ShowBiz

Arbana Osmani dhe Eduart Grishaj do të kurorëzojnë dashurinë e tyre në ceremoni private në Toskana, Itali. Nga burime ekskluzive për Vip Magazine mësohet se dasma do të bëhet në datën 17 qershor.

Në ceremoni do të marrin pjesë familjarë, miq dhe bashkëpunëtorë të ngushtë të çiftit. Së fundmi moderatoja dhe regjisori janë duke u marrë me detajet e dasmës në Itali.
Sa i përket fustanit të bardhë ende nuk dihet se kujt do t’ia besojë Arbana. Kujtojmë se prezantuesja dhe regjisori janë prindër të dy fëmijëve, Diellit dhe Zoit, si dhe Joni i cili është djali i madh i Arbanës nga martesa e parë.

Pas daljes së tij nga shtëpia e Big Brother , Luiz Ejlli, tha se kishte vetëm një shok, i cili nuk kishte përfituar nga fama e tij. Këngëtari tregoi se përgjatë gjithë qëndrimit të tij në shtëpi, atëhere kur të gjithë përpiqeshin që të merrnin sado pak famë nga fama e tij, shoku i tij qëndroi i heshtur dhe asnjëherë nuk doli para kamerave.

Eni Bushati është shoku që Luizi foli me krenari, një djalë që ka refuzuar të flasë për Luizin dhe të përfitojë nga fama e tij. Edhe pse eni nuk dëshironte që të shfaqej publikisht, Luizi e ka prezantuar me të gjithë fansat e tij.
Në llogarinë e tij në “Instagram”, këngëtari ka publikuar një foto nga darka krah partneres së tij, Kiarës dhe shokut të tij, Enit. “Me vëllain tim Eni Bushatin”- shkruan ai.

Fenomeni Luiz Ejlli bëri të përfshiheshin në formatin e Big Brother Vip, të vegjël dhe të mëdhenj. Këngëtari arriti që të fitonte zemrat e mijëra shqiptarëve kudo nëpër botë dhe këtë gjë e kemi parë si gjatë formatit edhe pas përfundimit të tij. Të shumtë janë fansat të cilët duan të bisedojnë dhe ta takojnë këngëtarin, mirëpo ai ka përzgjedhur një person të veçantë, Kristinën, gruaja e cila flinte dhe zgjohej me të gjatë qëndrimit në shtëpi.

Kanë mjaftuar disa video të publikuara në rrjet nga familajrët e Kristinës e cila shfaqej duke qarë kur përfundoi Big Brother Vip dhe disa të tjera ku kërkonte të takonte këngëtarin, që Luizi ta kontaktonte.
Së fundmi, në llogarinë e tij në Instagram, Luizi ka publikuar momentin kur telefonoi për herë të parë Kristinën të cilës i premtoi që do shkojë ta takojë në Greqi, aty ku dhe ajo jeton.

“Dashuria që marr nga ju është më e madhe seç mund ta kisha menduar.

Kisha edhe unë po aq emocione sa Zonja Kristina (të cilën sot e njihni të gjithë), prandaj këto emocione të bukura nga kjo telefonatë surprizë, doja t’i ndaja me të gjithë ju.

Faleminderit nga zemra”, shkruan Luizi krah videos.

Opinionisti i Big Brother Vip Arbër Hajdari ka folur për eksperiencën e tij në këtë realityshow, ku ka qenë pjesë si opinionist për dy edicione.

Ai në një intervistë për “N’Trip” ka treguar planet për të zgjeruar familjen, pasi dëshiron që të ketë shumë fëmijë.
Ndër të tjera ai është shprehur se nuk e sheh veten pjesë të Big Brother Vip 3, teksa tha se një opinionist nuk mund të jetë i përjetshëm pasi fillon dhe konsumohet.

