Turizem

E DUA VLOREN

Natyra ne kete vend shpalos perkryerjen e nje harmonizimi spektakolar te malit, kodres, fushes, lumit, burimit, detit, lugines, lagunes, flores se pafundme e faunes aq te vecante e shumellojshme!
Ketu Dielli lind me nje rrezellim te argjend e perendon i florinjt, e gjate kesaj udhe dhuron spektakle drite me shkelqimin e tij, me pasqyrimet e tij aq te bukura e aq shprehese sa asnje lloj arti nuk do mundej ta rrokte ne gjithe mrekulline e spektaklit qe jep thuajse pjesen me te madhe te diteve te vitit!
Ketu Hena lind vec per poete e te dashuruar, duke e bere naten diten e dashurise, kot s’thoshte Naimi : “Nate atje eshte tjater nate,edhe dita tjater dite!”
Ketu ne kete vend majat e maleve pershendesin Zotat lart ne qiej e lumenjt si me nje marsh triumfi luajne pjeset me te bukura te lavdise se natyres!
Ketu deti, thinjoshi qe edhe ne terbim qesh, duket se i ka dhene bucimen e vet historise se ketij vendi!
Ketu zor se ka nje vend ku natyra ta kete braktisur, veshtire se gjen nje vend ku te mos falenderosh Zotin per kujdesin qe ka patur duke u marre edhe me detajin e nje petali luleje apo nje cicerime zogu! Gjithshka perfekte gjithshka frymezuese!Arben Abazaj

Mediat britanike vazhdimisht i kanë kushtuar vëmendje Shqipërisë si një destinacion turistik. Së fundmi është Telegraph që i ka dedikuar një reportazh ku tregon pse është momenti i duhur për të vizatuar shtetin e moçëm shqiptar. Një grup prej 13 personash nga mosha 40 deri në 70, vizituan Shqipërinë dhe shkruan këtë artikull. Shqipëria i magjepsi britanikët, aq sa njëri prej vizitorëve ka blerë një shtëpi në Durrës, dhe në fakt artikulli nis me itinerarin e Durrësit, për të cilën vizitorët përshkruajnë bulevardin Epidam me të gjitha kafenetë që e rrethojnë.

Sipas pritshmërive të para, Durrësi është pikërisht ajo çfarë mund të presësh nga qyteti i dytë më i madh i Shqipërisë. Kontejnerë të shumtë popullonin portin e Durrësit, ndërsa tragetet presin që nisen drejt Barit apo Anconas.

Trafiku rëndohet në rrugët e ngushta. Turistët akomodohen në hotelet e ndërtuara pas 1992 me rënien e komunizmit.

Amfiteatri i Durrësit shpalos një histori me shumë kapituj. Jo vetëm atë romane (duke qenë se u ndërtua ne kohë e perandorit Trajan), por edhe epokën Bizantine, dhe periudhën otomane që filloi të përhapej në shekullit e 15. Arena u mbulua në shekullin 16, ku mbi të u ndërtuan shtëpi.

Kështu, Durrësi përfaqësonte sipas Telegraph, një qytet mjaft të rëndësishëm të Perandorisë Romake, i njohur si Dyrrachium, dhe nga ku fillonte pikënisja e rrugës Egnatia, një rrugë që zgjaste 161 km drejt lindjes dhe që përfundonte në Stambollin e sotshëm.

Pjesë e grupit ishte dhe një eksperte e historisë antike, Carolyn, e cila ka punuar për Muzeun e Britanisë dhe që ka shërbyer si guidë në udhëtime në destinacione si Irani apo Arabia Saudite. Ajo e ka pëlqyer aq shumë Shqipërinë sa që ka blerë një shtëpi në Durrës.

Njohuritë e saj i testuan në Lezhë, 72 km në veri të Durrësit, ku ajo tregoi se problemi kryesor me ilirët ishte se nuk kishin një kulturë të shkruar.

