ShowBiz

Bota e madhe e politikës i tërhoqi të gjithë në vorbullën e saj. Të pakënaqur me atë që bënin ose për tu bërë më shumë të famshëm vendosën të merrnin hapat drejt një profesioni që nuk do t’i çonte askund përkundrazi humbën edhe më shumë. Bëhet fjalë për personazhet publikë që dikur ishin të famshëm si këngëtarë apo aktorë dhe sot nuk e kanë më atë shkëlqimin e tyre sepse dashje pa dashje u pozicionuan në një anë që nuk ishte fort e dashur për publikun. Politika në Shqipëri është ku thërret qameti, ku krimi, vrasjet dhe droga po lëvizin çdo ditë. Shumë të famshëm u tërhoqën nga postet apo statusi i politikanit por dështuan me sukses.

Le të kujtojmë disa prej tyre

Greta Koçi ishte një nga mbështetëset e Partisë Demokratike dhe në çdo dalje dhe protestë shihej krah deputetëve të PD. Gjatë kohës që merrej me politikë u distancua nga muzika falë së cilës u bë e famshsme dhe po korrte mjaft suksese. Pas humbjes në zgjedhje të PD-së  ajo hoqi dorë nga ko fushë duke iu rikthyer sërish muzikës por ndryshe. Tashmë njerëzit nuk e njihnin më si Greta që këndonte por si Greta që merrej me politikë.

E njëjta gjë ndodhi edhe me Çiljeta Xhilagën që gjithashtu gëzonte një simpati tejet të veçantë për Doktorin por pas dorëheqjes së tij, u largua dhe ajo.

Klajdi Musabelliu doli nga ‘Ethet e së premtes’ ku dhe u dallua me talentin dhe zërin e tij. Por si shumë të tjerë dhe ai iu bashkua politikës me LSI pasi nuk ia doli të merrte famën e shumëkërkuar në muzikë. Para pak kohësh ai u hoq nga puna në ministri për tu larguar për në Itali ku ndodhet aktualisht.

Luiza Xhuvani ishte një ndër aktoret më të mira shqiptare që numëronte në repertorin e saj filma të sukseshëm nga të cilët u bë e njohur. Më pas ajo iu bashkua PS-së, por me ngjarjet e ndodhura së fundmi me djalin e saj i cili u akuzua për vrasje, bëri që ajo të jepte dorëheqjen nga posti.

Rajmonda Bulku gjithashtu ishte një nga aktoret më të dashura derisa vendosi të ishte pjesë e PD.  Ajo qe deputete e kuvendit e në atë periudhë u bë e njohur për reagimet e ndryshme në media sa i përket problematikave sociale. Tani që kanë kaluar disa vite Bulku ngelet anëtare e thjeshtë e PD-së, ku merr pjesë në mbledhje të partisë.

Julian Deda, Gentian Zenelaj dhe Ermal Mamaqi vazhdojnë të jenë të angazhuar me politikë. Tre aktorët e njohur të humorit kanë qenë mjaft aktiv në PD. Edhe sot ata nuk mundojnë në ngjarjet e rëndësishme të kësaj partie. Mamaqi nuk e fsheh adhurimin që ka për ish-kryeministrin e shqiptarëve Sali Berishën. Mirëpo në ditët e sotme falë profesionit të tyre dhe programeve televizive qëndrojnë ende në preferencat e publikut.

Armina Mevlani është një nga blogeret më të komentuara që gjithmonë tërheq vëmendjen.

Nuk janë të pakta rastet kur fansat e saj e ‘sulmojnë” për udhëtimet, veshjet dhe jetën luksoze që ajo bën. Kështu, i radhës ka qenë një komentues në llogarinë e saj në Instagram.

Bëj qejfin me lekët tona bëj…”- shkruante komentuesi.

Ndërkohë,Armina ka marrë mundimin t’i kthejë përgjigje pavarësisht se , siç thotë edhe vetë ajo, nuk e ka për detyrim t’i japë llogari njeriu.

Blogeria i shpjegon komentuesit:

Atëherë po ju kthej përgjigje për mirësjellje dhe për t`ju sqaruar, sepse nuk kam asnjë detyrim. Puna ime është të reklamoj firma, evente apo sjellje të reja në industrinë e modës, si e tillë çdo udhëtim për mua është punë, e mbuluar nga firmat me të cilat bashkëpunoj.”

Ai njihet si një nga deputetët e veshur më me stil dhe pikërisht për këtë arsye tërheq shpesh vëmendjen. Mirëpo këtë herë fotot e Fate Velajt po bëjnë xhiron e rrjetit për shkak se deputeti i Grupit Parlamentar të PS-së ka harruar zinxhirin hapur.