“Vjet ishte më e vështirë, për shkak të ngarkesës që kam. Gjithmonë kam dashur të ruaj qetësinë dhe mos ndikohem nga komentet jashtë, dhe ti rri larg trysnisë dhe të prezantoj atë që jam. Opinionisti nuk mund të jetë i përjetshëm, fillon dhe konsumohesh dhe mendoj se nuk e shoh më veten në sezonin e radhës. Në lojë më kanë pëlqyer njerëzit që kanë qenë koherent në lojën e tyre, si Beniada pasi ishte një njeri që i qëndroi larg thashethemeve”, tha Arbëri.

Kiara Tito do të rikthehet në ekranin e “Top Channel” si moderatore. Pas përfundimit të “Big Brother Vip Albania”, ajo ka marrë besimin e drejtuesve të këtij televizioni, për të moderuar një emision përgjatë verës.

Burime pranë çiftit bëjnë me dije për “Vip Magazine” se ajo do të marrë drejtimin e emisionit “Kepi i Tundimeve”, i cili këtë sezon do të vijë i konceptuar ndryshe. Pas përfundimit të “Big Brother Vip Albania”, Kiara po jeton dashurinë e saj me Luizin, fituesin e edicionit të dytë të këtij programi me të cilin u njoh brenda shtëpisë.

Por duket se miqësitë që kishte krijuar brenda shtëpisë janë krisur njëherë e mirë për Kiarën. Efi Dhedhes ka folur për herë të parë për raportet me Luizin dhe Kiarën pas përfundimit të “Big Brother Vip Albania”. Në një intervistë në emisionin “Se luan topi” ajo tha se nuk është takuar me asnjërin prej tyre, pasi të dy janë të angazhuar, por shtoi se do i lërë të gjithë kohën e duhur raportit. Efi përsëriti edhe njëherë deklaratën se dasma e tyre iu duk vendim i nxituar pa e njohur njëri tjetrin jashtë izolimit. “E vetmja gjë që thashë është mu duk dasma shumë herët për dy njerëz që nuk patën mundësinë ta njohin njëri tjetrin në situata të ndryshme përveç ‘Big Brother’.

Ajo i përket vetëm atyre. Ky është një mendim i imi që doja ta shprehja dhe ata ta dinin. Me Luizin jemi shumë mirë thjesht nuk kemi pasur mundësinë të takohemi por gjërat janë ashtu si i kemi parë, qetë, bukur dhe pa keqkuptime. As me Kiarën nuk jam takuar. Njerëzit kanë nevojë për kohën e tyre. Jam e lirë t’i jap sa kohë të duan të gjithëve. Janë të dy të angazhuar”, tha Efi. Mesa duket “Big Brother Vip Albania” është më dramatik jashtë seç ishte brenda. Ditë pas dite, dëgjojmë deklarata të papritura nga ish-banorët. Antoneta Koçi, një prej banoreve, ishte së fundmi e ftuar në një emision ku shprehu pakënaqësitë e saj për Kiara Titon. Ajo tha se edhe pse Kiara është një vajzë e mirë, ndonjëherë mund të tregohet shumë arrogante dhe mendjemadhe.

“Kiara në thelb nuk mendoj se është vajzë e keqe, thjesht i fluturon mendja shumë shpejt. Pra, bëhet mendjemadhe shumë shpejt. Dhe është arrogante. Mua për shembull ta them tani më ka ndodhur në një nga situatat që kemi qenë me xhirime në “Big Brother” që kundrejt disa personazheve kishte një qasje sikur ishim publik. Nuk kishte atë respektin që duhet të kesh për dikë që e njeh. Pavarësisht se në një moment mund të kesh shumë popullaritet, jetës nuk i dihet asnjëherë.

Në një moment mund të jesh më e kërkuara, në një moment mund të jesh e harruara. As kokën nuk e ktheu për të përshëndetur njeri, thjesht shkoi te dy-tre personat që qëndron gjithmonë. Mendoj se herë-pas-here sillet në mënyrë të tillë që të pëlqehet, bën gjëra që do publiku”, tha Antoneta. Por, edhe vetë Kiara ka zbuluar se me disa nga ish-banorët nuk gëzon më të njëjtin raport dhe këtë gjë nuk e fsheh. Ish-banorja e “Big Brother VIP 2”, Kiara Tito, ka rënë pre e telefonatës “kurth”. Një ditë më parë ajo ka marrë një telefonatë ku u kërkohet që të bashkëpunojë për një revistë me Efi Dhedhes dhe Olta Gixharin.