Më parë ishte një tempull ilir, dhe më vonë u bë katedralja e Shën Nikollës, sot është një mauzoleu dedikuar Gjergj Kastriotit, një figurë ushtarake, i njohur si Skënderbeu.

Pika e fundit, kryeqyteti i Shqipërisë
Udhëtimi në Shqipëri përfundoi me një vizitë në kryeqytet. Tirana është një qytet plot gjallëri, me baret që mbizotërojnë në zonën e Bllokut.

Muzeu Kombëtar, në kryeqytet, hedh dritë për epokën ilire. Në brendësi kemi armatime bonzi të shekullit të tretë para erës sonë, helmeta dhe armatime të tjera, memoriale përkujtimi për njerëzit e rënën në luftë, dhe ornamente të tjera të shekullit të pestë para erës sonë, s vazo etj.

Për të parë shfaqje të tilla, ka mundësi të shumta. Për të “spiunuar” trashëgiminë ilire, Shqipëria ofron disa pika tërheqëse. Ndër to është Bylis në afërsi të Fierit, në të cilin ju mund të shihni një ndërthurje të kulturës ilire dhe romake. Një tjetër amfiteatër e shekullit të tretë para erës sonë, e kulturës ilire pozicionohet në majë të një kodrine në Bylis. Pjesa më e madhe e arkitekturës së tij është venitur me kalimin e kohës, por madhësia është gjithsesi e dukshme edhe në ditët e sotme./monitor

Risia e këtij sezoni është rritja me disa herë e numrit të turistëve të cilët vijnë nga vende europiane dhe e gjithë bota dhe ne jemi përgatitur t’i presim jo vetëm me standarde cilësore, por me kalendar festash që janë 500 gjatë sezonit turistik, tha ministri i Turizmit dhe Mjedisit, Blendi Klosi gjatë inaugurimit sot të një hoteli me pesë yje në Golem.

Në fjalën e tij, ministri Klosi mirë se inaugurimi i këtij investimi me vlerë prej 10 milionë euro është rrjedhojë e politikës nxitëse e qeverisë në fushën e hotelerisë të niveleve të larta. “Në kushtet e rritjes së kërkesave të kaq shumë turistëve nga bota, është e nevojshme të kemi hotele si ky i sotmi me kushte cilësore”, – tha ai.

Më tej Klosi shtoi se risia e këtij sezoni është rritja me disa herë e numrit të turistëve, të cilët vijnë nga vende europiane dhe e gjithë bota.

“Kemi ndryshuar tashmë numrin e pasaportave që hyjnë në kufirin shqiptar duke i shtuar më shumë vende të reja që nuk kanë qenë më parë si, Izraeli, Kopenhageni, Norvegjia, Londra”, – shtoi ai.

Po ashtu, Klosi tha se me rritjen e turistëve rritet përgjegjësia jonë e rritjes së cilësisë së turizmit shqiptar për ta shndërruar atë në një turizëm me shumë alternativa.

“Prandaj ne ju bëjmë thirrje këtyre operatorëve që janë këtu, të kthejnë sytë nga turizmi alternativ, të kemi mundësi t’u ofrojmë turistëve një numër shumë më të madh mundësish për të vizituar bregdetin dhe jo vetëm, për të shkuar me një kalendar festash që janë 500 gjatë sezonit turistik dhe i kemi organizuar në të gjithë vendin nëpërmjet tri institucioneve, Ministrisë së Turizmit, Ministrisë së Bujqësisë dhe Ministrisë së Kulturës”, – tha Klosi./ATSH

Oh, Shqipëria! Si shumë vende të tjera të Ballkanit, kishim dëgjuar vetëm për historinë politike dhe nuk ushqenim pritje të mëdha, shkruan faqja e njohur turistike travelsofabookpacker.com.

Por, tani mund të themi se është një nga vendet e preferuara dhe nuk mund të flasim veçse mirë për të gjitha  gjërat e bukura që mund të bëni në Shqipëri.

Natyra në Shqipëri është fenomenale, përfshirë male të thepisura, lumenj, liqene dhe plazhe fantastike. Kompletohet me disa qytete antike të UNESCO-s dhe me çmime të leverdishme si në ëndërr… thjesht  destinacionet më të  mira për pushime.

