ShowBiz

Këngëtarja labe Poni është shumë e angazhuar me koncerte dhe mbrëmje muzikore të ndryshme.

Shpesh, ajo udhëton edhe jashtë vendit, për të argëtuar shqiptarët në diasporë.

Së fundmi, ajo kishte planifikuar të mbajë turin e saj të koncerteve në ShBA, por është detyruar të shtyjë datat për disa javë.

Kjo gjë ka ndodhur për shkak të problemit me vizë, pasi këngëtares nuk i është lëshuar në kohën kur ajo parashikonte.

Lajmin për anulimin e koncertit të saj në Toronto, këngëtarja e bëri të ditur përmes një shkrimi në Instagram:

“Të dashur miq dhe dashamirës të muzikës time në Toronto! Me keqardhje ju njoftoj se koncerti i datës 17 mars do të spostohet për 14 prill për arsye se viza është ende në proces! Ju kërkoj ndjesë dhe ju falënderoj nga zemra për interesimin tuaj! Me shumë dashuri Poni”, ka shkruar këngëtarja.

Greta Koçi është një këngëtare shumë e dashur për publikun shqiptar. Ajo ka një karrierë të gjatë dhe numri i fansave të saj është gjithmonë në rritje. Greta mundohet të mos i zhgënjejë asnjëherë fansat dhe paraqitet gjithmonë me projekte të reja.

Kënga e saj e fundit është “Ku gabum”, që doli rreth një muaj më parë, por duket se Greta shumë shpejt do të sjellë një këngë të re për adhuruesit e saj. Me anë të një postimi në Insta Story, ajo na bën me dije se do të sjellë një këngë të re dhe për këtë po bashkëpunon përsëri me United Records.

“Unë mendoj se disiplina është përkufizimi i duhur për dashurinë për veten. Kur thua se e do veten, në fakt nënkupton se je duke u sjellë në një mënyrë që të bën ta duash veten tënde. Është njësoj si t’i thuash vetes: “E di që të pëlqen ta hash atë picën dhe që mund të jetë shumë e mirë, por unë nuk mund të lejoj ta hash, sepse do të ndihesh keq më vonë. Ajo do të dëmtojë shëndetin tënd dhe unë të dua mjaftueshëm, saqë të mos lejoj ta hash atë picë”.

Mendoj se fjala disiplinë ka marrë një kuptim negativ këto kohë. Në mendojmë për disiplinën sikur të kishim të bënim me ndëshkimin apo dënimin për një gabim. Unë nuk po flas për këtë lloj kuptimi që mund të marrë fjala disiplinë. Po flas për kuptimin kur ti fiton kënaqësi prej disiplinës, kur ti forcon respektin dhe dashurinë për veten përmes saj.

Dashuria për veten është njësoj si t’i thuash vetes: “Hej, unë të njoh shumë mirë ty dhe atë vajzën, por ajo është e dashura e shokum tënd dhe unë nuk do të lejoj të kesh gjë me të, sepse nuk dua që ti të humbasësh shoqërinë për shkak të saj”.
Dashuria për veten është t’i thuash vetes: “Kam një provim të hënën që vjen, por sot (të shtunën) dua të dal me shoqërinë. Mirëpo, po ngele tek ai provim, nuk do të ndihesh mirë me veten. Unë të dua mjaftueshëm, saqë nuk të lejoj që sot të dalësh me shoqërinë.

Disiplina për veten është përkufizimi i dashurisë për veten. Nëse do të jesh i lumtur, duhet ta duash veten, gjë që do të thotë të disiplinosh sjelljen tënde. Rruga drejt lumturisë shkon përmes disiplinimit të sjelljes tënde”.

Moderatorja e njohur Floriana Garo, është bërë nënë për herë të parë. Përmes një postimi në instagram, Garo ndan lajmin e bukur se vogëlushja e tyre Adia ka adhur në jetë.

”Adia jonë e shtrenjtë erdhi në jetë më 12.03.2018! E bekoftë Zoti përgjithmonë dhe u rritë e fortë, e shëndetshme dhe plot dhembshuri! Faleminderit të gjithëve për urimet e përzemërta!”,-shkruan Garo.

Floriana prej kohësh jeton me bashkëshortin e saj Enis Daci në Gjenevë ku janë celebruar dhe pritet që të bëjnë dasëm pas disa kohësh. Së bashku me partnerin e saj Floriana është duke u fokusuar në fushën e menaxhimit.

Do të kemi dasmë! Blogerja e njohur Armina Mevlani sot në studion e “Rudina”, në Tv Klan zbuloi detaje nga ajo qe po ndodh mes saj dhe Shkëlzen Berishës, djalit të ish-Kryeministrit Sali Berisha.

Lidhja e tyre ka qenë gjithnjë në qendër të vëmendjes dhe ka ngjallur interes. Por çifti duket se ka vendosur të ndërmarrë të tjerë hapa në marrëdhënien e tyre.

