ShowBiz

“A e ke parë ndonjëherë veten në pasqyrë?”, ishte kjo deklarata e Anita Haradinajt për banorin e “BBVK2”, Gani Gërmia, në “Prime-n” e kaluar, që nuk u prit aspak mirë nga publiku.

Të shumtë ishin ata që “kryqëzuan” këtë koment, ndërsa së fundmi një reagim ka bërë edhe opinionistja e sezonit të fundit të “BBVA”, Zhaklina Lekatari.

Ajo ka bërë një postim ironizues për Anitën në rrjetin social “Instagram”, ku shkruan: “Nuk e shoh të përshtatshme të komentoj emisionet e tjera, mbi të gjitha kur nuk paguhem për të dhënë opinion, por di të them që: La classe non e’ acqua.”.

Shprehja “La classe non e’ acqua”, përdoret për të thënë që klasi, pra mënyra e sjelljes së një personi, është një karakteristikë e rrallë dhe nuk gjendet si uji.

Si çdo javë rubrika “Trotuar” trajton tema të cilat prekin diskutimet e përditshmërisë sonë. Tema e kësaj jave kishte të bënte për çiftet me diferencë të madhe moshe, dashuri apo interes?

Gjatë bisedës në studio, Fation Kuqari u shpreh se nuk ka pasur kurrë një lidhje dashurie me një vajzë më të madhe se ai.

Ish-konkurrenti i “Për’puthen” shprehet se po të ishin vetëm 2-3 vite diferencë nuk ka problem, por po flet për diferencë më të madhe.
“Në radhë të parë, unë i kam femrat të jenë si beba, jo të jenë si mami. Unë realisht i dua femrat më të vogla se vetja, nuk kam pasur asnjëherë lidhje me dikë më të madhe. Jam me idenë që, domethënë ndihesh i çik inferior kur është femra i çik më e madhe, vjen natyrshëm kjo te mashkulli. Vjen natyrshëm, nuk është çështje fuqie. 2-3 vite besoj se nuk është diferencë, po themi distanca të mëdha. 2-3 vite mua më duken shumë normale në një lidhje, si nga mashkulli si nga femra, po flasim për çështje shumë më madhore”, tha ish-konkurrenti i “Për’puthen”.

“Jam natyrë introverte, jam shumë e mbyllur, shumë private”

Soni Malaj ka zbuluar një ditë më parë nëse do të pranonte që të bëhej pjesë e edicionit të tretë të “Big Brothr VIP”. E ftuar në rubrikën “Mos i bjer me top” në “E Diell”, këngëtarja e njohur tha se ‘do ishte shumë e mërzitshme’.

“Jam natyrë introverte, jam shumë e mbyllur, shumë private. Do isha shumë e mërzitshme sepse në shtëpi dhe mami thotë na lodhe. Nuk është e vërtetë. Nuk ndodh. Mua më pëlqen, por…”, tha Soni Malaj.
Gjatë kësaj interviste, këngëtarja foli edhe për kantautorin e dashur për publikun, Flori Mumajesi.

“Ne jemi persona të rritur, kemi qenë të rinj, ka qenë një lidhje, ka kaluar, kemi kaluar në marrëdhënien e parë, kemi qenë për shumë vite shokë me njëri-tjetrin. Nuk mund të mësosh dikë të dashurojë, dashuria varet kur qëllon, mua më ka qëlluar vonë, mbi të 20-tat. Është një moment në jetë që vjen një person, ke një kimi të jashtëzakonshme, prandaj kam bërë këngën “Shpirti im binjak”, sepse ai është shpirti im binjak”, tha Malaj.

Moderatorja e njohur Luana Vjollca, me finalen e madhe mbylli dje sezonin e parë të formatit të dashurisë ‘Love Island Albania’, ku fitues u shpallën çifti Arlind dhe Ueda.

Urimet për suksesin e këtij formati të drejtuar nga Luana nuk kanë munguar. Por një që na i tërhoqi të gjithëve vëmendjen ishte ai i Sara Hoxhës një prej drejtueseve të televizionit ‘Top Channel’, me të cilën Luana prej kohësh i ka shkëputur punët.

‘Suksese’, komenton ajo në postimin e Luanës nga finalja e madhe.

Luana Vjollca ka kohë që është larguar nga Top Channel, por

Duket se vajzat vazhdojnë të ruajnë një raport të mirë edhe pse tashmë prej kohësh janë ‘rivale’ në punë.

Ronaldo Shakra ishte konkurrenti i radhës që u largua nga spektakli “Dancing With The Stars” mbrëmjen e së premtes. Të ftuar në studion e “Dancing With The Stars Fan Club”, ishin Albi Nako, ish-konkurrentja e DWTS Julka Gramio, Ronaldo Sharka dhe partnerja e tij në kërcim Frenki.

