Gjiri i Vlorës përbën një ndër atraksionet më të mëdha turistike të jugut vendit, ndërsa së fundi në dispozicion të turistëve është vënë edhe një një anije udhëtimesh për të eksploruar destinacionet që ofron ky bregdet.
Përmes një videoje në rrjetin social “Facebook”, Kryeministri Edi Rama postoi një video me pamje nga kjo anije, që tashmë do të përshkojë itinerarin e gjirit të Vlorës.
“Mirëmëngjes dhe me anijen e parë të udhëtimeve turistike në gjirin e Vlorës, ju uroj një ditë të bukur”, shkruan Kryeministri Rama./atsh
Roshniku është kthyer në një nga pikat turistike më të frekuentuara në rrethin e Beratit.
Tashmë ky fshat është radhitur në listën e 100 fshatrave turistik që do të marrin prioritet në zhvillimin e tyre.
Ka një bukuri të rrallë natyrore. Kushtet e favorshme klimatike i kanë falur kësaj zone e këtij fshati një gjelbërim të përhershëm. Kjo ka sjellë që produktet bujqësore me në krye vreshtarinë, të jenë nga më të kërkuarat në treg.
Veç tyre, Roshniku ka një trashëgimi të pasur kulturore dhe historike. Sapo futesh në fshatin piktoresk e të sistemuar, përballesh me muzeun e fshatit një nga më të hershmit në vend. Në të gjen historinë e fshatit por edhe të mbarë krahinës.
Në defterët e zverdhur të viteve 1578, 1661, në gjuhën turke, gjendet kjo histori.
Në to shkruhet se nga zona e Roshnikut kanë dalë 5 vezir që kanë drejtuar Perandorinë Osmane nga 35 shqiptarë që ka pasur në majat e saj.
Dihet historikisht që sulltani themeloi Perandorinë në vitin 1363 dhe organizoi një ushtri. Osmanllinjtë morën me dhunë djemtë shqiptarë.
Djemtë të marrë me forcë për të shërbyer në ushtrinë perandorake, shumë shpejt u vunë në krye të perandorisë. Qyprillinjtë e Roshnikut, që nga Mehmeti që shërbeu si Kryevezir për 15 vjet, e të tjerë që drejtuan Perandorinë Osmane më shumë se 50 vjet.
Por, në këtë muze vizitori nuk mëson vetëm për historinë e Qypërllinjëve, por ka dhe plot histori e dëshmi të tjera që të mbushin me kuriozitet. Banorët e zonës, secili të tregon një histori apo gojëdhënë për fshatin e tyre.
Në këtë fshat është dhe “Çezma e Tarikos”, një burim uji i pastër mali i dekoruar me një murale guri dhe me mbishkrimin dedikuar emrit të Tarikos.
Kjo çezmë tashmë është kthyer në një pikë orientimi e vend çlodhjeje, freskimi, por edhe pelegrinazhi për të mësuar më shumë prej historisë së saj dhe të fshatit.
Pllaka përkujtimore e vendosur në murin e çezmës thotë: “Ju udhëtarë që kaloni e pini ujë e uroni, Tarikon ta kujtoni. Tarikua e ëma e Demirit që ngeli garibe nga dora e qafirit në vitin 1925” .
Tariko ka qenë një grua dhe nënë e mirë që ju vranë të dy djemtë nga hasmi dhe ngeli e vetme. Ajo e përballoi dhimbjen dhe banorët e zonës e nderonin dhe e respektonin.
Kjo çezme e lashtë ndodhet në anë të rrugës tregtare ose “Vromit të madh” siç i thonë fshatarët e zonës, që lidhte dikur portin e Vlorës me Beratin, Korçën, Maqedoninë deri në Stamboll.
Kjo rrugë ishte një degëzim i rrugës Egnatia që çante përmes gjithë perandorinë romake nga perëndimi në lindje.
Mbi këtë rrugë ndodhet dhe “Hani i Perisnakës”, një pikë grumbullimi e çlodhjeje të karvaneve që mbërrinin nga larg, gjithë zhurmë e rrëmujë, kusari e hajdutëri që është futur në gojëdhëna për bëmat e tija të rrëmujës.
Edhe sot vendasit e përdorin shprehjen kur në një kuvend apo bisede në grup nuk ka radhë dhe rregull “e bëtë si hani i Perisnakës”.
Aty mblidheshin tregtarë, hajdutë e kusarë, që shkëmbenin e grabisnin karvanet që kalonin në rrugën e madhe dhe ndanin plaçkën. Aty ziheshin, rriheshin dhe vriteshin për plaçkën e vjedhur.
