Javët e fundit nuk kanë qenë aspak të qeta për Sara Hoxhën, mes përplasjes së zhurmshme me Dafina Zeqirin, premierës së “Në kuadër të dashurisë” dhe së fundmi zërave të vazhdueshme për krizë/ndarje me Ledrin.
Tani ajo duket se ka dashur të dërgojë një mesazh në mediat sociale dhe këtë e ka bërë përmes një postimi të Drake.
Reperi kanadez ka ndarë disa foto në Instagram ku shkruan: “Duke më bërë bllok pasi më bëre diçka të keqe, në të vërtetë nuk po më bllokon mua, por po bllokon veten… në fakt është gjëja më e mirë që të kam parë të bësh.”
Aktorët e filmit”Në Kuadër të Dashurisë” kanë treguar emocionet gjatë xhirimeve, ku nuk kanë munguar as debatet, por më tepër kanë mbizotëruar momentet e bukura.
Personazhet kryesor të këtij filmi, Luizi dhe Olta kanë folur edhe për raportet e tyre, të cilat herë pas herë kanë qenë edhe kontradiktore, megjithatë siç thotë Luizi edhe në fund e kanë gjetur rrugën e bashkëpunimit.
Në një dokumentar për prapaskenat e filmit, Olta Gixhari thotë se i ka qëndruar shumë pranë Luizit nga ana profesionale.
Ajo thotë se i gjithë xhirimi i filmit është shoqëruar me debate, por edhe punë.\
Pjesë nga deklaratat në dokumentar
Luizi: Është shumë e vërtetë që raporti që ne kemi në jetën reale është ndjerë gjatë gjithë kohës në xhirime.
Olta: Në fakt kështu ndodhi, u reflektua një tension që kishim me njëri tjetrin. Nuk është se ka ndodhur ndonjë gjë e çuditshme. Të gjithë aktorët ishin me sy e veshë tek ne. Çdo mëngjes ishin kështu: Si është Olta me Luizin sot?
Luizi: Më vjen keq sepse kjo ka qenë një nga arsyet që janë zgjatur oraret. Ishin momentet kur do ti bënim njëri tjetrit shikimet e të dashuruarave. Si mund ta bësh atë në një kohë që ishe i ngarkuar, ose kur kishe një mllef apo inat. Këto ndikojnë shumë. Nga ana njerëzore i kërkoj falje.
Olta: I kam qëndruar shumë pranë nga ana profesionale, unë jam kërkuese në punë dhe punoj shumë. Këtë ai mbase nuk e priste. Ia ndjeja në sy dhe qëndrim që ishte pak kështu: Avash qetësohu, e lexova, nuk kam nevojë ta lexoj më. Nuk dua më thoshte. Pastaj thoshte “Ok” hajde punojmë. Pastaj punonim, pastaj nuk punonim, pastaj bënim fjalë, pastaj ziheshim. Pastaj….kështu ka qenë.
Luizi: Kemi gjetur rrugën e bashkëpunimit. Nëse Olta më ka thënë që është më mirë ta thuash kështu, pastaj kështu e kemi pranuar. Nuk kemi pasur konflikte. Ishim duke bërë punë, diçka profesionale dhe me seriozitet. Deri diku ne edhe jemi marrë vesh.
Ndërkohë që për Luizin ishte nder i madh të luante përkrah Ndriçim Xhepës, Olta thotë se për këtë gjë e ka pasur zili Luizin, pasi ajo nuk ka pasur asnjë skenë në krah të aktorit të madh.
Luizi: Kam për krah të madhin Ndriçim Xhepa, që është legjende për mua.
Olta: Kjo është një nga gjerat që i kam pasur zili Luizit në film, ai ka pasur një skenë me Ndriçim Xhepen. Unë jo!
Olta dhe Luizi kanë treguar edhe për skenat më të vështira që ata kanë xhiruar.
Olta: Ka shumë skena që kam qeshur. Skena më e vështirë që e kam xhiruar ka qenë me Çimin, ishte skena që merr jastëkun dhe thotë këtu do flesh. Nuk e di sa dubla ka bërë me këtë skenë. Duhet të isha shume serioze. Mezi e kam bërë.
Luizi: Ne ishim duke xhiruar sipër nëpër male, kthesa dhe ishim në një vend që nuk kishim lavatriçe dhe ishin vetëm ato rroba të rolit dhe duhej bërë me një dubël. Ishte shumë me siklet a do e bëja fiks apo jo.