Kemi ( aksidentalisht) kaluar  katër javë  nëpër rrugët e Ballkanit dhe donim t’ju demonstronim varietetin e gjërave fantastike për t’u parë në Shqipëri. Kështu që, nëse  pyet çfarë të bësh në Shqipëri, ne ju japim informacionin e duhur

1) Ekskursion në Valbonë

Kush e dinte që Alpet shqiptare ishin vende impresionante për ekskursione impenjative me terrene të vështira? Ne jo!  Derisa u ftuam nga blogera të tjerë në këtë aventurë.

Ekskursioni nga Thethi në Valbonë zgjat nga 6-8 orë dhe paraqet peizazhet më të bukura që kemi parë në udhëtimin tonë.

2) Vizitë në kështjellën ”Rozafa” në Shkodër

Vizita në qytetin e Shkodrës meriton vizitë një ose dyditore dhe kështjella e saj është pjesa më interesante e qytetit. Pamje magjepsëse  me histori  mbresëlenëse.

3) Të shijosh një birrë në barin rrotullues në Tiranë

Po. E lexuat mirë! Të pish birrë duke u rrotulluar 360º dhe duke shijuar panoramën e Tiranës nga çdo cep. Bari ”Sky Tower”  është i hapur çdo ditë, por perëndimi i diellit është një moment  magjik duke qënë i ulur dhe duke  u  rrotulluar.

4) Vizitë në muze në bunkerin e braktisur

Nuk do të qëndrosh kurrë pa vizituar gjërat e çuditshme në Shqipëri, por të vizitosh BUNK ART Tiranë është  e këshillueshme. Është  një  nga shumë  bunkerët  e ndërtuar nga diktatori Hoxha, i  cili tani  i përket historisë së Shqipërisë. Është vërtet shumë  interesant dhe informativ. Kanë arritur të hapin edhe një të  dytë në qytet.

5) Merr teleferikun për të parë pamjet më të bukura të Tiranës

Pak më jashtë qytetit gjendet mali i Dajtit me disa pamje  shumë të  bukura  panoramike. Në zonë ka shumë vende për ekskursione. Restorantet lart  kanë një ushqim të shijshëm dhe pamje fantastike në perëndim të diellit.

6) Kampingjet në plazhet më të bukura të Shqipërisë

Kishim  programuar të kalojmë një  javë  në bregdetin shqiptar, por arritëm të  bëjmë dy  javë. Ishim  pikërisht  në  fundsezoni ( shtator) dhe në shumicën  e plazheve ishim të  vetëm. Kampingu në Shqipëri është  i ligjshëm dhe  gjetëm shumë  vende  fantastike në  ditët  e qëndrimit.

7)  Vizito plazhet ku mund të ecësh

Përgjate vijës bregdetare  të  Shqipërisë ndodhen shumë  restorante dhe hotele. Ndërsa  shumë  prej  vendeve janë  te arritshme nga njerëzit, disa  prej  tyre kërkojnë  ecje  në  këmbë  për  t’u  arritur. Ecja  nëpër  këto  vende  ka  bëre  që  shumë  njerëz  t’i frekuentojne këto  vende të qeta për të kaluar  ditën . Të  preferuarat  tona ishin plazhi në  Gjipe dhe një gji  në veri të  Livadhit.

8) Vizito Beratin. Qytetin e një mbi një dritareve

Në realitet nuk ia dolëm pasi  duhet të shtonim disa kilometra dhe  nuk arritëm  ta  vizitonim.

Kemi  dëgjuar  gjëra  pozitive  mbi  qytetin dhe  sigurisht  do  jetë  në  axhendën  tonë të  ardhshme. Mund ta  vizitosh Beratin  me  nje  ditë udhëtim nga Tirana.