Kjo rrugë e vjetër dhe zona rreth Tomorrit, kanë vlera historike, kulturore, mbartin në vete kuriozitete dhe shumë vlera natyrore e turistike.
Udhëtari që kalon në këto zona, do të qëndroje e do pijë një grusht ujë nga çezma e Tarikos dhe do të mësojë mbi Qypërllinjtë, mbi Vrromin e Madh, do të shohë rrënojat e Hanit të Perisnakës, do të sodisë Tomorin e lartë, do të pijë një gotë raki apo verë nga vreshti i pjekur në diellin e shpatit malor dhe do të mendojë për vizitën e ardhshme. /ATSH/
“Kemi një numër shumë të reduktuar të humbjes së jetës krahasuar me vjet në plazhe por përsëri një jetë e humbur na rrëzon gjithë atë çfarë ne themi”, deklaroi ministri i Turizmit, Blendi Klosi ndërsa bëri thirrje që të gjithë aktorët që punojnë për rritjen e sigurisë në plazhe të jenë të bashkuar.
“Duhet të jemi të gjithë së bashku atje, së bashku me pushtetin qendror, së bashku me pushtetin lokal, së bashku me vet poseduesit, operatorët turistikë, të cilët duhet të kuptojnë se kjo është një përpjekje që duhet të vijë nga poshtë-lart”, theksoi Klosi.
Ai foli edhe për sistemin shëndetësor të ndërtuar në vite. “Por”, tha ministri, “këtë vit e kemi në perfeksion numrin e qendrave të ndihmës së parë”.
“Kemi 26 pika ambulatore në të gjithë sistemin e plazheve. E kemi ndërtuar dhe për herë të parë, kemi 18 qendra ambulance të cilat përgjigjen në të gjithë zonën bregdetare në harkun kohor të 7-8 maksimuni 10 minuta”, vuri në dukje ministri Klosi. Të gjitha këto përpjekje, theksoi ai, “na bëjnë të mendojmë se sezoni do të vazhdojë të jetë i sukseshmëm me numër të rritur turistësh, por sa më shumë rritet numri i turistëve aq më shumë shtohet përgjegjësia jonë, aq më shumë shtohet përgjegjësia jonë për të pasur mundësi që të kemi një sezon të diversifikuar”. /atsh
Sektori i turizmit ende i pamaturuar shihet si një burim potencial për rritjen ekonomike në të ardhmen, por modeli në të cilin po zhvillohet nuk po i jep vlerën e shtuar që i takon sektorit.
Vërshimi i fshatrave turistike i destinuar për shitje, në vend të resorteve me kapacitete të mëdha akomodimi, nuk i jep sektorit vlerë të shtuar të lartë dhe nuk i nxit dukshëm industritë mbështetëse. Teksa, kompania Balfin Group është në përfundim të punimeve te fshatit turistik “Green Coast, kompania e ndërtimit Edilal, ka njoftuar projektet për ndërtimin e tre fshatrave të ri një turistik në jug të vendit.
Kompania Edilal ka publikuar në web faqen zyrtare se ka në plan të nisë vitin që vjen punimet për ndërtimin e një fshati turistik në zonën ndërmjet Palasës dhe Dhërmit të quajtur “Palasa Bay Resort”. Projekti do të shtrihet në rreth 14 hektarë tokë dhe sipërfaqja e ndërtimit do të jetë në 44.000 metër katror, ku në pjesën jugore të saj shtrihet deti. Janë projektuar 160 njësi vilash dhe një hotel.
Edilal ka ne plan të përfundojë brenda 2019-es një kompleks rezidencial me vila në Gjirin e Jalës, 55 kilometra nga Vlora. Fshati i Jalës u dizajnua nga studio italiane OIKOS Progetti dhe parashikon ndërtimin në një sipërfaqe toke prej 45 mijë metrash katror, ku 4100 metër janë për vila dhe hotelin në 2200 metër katror.
Edilal gjithashtu ka njoftuar se do të zhvillojë një projekt të ngjashëm në Ksamil. Ky projekt do të dizajnohet në bashkëpunim me studion arkitektonike greke ORIO & Partners. Arameras BEACH resort parashikohet të vendoset në një sipërfaqe 29 hektarë ku sipërfaqja e ndërtimit është 112.940 metër katror.