Historia e dashurisë mes futbollistit shqiptar, Mërgim Berisha me Vesa Vllasaliun, është rikthyer sërish në vëmendje. Çifti, të cilët kanë qenë bashkë për disa vite, u komentuan shumë për historinë e tyre të dashurisë e po ashtu edhe për marrëdhënien toksike.
Megjithatë, bukuroshja shqiptare në një intervistë së fundmi ka zbuluar se Mërgimi e ka tradhtuar me shoqen e saj të ngushtë, me të cilën është martuar tani. Por, e ftuar në “Fol Shqip Show”, partnerja e Berishës ka treguar anën e saj të historisë, duke mohuar deklaratat e Vesës madje tha se ato nuk kanë qenë asnjëherë shoqe të ngushta.
“Nuk jam shoqe e ngushtë me Vesën, nuk ia ka marrë të dashurin dhe nuk është e vërtetë ajo se çfarë po flitet, kërkoj nga njerëzit që të mos i paragjykojnë dikë kur nuk e dinë të vërtetën, fillimisht dëgjoni të dy anët e historisë”, tha Edona Berisha.
“Unë nuk e konsideroj shoqe të ngushtë dikë që e kam parë dy-tri herë, ne njihemi se jemi të dyja të Gjilanit, është e pamundur të mos njihemi, Kosova nuk është e madhe, shoqja e imja e vërtetë është dikush që të përkrah në çdo situatë të jetës, që e njeh me vite, që e njeh me familje, ajo nuk ka qenë e tillë, jo ajo nuk është shoqe e imja e ngushtë, ne jemi parë vetë dy-tri herë, ne jemi njohur në një klub, por nuk më kujtohet saktë se si jemi njohur”, është shprehur gruaja e Berishës.
“Unë dhe Mërgimi njihemi para se të njihja Vesën, ne njihemi që kur ishim 17 vjeç, por prej atëherë nuk kemi patur kontakt, unë nuk isha e informuar se ata janë ndarë, isha me shoqe në Turqi dhe unë e kisha postuar foto në whatsapp, ai e ka parë dhe më ka shkruar, unë nuk e dija që ata ishin të ndarë, ai më tregoi që nuk janë më bashkë”, ka rrëfyer mes tjerash Edona për njohjen me Mërgimin.
I ftuar këtë javë në “Më lër të flas” ka qenë ish-kapiteni i Kombëtares Shqiptare, Lorik Cana. Për Lorikun nuk ka munguar edhe një sfidë e përgatitur me disa pyetje për të. Pjesë e pyetjeve ishte edhe që Lorik Cana të telefononte kryeminstrin Edi Rama, dhe t’i thoshte se të kam rënë padashje.
I gjendur përballë kësaj telefonate, kryeministri ka reaguar me shumë sportivitet!
Nuk mungoi edhe një ftesë zyrtare nga Donald Veshaj, live nga studioja e “Më lër të flas”, të cilës kryeministri iu përgjigj me një batutë të çastit, e cila u prit me të qeshura në studio.
Donald Veshaj: ‘Meqë po flasim në telefon, po përfitoj nga rasti për të të bërë një ftesë zyrtare për në emision…’
Këtë verë dhe gjatë vjeshtës madje nuk munguan dasmat VIP. Si duket kjo është periudha e preferuar pasi që tani është bërë me dije se verën e 2024 kemi një tjetër dasmë të madhe VIP.
Do të martohet Donaldi dhe Bora. Po, siç e lexuat. Më në fund dyshja do ta kurorëzojnë dashurinë e tyre në martesë.
Këtë lajm e kanë bërë me dije burime për “Prive” të cilat shprehen se ata madje kanë nisur përgatitjet që tani.
Të njëjtat burime shtojnë se në rrethin e ngushtë Bora dhe Donaldi kanë biseduar me miqtë e tyre që të koordinojnë pushimet me ceremoninë e tyre.
Olsa Muhameti ka qënë pjesë e panelit të programit ““Më ler të flas” së bashku me Armand Pezën, Arba Gramo, Juli Ristani, duke diskutuar një temë mjaft interesante, atë të uljes së lindshmërisë.
Por gjërat nuk kanë shkuar aq mirë për autoren e programit “Për’puthen”, e cila ka rënë pre e një kamere të fshehtë të organizuar nga moderatorët Donald dhe Romeo Veshaj.