9)  Shikoni çatitë me rrasa guri në qytetin e vjetër të  Gjirokastrës

Ështe  një  qytet  në  pasurinë  e  UNESCO-s  dhe  gjithashtu  një  qytet  i adhuruar. Ky  qytet  historik daton  që  nga  shekulli XVII  dhe  dallohet  për  ndërtesat  e  tij  prej  guri. Edhe çatitë  janë  realizuar në  mënyrë  impresionante  me  pllaka  guresh njëra  mbi  tjetrën. Nga kalaja  qyteti  ka  nje  pamje panoramike.   Ka  edhe  shumë  restorante  dhe  bare  nëpër  rrugët  e  qytetit.

10) Zhytuni në  ujrëat  e ngrohta të  Bënjës

U përpoqëm  për  këtë rast  dhe dhe ia  dolëm. ishte  një  zbulim  i madh.  Vetëm gjashtë kilometra  në  një  rrugë  me kthesa nga  qyteti i vogël  i Përmetit  arrihej  në  një  lumë  me  një urë  antike  dhe  disa  pishina  artificiale prej  gurësh. Uji  është  i  një  temperaturë  të  ngrohtë  krijuar  nga  aktiviteti  gjeotermik  poshtë  tokës.

Era  nuk  është  e pëlqyeshme  nga  era  e  squfurit,  por  ambientohesh  shumë  shpejt,  ndërsa  bën  banjo   dhe  një  pamje  fantastike përreth. Kushton 200 lekë, pak a shumë  1,5 euro  për  dy persona, dhe ka parkim. Është  e  mundur  edhe  kampimi  natën  nëpër  pishinat  termale.

11) Eksperimento dhe  shiko fshatrat e  vegjël ndërsa i jep makinës

Shqipëria  është  një  vend fantastik  për  udhëtimet në  rrugë. Rugët shpeshherë  janë me  gropa, rrugë  me  një  korsi , me kafshë  të shumta,  dhe  makina  bujqësore  në rrugë. Kështu që  mos  planifiko asgjë  që ta arrish  me  shpejtësi. Por,  ndërsa  nget  mund  të  jesh  i  vëzhguar  me  kuriozitet  nga  bujqër  dhe  fëmije  që po  bëjnë punët  e  përditshme.

12) Hani  byrek (mëngjes, drekë, darkë)

Ky  ushqim  i shkëlqyer është  i pranishëm  në  pothuaj  gjithë Ballkanin dhe  pothuaj  për  ne  u  bë  ushqimi  bazë  për  tre  muajt që qëndruam  atje. Është i përbërë  prej brumi, spinaqi, djathi apo mishi. I thjeshtë, me  shije  dhe  ekonomik, 70  cent  një. Gjendet  në  të gjitha  furrat  e Shqipërisë.

13) Noto në ujërat kristal

Kishim dëgjuar  që  plazhet  e Shqiperisë  ishin  të  bukura,  por  nuk  e dinim  se çfarë na  priste.  Por,  tani, uau…  Nuk  besoj  se  kemi  parë ujëra kaq të  pastra. Kemi qenë edhe  në  ishujt  Fixhi,  në Kubë  dhe në ishujt  grekë. Nuk  mund  të  shikosh  këto  ujëra pa  u  kredhur direkt. Këtë  gjë  e bënim  çdo  ditë.

14) Shijoni të  paktën 10 tipe trileçesh

Në  realitet  jemi prezantuar  me  këtë ëmbëlsirë  në  Malin  e  Zi, por  jemi  të  bindur  se  është  një specialitet  shqiptar. Një tip  torte  si  sfungjer  e përbërë nga  qumësht  dhe pana  dhe  mbi të   një  shtresë  karameli. Çdo restorant, furrë, nënë  shqiptare  ka  recetën  e  saj me  një  miks  qumështi  dhe karamele,  kështu  që  duhen  provuar  disa  tipe.

15) Hani  peshk  të  freskët  me  cmime  vërtet   të  leverdisshme

Shqipëria  ka  peshk dhe   është  i  lirë. Hëngrëm në disa  restorante  të ndryshëm  gjatë  vijës  bregdetare dhe  kudo ishte  i  lirë  dhe  i  shijshëm. Një  pjatë  mesatare  ishte  pak  a shumë  5-10  euro  bashkë  me  një pije dhe  pjatë  shoqëruese.

