ShowBiz

Në një intervistë ekskluzive për “Më lërë të flas” në Top Channel, Olta Gixhari si ish-banore e BBV ka komentuar një nga lojtarët më të fortë të asaj shtëpie Luiz Ejllin.

Ajo e ka konsideruar atë si një lojtar shumë të fortë dhe një mashtrues profesionist.

“Luizi është super lojtar dhe është një mashtrues profesionist.”- tha Olta.

Banorët e Big Brother janë ndarë në çifte. Njoftimi u erdhi nga Vëllai i Madh, por ende nuk kanë marrë detaje se me çfarë lidhet kjo ndarje.

Banorët kanë nisur aludimet se për çfarë mund të jetë kjo ndarje.

Sipas Luizit mund të jetë diçka e ngjashme me rradhën e kaluar, ku banorët duhet të nominojnë në çift në dhomën e rrëfimit.

Efi dhe Kiara patën debate të ashpra gjatë “prime-t” të kaluar, por edhe pas saj.
Ditën e djeshme ato u pajtuan, pas një sqarimi. Pas sqarimit, ato bashkë me Ronaldon u përqafuan.

Gjatë përqafimit ato thanë se asgjë nuk i ndanë dot.

Efi ishte ajo e cila e përmendi Lorin, pronaren e “Top Channel”, kështu duke hedhur dyshime se debatet e tyre të planifikuara.

Bledi Mane harron herë pas here se po vëzhgohet gjatë gjithë kohës nga kamerat dhe nuk e mban gojën.

Së fundmi teksa po pinte ujë në gojë i shkoi një letër, të cilën e kishte hedhur vetë.

“Q*** motrën e kisha hedhur brenda këtë”, dëgjohet të thotë gazetari i njohur pasi tentoi që të pinte ujë.

Por kjo nuk është hera e parë që Mane nuk përmbahet dhe përdor një fjalor jo të përshtatshëm.

Para disa ditësh teksa Vëllai i Madh u dha një sfidë që të vraponin rreth pishinës, në mënyrë që rrisnin çmimin e madh, Bledi tha ‘po, po k** në p**”.

Këtë gjë e tha pasi Krist Aliaj u shkëput nga rreshti ku ishin gjithë banorët duke vrapuar. Ai shkoi për të ndërruar atletet pasi disa herë rrëshqiti, por një gjë e tillë nuk ishte e lejuar dhe për pasojë u ndërpre dhe sfida.

Vëllai i Madh ka organizuar mbrëmë Pyjama Party vetëm për vajzat, të cilat e kanë shijuar pa fund. Ato kanë kërcyer, kënduar, luajtur, duke harruar kështu hatërmbetjet që kishin me njëra-tjetrën.

Por jo vetëm kaq, pasi duket se Jori Delli e kishte tepruar paksa me pijen dhe ishte dehur.

Pasi doli nga festa, ajo ka shkuar pranë Gert Koxhës, të cilit nuk iu nda edhe pse ai e dërgoi në krah te krevati i tij.

Gerti ndodhej në kuzhinë kur Jori shkoi pranë tij duke kënduar dhe ai thotë: “Merreni këtë se ka ngatërruar rrugën”.

Duke qenë se modelja nuk u largua, Gerti e merr në krah dhe e dërgon te krevati i saj. Por sërish ajo ngrihet dhe shkon drejt modelit, ku në një moment edhe u lënduan paksa pasi u përplasën.

Ditën e djeshme babai i Kiarës ka thyer heshtjen dhe ka folur për gjithë urrejtjen që ajo ka marrë nëpër rrjetet sociale.

Ai u shpreh se Kiara ka qarë tre ditë rresht pas daljes nga shtëpia vetëm prej komenteve negative, ndërsa nuk la pa përmendur edhe dy opinionistët.

Ai ka kundërshtuar qëndrimet e tyre duke thënë se ata zgërdhihen(qeshin) dhe nuk e kanë nxjerrë asnjëherë pozitive Kiarën në spektakle të ndryshme.

Përsa i përket kësaj një reagim jo i drejtpërdrejtë ka ardhur nga ana e Zhaklin Lekatarit.

Një prej ndjekësve i ka dërguar videon e të atit në mesazh, ndërsa opinionistja habiti jo pak me përgjigjen e saj.

Ajo dërgoi linkun e shërbimit të psikiatrisë, duke ironizuar kështu komentet e babait të Kiarës, një veprim që po komentohet shumë në rrjet ditën e sotme.

Mëngjesin e sotëm ka mbërritur një zarf i zi në shtëpinë e “Big Brother VIP2”, i cili është lexuar menjëherë nga banorët.

Në zarf thuhet se Luiz Ejlli dhe Efi Dhedhes kanë ftuar banorët për të thyer rregullat e Vëllait të Madh si dhe kanë bërë presion psikologjik.

Për këtë arsye, Vëllai i Madh fton dy banorët që nëse nuk munden që të respektojnë njëri-tjetrin dhe të luajnë në mënyrë dinjitoze, të largohem menjëherë nga shtëpia, përpara se të përjashtohen herë tjetër pa paralajmërim.

“Big Brother ka vënë re se në më shumë se një rast, Luizi dhe Efi provokojnë banorët duke i sfiduar banorët me thyerjen e rregullave, siç janë ftesat për të shkuar në tualet.

Ky format televiziv funksionon sipas sjelljeve natyrale dhe reale të banorëve dhe jo provokimeve të sforcuara për të sfiduar njëri-tjetrin duke kaluar në presion psikologjik, i cili në kushte izolimi sa vjen dhe shtohet.

Kjo lojë është konceptuar dhe funfksionon vetëm mbi bazën e respektit reciprok dhe aftësisë për të luajtur në mënyrë dinjitoze. Nëse nuk arrini ta bëni këtë Big Brother ju fton të largoheni nga kjo shtëpi menjëherë përpara se të përjashtoheni herë tjetër pa paralajmërim. Suksese”, thuhet në zarfin e zi.

Nje surprizë gjigante është gati për mbrëmjen e nesërme! Kevin Jacobs, ish-fituesi i Big Brother Canada duket se do t’i bëjë një surprizë Luiz Ejllit brenda shtëpisë së BBV.

Ai ka marrë dijeni përmes rrjeteve sociale për përmendjen e emrit të tij në Tiranë, pasi Luizi zbuloi se kishte ndjekur strategjinë e tij

për të çuar në televotim tre banorë të martën e kaluar, duke futur në kurth Armaldon dhe Kristin e duke shkelur rregullin e lojës.

Në një video në Tik Tok e tij, Kevin Jacobs ka publikuar momente nga aeroporti, dhe tregon se është nisur për në Shqipëri për një surprizë për Luiz Ejllin.

Kujtojmë që edhe ditën e enjte, gjatë paradites, mbi shtëpinë e BBV ka fluturuar një dron që mbante një foto dyshe të Luizit dhe ish fituesit të BB në Kanada.

Ndërsa prej të martës, është përmendur shumë fakti që Luizi ka mësuar dhe po ndjek disa nga strategjitë që ka përdorur ky personazh që më pas u shpall dhe fituesi i BB në Kanada.