Sërish ishte një mbrëmje me plot debat mes Ronaldos dhe Oltës, ku kjo e fundit e konsideroi valsin që ai kërceu me partneren e tij Frenki, si valsin më të shëmtuar. Kaq ka mjaftuar që të shpërthente dhe Ronaldo.

Ronaldo: Është çështje gustosh. Nuk bie pre e provokimeve të tua dhe një niveli të tillë bisede sepse jemi në televizion e dashur.
Olta: Jo, ne nuk po bisedojmë.

Ronaldo: E dyta, po them një shprehje Olta por të lutem dëgjoje dhe mbaje mend mirë: ‘Për të njohur një njeri, vëre në pushtet dhe del fytyra e tij e vërtetë.” Ajo karrige nuk të bënë ty të flasësh çfarë të duash dhe si të duash, u referohem komenteve të tua për padjeshkën. Ironitë, lëre se nuk të shkojnë fare.

Këto ishin disa nga replikat mes njëri-tjetrit që shkëmbyen mbrëmjen e së premtes. Duke komentuar vendimin e jurisë dhe pikët që i dhanë Ronaldos, Albi Nako shprehet se Olta ka bërë vlerësimin dhe përgjigjen më të shëmtuar të një anëtari të jurisë, sepse ajo duhet të gjykonte nga ana profesionale dhe jo personale.

“Gjatë rrugëtimit, kuptova që është një ndër të paktit persona që e donte kërcimin, ndryshe nga disa konkurrentë pa cituar emra. Olta për mua bëri përgjigjen më të shëmtuar e një anëtari të jurisë sepse duhet të gjykojë nga ana profesionale dhe jo personale”, u shpreh Albi Nako.

Shqipe Hysenaj, e cila tashmë është banore në spektaklin “BBVK2”, njihet për karakterin e saj të fortë.
Dihet se ajo kurrë nuk e ul “shpatën”, duke debatuar me këdo që i dilte përpara.

Mirëpo duket se dikush ia ka gjetur “telat e zemrës” Shqipes dhe ai është Blerando, i cili gjithashtu është banor i shtëpisë.
Dyshja shpesh shihen duke kaluar kohë bashkë, ku dukshëm Shqipes i pëlqen afrimiteti me Blerandon. Madje, e pyetur se “sa e do atë nga 1 deri në 10?”, ajo u përgjigj duke thënë se “Blerando e ka derën e hapur në çfarëdo lloj dimensioni, shoqëri apo diçka më tepër”.

Edhe përgjatë ditës së sotme, dyshja janë parë shumë të afërt bashkë, duke na lënë të hamendësojmë se do jenë çifti i parë që do krijohet këtë sezon të BBVK.

Dy banoret e “Big Brother VIP Kosova”, Edona James dhe Vesa Vllasaliu janë përfshirë mbrëmjen e djeshme në një debat të ashpër.

Në bisedë e sipër ato kaluan në ofendime, duke përmendur edhe familjet e njëra-tjetrës.

“Nëse thua edhe një herë ta thyej kokën, ta thyej unë ty. Ti je paranojake, normal që nuk ke burrë”, i tha Edona, Vesës.

Kujtojmë se kjo e fundit ka folur shpesh për ndarjen e saj nga futbollisti Mërgim Berisha në prag të martesës.

Nga ana tjetër, kjo e fundit nuk është ndalur më kaq dhe e ka ofenduar Edonën, duke i përmendur familjen.

“37 vjeçe dhe ende është e pa martuar”, -ia ktheu Vesa duke qeshur dhe duke shtuar, “Shyqyr kam familje, jo si ti! Unë kam edukim, jo si ti!”

E prekur nga fjalët e Vesës, Edona ka shpërthyer në lot.

Ndërkohë banorët i kanë kritikuar vajzat dhe mbi të gjitha Vesën për fjalët e pandjeshme që i ka drejtuar Edonës, e cila ka rrëfyer se ka shumë vite që nuk flet me të atin dhe familjen e tij.

Shqipe Hysenaj në një bisedë të fundit me një prej banoreve të BBVK habiti me deklaratën e saj teksa fliste për fituesin e “BBV2”, Luiz Ejllin. Ajo u shpreh se ky i fundit pas daljes nga programi është takuar me ish-partneren e tij, Genën.

Shqipja tregoi gjithashtu se fotoja virale asokohe ku shihej Kiara Tito me të ëmën e këngëtarit, nuk ishte moderatorja por Gena, ish-i i Luizit. E si duket kjo deklaratë e Shqipes nuk i ka shpëtuar as këngëtarit.

Luizi ka qenë në një video live me Kiarën dhe teksa po diskutonte me ndjekësit, në mënyrë ironike ai thotë: “Nuk e puth (Kiarën) se nuk e lejon kontrata”.

Me këtë, ai ka lënë të kuptohet se nuk mund t’i reagojë direkt Shqipes, por me siguri një përgjigje ka për ta marrë pasi kontrata e tij të mbarojë.