16) Vizito shkollën e parë shqipe në qytetin e Korçës

Korça ishte  një  kalim  i  detyrueshëm  për të shkuar  në  Maqedoni,  por më  në fund  u dashuruam  me të. Ka disa  vende  tërheqëse  që mund të  vizitohen  brenda  dy ditësh dhe ka  shumë  vende  të  mira  ku  hahet  ushqim i  shijshëm. Një  nga  vendet  më  tërheqëse  është  shkolla  e  parë shqipe  që  tani  është  Muze Kombëtar. Ishte  hapur  për  herë  të  parë në 1878 dhe  kishte  si  qëllim  mësimin  e  gjuhës  tek  fëmijët.

17) Shiko pamjen e Korçës nga obelisku panoramik

Në fund të  rrugës  pedonale  gjendet  një kullë ku  mund  të  hipësh  me  ashensor dhe  të  shijosh  pamjen dhe ne  menduam  pse  jo? Panoramat  janë  vërtetë  të  bukura.  Përsa  mund  të  themi  është  vetëm  një atraksion  turistik  dhe  nuk  ka  kuptim  tjetër.

18) Gjej dhe shiko bunkerët

Një udhëtim  në  Shqipëri nuk  mund të quhet i plotësuar  pa  mësuar  diçka  mbi  të  kaluarën. BUNK’ART është  një mënyrë  e shkëlqyer për t’u  prezantuar  me bunkerët  e  Shqipërisë. Ata janë  gjithandej. Enver Hoxha  ndërtoi 170 000  bunkerë  në  rast  sulmi. Kështu  që  kudo  që  shkon,  bëj  kujdes. Disa  janë kthyer  në  kafe  dhe  strehim, disa  janë  dekoruar,  disa në  kasolle  për bagëtitë.

19) Merr tragetin për në liqenin e Komanit

Ky  udhëtim  i  bukur  është  obligim nëse  ndodhesh  në  zonën  e  Shkodrës. E bëmë  si  udhëtim  pasi u  kthyem  nga Thethi  në Valbonë. Panoramat  që  pamë  ishin  vërtet  mahnitëse.

20) Vizito Syrin e Kaltër

Këto janë  burime  natyrore nga  ku  del uji  më  i pastër  dhe më  i  ftohtë  që  kemi  parë  ndonjëherë. Më i  famshmi  ndodhet  midis  Sarandës  dhe  Gjirokastrës.  Është  edhe  një  tjetër  rreth  2,5 orë më këmbë ose 30  minuta me makinë nga  Thethi. Preferuam  këtë  të  dytin.

Siç  mund  të shihet  Shqipëria është  e mbushur  me  gjëra  të  bukura  për  të bërë dhe  pjesa më  e madhe  e tyre janë  shumë  ekonomike . Shtatori  ishte  muaji  perfekt  për  të  vizituar  Shqipërinë  dhe  klima  ishte  akoma  e  pabesueshme  (27-32°C)  dhe  ka pak  turistë  të  mbetur  nëpër  plazhe.

Atëhere, çfarë  po  pret ? Planifiko udhëtimin tënd  në  Ballkan!.

