Shendetesi

Shtimi i rasteve të reja me COVID-19/ Mbështetje mjekëve të Infektivit, Manastirliu: Besimplotë tek ju që nga dita e parë

Shendetesi / /

Pas shtimit të pacientëve në spitalin COVID1, Ministrja e Shëndetësisë dhe Mbrojtjes Sociale ka vizituar sot stafin mjekësor të Spitalit Infektiv në QSUT, për t’i mbështetur për punën që po bëjnë dhe për t’i inkurajuar për përballimin e situatës së shkaktuar nga COVID19.

“Aktualisht situata epidemiologjike na referon disa momente të rëndësishme të cilat vlejnë për t’u analizuar. E para që në këto dy javë që sigurisht është edhe një efekt i hapjes dy javë më parë, ka raste simptomatike më shumë të shfaqura se dy javë më parë. Virusi ekziston, nuk është zhdukur, pavarësisht se të gjithë e duam të eliminuar. Por ne duhet që të vijojmë të bëjmë detyrën tonë, si Ministri Shëndetësie, ju si mjekë padyshim”, tha Manastirliu.

Ministrja e Shëndetësisë bëri apel për qytetarët për respektimin e masave të distancimit fizik, për të kufizuar përhapjen e COVID19.

“Jemi përpara hapjes së transportit publik, që është një risk tjetër që duhet të marrim parasysh, ku vendosja e maskave është e detyrueshme, kushtet e higjienës patjetër. Por në të gjithë aktivitetet duhet të jetë ky kujdes, jo vetëm në ato të cilat do të lejohen të hapen”, tha Manastirliu.

Shefja e shërbimit infektiv, prof. Najada Çomo tha se ka një rritje të numrit të të shtruarve gjatë ditëve të fundit, por dha edhe lajmin e mirë që falë punës së stafit, një pacient ka dalë nga intubimi.

“Ky është një lajm shumë i mirë. Unë jam shumë e kënaqur që po bëhen hapa përpara dhe kam qenë gjithmonë besimplotë që nga dita e parë që kam shkelur në këtë spital që këtu mjekët bëjnë të pamundurën dhe e tregojnë çdo ditë profesionalizmin e tyre. Është gjithmonë një lajm i mirë kur mjekësia ja del. Ndaj edhe njëherë shumë falenderime për të gjithë sakrificën edhe profesionalizmin që keni treguar për gjatë gjithë kësaj kohe dhe e tregoni në fakt në çdo ditë të vitit”, tha Manastirliu./atsh

Shtimi i rasteve të reja me COVID-19/ Mbështetje mjekëve të Infektivit, Manastirliu: Besimplotë tek ju që nga dita e parë Read More »

36 raste të reja, Bino: Shkak, grumbullimet masive dhe mosrespektimi i këshillave parandaluese

Lajmi i fundit, Problematika, Shendetesi / /

Ministria e Shëndetësisë dhe Mbrojtjes Sociale ka informuar se situata e COVID-19 është përkeqësuar dhe brenda 24 orëve të fundit janë identifikuar 36 raste të reja.

Shefja e departamentit të Sëmundjeve Infektive në ISHP Silva Bino theksoi sot se “kjo situatë nuk ishte kaq e papritshme për shkak të grumbullimeve masive që kanë ndodhur ditët e fundit. Jo vetëm grumbullimet, por edhe mosrespektimi i këshillave, në lidhje me distancimin fizik, në lidhje me mbajtjen e maskave, në lidhje me shumë elementë të tjerë të kujdesit personal qoftë edhe të higjienës”.

“Të gjithë qytetarët, të gjithë ne duhet të jemi të përgjegjshëm që Covid19 nuk ka ikur nga vendi ynë. Deri më tani, deri në fillimin e hapjes së masave kishim një numër njëshifror, e cila erdhi si rezultat i masave drastike, i sakrificës së gjithsecilit. Por kjo nuk do të thotë që me hapjen e masave ne të shpërdorojmë çdo këshillë dhe të shpërdorojmë atë që ne vetë sakrifikuam”, u shpreh Bino.

Në 24 orët e fundit janë testuar 359 persona të cilët janë dyshuar për Covid19 dhe prej të cilëve kanë rezultuar 27 raste në Tiranë, 4 raste në Shkodër, 2 raste në Kamëz, 1 rast në Durrës, 1 në Lushnjë dhe 1 në Lezhë.

Duke sjellë këto të dhëna, Bino theksoi edhe njëherë se “të gjitha këto raste janë shfaqje e mosrespektimit të shumë rregullave të distancimit fizik apo të përgjegjshmërisë personale apo kolektive në lidhje me punëdhënësit apo punëmarrësit”.

