ShowBiz

Vazhdon seria e telefonatave brenda shtëpisë dhe emocionet janë të mëdha jo vetëm për banorët por edhe për ndjekësit.

Një telefonatë që pritej me shumë kuriozitet ishte patjeter ajo midis Luizit dhe një nga familjarët,që qëlloi të ishte pikërisht nëna e tij.
Gjatë tërë kohës, Luizi ankohej se nuk po e dëgjon asgjë nga ajo që po thotë nëna e tij, teksa në një moment të caktuar nga produksioni i thonë se koha e tij ka mbaruar.

Në atë moment, Luizi u nervozua me produksionin.

Biseda:

Nëna e Luizit: Faleminderit produksionit që na e ka të mundur këtë telefonatë. Ata zoti i forcoftë, ju mu ba edhe ma të fortë, edhe me vazhdu. Ndëgjo nanë. Luiz. Ti me vazhdu nanë. Sepse e kena provu vetë….

Nëna e Luizit: A jeni mirë krejt ju? Na jena krejt mirë. Jena krenar me ty. Vazhdo.

Luizi: Me vazhdu dihet që do vazhdoj moj burrnesh.

Nëna e Luizit: Andrra vazhdon. Ti vazhdo na ke ba krenar. Ti me bekimin e zotit, vazhdo, maj zotimin që e ke dhanë.

Luizi: Në rregull, a ta fitoj a jo?

Produksioni: Luiz, koha jote mbaroi.

Luizi: Kur mbaroi, se nuk e niva? Me shkëputje. Seriozisht e ke?.

Banorët brenda shtëpisë së Big Brother VIP ndezën mbrëmë qirinj dhe shprehën ngushëllime për familjen e të ndjerit Pal Kola, roja i sigurisë që u vra gjatë sulmit me armë drejt Top Channel.

Teksa të gjithë qëndronin në këmbë, Dea Mishel mbajti fjalim, por bëri një gafë të vogël.

Ajo u shpreh gabim pasi në vend që të thoshte ‘shprehim ngushëllim’, tha ‘i urojmë ngushëllime’.

“Jemi mbledhur sot për të nderuar Pal Kolën që humbi jetën në krye të detyrës në portën e një prej televizioneve të lira të Shqipërisë. Ishte ngjarje terroriste. Sot jemi me familjen e zotit Pal. I urojmë ngushëllime. Shpirti i tij u prehtë në paqe”, tha Dea.

Biznesmeni i njohur Fisnik Syla ishte në një lidhje skype me emisionin Shqipëria Live sot në Top Channel.

Ai bëri bujë këto ditë në rrjetet sociale me deklaratën se do t’i dhuronte Luizit vetë 100 mijë euro nëse ai nuk fitonte Big Brother.

I pyetur nga moderatorja Erjona Rusi, Syla tha se është një adhurues i flaktë i Luizit.

“Kam shpreh gadishmërinë time, se çfarëdo të ndodhë jam i gatshëm për t’ja dhuruar 100 mijë euro. Unë besoj se është personi më i drejtë aty.Shqiptarët janë të gjithë me Luizin, në çdo cep të botës ku ka shqiptarë janë me të,” tha Syla.

Arjon Muça: Po nuk mendon se ka të tjerë njerëz nevojë për këto para?

“Unë për bamirësi nuk flas, se dihet se çfarë ka bërë familja ime dhe nuk flas për të tilla gjëra, dua t’i lë mënjanë. Këtë gjë e kam thënë vetëm për Luizin. Edhe pse besoj se ai do jetë fitues absolut, se gjërat duken. I gjithë populli e do. Asnjë politikan, asnjë sportist nuk është dashur kaq shumë sa ai. Do bëj gjithçka transparente. Unë do komunikoj me Luizin, kam miq në Shkodër, dhe siç është mënyra e mirë, unë do ja dhuroj atij nëse nuk fiton. Por nëse shkon deri në fund program, besoj se do fitojë,” tha Syla.

Darka e sotme mes banorëve në praninë e dy opinionistëve Zhaklina dhe Arbri është shoqëruar me të qeshura.

Nuk munguan batutat nga Luizi i cili tha se në këtë shtëpi ka bërë çdo gjë.

“Imagjino kam 90 ditë këtu, ça nuk kam bërë, kam arrit deri aty sa jam përqafu me Qetsorin. E imagjinon? Ne dy burra duke u përqafuar…,” tha Luizi.

Zhaklina: Po pse çfarë ka? Ndoshta ju mund të putheni dhe në buzë në kuadër të lojës, asgjëje s’i dihet. Për lojë edhe mund të putheni.

Biseda të shumta u shkëmbyen mes opinionistëve dhe banorëve gjatë mbrëmjes së djeshme.

Ndërsa kanë qenë duke përcjellë opinionistët nga shtëpia e Big Brother, batutat nuk kanë munguar as nga banorët as nga vetë ata.

Luizi: Po bëjmë provat gjenerale se si do përcjellim të shtunën Antonetën.

