Jo pak herë është aluduar nga ndjekësit për favorizim të Olta Gixharit nga produksioni në shtëpinë e “Big Brother VIP”.
Kjo pasi aktorja nuk është penalizuar për thyerjet e rregullave që ka bërë disa herë e më pas kanë qarkulluar fjalë se ajo ka patur ndikim në eleminimet e banorëve.
Një gjë e tillë ndodhi me Efin e mesa duket ka ndodhur edhe me Kiarën.
Pak më parë në rrjetet sociale ka qarkulluar një video, ku padashur produksioni ka hapur audion e dhomës së rrëfimit që ndodhej Olta, ndërsa pamja po shfaqte vajzat në dhomën e rrëfimit.
Në audio dëgjohet dikush nga produksioni tek e pyet Oltën pas largimit të Kiarës nëse është e kënaqur.
Kujtojmë se përsa i përket Efit, Olta e kishte shprehur disa herë nëpër shtëpi se do të donte që ajo të eleminohej, në mënyrë që loja e Luizit të dobësohej.
Dhe kështu ndodhi, Dea nxorri në nominim Luizin, Kiarën dhe Efin duke u larguar kjo e fundit edhe pse shumica e publikut dëshironin largimin e Kiarës.
Pasi produksioni i shfaqi Kiarës një video Kiarës ku Efi i jepte të drejtë Luizit për situatën e krijuar te lavamani, u duk se miqësia mes vajzave u kris.
Moderatorja u shpreh se nuk priste të lexonte kaq shumë negativitet e sidomos nga Efi, fjalët e së cilës e prekën më shumë.
Kiara u eliminua mbrëmjen e djeshme dhe personi i parë nga ish-banorët me të cilin komunikoi dhe bëri një foto është pikërisht Efi.
E ftuar ditën e sotme në “Fan Club”, Kiara tha se “nuk ka diçka për të sqaruar” me Efin dhe se marrëdhënia e tyre do vijojë.
“Po flisnim në përgjithësi, folëm shumë pak. Nuk patëm mundësi të flisnim gjatë, por nuk ka gjë për të sqaruar. Sigurisht që marrëdhënia jonë do vazhdojë”, tha Kiara.
Banorët në Big Brother VIP Albania ditën e sotme kanë bërë 90 ditë në shtëpi. Me këtë rast atyre i është organizuar një festë madhështore në pishinë, ku kishte edhe DJ. Konkurrentët u argëtuan mjaft shumë me njëri-tjetrin, kërcyen e madje kënduan edhe disa hite të mëdha.
Në një moment është parë Luiz Ejlli duke interpretuar këngën “U bo vonë” të artistit Capital T.
Kjo është shpërndarë edhe nga reperi në llogarinë e tij zyrtare në Facebook, ku duket se e ka pëlqyer këtë performancë të artistit shkodran.
“Shumë vonë”, ka qenë përshkrimi që ia ka vënë videos. Nuk dihet nëse Capital T do bëje ndonjë bashkëpunim me Luizin.
Kryefjala e Big Brother, këngëtari Luiz Ejlli i cili shpesh thotë që është i djathtë, ka dhënë vlerësime maksimale për kandidatin e PS për Shkodrën, Benet Becin.
Ai thekson se Beci është ai që e ka ndihmuar atëherë kur s’ia merrte mendja, pavarësisht anësisë partiake.
“Është i paparë, kur ka qenë në KESH më ka ndihmuar pavarësisht se unë them SB…”, thotë ndër të tjera Ejlli, teksa i rrëfehet Kiarës.
Gjatë temës kryesore të diskutimit, ikja e të rinjve në emigrim, ai tregoi disa detaje nga vendimi i tij për tu rikthyer në atdhe.
“Të shikosh këto shifra largimesh është e frikshme. Ata kanë një model që i frymëzon për të ikur. Shohin një deputet ministër që pasurohet shumë shpejt. Në fund fare ne që punojmë ndershmërish paguhemi shumë pak. Kur të dalim në pension a do të kemi para për të marrë?!”, deklaroi ai.
“Jam kthyer për të jetuar pranë njerëzve të mi dhe familjes sime. Ne në fakt këtë vit kishim një fat të madh që na u rrit paga. U zgjuam në mëngjes dhe thamë që paska një gjë të vërtetë. Unë paguhem 1.2 milionë lekë të vjetra”, shtoi më tej Maestro.
