ShowBiz

Që prej largimit nga politika, ish ministri i Brendshëm është shfaqur mjaft aktiv në rrjetet sociale duke postuar foto dhe video të ndryshme nga pushimet dhe vendet që viziton.

Së fundmi, Saimir Tahiri ka publikuar një video në story në Faecebook, ku shfaqet me syze dhe me kapele ushtarake së bashku me djalin e tij hipur në kalë.

Nga pamjet të krijohet përshtypja se Saimir Tahiri ndodhet në zonat malore të Shqipërisë.

Kujtojmë se ish ministri i akuzuar nga PD për lidhje me Habilajt ende nuk ka mbyllur hesapet me drejtësinë, që siç e quan vetë ai është një luftë për të vërtetën.

Prokuroria e Krimeve të Rënda pritet të kërkojë për herë të dytë kohë për të mbledhur prova kundër tij.

E quajnë Emi Frangaj dhe ka preferuar gjithmonë të qëndrojë larg vëmendjes së mediave.

Ajo është e bija e Aleksandër Frangajt, pronarit të televizionit Klan dhe rrjedhimisht, trashëgimtarja e kësaj pasurie të madhe të të atit.

Emi është ende në gjimnaz, por për herë të parë është shfaqur disa ditë më parë, gjatë pjesëmarrjes në inagurimin e dyqanit të stilistit Joni Peçi.

Gjimnazistja është veshur në mënyrë të thjeshtë dhe ka bërë një grim të pastër, jo të rënduar shumë, çka i shton edhe më shumë bukurinë.

Blogeri Olti Curri njihet për postimet thumbuese që u bën shumë vipave shqiptarë, mirëpo seç ka një ‘dobësi’ të veçantë për Luana Vjollcën, të cilën e ngacmon më shumë se të tjerët.

Ai ka publikuar një video në Instastory ku shihet spoti i emisionit të moderatores ku kjo e fundit shprehet konkretisht: “Nuk ka rëndësi se sa pret, por kë pret, shtyni dasmat, datëlindjet bëjini të dielën, lindjet pas emisionit…”

“Po synetlliqet moj Luana,”- shkruan Olti krahas videos. Me siguri ky postim ka shkaktuar shumë të qeshura tek ndjekësit.

Ditën e djeshme moderatorja Elita Rudi dhe këngëtari Gjiko kurorëzuan dashurinë e tyre në martesë. E para që publikoi foto nga dasma ishte vetë Elita, e cila ishte bërë si një princeshë e vërtetë.

Më pas edhë shumë të njohur VIP të ftuar në dasmën madhështore nuk kanë ngurruar të publikojnë foto. Në mesin e të ftuarve ishte dhe Ermal Fejzullahu me bashkëshorten. Ajo që ra më shumë në sy ishte se Ariana kishte ardhur në dasmë me atlete.

Ajo kishte menduar për rehatinë e saj që në shtëpi, përpara se të nisej për në dasmën e Elitës dhe Gjikos. Me fustanin e saj të kuq shumë gala, Ariana ka menduar duke qenë se nuk shihen këpucët, të veshë një palë atlete.

Ajo zgjodhi që në dasmën e çiftit të famshëm të shoëbiz-t shqiptar të shkojë trendy, ndryshe nga të tjerat, por njëkohësisht të kërcejë sa të dojë pa ndjerë dhimbje takash në këmbët e saj.

Këngëtarja Bleona Qerreti është gjithmonë kryetema e mediave rozë, pasi daljet e saj publike janë gjithmonë ta bujshme.

Së fundmi Bleona ka udhëtuar drejt Shqipërisë dhe si gjithmonë ka tërhequr vëmendjen.

E ftuar në “Prive” këngëtarja ka habitur me deklaratën e saj teksa pyetet se çfarë do të bënte nëse i dashuri i saj do të kishte tre femra të tjera.

“Nëse i dashuri im do të kishte tre femra të tjera, unë prap do ta lija të vazhdonte me to vetëm e vetëm që ai të bënnte diferencën”, tha Bleona.

Lejla Ibrahimi-Salahi ishte 25 vjeçe kur jeta e saj ndryshoi thellësisht. Përditshmëria, ëndrrat, dëshirat, gjithçka mori kthesë krejt tjetër. Babai i saj, Bexhet Salahi, u sëmur papritur dhe ndërroi jetë pas pak ditësh. Megjithatë, për gruan e guximshme nga Zyrihu ishte e qartë: erdhi koha që domosdoshmërisht të udhëhiqte me firmën e madhe të Air Prishtina.

“Ai më shikoi nga shtrati i spitalit dhe me vështrimin e tij kuptova gjithçka, çfarë deshte të thoshte,” kujton Lejla Ibrahimi, shkruan SonntagsZeitung. Dhe kështu brenda natës ajo u kthye në vajzën më të rëndësishme të familjes: mori drejtimin e biznesit, mbajti kompakt familjen, shqetësoheshte për ta, mbi të gjitha vëllai i saj i vogël kishte vetëm 13 vjet. “Nuk ishin kohë të lehta,” thotë Ibrahimi, e cila kishte vetëm një vit kohë për të treguar veten. Konkurrenca ishte e madhe.

Sot, thuajse fiks 13 vjet më vonë, biznesi është më i madh se kurrë dhe Air Prishtina fluturon në shumë vende europiane, kurse fluturimet fillojnë ose mbarojnë në Kosovë dhe Maqedoni. Vitin e kaluar firma ka transportuar rreth gjysëm milion pasagjerë me një qarkullim prej 60 milion franga. Qendra e Air Prishtina është në rrugën Löwenstrasse të Cyrihut, një ndërtesë e renovuar dhe me zyra elegante, përcjell albinfo.ch.

