ShowBiz

Një konflikt virtual ka ndodhur mes gazetarit dhe analistit të njohur Mentor Kikia dhe këngëtarit shkodran, apo thënë ndryshe fenomenit Luiz Ejlli.

Ka qenë një intervistë e divës së muzikës shqiptare, Aurela Gaçe, e cila tha se tani nuk është momenti që të bëjë një bashkëpunim me Luizin, në këtë moment kur ai është në kulmin e famës, pasi sipas artistet bashkëpunimet e mira vijnë atëhere kur publiku nuk i pret.

Ky lajm bëri xhiron e rrjetit dhe sigurisht s’i kishte shpëtuar pa u kapur as nga analisti. Ai kritikoi mediet se si mundën të krahasojnë të madhen Aurela me Luizin, për të cilin tha se nuk ka asnjë vlerë artistike.

“Nuk po e mbaj dot më..Më dilni këto ditë nëpër rrjet, poshtë e lart dhe pa fund, lajme-leshi që Aurela Gace refuzon Luizin për të kënduar së bashku. Këto soj lajmesh janë lloqe mediatike për klik, e di unë këtë. Por si keni kurajen o bicim të përballni një këngëtare, një artiste, me një produkt televiziv pa asnjë vlerë artistike (njerëzore se di, nuk e njoh)”, shkruajti Kikia në postimin e tij, të cilin më pas e fshiu.

Komenti i Kikisë u fshi, por Luizit nuk i shpëtoi. Ai e ripostoi statusin e analistit në llogarinë e tij në Instagram dhe i listoi atij arritjet, e madje i kujtoi edhe sukseset që ka arritur në karrierë. Duke nisur nga çmimi në “Ethet” dhe deri te pjesëmarrja e tij në Eurovision. Në postimin e tij këngëtari e ofendoi gazetarin dhe tha se ndryshe nga ai, postimin e tij nuk e do e fshijë. Por, të gjithë keni mundur të njihni pak Luizin brenda në shtëpi, çfarë thoshte tani, s’e thoshte pastaj e sigurisht ky postim ndonëse këngëtari tha që nuk do e fshijë, u fshi vetëm pak orë pas.

“Te thuash, qe une jam pa kurrefare viere, nuk e di nga e nxjerr!

Është e vërtetë që jam produkt i një formati televiziv, por i “Etheve”, produkt i të cilëve janë edhe Elvana Gjata, Anjeza Shahini, Rona Nishliu, Vesa Luma, Rosela Gjylbegu,

Samanta Karavello, Kamela Islamaj, Flaka Krelani, Linda Halimi, Mateus Frroku, Greta Koçi, Hersi Matmuja, Klajd Musabelliu, Kejsi Tola, etj etj.

Jam fitues i kësaj gare të rëndësishme, fitues i Këngës Magjike, fitues i Festivalit të Këngës, e për rrjedhojë, edhe pjesëmarrës në Festivalin Europian të Këngës. Në Big Brother jam nga të paktët që kam hyrë si dikush që ka bërë diçka, si “vip” ndryshe nga shumë të tjerë që kanë hyrë në dy edicione dhe s’e kishim haberin se kush janë.

Por je kokrra e legenit o Mentor, që e postove dhe e fshive. Epo un nuk e fshij o shok! Legen je dhe pik”, shkruante Luizi në postimin e tij.

Bled Mane, në një ndër postimet e tij të shumta në rrjetet sociale, sot ka publikuar mesazhin e një ndjekësi.

Por ky mesazh nuk duket aspak normal. Ndjekësi, të cilin Bledi nuk ka nguruar t’i publokojë edhe emrin, e kërcënon me jetë gazetarin.

“Ti që shan Kiarën, kam për të ta prer kokën.

Do ta pres kokën”, shkruan ndjekësi i cili i ka dërguar edhe thirrje në Instagram Bledit.

Kërcënimet të kësaj natyre duket se po bëhen normale për ish-banorët e BBV.

Pak ditë më parë ishte Krist Aliaj ai që ndau me ndjekësit një kërcënim që i vinte në mesazh

Luizi Ejlli ka konfirmuar se nuk do të marrë pjesë në koncertit e Noizyt më 4 gusht.

