fshatra”, duke synuar kështu rifreskimin dhe zgjimin e potencialeve të fjetura të traditave dhe dokeve tona, promovimin e turizmit kulturor dhe rural, ushqimin dhe mbi të gjitha prodhimet tona tradicionale. Për ministrin e Bujqësisë dhe Zhvillimit Rural, z.Peleshi provomovimi i një dimensionit të ri, i një infrastrukture të re alternative, për të bërë turizëm në Shqipëri, është rruga më e mirë, për t’u dhënë mundësinë, si turistëve të huaj dhe atyre shqiptarë, të shijojne traditën e mrekullueshme të Shqipërisë.

“Iniciativa jonë për festat lokale, nuk tenton të marrë rolin dhe misionin që bashkitë kanë për të organizuar jetën sociale kulturore, ekonomike në zonat e tyre, por është vetëm një “provokim”. Është vetëm një ngacmim i nervit të zhvillimit të fshatrave dhe qyteteve tona.

… Nuk ka mjafton fakti që kemi një bregdet kaq të bukur, që kemi kaq shumë histori, që kemi kaq shumë trashëgimi kulturore. Na duhet që gjitha këto, t’i pakëtojme dhe t’i bëjmë produkte të gatshme për t’u konsumuar nga vizitorët dhe turistët.” – u shpreh ministri.

Gjatë fjalës së tij ministri i Turizmit dhe Mjedisit, z. Blendi Klosi, theksoi idenë e krijimit të një politike të re, në qasjen për promovimin e turizmit, veçanërisht atij rural.

“Duam ta ngremë një traditë. Bëhet fjalë për një dimension të ri që duam t’i japim turizmit sot, dimensioni i promovimit të një vlerë shumë të madhe që kemi në çdo fshat të Shqipërisë, të çdo krahinë të vendit tonë, që janë tradidat e brendshme, të cilat ne duam t’i promovojmë, që realisht ato t’i japim vlera zonës, komunitetit, por të japin dhe vlera për njerëzit që duan të shijojnë më shumë turizëm në vendin tonë. Ne kemi disa kohë që e kemi lançuar këtë projekt edhe në kuadër të 100 fshatrave, që ministri i Bujqësisë, e ka shumë si produktin e vet, që të kemi mundësi të promovojmë zonat rurale të vendit.”

Mbase po të ktheheshim një vit më pas në këtë kohë, këto pamje do të mendoheshin sit ë filmuara në fund të qershorit, e askush nuk do ta besonte se jemi ende në prill.

Edhe pse i pashpallur dhe i papritur sezoni turistik veror ka mbërritur më shpejt se çdo herë tjetër, e këtë radhë nuk e kanë sjellë as organizimet e institucioneve, e as bizneset, pjesa më e madhe e të cilëve janë gjendur të papërgatitur për këtë fluks. Sezoni veror këtë vit erdhi më shpejt nga moti i ngorhtë dhe turistët, të cilët nuk i kanë rezistuar temperaturave.

Temperaturat deri në 30 gradë të bëjnë të mendosh se je në prag të pushimeve, e madje për disa nuk do shumë guxim që të provojnë e të lahen në det.

Shumë prej pushuesve pranojnë që kjo është hera e parë që kanë ardhur në bregedetin e jugut në këtë periudhë, por sigurisht që përpara se të gjenin qetësinë që premtohet në këtë periudhë, kanë parë plazhe të mbushura plot.

Prej dy javësh qindra vizitorë kanë zgjedhur plazhin në vend të malit për të pushuar, e nëse koha do të vazhdojë me të njëjtat temperatura, atëherë Shqipëria këtë vit do të nisë të konkurojë vendet e rajonit me plot 5 muaj turizëm bregdetar. /abcnews.al

Qindra të huaj kanë nisur të vizitojnë bregdetin shqiptar, ende pa u çelur zyrtarisht sezoni turistik, ndërsa koha e shkëlqyer i ofron të shijojnë pushimet e tyre.

Plazhi i Shkëmbit të Kavajës që vijon me Golemin më në Jug, mbetet ndër të frekuentuarit nga turistët elitarë, që i vizitojnë çdo sezon veror, ndërsa biznese të shumta gjatë vijës bregdetare tanimë kanë bërë përgatitjet e fundit për të pritur një sezon që pritet të sjellë mijëra turistë në këtë pikë bregdetare.

Për shkak të temperaturave të larta, tashmë ky plazh po vizitohet jo vetëm gjatë fundjavave, por edhe gjatë ditëve të javës.

Por cilat janë arsyet pse shumë turistë të huaj dhe emigrantë shqiptarë zgjedhin t’i kalojnë në Shqipëri?

Një turiste angleze u shpreh për Agjencinë Telegrafike Shqiptare se vjen shpeshherë në Shqipëri ndërsa viziton kryesisht plazhet në jug të vendit.