Një diamant ende në stadin e përpunimit, por me bukuri të rralla. Duket kjo pamja që i përshtatet më shumë Shqipërisë, një tokë akoma e paprekur mirë nga turistët, por që fsheh peizazhe shumë të bukura, plazhe që ngjajnë me ato të Karaibeve dhe një mikpritje të madhe.
Në shkrimin e publikuar sot nga websiti italian “Tgcom 24” me titull: “Shqipëria, një bregdet që i ngjan Karaibeve”, thuhet se është bregdeti i jugut të Shqipërisë, ai që të dhuron pamje natyrore të mahnitshme, që shtrihet nga Vlora në Sarandë, dhe në zonën e Parkut Kombëtar të Llogarasë.
Male të gjelbër dhe shkëmbor, pas plazheve me rërë ose shkëmbinjve në detin e kristaltë, nga të cilat mund të zhytesh.
Deti në Shqipëri është sinonimi i pushimeve low cost. Zona bregdetare, edhe pse shumë e populluar në muajin gusht, është ende pak e njohur nga turizmi i masës dhe çmimet e hoteleve e restoranteve janë të larta. Ja disa nga vendet më të bukura për pushime në Shqipëri, që të jeni të sigurtë do t’iu surprizojnë.
Vlora, historia dhe plazhet– Vlora është një nga qytetet më antike të Shqipërisë. U themelua në shekullin e VI p.e.s me emrin Aulona. Jo larg Vlorës është plazhi i Jalës që ndodhet në jug të qytetit pak kilometra nga plazhi i njohur i Drimadhës, afër fshatit të Vunoit. Një plazh i mrekullueshëm dhe i qetë, me rërë , i lagur nga ujëra të mrekullueshme ngjyrë turkuazë dhe transparentë. Drimadhës është një magji: me një rërë të artë ku është e mundur të qëndrosh dhe të shijosh një nga perëndimet spektakolare karakteristike të Shqipërisë.
Shpella e piratëve- Plazhi i Livadhit, në këmbët e kështjellës së qytetit, është e rrethuar nga një bimësi e dendur dhe në të dy anët nga shkëmbinj : edhe këtu deti është transparent , dëshmi e një natyre ende të ruajtur.
Shumë restorante në Himarë ofrojnë ushqime shumë të shijshme dhe pjata me bazë peshkun , kallamarët dhe karkalecat. Pranë Dhërmiut , një bregdet antik dhe shumë tërheqës me plazhe të mrekullueshme, ndodhen edhe disa ishuj të vegjël si Shkambo, Jaliksari dhe Gjipea , që janë afër dy kilometra. Tek këta ishuj shkohet me makinë, varkë ose në këmbë për 15-20 minuta .
Për mos t’u humbur është shpella e piratëve që kohë më parë strehonte piratët e detit e sot e famshme per intimitetin e hapësirës së saj në rritje, me ngjyrën blu të fortë të ujit të detit.
Plazhet e bukur përballë Korfuzit- Saranda një gji i vogël, i hapur në jug dhe i rrethuar nga kodra, ka përballë ishullin grek të Korfuzit. Në zonën e Sarandës nuk është për t’u humbur Ksamili , një vend turistik mbi bregun e qytetit antik të Butrintit , 17 km larg nga Saranda dhe rrethuar nga disa ishuj të vegjël përreth plazhit të magjishëm. Për të përfunduar me plazhin Pulëbardhat, absolutisht ndër më të bukurit në Shqipëri, tek i cili mund të shkosh me varkë për të zbuluar dhe shijuar ishuj të tjerë të vegjël që rrethojnë bregun. /ata

https://youtu.be/sEtLqQtj1u4

Besojeni apo jo, ky plazh ndodhet në Shqipëri
Nuk do ta besoni, por po, këto pamje që do t’i shihni më poshtë janë nga Shqipëria, përkatësisht nga fshati i madh dhe i bukur i Borshit.

Borshi është një fshat me histori të lashtë në zonën e Bregut, apo siç njihet me emrin “Riviera Shqiptare”, dhe është pjesë e komunës së Lukovës, rrethit të Sarandës.

Ai kufizohet në lindje nga Fterra dhe ka një popullsi prej 2500 banorë. Ndryshe ky fshat njihet edhe si “perla e jugut”. Ky fshat ka një plazh të gjatë me ujë të katër kristali që shkëlqen nën rrezet e diellit.

Edhe pse ende i paeksploruar si vendet e tjera, padyshim se ia vlen të vizitohet për shkak të ujit dhe bukurisë së tij.

Në disa fotografi të nxjerra nga Google dhe disa video të publikuara në YouTube, mund ta shihni se si duket ky vend përrallor në Shqipëri.