Moderatorja e njohur përgjigjet prerë me “jo”, derisa njihet me pagesën prej 20 mijë eurosh, ku ndryshon mendim duke thënë se do e diskutojë me menaxherin e saj. E njëjta ofertë iu komunikua edhe për opinionisten Zhaklin Lekatari, por në këtë rast paratë nuk e joshën dhe moderatorja ishte e prerë se nuk ka një bashkëpunim mes tyre. Më pas Kiarës i zbulohet se e gjitha ishte një lojë. Moderatorja e priti me shumë sportivitet.

Fansat e tij kanë qenë nga më të çmendurit që historia e personzheve VIP shqiptarë ka njohur. Po flasim pikërisht për Luiz Ejllin.

Gjatë eksperiencës në ‘BBV’ shumë persona e ndoqën Luizin ‘këmba këmbës’, natë e ditë, e një prej tyre është edhe zonja Kristina, e cila jeton në Greqi.

Videot e saj ku përshëndeste Luizin, fliste për të dhe e puthte nga ekrani janë bërë virale në ‘Tik Tok’.

E tashmë që Luizi ka dalë nga shtëpia e famshme, është koha që t’ja shpërblejë sado pak kohën që ajo mori për ta ndjekur.

Luizi na ka treguar përmes një video surprizën që kishte përgatitur për Kristinën. Ai e merr me video për ta përshëndetur.

Gëzimi i Kristinës s’ka koment.

Arbër Hajdari ka qenë prej dy vitesh opinionist në ‘Big Brother VIP 3’, duke ndarë me ndjekësit mendimet e tij pa filtra. Shpesh Arbëri është bërë viral me deklaratat e bëra, duke shkaktuar edhe të qeshura.

I ftuar ditën e djeshme në ‘E Diell’ ai tha se ftesa iu bë nga ‘Top Channel’ një vit më parë.
“Ishte vlerësim nga ana e televizionit ftesa për të mbajtur pozicionin e opinionistit dhe sigurisht edhe pse me Top Channel jam njohur në kushte kur ata dinin më tepër se kush është Arbëri sesa çfarë pune bënte Arbëri. Kjo ishte ideja e tyre për të qenë pjesë e formatit.”

Ai tha se edicioni i parë ishte më i vështirë për të, por shtoi se është person që mësohet shpejt.
“Vjet ishte ndoshta pak më vështirë sepse ishte edhe edicioni i parë, por unë jam një njëri që mësohet shpejt me gjërat. Ndoshta ishte më shumë e vështirë prej ngarkesës që unë kam edhe te Fundjava, edhe te një program ku kam dashur të ruaj qetësinë, të mos ndikohem nga konkurrentët, familjarët e tyre jashtë që është krejt normale të shqetësohen. Jam munduar t’i rri larg trysnisë që krijohet nga banorët, dashamirësit e tyre, dhe të prezantoj atë që jam. Mendoj se opinionisti përzgjidhet për të dhënë mendimin e tij ashtu si e shikon ai.”

Por, Arbëri mendon se askush nuk mund të jetë opinionist gjithmonë sepse njihet nga publiku dhe mendimet e tij dihen. Ndaj thotë se nuk e sheh veten në “Big Brother VIP 3”. Edhe prej angazhimeve të shumta që ka.

“Asnjë nuk mund të jetë një opinionist i përjetshëm. Sepse konsumohesh, njerëzit e kuptojnë se kush je dhe çfarë mendimi ke dhe mbase nuk ke më asnjë risi. Prandaj, nuk e shoh më veten si opinionist në ‘Big Brother VIP 3’. Mendoj se jo sepse edhe Fundjava kërkon një angazhim shumë të madh”.