Babai Bexhet kishte vlerësuar saktë vajzën e tij. Përkundër gjithë mynxyrave, Lejla Ibrahimi kishte dhunti negociuese dhe arriti që jo vetëm ta ruajë firmën, por edhe ta ngrejë. Se ajo ishte pothuajse gjithmonë e nënvlerësuar nga kontraktorët e saj, ajo me mjeshtëri e përdori atë – deri më sot.

Firma Air Prishtina luftonte në një treg të fuqishëm. Fluturimet brenda Europës nuk mund të ishin tepër të lira. Disa konkurrente bankrotuan si pasojë e luftës së çmimeve. Për dallim nga ofruesit tjerë, Air Prishtina nuk kishte aeroplanët e saj, por të kompanive tjera. Kështu ajo ka mundësi për çmime fluturime nga 59 franga prej Zyrihut, Baselit, Gjenevës, pesë qyteteve gjermane, Veronës, Kopenhagen dhe Parisit drejt Prishtinës, Shkupit dhe së fundi drejt Ohrit.

Bazat e mësimit Lejla Ibrahimi i përvetësoi nga babai, i cili u lind në një fshat kufitar mes Serbisë dhe Maqedonisë, ndërsa në vitet 70-të emigroi drejt Zyrihut. Ai punoi për pak kohë në fabrikën Escher-ëyss, ndërsa më pas filloi të organizojë udhëtime për bashkëkombasit e tij drejt vendlindjes. Fillimisht përmes rrugëve tokësore. Më pas, në 1981, ai filloi fluturimet e para drejt aeroportit ushtarak të Prishtinës, duke nxitur një erë të re të qarkullimit ajror në Kosovë.

Filozofia e suksesit të bijës së tij është të provosh gjithçka që është e re, të analizosh dhe të mbesësh çdoherë inovativ. Air Prishtina ka financuar shumë në teknikë dhe platformat e rezervimit. Air Prishtina gjatë verës të ofron edhe shëtitje rreth Kosovës dhe Maqedonisë. “Ky është një treg,” që gëzon Ibrahimin. Të dyja janë turistike dhe zbulon vendet e paeksploruara, me qytete fantastike dhe natyrë mbresëlënëse.

Diskutimi për shqiponjën dykrenore

Për Lejla Ibrahimin, atdhe i saj është Zvicra. Përveç biznesit, ajo këtu është martuar me një jurist dhe ka dy fëmijë. Prej vdekjes së prindërve të saj, ajo viziton më rrallë vendin e origjinës. Por prap, mban në zemër edhe kulturën shqiptare. Rrjedhshëm ajo mund të ndryshojë gjuhën. Gjithashtu merret edhe me diskutimin e shqiponjës dykrenore.

“Kur shihja përballjen Serbi-Zvicër, reaksioni im i parë ishte: A duhet të ndodhte kjo? Jam e sigurtë që Xhaka dhe Shaqiri janë krenarë që luajnë për Zvicrën dhe ata nuk kishin në mendje mospërfilljen ndaj vendit,” thotë Ibrahimi, duke shtuar se si pasojë e tifozëve presioni ndaj tyre ishte i madh.

Por Ibrahimi thotë se nuk e kupton se pse lojtarët me origjinë të huaj nuk e këndojnë himnin, e cila vetë ua ka kërkuar të gjithë punonjësve.
“Ky ndryshim ishte i nevojshëm për të mbajtur të aftë dhe në jetë firmën,” thotë shefja e 50 punëtorëve në Kosovë dhe shtatë në Zyrih. Të gjithë duhet të aplikojnë dhe provojnë vlerat e tyrë. “Të gjithë me qëndrim zviceran”, thotë ajo duke qeshur./albinfo.ch

Këngëtarja e njohur Greta Koci ishte e ftuar mbrëmë në emisionin “Xing me Ermalin”, ku treguar për herë të parë edhe arsyet se pse u largua nga PD, pasi në qeverisjen e ish-kryeministrit Sali Berisha ka mbajtur postin e kreut të Forumit Rinor të Partisë Demokratike.

Duke kujtuar këtë periudhë, Greta u shpreh: “Angazhimi im atje ka qenë shumë serioz dhe mua më ka ndihmuar shumë për të mësuar gjëra të reja dhe besoj që kam dhënë një kontribut të vlefshëm për aq kohë sa isha. Por e kam ndërprerë totalisht tashmë”.

E pyetur nëse ndërprerja ndodhi sepse Berisha dha dorëheqjen, Greta tha se nuk ishte kjo arsyeja, por ju duk i mjaftueshëm një mandat.

“Jo, besoj ishte mjaftueshëm një mandat, 4 vite, ishte shumë impenjative dhe erdhi momenti që duhet të kishte një shkëputje që unë të merrja pak frymë. Sepse jam në moshën më të përkryer për ta vazhduar ende muzikën”, tha këngëtarja.

Një profil në “Snapchat” me emrin e Robert Berishës ka bërë që këngëtari i njohur të shpërthejë sot duke treguar se nuk i përket atij. Roberti ka bërë një postim në Instastory ku shkruan se nuk ka “Snapchat” dhe s’ka për të pasur kurrë.

“Kushdo që ka hapur snap në emrin tim mutin ma hëngërt s’kam snap dhe s’kam me pas kurrë”, ka shkruar këngëtari.