Më herët këtë vit kompania Edil Al prezantoi projektin për ndërtimin e një fshati turistik të kombinuar me hotel dhe resort në Gjirin e Lalëzit. i pagëzuar me emrin “San Pietro Resort”, projekti synon që në gjithë sipërfaqen e truallit prej 350.000 m², do të jenë të ndërtuara 140.000 m² sipërfaqe, nga të cilat 98.600 metër katror do të jetë fshati turistik, një rezidencë e ndërthurur me vila dhe apartamente dhe 41.400 m² do të jetë hoteleri dhe resort me 5 yje. Resorti është duke u zhvilluar në me partneritet me kompaninë spanjolle “Melia Group”, e njohur për menaxhimin e resorteve me shërbime luksi. investimi do të përfshijë 88 milionë euro, ndërsa pritet të jetë në operim brenda tre viteve bëjnë me dije burimet e kompanisë dhe do të ofrojë ofertat all inclusive.
Modeli i fshatrave
Bregu i Jugut te vendit po zhvillohet me modelin e Gjirit të Lalëzit. Në mes të një pylli të bukur, i pacenuar nga vala e ndërtimeve që zaptoi Durrësin fill pas viteve 1990, Gjiri i Lalëzit aktualisht është “zaptuar” nga fshatrat turistikë. Banesat shfrytëzohen nga poseduesit maksimumi 10 ditë në vit, duke punësuar vetëm dy-tre punonjës sigurie për ruajtjen e tyre. Ndërtimet e fshatrave turistikë përgjatë gjithë bregut të Lalëzit, kanë dëmtuar kurorën e pishave të gjelbra. Banorët e Ishmit nuk po shohin përfitime nga popullimi i bregut. Zona është kthyer hermetike me vila luksoze, të cilave nuk u afrohesh dot. Të rrethuara me gardh mbrojtës dhe me roje të armatosura, përveçse kanë shtuar kuriozitetin për jetën matanë, nuk kanë sjellë asnjë përfitim për zonat përqark. Fshatrat turistikë të Lalëzit nuk i kanë rritur dukshëm kërkesën për prodhimet e tyre dhe as e ka nxitur bujqësinë në zonë. As kërkesë të dukshme për punësim nuk ka pasur. “Lura 1”, “Lura 2”, “Peshkatari”, Vala Mar, New Born, Perla, janë vetëm disa nga fshatrat turistikë në Gjirin e Lalëzit, teksa ky model (më i rafinuar) po përhapet me shpejtësi në Jug./Shqip
Curraj i Epërm është fshat i thellë malor në veriun e Shqipërisë dhe konsiderohet si një ndër fshatrat më të bukura të Alpeve Shqiptare. (Nëntor Oseku).
Shëtitorja e bregdetit të Dhërmiut, një prej investimeve të fundit të realizuara në bashkinë e Himarës, e ka transformuar plotësisht plazhin në këtë pjesë të bregdetit të Jugut, një ndër hapësirat më atraktive të turizmit në Shqipëri.
Efektiviteti i këtij projekti, të realizuar me financim të Bankës për Zhvillim të Këshillit të Europës (CEB) dhe Fondit Shqiptar të Zhvillimit, po reflektohet gjatë këtyre javëve dhe veçanërisht në ditët e para të muajit korrik, kur fluksi i pushuesve vendas dhe turistëve të huaj, ka shënuar rritje të dukshme.
E tillë është atmosfera edhe gjatë këtyre ditëve. Mijëra pushues nga zona të ndryshme të vendit dhe turistë të huaj, frekuentojnë plazhet përgjatë këtij bregdeti, ndërkohë që në orët e mbrëmjes zgjedhin të shëtisin përgjatë shëtitores, ku ofrohen mundësi të shumta argëtimi e çlodhjeje.
Pushues që frekuentojnë Dhërmiun prej vitesh, shprehen se shëtitorja e ka transformuar tërësisht plazhin jo vetëm në planin estetik, por edhe në atë funksional.
“E shijoj shumë këtë pamje të re të këtij plazhi të mrekullueshëm. Shëtitorja e ka shndërruar në një mjedis mjaft modern”, shprehet Andueni, një 35-vjeçar nga Tirana, që vjen këtu çdo verë, prej së paku 10 vitesh.
Përgjatë gjithë plazhit, nga ish-kampi deri në skajin jugor tek “Pastarela”, shëtitorja e realizuar me gurë dekorativë, e ndarë në dy nivele, me gjelbërim në përshtatje me mjedisin natyror të zonës, i ka dhënë një dimension më atraktiv gjithë kësaj hapësire të mrekullueshme.
Turistë të huaj, nga vende të ndryshme, si Polonia, Rusia, Çekia, Italia, Gjermani, Franca, Ukraina, Bjellorusia, Maqedonia, shqiptarë nga Kosova, kanë zgjedhur të pushojnë dhe të shijojnë detin e mrekullueshëm të Jonit dhe gjithçka ofron natyra dhe njerëzit, në këtë pjesë të Bregdetit të Jugut të Shqipërisë.
