Shendetesi

“Hapja graduale rrit imunitetin”/ Pipero: Rastet e fundit nuk dëshmojnë sëmundshmëri, por rënien në kontakt

Aktualitet, Opinione, Shendetesi / /

Mjeku i njohur Pëllumb Pipero e konsideron të qetë dhe të butë epideminë në vendin tonë pavarësisht një rritjeje të ndjeshme të numrit të të infektuarve në 24 orët e fundit.

Gjatë një interviste televizive, Pipero tha se “sot kemi 18 raste pozitive, por dje dhe sot nuk kemi asnjë rast të ri të shtruar. Janë raste që nuk dëshmojnë sëmundshmëri, por rënien në kontakt”.

Por Pipero apelon që qytetarët nuk duhet të humbasin kujdesin dhe vëmendjen përballë koronavirusit.

“Është një virus me shumë të panjohura dhe vendet që nuk kanë respektuar gradualitetin janë kthyer pas në masa. Hapja duhet të jetë graduale dhe rajonale, pasi ato mikrovatra që janë ende t’i mbajmë të survejuara, të mos na ndodhi t’i kthejmë mbrapsht”, tha Pipero, duke theksuar se është shumë e rëndësishme mbajtja e distancës fizike dhe larja e duarve nga qytetarët.

Ai theksoi se rastet edhe pse sporadike janë pa komplikacione, duke nënvizuar se epidemia është nën kontroll.

“Ka një teori që me kalimin nga një person në një tjetër bie virulenca dhe ky është fakt. Dhe ekspozimi, vazhdimi i hapjes do na japi dy gjëra: së pari në aspektin psikologjik do jemi më të qetë, në aspektin ekonomik po e po , por edhe rritja e imunitetit”, deklaroi mjeku Pipero.

Ai theksoi se “virusi tek ne ka jo vetëm rënie të qarkullimit të transmetueshmërisë, por edhe rënie të virulencës, nuk është më agresiv sa ka qenë. Pra nuk sjell sëmundje, sjell rritje të mbrojtjes”./atsh

“Hapja graduale rrit imunitetin”/ Pipero: Rastet e fundit nuk dëshmojnë sëmundshmëri, por rënien në kontakt Read More »

“Asgjë për t’u shqetësuar nga shtimi i rasteve”/Kalo: Janë kontakte me të sëmurët e mëparshëm, vetëndërgjegjësimi i qytetarëve arma për mposhtjen e COVID-19

Aktualitet, Shendetesi / /

Rastet e regjistruara sot nuk janë vatra të reja, por raste të kontakteve të mëparshme. Me rëndësi është ndërgjegjësimi i qytetarëve për respektimin e masave.

Kështu deklaroi mjeku Tritan Kalo, gjatë një interviste televizive sot, ku theksoi se, lehtësimi i masave dhe rritja e lëvizjes së popullatës e bën të pritshme shtimin e rasteve.

“Nuk janë raste të vatrave të reja, por janë kontakte me të sëmurët e mëparshëm. Kjo e bën të nevojshme që të ruajmë distancën fizike. Pra, kjo hapja dhe kjo lëvizja bën që njerëzit t’i nënvlerësojnë masat e distancimit fizik dhe kjo bën detyrimisht të shtohet numri. Kemi mbi 13 ditë që nuk kemi asnjë viktimë nga kjo sëmundje dhe këto parametra po përpiqemi t’i ruajmë. Faktori kryesor është sjellja e qytetarëve”,- tha ai.

“Gjatë këtyre ditëve po, do ketë rritje dhe pastaj shpresoj të rikthehet aty ku ishim në ditët e fundit. Mbi të gjitha, me rëndësi mbetet vetëndërgjegjësimi i popullatës për mbarëvajtjen e kësaj pandemie në vendin tonë”, – shtoi Kalo.

Ai pasqyroi dhe situatën në dy spitalet COVID. “Në të dy strukturat janë në terapi intensive tre persona jo të intubuar, por që kanë nevojë për asistencë. Jemi të lehtësuar për dy gjëra. E para, se ka më shumë jetë njerëzish të shpëtuar, ne vetë ndjehemi më të lehtësuar, sepse është lehtësuar barra. Personat më të rrezikuar në të gjithë botën është personeli mjekësor”, – tha Kalo.