Shqipëria ka një strategji të qartë për të krijuar një ofertë turistike rajonale. Ministri i Mjedisit dhe Turizmit, Blendi Klosi gjatë një interviste televizive tha se turizmi është baza e zhvillimit ekonomik.

“Strategjia e turizmit është e punuar nga ekspertë, si z. Civici, por dhe të tjerë. Një nga detyrat është hapja e Shqipërisë për të qenë një network i gjerë, një paketë rajonale me Serbinë, Kosovën, Malin e zi në veçanti me Maqedoninë, me Bosnjën pak a shumë, pra që të kemi një zhvillim të qëndrueshëm në turizëm. Çdo ditë mund të ndodhi një problematikë që ta vështirëson një objektiv. Ne duam që të dalim nga sezoni turistik, ku hotelierët dhe operatorët të jenë të kënaqur nga rezultati. Ne duam të futemi në këtë industri që prodhon rezultate apo mirëqenie e që funksionon pozitivisht”.

Gjatë fjalës së tij, ministri Klosi theksoi se të bësh turizëm është diçka e vështirë dhe për të është e papranueshme që të ketë turizëm elitar dhe njëkohësisht të ketë hotele, të cilat ujërat e zeza i shkarkojnë në det.

“Problem i madh është se ne nuk e kuptojmë që ky është një biznes shumë i vështirë. Nuk mund të pranojmë të kemi turizëm elitar dhe të kemi ende hotele që derdhin ujëra të zeza në det. Përsëri kemi rreth 20-30 sipërmarrje që vijojnë sërish këtë praktikë negative. Pjesa tjetër është në përmirësim e sipër. Duhet një trajtim sa më i mirë i ujërave të zeza”, – theksoi Ministri.

Për ta çuar turizmin në një nivel tjetër, sipas Klosit duhet arsim profesional për hoteleri dhe agroturizëm.

Klosi bëri me dije se po punohet në pikat kufitare që të mos ketë vonesa për turistët.

“Për të zhvilluar turizmin duhet investime në infrastrukturë, edhe pse po bëhet shumë. Duhet arsim profesional për hoteleri dhe agroturizmin. Gjithashtu jemi duke punuar për të zgjidhur problemin e pikave kufitare për të kaluar me shpejtësi turisti. Pra kjo është risia e këtij sezoni, një rritje e volumit të turistëve të huaj”, – tha Klosi ndër të tjera. Sipas tij, fluksi i madh turistik po i jep besim sipërmarrësve të investojnë. “Golemi dhe Kavaja falë investimeve në kolektorë dhe trajtim të ujërave të zeza ka pësuar një rritje të madhe të turistëve”. /ATSH

Disa të rinj do të monitorojnë disa plazhe në qytetin e Vlorës, ku vitin e kaluar u instaluan dhjetëra pika për vrojtuesit. Të gjithë subjektet që do të shfrytëzojnë plazhin, detyrimisht duhet të punësojnë dhe një vëzhgues plazhi. Nuk do të jepet nga Bashkia e Vlorës asnjë leje shfrytëzimi të plazheve, pa patur në kontratën e punës dhe një vrojtues plazhi.

Ky është një detyrim ligjor për të dhënë ndihmën e parë dhe për të shpëtuar jetën e personaveqë kërkojnë ndihmë në det. Përparim Kamberaj, përgjegjësi i rojeve të plazhit, shprehet: “Është detyrim moral ndaj pushuesve në qytetin tonë. Trajnohemi si sportistët dhe mësojmë teknikat e ndihmës së parë mjekësore dhe transportimin deri në breg”.

Bregdetit të Vlorës i duhen të paktën 200 vrojtues, ndaj duhen ende të rinj që të trajnohen dhe kualifikohen. Jo pak raste ka patur vitin e kaluar në bregdetin e Vlorës, ku mungesa e një vëzhguesi plazhi mund të kishte shpëtuar dhe jetë. Vitin e kaluar, në bregdetin e Vlorës janë mbytur 6 persona./javanews