Luizi përmes një videoje, ka sqaruar se për shkak të angazhimeve, e ka të pamundur të marrë pjesë në “Alpha Show”, por i uron suksese mikut të tij.

Kështu, fituesi i “Big Brother VIP” shuan zërat se mes tij dhe Noizyt nuk ka më raport miqësor.

“Po lexoja nëpër portale, pse nuk është Luizi te koncerti i Noizyt. Përgjigja është se unë kam shumë koncerte, shumë aktivitete, e kam agjendën shumë të ngarkuar. Si unë, ka edhe shumë kolegë të tjerë, të cilët nuk janë. Unë i uroj me shpirt dhe me zemër Noizyt dhe të gjithë artistëve që do të jenë aty që koncerti të shkojë sa më mirë, të ketë sa më shumë sukses, të ketë sa më shumë audiencë. Të shkëlqejë si di ai. Do të takohemi me Noizyn, me të gjithë, këtu do jemi. Do të punojmë bashkë, do të rrimë bashkë, pa merak. Nëse doni të na fusni në sherr vazhdoni jeni të mirëpritur, nëse doni me na nda vazhdoni, unë nuk kam armiq në art, në kulturë e në sport unë kam qejf mos me pas armiq as në jetë, por jeta i ka këto, mos keqinterpretoni gjëra që nuk janë, mos shpikni gjëra nga hiçi se dilni bllof”.

Diola Dosti është një ndër ish-banoret më të përfolura të sezonit të dytë të “Big Brother VIP”.

Teksa ishte në shtëpi, publiku u njoh me jetën e saj si një grua e divorcuar, nënë e 3 vajzave. Diola foli shpesh për vështirësitë që kaloi gjatë ndarjes me bashkëshortin e saj, me të cilin thotë se kanë ende raporte të mira.

E ftuar së fundmi në një intervistë Diola tha se është e gatshme të përjetojë dashurinë për herë të dytë, por sipas saj meshkujt e kanë frikë.

“Një fushë që ndihem budallqe është fusha e dashurisë. Nuk e kam përjetuar dashurinë për herë të dytë, besoj se do ta përjetoj. Nuk kam kohë. Jam e fokusuar në karrierën time. Padyshim që ka individ që aforhen. Më duket se më kanë frikë. Sepse jam një vajzë e realizuar. Në momentin kur më afrohet dikush, mua nuk më bën përshtypje nëse vjen Bentley me një apo me Golf 2. Sepse unë i kam vetë gjërat, e kam vetë makinën time.”

Gazetari i njohur, Bledi Mane, ishte mëngjesin e sotëm i ftuar në emisionin “Wake Up”,

ku ka zbuluar se sa aktiv janë ish-banorët e edicionit të dytë të “Big Brother VIP”.

Sipas tij, një personazh mjaft aktiv është Ronaldo Sharka.

“Është më aktivi i aktivëve. Nuk toleron, nuk bën tangërllëqe.

Lufton me ironi, debate, meme dhe me reklamat. E dashuron lekun dhe i ka vënë qëllim vetes.

Ai ka ulje dhe ngritje, por në muaj mund të fitojë 20 milionë lekë të vjetra”, tha gazetari i njohur.

Këngëtarja e dashur për publikun, Dafina Zeqiri, është një ndër artistet më me zë të momentit, e cila po korr suksese të njëpasnjëshme. Së fundmi, Dafina ka qenë e ftuar në emisionin “Nacionale”, ku ka folur rreth jetës së saj personale.

Krijuesja e hitit “Harroj” tregoi se momenti më i vështirë i jetës së saj ka qenë në moshën 16-vjeçare, kur ajo ka përjetuar shumë trauma. Zeqiri shtoi se i ka kaluar ato si fëmijë pa pasur nevojë që të kërkojë ndihmë mjekësore.

“Para se ta filloj karrierën kam përjetuar momentin më të vështirë. Ka ndodhur kur kam qenë 16 vjeçe, kam përjetuar shumë trauma. I kam kaluar si fëmijë dhe nuk kam pas nevojë që të shkoj dhe të kërkoj ndihmë mjekësore. Mbas asaj vetëm plumbi në ballë mundet që t’më ndalin”, tha këngëtarja e njohur.