Një rezistencë elektrike e instaluar më herët poshtë kolltukut të saj, e ka vënë në siklet për disa minuta rresht autoren e njohur.
Djegia është bërë e padurueshme, saqë Olsa Muhameti është detyruar të ngrihet dhe ta lërë kështu në mes emision…
Lidhur me temën e diskutimit, Olsa ka treguar që pavarësisht se ka patur një lidhje 10-vjeçare, ajo ka vendosur të mos sjellë në jetë një fëmijë.
“Unë mendoj që shkatërrimi i shoqërisë nuk po vjen prej faktit që unë nuk po bëj fëmijë. Në qoftë se unë nuk kam bërë një fëmijë, unë jam gocë e kujdesshme për nënën time, jam një teze e kujdesshme për nipërit e mi. Pra secili nga ne që nuk ka bërë fëmijë, kontribuon në një farë mënyre në shoqëri, mnë familje etj”, ka thënë Olsa.
Ndër të tjera autorja e “Për’puthen” ka shtuar se ajo që në të vërtetë po shkatërron shoqërinë është martesa në moshë të vogël.
Rita Ora dhe tenisti serb Novak Djokovic janë parë të ulur së bashku në finalen e Kupës së Botës në Rugby.
Këngëtarja kosovare me famë botërore, Rita Ora, zgjodhi të ndjekë nga afër finalen e Kupës së Botës në Rugby në prani të tenistit serb Novak Djokovic.
Ajo është parë e shoqëruar ndërsa ishte ulur pranë Xhokoviç.
Gjatë ndeshjes, kamera ishte e fokusuar për një moment tek ata dhe reagimi i dy personazheve pasi e vunë re këtë gjë, nuk duhet humbur.
Zelanda e Re u përball me Afrikën e Jugut në finalen e Kupës së Botës në Rugby në Stade de France në Paris.
Ish-konkurrentja e spektaklit “Big Brother” në Itali, Heidi Baçi, është gati të hyjë në versionin shqiptar të “reality shoë”-t. Është kjo çfarë shkruajnë mediat italiane në ditët e fundit.
Dalja e Heidi Baçit nga shtëpia e “Big Brother” është ende një nga temat më të nxehta të edicionit të ri të “reality shoë”-t në “Canale5” të drejtuar nga Alfonso Signorini. Vendimi i saj ndau dashurinë e publikut për dinamikën e programit dhe shumë e mbështetën vendimin e saj për të braktisur transmetimin. Një përdorues në “X” ka treguar se Heidi nisi të ndjekë shoqen më të ngushtë të prezantueses së “Big Brother”-it shqiptar. Është fjala pikërisht për Xhemi Shehun. “Heidi filloi të ndiqte shoqen më të mirë të prezantueses së ‘GF Albanese’, Arbana.
Në Shqipëri të gjithë flasin se si u trajtua situata dhe do të donin t’i jepnin një shans Heidi-t për të jetuar përvojën që donte aq shumë pa presion.”, shkruan ai. Duke qenë se “reality shoë” në Shqipëri nuk ka nisur ende, por do të nisë së shpejt, ka një probabilitet të caktuar që ne të mund të shohim edhe Heidin mes konkurrentëve të radhës.
Heidi ishte në qendër të disa diskutimeve pasi falë përballjes së babait të saj Gentit, ajo vendosi të largohej nga programi, duke i dhënë fund të gjitha marrëdhënieve me aktorin Massimiliano Varrese. Pavarësisht vëmendjes këmbëngulëse dhe nganjëherë ngacmuese të aktorit 47-vjeçar, Heidi ka pretenduar gjithmonë se nuk kishte asnjë interes për të, por me shumë mundësi u shty nga autorët e programit që të luante së bashku dhe të krijonte një lojë në program.
Mirëpo, përballja me të atin e shtyu atë të hapte sytë dhe pas një të qare të gjatë, Heidi vendosi të largohej nga programi në mes të natës. Duke u rikthyer në episodin e fundit të programit, Heidi zbuloi se pas këtij vendimi për t’i thënë lamtumirë realitetit nuk kishte asnjë manipulim nga ana e babait të saj, por se ai i kishte hapur sytë ndaj manipuluesit të vërtetë të shtëpisë: Massimiliano Varrese. Më tej, ajo pranoi se dalja e saj varej nga gjendja shëndetësore e nënës së saj, e cila nuk ishte shumë mirë. Megjithatë, duket se për të bota e argëtimit ende nuk i ka mbyllur dyert.