Në orët e mbrëmjes, shëtitorja është plot dhe po ashtu edhe lokalet përgjatë saj. Ky është tregues i drejtpërdrejtë i këtij projekti, që nisi vetëm pak muaj më parë, për t’u shndërruar në një realitet të këndshëm për pushuesit, banorët e zonës dhe operatorët e shumtë turistikë.
Aktualisht, në bashkinë e Himarës, janë në process apo kanë përfunduar projekte me vlerë të përgjithshme prej rreth 8 milionë euro, të cilat janë të orientuara tërësisht tek turizmi.
Mes tyre përfshihen edhe projektet e rijetëzimit të fshatrave Dhërmi e Vuno, si edhe ndërtimit të shëtitores së plazhit të Jalës.
Impakti i investimeve të realizuara deri tani në këtë Bashki, pritet të reflektohet te numri i turistëve vendas dhe të huaj. Drejtuesit e bashkisë janë mjaft optimistë për shifra në rritje, krahasuar me sezonin paraardhës.
Kryebashkiaku Jorgo Goro, thotë për ATSH-në se, pritshmëritë janë tepër pozitive për këtë sezon.
Dhe, këtu, sipas tij, kanë ndikim të drejtpërdrejtë investimet e realizuara 3-4 vitet e fundit./atsh
Përsëri Qafë-Shtama në qendër të vëmendjes së turistëve të huaj që vizitojnë qytetin e Krujës dhe bukuritë natyrore të Parkut Kombëtar.
Këtë radhë janë një grup të rinjsh nga Belgjika që kanë ngritur kampingun e tyre në Parkun e Qafë-Shtamës ku do të rrinë rreth një javë. Gjatë kësaj kohe do të angazhohen dhe specialistë të natyrës në AdZM Durrës, që së bashku me grupin e të rinjve belgë, të tjerë pushues që ndodhen në këtë park si dhe të rinj vendas, do të zhvillojnë pastrime, shenjime shtigjesh, dhe ngjitje në maja të ndryshme.
Para disa ditësh këtë park e vizitoi edhe një grup motoristësh nga Polonia që kaluan disa orë aventure në masivin pyjor të parkut.
Qyteti historik i Krujës, Kështjella e Skënderbeut, pazari mesjetar i qytetit si dhe natyra e Parkut Kombëtar të Qafë-Shtamës, presin vizitorë të shumtë vendas dhe të huaj./atsh
Parku Kombëtar i Divjakës është transformuar në një destinacion turistik gjithnjë e më i vizituar nga shqiptarë e të huaj.
Përmes rrjetit social “Facebook”, Kryeministri Edi Rama shpërndau një video me pamje nga parku i rilindur i Divjakës.
“Mirëmëngjes dhe me këto pamje magjepsëse të Parkut të rilindur Kombëtar të Divjakës, tanimë i transformuar në një destinacion turistik gjithnjë e më të vizituar nga shqiptarë e të huaj, ju uroj një javë të mbarë”, shkruan Rama.
Parku Kombëtar Divjakë-Karavasta është një zonë e mbrojtur në zonën bregdetare të Shqipërisë, që përbëhet nga ekosisteme komplekse, shumë të pasura në biodiversitet dhe burime natyrore.
Parku është shpallur si zonë e mbrojtur natyrore për shpendët e ujit, si ligatinë me rëndësi ndërkombëtare sipas Konventës së Ramsarit, që nga viti 1995.
Parku Kombëtar Divjakë-Karavasta gjendet 90 km nga kryeqyteti i Tiranës, 60 km nga Durrësi qyteti-port më i madh, dhe 80 km nga Aeroporti Ndërkombëtar i vetëm në Shqipëri. Ai kufizohet nga lumi Shkumbin në veri, nga kodrat e Divjakës në Lindje, nga kanali i Myzeqesë dhe lumi Seman në jug, dhe laget nga deti Adriatik në perëndim.
Zona e parkut kombëtar Divjakë-Karavasta është zona më e rëndësishme komplekse e Shqipërisë për sa i përket biodiversitetit./atsh
Në defterët e zverdhur të viteve 1578, 1661, në gjuhën turke, gjendet kjo histori.
Por, në këtë muze vizitori nuk mëson vetëm për historinë e Qypërllinjëve, por ka dhe plot histori e dëshmi të tjera që të mbushin me kuriozitet. Banorët e zonës, secili të tregon një histori apo gojëdhënë për fshatin e tyre.
Kjo rrugë ishte një degëzim i rrugës Egnatia që çante përmes gjithë perandorinë romake nga perëndimi në lindje.
Kjo rrugë e vjetër dhe zona rreth Tomorrit, kanë vlera historike, kulturore, mbartin në vete kuriozitete dhe shumë vlera natyrore e turistike.