“Unë e kam thënë, se mundësia është se ajo që nuk është bërë ligjore është bërë faktike nga popullata. Deri sa një gjë e tillë është bërë fakt i kryer dhe kjo është e mirë që të pranohet, por mbyllja brenda zonave është e mirë që të vijojë për ca kohë, sepse akoma kemi një numër të madh personash aktivë në Tiranë, Krujë dhe në Shkodër”, – tha ai.

Doktor Kalo u shpreh se virusi do të rishfaqet në vjeshtë, ashtu siç rikthehen infeksionet e tjera. “Unë po e shpreh tek ju, nuk është hera e parë që e kam thënë. Nuk bëhet fjalë për rikthim, por rishfaqje sepse infeksioni nuk do të zhduket. Në vjeshtë bashkë me kthimin e infeksioneve të tjera, detyrimisht një pjesë e infeksioneve do shfaqen, dhe midis tyre do të ketë të sëmurë nga COVID-19”, – theksoi ai.

“Pakënaqësia ime lidhet me dy probleme kryesore: Së pari, për shkeljen dhe mosndërgjegjësimin qytetar, i cili çalon. Një popullatë që është aktive nuk ka pse të bëhet pre e infeksionit të tillë. Nuk kemi njerëz për të humbur. E dyta, ajo që më shqetëson është politizimi i gjërave të pavlefshme. Nuk bëhet politikë me sëmundjen, me të vdekurit, me pandeminë. Politika bëhet me politika shëndetësore, me përmirësimin e sistemit shëndetësor. Një popullatë e shëndoshë tregon vitalitetin e një kombi në të ardhmen”, – përfundoi ai. /atsh

“Asgjë për t’u shqetësuar nga shtimi i rasteve”/Kalo: Janë kontakte me të sëmurët e mëparshëm, vetëndërgjegjësimi i qytetarëve arma për mposhtjen e COVID-19 Read More »

Ministria e Shëndetësisë: 18 raste të reja, shkon në 898 numri i të prekurve

Lajmi i fundit, Shendetesi / /

Ministria e Shëndetësisë dhe Mbrojtjes Sociale ka informuar se 24 orët e fundit janë identifikuar pozitivë me COVID-19, 18 raste te reja.

Ka shkuar në 898 numri i të prekurve me koronavirus në vend.

Dr. Eugena Tomini, eksperte e Institutit të Shëndetit Publik në përditësimin e situatës theksoi se në 24 orët të fundit janë testuar 191 qytetarë të dyshuar si të prekur me COVID-19 dhe kanë rezultuar pozitivë 18 qytetarë.

“Pjesa më e madhe e tyre janë kontakte të rasteve të mëparshme, ndërkohë që vazhdon hetimi epidemiologjik në terren. Rastet e 24 orëve të fundit janë të shpërndara si vijon: 11 raste në Tiranë, 4 në Krujë, 2 në Berat dhe 1 në Durrës. Të shëruar janë 6 qytetarë”, u shpreh ajo.

Pavarësisht numrit të rasteve pozitive të identifikuara, situata epidemiologjike paraqitet e qëndrueshme, por që tregon qartë se kujdesi i qytetarëve duhet të vazhdojë, për të respektuar masat e vendosura, në mënyrë që të minimizojmë sa më shumë përhapjen e virusit tek kontaktet familjare apo më gjerë.

Deri më sot janë konfirmuar pozitivë me COVID-19 në të gjithë vendin 898 qytetarë, ndërsa 77% e të prekurve tashmë janë të shëruar.