“Zeni ka angazhimet e veta. Unë i lutem që të vijë dhe të më shoqërojë në “Javët e Modës”, por nuk mundet të qëndrojë gjatë gjithë kohës. Ai gjithmonë ka qenë me mua, unë sa herë kthehem në hotel e marr në telefon, ka filluar të informohet mbi detajet e modës. Më vjen mirë se kemi krijuar besim tek njëri-tjetri edhe për udhëtimet. Madje unë kur kthehesha në hotel, që flisja me të, i thoja që isha shumë e lodhur dhe se nuk kisha fuqi të bëja më asgjë, por ai më shtynte që të dilja duke më thënë se mund të ndërroj kartëvizita me njerëz. Dua të them që më ndihmon dhe më mbështet”, tha Mevlani.

Lidhur me planet për martesë, Mevlani tha se ata kanë diskutuar për dasmën dhe kanë menduar për vendin ku do ta organizojnë.

“Pas 3 vitesh është shumë larg. Ne e kemi diskutuar dhe kemi filluar të hedhim planet në letër lidhur me vendin, si e duam dhe gjithçka tjetër. Unë do doja shumë që edhe për fustanin të bashkëpunoja me një nga firmat e njohura. Kam filluar kontaktet që edhe kjo gjë të jetë në funksion. Ne nuk kemi bërë një festë kur jemi fejuar, donim të ishte personale midis prindërve tanë sepse nuk kemi qenë aq tradicionalë për këtë festë. Ne kemi bërë një darkë, por nuk ka qenë e madhe. Njerëzit duan ta dëgjojnë këtë gjë dhe ne do ta bëjmë si hap përpara martesës. Nuk dua të vendos një datë përpara se të vë gjërat në vijë. Do jetë sërish një festë private, sepse nuk i kam qejf t’i bëj gjërat të mëdha, sepse kam vite që bashkëjetoj. Por është diçka që e kanë qejf të gjithë, edhe miqtë edhe të afërmit. Nuk kemi planifikuar ende data, sepse duam t’i bëjmë gjërat avash. Kjo mund të jetë vitin tjetër, por ende nuk është përcaktuar”, tha Mevlani./tvklan

Aktorja e njohur e humorit Rudina Dembacaj ka një surprizë për fansat e saj.

Atë do ta shohin më shpesh në ekran dhe në një version të pa provuar më parë.

Emisioni më i ri që do të fillojë në Klan, “Në kurthin e Piter Pan” , me zor po pritet jo vetëm nga fëmijët por edhe nga të rriturit.

Sakaq prezantuesja e këtij emisioni, Alkea Vejsiu, zbuloi dy prej personazheve që do të jënë të ftuar, Ermal Mamaqi dhe Xhensila Myrtezaj.

Ndërsa moderatorët e emisionit të mëngjesit “Chaud Patate” në “Energy Radio” zbuluan një tjetër surprizë që po përgatitet për këtë emision.

Përpos të ftuarëve që do të ndryshohen çdo të hënë, spektakli do të ketë dhe personazhe të njëjtë çdo javë, të cilët do të ndihmojnë fëmijët për të ngacmuar personazhet e famshëm.

Një ndër këto personazhe do të jetë aktorja dhe moderatorja, Rudina Dembacaj, e cila do të sjellë shumë personazhe që ka interpretuar, por edhe të rinjë.

E pra përgatituni që pas datës 19 mars, përveç Alketës dhe fëmijëve, do të shihni dhe Rudinën çdo të hënë në Klan.

E gjitha bota foli për Bleonën pak ditë më parë kur u shfaq në festën e Oscar me një fustan rrjetë dhe komplet topless. Këngëtarja shqiptare i la të gjithë gojë hapur dhe mediat e huaja e komentuan shumë.

Fotot e videot e Bleonës nga ajo natë bënë xhiron e rrjetit, por nuk keni parë ende si do shfaqet në videoklipin e ri.

Prej disa ditësh Bleona ka publikuar këngën e saj më të re me titull “Wicked love” që është pëlqyer tej mase.

Sot këngëtarja ka postuar disa foto ku shfaqet sërish topless, por këtë herë vëmendjen e ka marrë edhe pjesa e poshtme pasi Bleona ka veshur vetëm një palë mbathje tyli.

Fotot janë pëlqyer nga mijëra fansa dhe këngëtarja ka marrë shumë komplimenta teksa shumë komentues i shkruajnë se mezi po presin videoklipin e këngës së re.

Kushdo që e ndjek këngëtaren Daniela Kamberi – Fifi në rrjete sociale mund ta kujtojë në një periudhë jo fort të largët kur ajo bëri publik të dashurin e saj.

Lidhja përfundoi shpejt dhe nga ajo periudhë më s’dëgjuam gjë mbi statusin e këngëtares.

Por, Fibi duket të mos ketë vonuar shumë për të gjetur dashurinë. Ajo tash e një kohë është në një lidhje me një model portugez.

Prive.al mëson se djaloshi në fjalë quhet Fabio dhe është mjaft i famshëm në Portugali, por edhe në vendet frankofone për shkak të aktivitetit të tij si model dhe pjesëmarrës në një prej spektakleve parallel të Big Brother në Francë.

Çifti kanë një kohë që janë bashkë teksa Fabio ka ardhur disa herë edhe në Kosovë për t’iu gjendur pranë të dashurës së tij.

Më poshtë disa fotografi të modelit që i ka marrë zemrën Fibit, krahas fotos së përbashkët të shkrepur këtë Shën Valentin në Prishtinë të cilën e pamë më lartë.