“Unë jam angleze dhe vij çdo vit në Shqipëri dhe gjithashtu në bregdetin e jugut në Piqeras, pranë Sarandës. Jam martuar me një shqiptar dhe vij shpeshherë. Më pëlqen shumë turizmi që bëhet këtu, plazhet janë të bukur plot me kafe-bare dhe restorante, kështu që njerëzit kanë shumë gjëra për të bërë. Unë mendoj se plazhet në jug, ku ne shkojmë gjatë verës unë i dua shumë, të gjitha qytezat si Piqerasi, Lukova”, – u shpreh ajo.

Mirjeta Lleshi, emigrante shqiptare prej 28 vitesh në Gjermani ka thënë për Agjencinë Telegrafike Shqiptare se vjen rregullisht në Shqipëri për të kaluar pushimet, ndërsa këtë vit plazhi dhe ambienti përreth i duket më i pastër se vitet e kaluara.

“Sot erdha, dita e parë këtu. Shumë mirë, shumë bukur. Ky vend më pëlqen. Është vendi më i bukur për të ardhur me pushime. Me pëlqeu vendi, shumë pastër, shumë rregull”.

E pyetur nga ATSH-ja se për sa ditë do të pushojë në Shqipëri, ajo u shpreh se për momentin ka ardhur vetëm për një javë, për t’u rikthyer sërish në muajin gusht. “Për një javë kam ardhur tani, por në gusht do të vij prapë”.

Ajo ia ka sugjeruar edhe mikeshave të saj të huaja për të kaluar pushimet në Shqipëri.

“Vitin e kaluar kam ardhur me një braziliane këtu dhe thotë që këtu është edhe më bukur sesa në Brazil”.

Një tjetër turiste angleze, e martuar me një shqiptar nga Kukësi ka thënë se i pëlqen shumë moti i shkëlqyer i Shqipërisë. “Ne erdhëm këtu për pushime, jemi shumë të gëzuar, moti është i shkëlqyer, ne jemi shumë me fat, sepse moti është shumë i bukur”.

Më tej ajo ka shtuar se çdo herë që vjen në Shqipëri është gjithmonë e më mirë.

Një tjetër emigrant shqiptar që jeton në Londër prej 22 vitesh ka ardhur për të pushuar disa ditë në plazhin e Golemit, ndërsa ka thënë se Shqipëria ofron një klimë të mrekullueshme edhe në fund të prillit.

“Prej dy ditësh kemi ardhur. Unë jetoj dhe banoj në Londër. Këtu është shumë bukur, koha është fantastike. Mua më duket shumë më mirë, shumë më qetë dhe fundi i prillit me këtë kohë, është një gjë fantastike për ta gjetur”, – është shprehur Ylli Granica./ATSH

https://www.facebook.com/Agjencia.Telegrafike.Shqiptare/videos/1289112127889756/?t=0

Sezoni turistik,ende nuk është celur zyrtarisht,turistët e huaj pushtojnë Vlorën.

Krociera Berlin e mbërritur nga porti i Kotorrit në Mal të zi është ankoruar gjatë kësaj të shtune në portin e Vlorës,ndërsa janë mbi 400 turistë gjermane,të cilët udhëtojnë me këtë krociere.

Destinacioni i tyre në ketë vizitë një ditore, nuk është vetëm qyteti i Vlorës,por edhe pika të rëndesishme turistike.

Mësohet se vec qytetit të Vlorës,turistët e huaj në programin e tyre kanë si destinacion edhe pikën turistike të Llogarase,por edhe qytetin e Beratit dhe parkun e Apolonisë në fier.

Kjo është krociera e parë që ka mbërritur për këtë sezon turistik në portin e Vlorës,ndërsa pas Vlorës destinacioni i tyre do të jetë porti i Korfuit në Greqi.

Mësohet se gjatë këtij sezoni turistik të kesaj vere,të tjera krociera janë parashikuar të ndalen në portin e Vlorës,duke treguar qartë se Vlora dhe Shqiperia mbeten destinacione mjaft të kërkuara nga turistët e huaj.

Monumentet e kulturës dhe sitet arkeologjike të Shqipërisë çdo ditë e më shumë po vizitohen nga turistë të huaj të cilët kanë interes të mësojnë për historinë dhe kulturën e vendit tonë.

Këto monumente po rijetëzohen dhe janë gati të mirë presin turistët, pasi specialistët dhe institucionet përkatëse për to jo vetëm që po kryejnë çdo punë të nevojshme për t’i mirëmbajtur ato, por gjithashtu kanë marrë nismën dhe për pastrimin e tyre.

Në prag të sezonit turistik 2018, stafi i D.R.K.K-Vlorë, vazhdon fushatën e pastrimit, e cila po shtrihet më së shumti në monumentet që kanë shfaqur probleme më të mëdha. Këtë javë fokusi i këtyre punimeve ishte në monumentet e zonës së Himarës, më saktësisht në kalanë e Porto-Palermos, në Shpellën e Spilesë dhe kalanë e Himarës.

