ShowBiz

Këngëtari Arkimed Lushaj, i njohur ndryshe si Stresi, ka njoftuar se i riu i vr arë në Shkjezë të Shkodrës mëngjesin e sotëm, është mik i tij.

Bëhet gjalë për Gjin Boriçin, i njohur ndryshe si Gjin Ndoji, i cili u gjet i vrarë me plumb në kokë, pranë makinës me të cilën udhëtonte.

Stresi ka ndarë një fotografi të tyre ku shkruan, “Qofsh i xhenetit”.

Po ashtu ai ka ndarë edhe biseda që ka bërë me të ndjerin, ku shkruan, “Ma ke këput shpirtin sot kur mora lajmin”

Alida Duka, këngëtarja e hitit “Ani” dhe e disa hiteve të tjera, i prek në zemër fansat e saj me historitë personale në këngë. E vërteta dhemb gjithmonë edhe në art, por thotë se jeta e ka mësuar të përballojë gjithçka.

Motra e Stines rrëfen për “Panorama Plus” si e ktheu periudhën e pandemisë në avantazh, me dy këngë të reja plot energji dhe biznesin e saj. Për dashurinë, martesën dhe paratë, ajo bën këtë rrëfim të hapur, si artistët e vërtetë…

Dy projekte të reja muzikore në kohë pandemie. Si e përjetove realisht këtë periudhë e ç’të motivoi për të realizuar këto këngë të bukura plot jetë?

Në fillim na dukej si në film gjithçka, nuk po e besonim dot në të vërtetë. Pastaj filluam të ambientoheshim me situatën, duke menduar se si mund të dilnim prej saj. Unë e mbylla biznesin në hotel, sepse më merrte 80 për qind të kohës dhe 20 për qind më mbetej për fundjavat apo të lëvizja për koncerte. Ndërsa për jetë private nuk bëhej fjalë kurrë. Në fakt, unë kisha kohë që po e mendoja të hapja firmën për shitblerje apartamentesh, si dhe dhënien me qira për firmat që kanë bizneset e tyre në Hannover dhe rrethinat.

Pashë që po funksiononte në periudhën e koronës, pasi hotelet u mbyllën. “D&D immobilen UG” ndryshoi shumë gjëra tek unë, pasi fillova të kem shumë më shumë kohë për veten. Si dhe projektet që kisha në plan t’i realizoja, por që për çështje kohe ishin lënë mënjanë. Pastaj, fati im që në kohën e koronës rastisi edhe vëllai im, Stine, këtu në Gjermani. Kjo ishte si një ëndërr për mua, të kishim kaq shumë kohë me njëri-tjetrin, gjë që më ka munguar prej vitesh.

Një klip me Stinen dhe tjetrin me artistin Juanito. Ç’mund të tregosh për fabulat e dy projekteve?

Duke ndenjur në dhomën e pritjes, Nesti u ul në piano dhe filloi të kompozonte këngën “Du warst nicht da” (Ti nuk ishe kurrë aty). Them se më ngjiti direkt e kështu filluam ta shkruanim më tej. Ky ishte projekti i parë që në kushte korone e realizuam në Hannover me Jayo, artist i ri në tregun gjerman.

Po bashkëpunimi me Juaniton, si ndodhi?

Më pas vijoi dhe “Gitana” në duet me Juanito nga Puerto Rico, bashkëpunim me të cilin erdhi krejt papritur dhe në gjuhën spanjolle, diçka që kurrë më parë nuk e kisha provuar.

Duket se ndryshe nga këngëtarët në përgjithësi që patën një lloj pezmatimi, ti e ke kaluar me shumë aktivitet muzikor. Je natyrë që sfidon edhe vetë realitetin?

Në fakt, periudhën e koronavirusit kemi qenë shumë aktivë falë Zotit, saqë më thoshte ndonjëherë Stine: “Do bëjmë ndonjë ditë pushim ne, ku i gjen këto punët përditë?!”

Liria, suksesi, të qenit energjike dhe në formë i tërheq meshkujt si magnet drejt teje, apo i largon ata?

Energjia që kam dhe të qenit në formë dhe e pavarur i habit meshkujt, pasi thonë: “Nuk e shohim shpesh këtë gjë te femrat, sidomos në ditët e sotme. Kjo nga ana tjetër i largon ata, sepse nuk guxojnë të kenë një femër të tillë në krah. Në fakt, duhet të ndodhë e kundërta.

Pavarësisht të gjithave, i beson dashurisë në këto kohë? Çfarë mësimesh ke marrë nga jeta?

Nuk besoj më në dashuri, them se nuk ekziston më. Gjithçka është kthyer në interes, për fat të keq.

Ndonjë ndodhi personale e ke rrëfyer në këngët e tua, duke i bërë më të ndjera dhe të prekshme nga publiku. Ka ndodhur e njëjta histori me dy klipet e reja?

Te kënga “Du warst nicht da”, flet qartë për ndarjen që kisha verën e kaluar. Por jeta të mëson të përballosh çdo gjë dhe jam shumë e lumtur që nëpërmjet këngëve që përcjell te njerëzit, të mund të prek ndjenjat e tyre.

Për ty, martesa sot është dashuri apo një lloj kompromisi e biznesi? Dhe kur mund të të shohim në altar?

