ShowBiz

DJ i njohur shqiptar, Vin Veli, ishte i ftuar së fundmi në rubrikën “Trotuar” në “E diell”, ku mes të tjerash ka zbuluar se ka marrë një ftesë nga “Big Brother VIP Albania”, por e ka refuzuar.

“Kisha dhe një ftesë dhe nuk kisha mundësi të isha pjesë e atij spektakli, “Big Brother VIP Albania”. Po mundohem të ndjek gjëra që janë më happy, më të bukura.”-tha ai duke shtuar se nuk e ndjek programin.

Mirëpo, pas kësaj vajzat në program, Shqipja dhe Erjola, e kanë ngacmuar duke thënë përgjigja nuk ishte e sinqertë. Madje, Erjola i tha se me këtë përgjigje po i duket “i akulltë si Bora”. Me sportivitet, Vini tha se është thjesht i sinqertë dhe si ai ka edhe njerëz të tjerë.

“Jam i sigurt se ka njerëz që nuk janë të përfshirë 24 orë në atë që ndodh sepse merren me libra, merren me sport, merren me biznes. Dhe njerëzit që janë të suksesshëm e përqëndrojnë energjinë e tyre te gjërat që u duhen jo te gjërat që i rrethojnë. Ka një arsye dhe nuk është kaq e çuditshme që unë nuk ndjek një emision. Si unë ka edhe të tjerë.”- mbylli ai fjalën e tij.

Marrëdhënia mes Fifit dhe Semit duket se nuk është aspak e mirë dhe ato i kanë bërë “block” njëra tjetrës në rrjetet sociale para se të futeshin në Big Brother Vip. Gjatë bisedës me Granitin, Fifi ka treguar se Semi ka qenë në një gjendje mjaft të keqe dhe konsumonte vetëm cigare, alkool dhe ilaçe.

“Edhe pasi e mora vesh gjendjen e Semit. Kjo as nuk hante, as nuk ka pirë. Cigare, alkool, veç kaq. Cigare edhe alkool, edhe ilaçet. Nisi të rrinte me mua, nisi edhe të hante, nisi të pinte kafe, gjëra të tjera. Alkool pinim veç në darkë, kur mblidheshim në studio, ose kur dilnim. U sëmur, e mora të shtëpia, e mbajta afër, sikur një njeri që kisha vite që e njihja. Kjo është esenca, që unë kur jap, jap 100%. Nuk jam “prit të rezervohem ndopak, të shoh si po më del”, ka thënë Fifi.

Më tej ajo ka treguar se e ka marrë Semin kudo me vete për moa ta lënë vetëm, ndërsa raportet e tyre u ftohën pas “Këngës magjike.

“Kam pasur koncert e kam marrë me vete, për mos ta lënë vetëm, që të dilte nga gjendja që ishte. E kam bërë të hajë bukë, me muaj nuk kishte ngrënë… kur ajo me shkruajti për të më kthyer sendet, se ka pasur edhe tesha që ia kam dhënë dhe unë s’i kam kthyer përgjigje. Dy javë para se të hynim brenda më thotë Flori që Semi është në Big Brother…dy javë para se të hynim brenda i shkruajta dhe i thashë të takohemi, por nuk i thashë që do hyja”, tregoi Fifi.

Personi që Ermal Mamaqi ka insistuar ta kishte në serialin “H.O.T”, ka qenë pikërisht Ana Lika, aktorja e cila na ka bërë të gjithëve të qeshim me rolin e “Lorit”. Por që Ana të pranonte këtë rol nuk ka qenë e lehtë.
Në një intervistë për “Prive”, Ermali ka treguar se Ana kur lexoi vazhdimin e skenarit u ofendua dhe u largua nga zyra. Megjihatë me insistimin e Ermalit, aktorja është rikthyer dhe sot ka një nga rolet më të pëlqyer nga publiku.

“Ana Lika nuk ka qenë përzgjedhja ime, por insistim i imi që ajo të qëndronte. E morëm Anën, erdhi bëri provat, por kishte ndodhur një çudi sepse ajo kishte lexuar vetëm dy skenarët e serive të para, ndërkohë që tek seritë e tjera ajo duhet të flejë me tre burra dhe të puthet me të gjithë aktorët. Kur lexoi vazhdimin e skenarit, tha: ‘Po pse çfarë më dini ju mua, ku*vë?’, i hodhi skenarët dhe iku nga zyra. Pastaj e ndryshuam pak skenarin dhe e rikthyem”, tregoi Ermali.

Artistja shqiptare Fjolla Morina e ka dëshmuar se është një nënë tejet e përkushtuar ndaj dy vajzave të saj. Këngëtarja, e cila jeton prej vitesh e vetme me fëmijët, vazhdon të shfaq publikisht dashurinë ndaj tyre.
Ajo së fundmi ka shpërndarë disa fotografi të reja ku shfaqet me vajzën e vogël, Alayah. Këto imazhe të 35-vjeçares duket të jenë realizuar në Emiratet e Bashkuara Arabe, gjegjësisht Dubai.“Në fund të botës me gjithë botën time”, ka shkruar ajo referuar të bijës.

Nuk dihet nëse Morina është duke kaluar ca kohë në Dubai, apo nëse këto janë bërë më herët.

Sidoqoftë, ajo këtë kohë pas lirimit nga paraburgimi ka qenë duke u komentuar për një ndarje me të dashurin e saj, biznesmenin nga Gjilani, Fisnik Syla

Banorët e ‘Big Brother VIP’ kanë vijuar diskutimet mes tyre për tema nga më të ndryshmet.

Gjatë diskutimeve ishte aktorja, Arjola Demiri e cila mori vëmendjen pas një deklarate që bëri li dhur me meshkujt. Ajo ndër tjera tha se meshkujt kanë frikë që t’i afrohen dhe se nuk mund ta përballojnë.

“Mua në përgjithësi meshkujt më kanë frikë dhe bëjnë mirë sepse nuk më përballojnë”, ka thënë Arjola duke qeshur.

Kujtojmë që Arjola është nënë e tre fëmijëve nga martesa e kaluar, ndërsa ka deklaruar se aktualisht është beqare dhe e fokusuar ndaj familjes së saj. Ndërkohë, në spektaklin e së premtes, në Big Brother VIP, Arjola u befasua nga mikesha e saj prej shumë vitesh, aktorja tjetër Adriana Matoshi.