COVID-19 – Statistika (14 maj 2020)
Testime totale 11769
Testime molekulare 11239
Testime serologjike 530
Raste pozitive 898
Raste të shëruara 694
Raste Aktive 173
Humbje jete 31 (qarku Tiranë 18, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:
Tiranë 81
Krujë 47
Shkodër 16
Kamëz 12
Fier 5
Berat 5
Elbasan 2
Durrës 2
Kurbin 1
Mirditë 1
Korçë 1/atsh

Ministria e Shëndetësisë: 18 raste të reja, shkon në 898 numri i të prekurve Read More »

Tomini apel qytetarëve: Funksionimi i strategjisë së rihapjes varet vetëm nga ju

Aktualitet, Lajmi i fundit, Problematika, Shendetesi / /

Deri më sot janë konfirmuar pozitivë me COVID-19 në të gjithë vendin 898 qytetarë, ndërsa 77% e të prekurve tashmë janë të shëruar.

Dr. Eugena Tomini, eksperte e Institutit të Shëndetit Publik në përditësimin e situatës theksoi se në të gjithë vendin aktualisht janë 173 persona aktivë me COVID-19, kryesisht në Tiranë, Krujë, Shkodër dhe Kamëz.

“Situata në spitale paraqitet e qëndrueshme prej ditësh. Aktualisht në dy spitalet COVID janë të shtruar 19 pacientë dhe vetëm 3 prej tyre janë në terapi intensive. Me pak se 11% e te prekurve aktivë po marrin trajtim në spitalet COVID, pjesa tjetër ndiqet nga mjeku i familjes”, u shpreh Tomini.

Nga fillimi i epidemisë, deri tani, në vendin tonë janë kryer 11769 testime, nga të cilat, 11239 janë testime molekulare dhe 530 janë testime serologjike.

“Rastet e sotme pozitive janë tregues se funksionimi i strategjisë së rihapjes dhe e lehtësimit të masave varet vetëm nga ju. Nëse ju do të tregoheni të përgjegjshëm duke respektuar distancimin fizik, të kombinuar me masat e higjienës respiratore dhe personale, të mos kryeni vizita tek të afërmit për çdo lloj arsye, bizneset të zbatojnë protokollet strikte, do të vijojmë me një situatë epidemiologjike nën kontroll”, u shpreh Tomini.

“Qytetarët duhet të jenë të kujdesshëm të mos neglizhojnë shenjat e sëmundjes COVID-19, ndaj ju lutemi telefoni në numrin unik të Urgjencës Kombëtare, 127.
Për informacion në lidhje me COVID-19, për këshillim psikologjik në rast të shfaqjes së shenjave të ankthit apo shqetësime të tjera, ju lutemi, telefononi në linjën e gjelbër 0800 40 40”, përfundoi ajo. /atsh

Tomini apel qytetarëve: Funksionimi i strategjisë së rihapjes varet vetëm nga ju Read More »

IKSHPK apelon qytetarët për kujdes të shtuar nga COVID-19

Aktualitet, Shendetesi / /

Instituti Kombëtar i Shëndetit Publik u ka bërë serish thirrje qytetarëve për kujdes në luftën për parandalimin e përhapjes së COVID-19, duke thënë se lehtësimi i masave nuk nënkupton mosrespektimin e rekomandimeve të institucioneve shëndetësore.

Mbrëmë në Kosovë janë konfirmuar tetë raste të reja me koronavirus dhe asnjë të shëruar, duke bërë kështu që totali i të prekurve të arrijë në 927.

Kjo ka bërë që IKSHPK të alarmojë qytetarët që të vazhdojnë të ruajnë distancën sociale, mbajtjen e higjienës dhe maskave deri në shuarjen e plotë të COVID-19.

“Lani duart me kujdes 20-30 sekonda! Virusi akoma gjendet në mesin tonë. Sakrificën tonë për të ruajtur shëndetin ta konsiderojmë si vlerë sublime duke vazhduar me mbajtjen e distancës fizike dhe mbajtjen e maskave në vendet publike. Ju lutemi të keni kujdes sepse akoma ekziston rrezik i përhapjes në vendet ku ka grumbullim të madh të njerëzve”, thuhet në deklaratë.