Drejtoria Rajonale e Kulturës Kombëtare – Vlorë, ka hartuar një grafik për pastrimin e monumenteve dhe fton të gjithë institucionet, grupet e interesit dhe qytetarët që t’i bashkohen kësaj nisme.

Fotot janë përmbledhje javore e punëve mirëmbajtëse.

Riviera shqiptare, me shtrirje nga Qafa e Llogarasë deri në Ksamil, është një nga vendet më të bukura në Europë për t’u vizituar. Me plazhet e kristalta, fshatra antike dhe panorama të mahnitshme, ky rajon i Shqipërisë është një destinacion që duhet parë patjetër në Ballkan.

Më poshtë kemi renditur arsyet se përse çdokush duhet të vizitojë bregdetin jugor të Vendit të Shqiponjave.

Panorama që të lenë pa frymë

Bregdeti shqiptar, me male të thepisura, fshatra tradicionalë, plazhe të arta dhe ujëra të kristalta, u ofron vizitorëve pamje që ata mund t’i kenë parë vetëm në ëndërr. Rruga më e mirë për të admiruar këto pamje përrallore është të shkoni në majat e fshatrave kodrinorë në kohën e perëndimit të diellit. Një nga pamjet më të mira që mund të shihni në Rivierë është nga Kisha e Manastirit të Shën Mërisë, një kishëzë ortodokse në majë të Dhërmiut, ndoshta fshati më i këndshëm i Rivierës. Mos harroni të merrni aparatet fotografike!

Plazhe të kristalta

Nëse doni të kaloni pushimet tuaja në relaks të plotë, të rrethuar nga ullinjtë dhe ujërat e kristalta, ok, pasi Riviera shqiptare është vendi i duhur. Ajo u ofron turistëve plazhet më të mira në vend dhe disa nga më të mirët në Ballkan, me gjysmën e çmimit krahasuar me vendet fqinje si Italia, Greqia, Mali i Zi dhe Kroacia.

Ushqim i shkëlqyer

Arsye tjetër madhore për të vizituar Rivierën shqiptare është ushqimi. Ushqimi është plot me shije dhe i shumëllojshëm. Në restorantet në jug të vendit, do të gjeni peshk të shijshëm dhe menu deti, plus pjata vegjetariane dhe kuzhinë tipike shqiptare si tavë kosi dhe pjata të tjera me shije. Gjëja më e mirë e kësaj është se do të paguani vetëm pak euro.

Fshatra të këndshëm

Fshatrat e bregut të Rivierës shqiptare ndoshta nuk mund të jenë të famshëm si disa fshatra italiane apo qytete greke, por ata kanë padyshim sharmin e tyre. Nga Qafa e Llogarasë deri në Ksamil, do të gjeni disa fshatra për të zbuluar si Dhërmiu, Vunoi dhe Qeparoi. Ecni përgjatë rrugëve me kalldrëm, merruni erë buganvileve, vizitoni kishat ortodokse dhe bëni foto te portat që zbukurojnë shtëpitë dhe ndërtesat.

Festivale zbavitëse

Nëse po planifikoni të vizitoni këtë pjesë të Europës, duhet të dini se çdo pranverë dhe verë këtu organizohen evente të mëdha si South Outdoor Festival, që bëhet çdo prill në Vuno dhe Kala Festival, që bëhet në Dhërmi në fund të qershorit. Kujtoni se Saranda është një destinacion veror me shumë kafene dhe klube. Nuk duhet t’u shmangeni gjërave që duhen bërë.

Plazhe të fshehura

Pavarësisht se banorët lokalë dhe turistët frekuentojnë zonat më të famshme të plazheve si Dhërmiun, Borshin dhe Ksamilin, Riviera shqiptare është e mbushur edhe me plazhe të fshehura. Përderisa janë të fshehur, ata nuk janë të populluar, madje as në pikun e sezonit. Mos humbni rastin të relaksoheni në Drimadhes, Gjipe apo Jalë, tre nga plazhet më të bukur të Mesdheut.

Hotele luksoze me çmime të mira

Shqipëria ofron shansin për të patur pushime të mrekullueshme pa shumë shpenzime. Krahasuar me vendet fqinje, ju mund të kaloni netët tuaja këtu pa shumë kosto. Zona ka akomodime të shkëlqyera për të zgjedhur si Hotel Orange në Dhërmi apo Blue Days Hotel në Borsh.

Histori e lashtë

Përveç plazheve të mrekullueshme dhe një jete nate vibruese, kjo zonë ka edhe një histori të lashtë dhe tërheqëse. Nëpër të gjithë Rivierën, ju do të gjeni plot kisha të vjetra ortodokse, manastire dhe rrënoja kështjellash antike si ajo e Ali Pashë Tepelenës, e fshehur mes pyjeve. Pas plazhit të Ksamilit, është një nga zonat më të mëdha dhe më të rëndësishme arkeologjike të Shqipërisë, parku arkeologjik i Butrintit. Ky është një park që nuk duhet humbur për ata që janë të interesuar të mësojnë me shumë për historinë e këtij vendi të mrekullueshëm.

ATSH