Arbri: S’do qajë njeri?

Luizi: Mos u mërzitni, s’ka gja

Arbri: O Zhak, mos qaj tashi…biltën e kthimit. Ne do dalim dhe unë pranoj të na qajë Olta.

Olta: Diat që qava Amosin, më ka mbettë shenja në mur.

Arbri: E kuptoj, e kuptoj. A e bën edhe njëherë tani që do dalim ne.

Artisti i mirënjohur shqiptar, Luiz Ejlli, i njohur dikur për këngët e tij, u tërhoq nga bota e “showbizz”-it, por tani është rikthyer me rekorde shikueshmërie.

Banor i “Big Brother VIP Albania”, ai ka bërë për vete një popull të tërë që çmenden pas tij.

Jo vetëm populli i thjeshtë, por edhe personazhet më të njohur shqiptar janë “vënë pas tij”, sidomos futbollistët shkodranë të Vllaznisë.

Stilistja që kujdeset për veshjet e Luizit në “Big Brother”, Miranda Dupi, u pyet nga gazetari Andi Vrapi në “MCN TV”, nëse është e vërtetë që Bekim Balaj ka paguar 10 mijë euro për rrobat e Luizit.

Përgjigjja e stilistes as nuk konfirmoi as nuk mohoi, por ajo u shpreh se nuk merrej me shifrat, por thjeshtë me veshjet.

Në spektaklin e të shtunës, Lorenc Hasrama konfirmoi lidhjen që kishte pasur jashtë shtëpisë me banoren tjetër, Kejsi Medinin. Por, të dy banorët u deklaruan që tashmë gjërat mes tyre në aspektin dashuror ishin mbyllur 100 për qind.

Luizi e pyeti Keisin nëse ka akoma diçka mes saj dhe Lorencit dhe kjo e fundit u përgjigj se jo. Sipas saj, nëse do e kishte ende të hapur marrëdhënien me Lorencin, nuk do krijonte diçka me Kristin brenda shtëpisë.

Ajo madje i tha Luizit se Lorenci nuk e ka bërë deklaratën për vëmendje, por thjesht për të mos u dukur në sy të publikut, sikur ai po jepte informacione nga jashtë. Keisi shtoi se ka shumë besim te Lorenci, pavarësisht se deklarata e tij mori ato përmasa.

Pas spektaklit të së shtunës, Kejsi ka shpërthyer në lot dhe ka qenë Luizi ai që i ka qendruar pranë duke i thënë se e ka si motrën e tij e do ta mbrojë, gjithashtu e ka pyetur pse nuk i ka treguar pasi ai mund ta ndihmonte.

Kejsi ka mohuar lidhjen me Lorencin duke thënë se nuk ka qenë e lidhur me të, dhe se nuk e ka pritur që ai të tregojë. Pas kësaj, ajo pati një sqarim dhe me Lorencin.

”Për Zotin nuk kam ditur si ta them, nuk dua të justifikohem, por jam shprehur vetëm nga ajo pjesa e ngacmimeve që kemi patur.

Nuk doja që të penalizoheshe ti apo unë, të thonin që po të jap informacione”, u shpreh këngëtari, nga ana tjetër, Keisi u shpreh se në disa raste e kishte paralajmëruar të kishte kujdes në ato çfarë bënte.

“Nuk ka patur asnjë lloj mesazhi. Po sa herë jam munduar të të them kujdes! Duke qenë se ne kemi konfidenca, njerëzit nuk e kuptojnë. Disa gjëra mendohen para se të fliten. Pse të kam kthyer përgjigje “po Lori po”, që të mos flasësh më pra, nuk ke pse”

Moderatorja e emisionit Arbana Osmani ia komunikoi lajmin e trishtë banorëve të shtëpisë. Top Channel sot ndodhet në ditë zie, në nder të Pal Kolës, punonjësit të sigurisë.

Vëllai i Madh vendosi që të shfaqë në ekran, pjesë nga ngjarja e rëndë, për t’ia lënë në dorë më pas banorëve, që ata të vendosin nëse do e vijojnë apo jo këtë rrugëtim, që ka nisur më 24 dhjetor të vitit 2022.

Klipi përloti të gjithë banorët e shtëpisë.

Banorët u pyeten nga moderatorja nëse do të vazhdojnë garën pas kësaj ndodhie dhe kësisoji ata kan kohë të mendojnë gjatë kësaj jave.

Arbana u pyet nëse do të vazhdoj punën në Top Channel, dhe e njëjta tha se do të rrij në punën e saj shtëpinë e dytë siç e quan ajo.

“Unë do jem këtu pavarësisht situatës. Është një situatë e trishtë jo vetëm për Topin, por për të gjitha mediat shqiptare. Mendimi im është që do qëndroja këtu, nëse do më pyesnin se çfarë pozicioni do mbaja., Kjo, për t’i treguar gjithkujt që fjala e lirë është e lirë”, tha ajo.