IKSHPK u ka bërë serish thirrje edhe institucioneve për mbajtjen e rendit dhe inspektoratet për angazhim të shtuar gjatë ditëve në vijim./KosovaPress/

IKSHPK apelon qytetarët për kujdes të shtuar nga COVID-19 Read More »

“Rishfaqje e COVID-19 në shtator, por jo kaq agresiv”/ Mjeku Kalo: Vetëndërgjegjësim nga qytetarët, respektim i distancës në plazhe

Opinione, Shendetesi / /

Mjeku i njohur infeksionist Tritan Kalo deklaroi sot se “nuk do të ketë një rikthim, por një rishfaqje të virusit COVID-19. Mendoj që shfaqja e këtij virusi nuk do të jetë më agresiv, hapësira kohore nga 13 maji, deri në shtator, ka disa muaj dhe kontaktet sporadike do të na ndihmojnë që të kemi më shumë imunitet”.

Në një intervistë televizive, Kalo theksoi se “virusi COVID-19 nuk është në grahmat e fundit, por si një sëmundje respiratore, shkon në një vetëshuarje, por jo të plotë. Gradualisht COVID-19 do të klasifikohet si infeksion i vijave respiratore”.

Sipas tij, në verë kemi disa infeksione që kalohen shpesh në plazh dhe kanë si simptoma gripi.

“Me ardhjen e vjeshtës do të riaktivizohen dhe pa dyshim midis tyre nga tamponet që do të merren, detyrimisht do të jetë i pranishëm edhe COVID-19”, – shtoi Kalo.

Mjeku Kalo u shpreh se “virusi në karakteristika nuk ka ngjashmëri me viruset e parafabrikuara si një pjesë e arsenalit të armëve biologjike, nuk ka asnjë gjë të saktë, duhen studime më të thelluara. Më shumë duket një betejë tërheqje vëmendjeje, se një saktësim i krijimit të këtij virusi”.

I pyetur nëse do të shkonte në një dasmë, Kalo tha se “nuk do refuzoja asnjë ftesë për dasmë, por duhet me qenë të kujdesshëm. Teprime në përqafime dhe puthje duhet të besojmë që janë të tepërta. Koka të na hyjë më shumë në veprim dhe më pak duart”.

“Edhe plazhi me kujdes. Duke respektuar distancën dhe në ato plazhe ku nuk ka derdhje të ujërave të zeza ka rrezik minimal”, shtoi ai.

I pyetur për zërat nga opozita se është fshehur numri i të vdekurve nga COVID-19, mjeku Kalo tha se “Tajlanda është vendi i parë ku janë parë të sëmurët e parë, pas Kinës. Qeveria tajlandeze mori masa të menjëhershme, nuk priti që të shpallej pandemia nga OBSH. Mori masa drastike. Është ngritur dikush nga opozita tajlandeze të thotë pse na i fshihni të vdekurit?”

“E palogjikshme të kërkosh të vdekur kur nuk ka. Nuk ka asnjë arsye për të fshehur të vdekurit pasi individët janë të regjistruar në regjistrat e spitale dhe është kollaj për të identifikuar. Është një lojë që nuk ia vlen të merresh me të, nuk bëhet politikë me të vdekur, por të bashkojmë krahët për ta luftuar”, tha Kalo./atsh

“Rishfaqje e COVID-19 në shtator, por jo kaq agresiv”/ Mjeku Kalo: Vetëndërgjegjësim nga qytetarët, respektim i distancës në plazhe Read More »

“Prej ditësh në disa zona të kuqe asnjë rast me COVID-19″/Mjeku Alimehmeti: Këtë vit duhet të bëjmë plazh

Aktualitet, Opinione, Shendetesi / /

“Përveç numrit të vogël të rasteve të reja duhet të shohim që nuk ka më raste të rënda. Tashmë jemi në ditën e 13 pa asnjë vdekje pra vdekja e fundit është në datën 30 prill pra në maj nuk ka më asnjë vdekje nga COVID-19”, tha mjeku epidemiolog Ilir Alimehmeti gjatë një interviste televizive.o

I pyetur nëse duhet bërë plazh këtë vit Alimehmeti tha se , “uji i detit përmban kripë dhe jod që e vrasin virusin. Ata që nuk lejojnë qytetarët të futen në det, nuk e paskan kuptuar akoma natyrën e virusit”.