Në rrjet prej kohësh po përflitet emri i Lorencit, Kristit dhe Keisit së bashku. Që prej hyrjes së këngëtarit në “BBV”, në rrjet qarkulloi lajmi se Lorenci në fakt ishte ish-i i Keisit.
Teksa ndjekësit prej kohësh e kanë parashikuar një “përplasje” midis djemve, kjo gjë ka ndodhur në fakt së fundmi. Kristi dhe Lorenci kanë debatuar me njëri-tjetrin për çështje nivelesh.
Krist Aliaj ka folur për nivele midis banorëve të “BBV”, duke e cilësuar vetën nivelin më të lartë dhe pjesën tjetër, sigurisht më poshtë se ai. Kjo mënyrë e të shprehurit nuk i ka pëlqyer aspak banorëve të tjerë, mirëpo ai që ka reaguar ashpër ka qenë Lorenc Hasrama.
Këngëtari nuk është kursyer aspak ndaj Kristit, duke i thënë se e vetmja gjë, për të cilën ai njihet është se ka marrë pjesë në një emision “dating”.
“Çfarë niveli je ti? Çfarë niveli të dukemi ne? Çfarë ke bërë ti që je nivel i lartë? Unë të paktën njihem se bëj diçka, ti për çfarë njihesh? Shkon në emision me 10 goca dhe flet me ato”, u shpreh Lorenci.
“Unë jam niveli ‘A’. Ju jeni niveli ‘B’, ‘D’ dhe me radhë. Unë nuk bëj gjë, kam një vit në showbiz. Unë jam vetëvlerësuar niveli ‘A’”, ia ktheu Kristi nga ana tjetër.
“Ik o Kristi se nuk më vë dot notë ti mua. Nuk ke thënë diçka të saktë që kur ke hyrë”, tha këngëtari.
Duket se marrëdhënia e tensionuar mes dy banorëve, ka të bëjë edhe me Keisin. Pasi i dha fund historisë me Kristin, përditë e më shumë ajo po shfaqet e afërt me Lorencin, duke mos i kursyer përkëdheljet mes njëri-tjetrit. Një situatë e tillë ka ndodhur sërish së fundmi ku kësaj herë pjesë ishte dhe Kristi.
Ishte Jori ajo që e pyeti Kristin nëse është xheloz për Lorencin. Por në përgjigjen e tij, këngëtari duket se ka dhënë edhe një vlerësim për Kristin.
“Pse duhet të bëhet xheloz ai, ato s’janë bashkë, ai nuk diti ta mbajë. Po të dinte ta mbante”, u shpreh Lorenci. Së fundmi, në “Instagram”-in e Kristit, e cila menaxhohet nga familjarët e tij janë ndarë momente kur Keisi ledhaton te koka këngëtarin.
Ndër tjera aty shkruhet: “Mirë asaj i doli boja. Po ky, çfarë burri është qe nuk i thotë Kristit të vërtetën?”, ndërsa në sektorin e komenteve shumë ndjekës dhe fansa të konkurrentit mbanin anën e tij. Ndërkohë edhe mikja e Keisit është shprehur kundër lidhjes së shkurtër që ajo dhe Kristi patën, duke treguar se me Lorencin kanë vetëm miqësi.
“Mendoja se kur të dilnin do ndaheshin sepse nuk janë tipa të ngjashëm dhe nuk kanë asgjë të përbashkët. Edhe karakteri, edhe ana fizike”, tha ajo.
E pyetur nëse Lorenci ndikoi në ndarjen e saj nga Kristi, shoqja e Keisit tha: “Keisi e shpjegoi edhe vetë shumë qartë. Në momentin kur u bë imitimi nga Visi, ajo e pa veten dhe se si vepron. Plus hyrja e Sabianit, plus edhe Gerti i tha: “Je bërë si shërbëtorja e Kristit”. Nuk besoj se ka lidhje fare Lorenci. Ka marrë sinjale dhe e kuptoj veten e saj se ishte diçka që nuk po ecte”.
Por, çfarë e lidh Keisin realisht me Lorencin? Miqësi apo lidhje romantike?