Nëse do të vendosja të martohesha, do ta bëja nëse do jem e dashuruar dhe kurrë për çështje biznesi.

Ti hyn te personat që i kanë boshatisur llogaritë e tyre bankare këto ditë të vështira, apo ata që i kanë shtuar paratë pavarësisht situatës?

Llogaria bankare ka qenë plus-minus-barazim prapë. Plus këta 4 muaj ka pasur shumë lëkundje, por falë biznesit që hapa nuk e ndjeva dhe aq shumë. Nga ana tjetër, realizova dy projektet me klip, si dhe po përgatitemi të dalë projekti “Panamera ft.Salva” nga producentët Siessto dhe Oster, që mezi pres të dalë në tregun gjerman.

Ndërkohë si artiste në Gjermani patëm ndihmë shtetërore mbi 9000 euro, ndaj dhe kjo më ndihmoi të mos bëja pauzë, por të isha aktive përveç vështirësive që patëm.

Një fundjavë e kaluar buzë detit dhe një mbrëmje e mbyllur në mënyrë romantike.

Këngëtarja Rezarta Shkurta është surprizuar nga bashkëshorti i saj, Ermal Hoxha mbrëmjen e kësaj të diele.

Ai ka shkruar në rërë shkronjën “R” si emri i Rezartës, duke e emocionuar të shoqen, e cila i ka ndarë pamjet në rrjetet sociale.

Çifti ka kaluar jo pak vështirësi, pas arrestimit të Ermalit si pjesë e grupit të laboratorit të kokainës në Xibrakë, teksa Rezi ngeli vetëm me Herën e vogël.

Ermali u lirua nga burgu para dy vitesh, duke bërë që familja të bashkohet.

Ai u dënua nga Gjykata e Krimeve të Rënda në korrik të 2017 me 10 vite burgim me gjykim të shkurtuar, së bashku me anëtarët e tjerë të grupit ‘Xibraka’. Nga gjykimi i shkurtuar dënimi zbriti në 6 vite dhe 8 muaj burgim. /noa.al

Një lajm i trishtë ka ardhur nga këngëtari i njohur, Vlashent Sata. Ai ka humbur babain e tij, studiuesin dhe kritikun e muzikës. Loro Sata është ndarë nga jeta në moshën 83-vjeçare.

Lajmin e trishtë e ka dhënë vetë këngëtari përmes një postimi në rrjetet sociale. Vlashenti i ka dedikuar të atit fjalët më të ndjera, ku mes të tjerash shprehet se ai është për të muzika dhe dashuria për jetën.

“Ti do jesh gjithmone nota ime e pare!

Ti je muzika ime, dashnia per jeten, o i buti im zemermal! Nate me shi sot baba im, po neser me ty ne shpirt prap kam me knu si mke msu ti! Drite paç o femija ma i bukur qe kam njoft!”, ka shkruar Vlashenti.

Këngëtarja e njohur Adelina Thaçi, e cila disa javë më parë bëri me dije se është infektuar me kor onavi rus, e ka mposhtur vi rusin.

Lajmin e ka bërë vetë me dije në rrjetet sociale, teksa njofton se tashmë ka nisur pushimet në Sarandë.

“Jam e lirë, në Sarandë, me familjen time”, shkruan këngëtarja, e cila e ka përfunduar karantinën e detyruar prej in fektimit.

Më 8 korrik kur njoftoi in fektimin ajo tha se kishte lodhje të madhe trupi, dhimbje sysh, koke dhe qafe, si dhe temperaturë 37.5.

Mirëpo tashmë që virusin e la pas, rrezet e diellit dhe deti i Sarandës, janë parë si ilaçi më i mirë për rimëkëmbjen prej saj.

Gazetari Bledi Strakosha është shëruar nga koronavirusi.

Lajmin e ka bërë publik vetë moderator përmes rrjeteve sociale, duke thënë se ka rezultuar negativ në tamponin e dytë.

Ai tregon se kjo betejë nuk ka qenë aspak e lehtë.

“Të dashur miq, më në fund trupi im e fitoi betejën me Covid-19. Tashmë rezultoj negativ në të gjitha kontrollet e bëra.

Nuk ishte e lehtë, por gjithsesi shumë më pak e vështirë se lufta që po bëjnë shumë të tjerë që janë shtruar në spitale. Faleminderit nga zemra të gjithë mjekëve qe më ndoqën e asistuan me aq përkushtim. Faleminderit familjes sime.

Faleminderit shumëëë edhe secilit prej jush (të njohur e të panjohur) që më qëndruat pranë në rrjet e më dhatë kurajo. Ju lutem kujdesuni për veten! Virusi do bëjë të vetën, por edhe ne duhet të bëjmë tonën”, shkruan moderator.

Është një prej këngëtareve më të pëlqyera të të gjitha kohërave.

Zëri i saj ka ngritur peshë të gjithë ata që e shijuan muzikën e Manjola Nallbanit.

Pak ditë më parë ajo festoi 50-vjetorin e lindjes.

Manjola është duke kaluar pushimet dhe shpesh publikon foto për ndjekësit e saj në rrjetet sociale.

Ajo shfaqet në formë të shkëqyer, dhe këtë e tregon trupi si i një vajze të re.