“Edhe pishina nuk është problem. Në pishinë thjesht duhet pasur parasysh grumbullimi i njerëzve. Në pishina grumbullohen shumë persona”- tha ai.

Ai tha se bashkitë e shpallura “zona të kuqe” nga qeveria nuk kanë pse të mbahen në kufij të kuq në një kohë kur rastet pozitive me COVID-19 janë minimale, ose prej ditësh në disa prej tyre s’ka fare.

“Qyteti i Durrësit prej një jave s’ka asnjë rast pozitiv me COVID-19, pse izolohet si zonë e kuqe”, tha mjeku Alimehmeti.

Ai tha se,“kur ke kaq pak raste, kur s’ke asnjë rast sot në Krujë, kur ke dy raste në Tiranë dhe asnjë në Durrës prej më shumë se një jave, s’ke pse i mban këto bashki në zonat e kuqe”.

“Unë bëj pjesë të ajo masa që thonë që nuk duhen mbajtur këto masa. Në bazë të evidencave këto masa duhet të lirohen siç po lirohen”, përfundoi mjeku epidemiolog Ilir Alimehmeti./atsh

“Prej ditësh në disa zona të kuqe asnjë rast me COVID-19″/Mjeku Alimehmeti: Këtë vit duhet të bëjmë plazh Read More »

“Faza e parë e pandemisë u kalua me sukses”/ Hapja graduale e ekonomisë ndihmë për kapërcimin e fazës së dytë

Aktualitet, Problematika, Shendetesi / /

Deputeti i Partisë Socialiste, Ervin Bushati, deklaroi sot se “shëndeti i ekonomisë shqiptare është i bazuar mbi shëndetin e shoqërisë. Fazën e parë Shqipëria e ka kaluar shumë mirë bazuar në shifrat dhe të dhënat që kemi krahasuar me vende dhe shumë të stabilizuara ekonomikisht apo me shëndetësi më të fortë sesa vendi ynë”.

Në një intervistë televizive i pyetur për vlerësimin e BERZH për performancën ekonomike të Shqipërisë në vitin 2020, Bushati tha se “në radhë të parë qeveria, mazhoranca ka për detyrë të kalojë fazën e parë apo betejën e parë më këtë pandemi botërore që është ruajtja e shëndetit të qytetarëve, sepse patjetër është e lidhur ngushtë me shëndetin e ekonomisë”.

“Nëse nuk kemi një shoqëri të shëndetshme dhe nuk funksionon që në funksionet e saj bazike nuk mund të mendojmë për ekonominë. Në katër muaj Shqipëria mbajti mbi supe dy tragjedi të mëdha, që nuk i ka patur në mijëra vite, si tërmeti shkatërrimtar dhe një pandemi që herën e fundit ka qenë mijëra vite më parë, që të bllokojë ekonominë. Ne nuk mund të ishim një ishull i qetë në këtë trazirë të madhe. BERZH-i ka një parashikim tjetër. Unë dua të jem më optimist, sepse Shqipëria është prekur pak dhe hapja do ta ndihmojë më tepër”, tha ai.

Deputeti Bushati theksoi se “kjo pandemi do të ketë tri faza: faza e parë, përplasja dhe lufta e parë ndaj kësaj pandemie; faza e dytë, hapja e ekonomisë dhe faza e tretë, që do të ketë një kurë ose një vaksinë, por kjo do të dojë një kohë pak më të gjatë se ajo që do të dëshironim ne”.

“Besimi që ka fituar dhe e ka përdorur mirë qeveria shqiptare, sepse masat u ndoqën shumë mirë nga qytetarët, fakti që ne sot kemi vdekshmërinë më të ulët në Europë tregon besueshmëri”, – tha Bushati./atsh

“Faza e parë e pandemisë u kalua me sukses”/ Hapja graduale e ekonomisë ndihmë për kapërcimin e fazës së dytë Read More »