“Vetëm miqësi. Kanë një shoqëri të përbashkët, profesioni i ka lidhur të dy”, deklaroi shoqja e këngëtares.
Olta Gixhari dhe Kiara Tito kanë kaluar disa momente të këndshme në shoqërinë e njëra tjetrës mbrëmjen e të premtes, ku janë vendosur përballë një kutie me gogla brenda të cilave ka pasur pyetje interesante dhe ngacmuese për vajzat.
Njëra nga pyetjet ishte nëse kanë blerë ndonjëherë lodra seksi dhe Kiara tregoi duke qeshur një episod që i ka ndodhur.
“Mua më kanë blerë një gjë, ma kanë bërë dhuratë shoqet për ditëlindje. Kaq dhe pastaj mami duke bërë punët e shtëpisë e kisha fshehur diku dhe e gjen mami, një turp Olta që ç’të të them e nuk kisha si e shpjegoja si kishte përfunduar aty. Një ta marrë një ta hedhur në qese plehrash. Ishte dhe momenti që nuk mund të thoja mos”.
Ndërsa të pyetura nëse “ju kanë kërkuar ndonjëherë favore seksuale shefi ose regjisori”, Kiara tha se kjo nuk i ka ndodhur ndonjëherë, pasi në punët që ka pasur nuk ka pasur kontakte të drejtpërdrejta me shefat.
Olta Gixhari: Kjo qenka pyetje fiks për mua, shefib për ty regjisori për mua. Unë po flas për njerëz normalë që kanë sjelljen tonë që e filtrojnë mendimin apo dëshirën para se ta transmetojnë, unë nuk jam gjendur përpara një njeriu që të më vërë një pozitë të tillë.
Kam përshtypjen se është dhe ky autoriteteti që unë krijoj. Por e ngacmuar patjetër, me sy, me shikime, me buzëqeshje, me një ftesë për kafe, me një ftesë për drekë, gjithmonë.
Kiara Tito: Mua jo, s’më ka ndodhur kurrë në jetën time.
Olta Gixhari: Tani ne jemi goca bukuroshe sigurisht që ndihesh e ngacmuar sadopak
Kiara Tito: jo unë s’jam ndierë se kam dhe këtë natyrën nuk më aferohen se thonë kjo si e ftohtë e nuk jam sensuale, koketë që të më afrohen me idenë ta ngacmojmë.
Olta Gixhari: Pse si të ngacmojnë ty
Kiara Tito: Si si më ngacmojnë? Në club? Me shikime, në punë nuk më ka ndodhur se nuk kam pasur kontakte me shefat një herë.
Kevin Jacobs ‘opinionisti’ nga Kanadaja, kërkon nga njerëzit që të kenë respekt për të gjithë konkurentët e ‘Big Brother VIP Albania’. Fituesi i ‘BB’ në Kanada, i cili u bë i njohur në Shqipëri nga strategjia e tij që ka inspiruar lojën e Luizit, ka dhënë mendimin në lidhje me nominimin Kiara-Olta. Ai i ka kushtuar një video mesazh të gjithë personave që thonë se Kiara nuk e meriton të jetë aty. Kevin thotë se çdo njeri mund të fitojë lojën pasi strategjitë janë të ndryshme.
Por në fund, ai shton se pavarësisht çdo lloj strategjie, Luizi do e fitojë.
‘Disa njerëz thonë se Kiara nuk e meriton të jetë aty. Arsyeja pse thonë se Kiara nuk duhet të largohet është sepse thonë se ajo nuk e meriton të jetë aty për shkak të lojës së saj. Edhe nëse ka luajtur një lojë të mirë ose jo, problemin e kam me njerëzit që thonë se dikush duhet të jetë aty, nuk besoj se kjo është mënyra e duhur për asnjë show të tillë. Ka plot strategji fitoreje dhe çdo njëri mund të fitojë lojën, ndaj duke thënë se dikush e meriton të jetë aty apo jo më shqetëson. Mendoj se po shikoni më poshtë e se nuk po i respektoni siç duhet e çdo kush mund ta fitojë këtë lojë. Pavarësisht se kush shkon në shtëpi, Olta ose Kiara, Luizi e fiton lojën.