“Panorama plus” e ka fotografuar Velajn teksa shkonte në parlament këtë javë, i veshur me xhaketë blu, kollare me viza, kapele dhe pantallona të bardha të cilave kishte harruar t’ua mbyllte zinxhirin.

Aktori dhe piktori shqiptar, Robert Aliaj, së fundmi ka qenë i ftuar në emisionin “Provokacija”, të moderuar nga Mustafa Nano. Mes shumë të tjerash, Roberti ka rrëfyer diçka shumë personale rreth jetës së tij.

Nano e pyeti Aliajn, se kur ka qenë hera e tij e parë që ka bërë seks, dhe aktori u përgjigj se, kur ka qenë fëmijë e kanë përdhunuar “Për herë të parë më kanë përdhunuar. Kam qenë në një dasmë. Një grua e madhe më tërhoqi nga dasmorët dhe më çoi te shkolla e partisë dhe aty ndodhi”, ka thënë Roberti.

Por Robert Aliaj, mëngjesin e sotëm, i kontaktuar nga 360grade.al ka bërë të ditur se kjo histori ishte një shaka, një provokim për mediat dhe këto të fundit ranë në grackë. “Nuk jam përdhunuar asnjëherë. Ishte një batutë, një shkaka me të kaluarën. Më pëlqen të bëjë batuta, por mediat ranë në grackë dhe të dëshiruara për klikime krijuan tituj bombastik. Fatmirësisht nuk jam përdhunuar asnjëherë”, deklaroi Aliaj.

Zaimina Vasjari u bë nënë para disa kohësh me bashkëshortin e saj Klodi, por nuk kanë treguar ende një histori.

Sot, këngëtarja ka vendosur për herë të parë të flasë për marrëdhënien që ka me vajzat e mëdha të Klodit.

“Kam një marrëdhënie jashtëzakonisht shumë të bukur. Ato janë vajzat e bashkëshortit tim, por janë edhe gjaku i vajzës sime dhe motrat e saj. Ato janë pjesë e familjes dhe janë dy vajza të mrekullueshme. Unë nuk kam dashur t’i bëj publike sepse sot mund të aludohet shumë. Unë kam pasur edhe shumë mesazhe jo shumë të këndshme rreth kësaj teme, prandaj dua që privatësia e jetës së tyre të jetë larg vëmendjes së mediave. Me ardhjen në jetë të Khloes ato janë shumë pranë me njëra-tjetrën edhe pse gocat jetojnë jashtë vendit”, tha ajo në emisionin “Wake Up” në Top Channel.

Ditën e sotme kreu i qeverisë, Edi Rama, u dhuroi një udhëtim për në Turqi me avionin e AirAlbania disa prej gazetarëve të zgjedhur me kujdes nga ai dhe stafi i tij.

Mes tyre ishte dhe gazetarja Iva Tiço, e cila nuk ka nguruar të publikojë në rrjetet sociale një foto nga shkallët e avionit.

Ky imazh ka shkaktuar reagime të shumta, përfshirë edhe ato negativet.

Nuk kanë munguar ata persona që me nënkuptim e kanë cilësuar Tiçon edhe “bythëlëpirëse”, ndërsa kjo e fundit ka patur një reagim vërtetë për t’u marrë shembull.

Në ndryshim nga ç’pritej, një ofendim dhe kundërslum ndaj ndjekësit, Tiço i është kthyer me mirësjellje, duke i kërkuar të shprehë mendimin e tij të lirë në profilin e tij dhe të largohej nga Instagrami i saj.

Pavarësisht lëpirjeve apo jo (gjithmonë sipas komentuesve), reagimi i Ivës është për t’u ndjekur edhe nga VIP-a e gazetarë të tjerë në vendin tonë, por mirë do të ishte që edhe Rama të mësonte pak nga kjo zonjushë e kulturuar!

(Më poshtë gjeni bisedën e plotë dhe komentet)

Ka një të qeshur karakteristike që e dallon dhe e bën të veçantë nga të gjithë personazhet e tjerë të showbizzit, ndërsa talenti e diferencon në punën që ai bën.

E kemi fjalën për DJ Sardin, pas së cilit janë marrosur mjaft femra, të cilat e ndjekin në rrjetet sociale dhe nuk rrinë asnjë moment pa i komentuar.

Por ajo që nuk dimë për Sardi Shehun, është fakti se ai është vëllai i një prezantueseje të njohur lajmesh.

E kemi fjalën për Fjoralba Mishaxhi, e cila sikurse dhe Sardi, është e bija e Flamur Shehut. Fjoralba ka punuar për një kohë të gjatë si spikere në TV Klan, ndërsa prej disa vitesh jeton në Angli.

Sardi dhe Fjoralba kanë gjithashtu edhe një vëlla tjetër.