Një pjesë e mirë e tyre janë kontakte të rasteve pozitive që tregon që gjurmimi në terren po kryhet në mënyrë të fuqishme, i cili do të vazhdojë dhe do të përforcohet në javët në vijim.

COVID-19 – Statistika (9 Qershor 2020)

Testime totale 18960

Testime molekulare 16716

Testime serologjike 2244

Raste pozitive 1299

Raste të shëruara 960

Raste Aktive 305

Humbje jete 34 (Qarku Tiranë 21, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

Tiranë 204

Shkodër 29

Krujë 24

Kamëz 19

Durrës 10

Mat 9

Lushnje 4

Tropojë 2

Korçë 1

Librazhd 1

Mallakastër 1

Lezhë 1/atsh

36 raste të reja, Bino: Shkak, grumbullimet masive dhe mosrespektimi i këshillave parandaluese Read More »

Si të mbrohemi nga COVID-19 ndërsa bëjmë pazar

Shendetesi / /

Ministria e Bujqësisë dhe Zhvillimit Rural përcolli disa këshilla që duhet të respektojnë qytetarët për të ruajtur shëndetin në kushtet e pandemisë, kur bëjnë pazar, duke filluar që përpara se të dalin nga shtëpia, në dyqan dhe kur kthehen në shtëpi.
Pazari është një pjesë e rëndësishme e jetës së përditshme, sidomos kur mëngjesin, drekën dhe darkën i përgatisim në shtëpi.
Në mes të pandemisë së COVID-19 është jetike t’i kryeni aktivitetet e përditshme, si blerjen në pazar, me më tepër kujdes se zakonisht, sidomos nëse nuk keni mundësi që të blerat e pazarit t’jua sjellin në shtëpi.
Thjesht kur mendon se duhet të dalësh e të bësh pazar, të vijnë në kokë një sërë pyetjesh: A është i pastër dyqani i lagjes, sidomos kur bëhet fjalë për sipërfaqet që preken vazhdimisht, si koshat lëvizës apo makineritë e kartave të bankës? A është i sigurt ushqimi?
Ministria e Bujqësisë njofton për respektimin e rregullave të higjenës dhe masave të mbrojtjes që duhet zbatuar kur bëjmë pazar që konsistojnë në larjen e duarve para se të dalim për pazar dhe pasi kthehemi nga pazari në shtëpi, mbajtja e maskës dhe ruajtja e distancimit fizik. /atsh

Si të mbrohemi nga COVID-19 ndërsa bëjmë pazar Read More »

Ministria e Shëndetësisë: 17 raste të reja, shkon në 1263 numri i të prekurve

Lajmi i fundit, Shendetesi / /

Ministria e Shëndetësisë dhe Mbrojtjes Sociale informoi se brenda 24 orëve të fundit janë identifikuar pozitivë më COVID-19, 17 raste të reja.

Shefja e Epidemiologjisë pranë Institutit të Shëndetit Publik, Eugena Tomini u shpreh se “bazuar në të dhënat epidemiologjike, trendin e evidentimit të rasteve pozitive dhe të totalit të testimeve gjatë javës që lamë pas, kemi një paraqitje te qëndrueshme të situatës së epidemisë në vend. Kanë vijuar testimet për të dyshuar të prekur me Covid19 dhe vazhdon puna intensive e epidemiologëve në terren për gjurmimin aktiv të rasteve”.

“Në 24 orët e fundit janë kryer 102 testime nga të cilat janë konfirmuar 17 raste pozitive, përkatësisht, 8 raste në Tiranë, 6 raste në Shkodër, 3 në Kamëz.
Rastet e konfirmuara janë kontakte të rasteve të mëparshme pozitive dhe disa raste të reja në Tiranë dhe Shkodër janë në proces hetimi. Janë testuar në 24 orët e fundit 19 personel shëndetësor, nga të cilët 3 kanë rezultuar pozitivë nga kontakte dhe 1 personel është shëruar në 24 orët e fundit”, u shpreh Tomini.

COVID-19 – Statistika (8 Qershor 2020)
Testime totale 18601
Testime molekulare 16357
Testime serologjike 2244
Raste pozitive 1263
Raste të shëruara 945
Raste Aktive 284
Humbje jete 34 (Qarku Tiranë 21, Durrës 6, Fier 3, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon:
Tiranë 188
Shkodër 25
Krujë 24
Kamëz 17
Durrës 10
Mat 9
Lushnje 6
Tropojë 2
Korçë 1
Librazhd 1
Mallakastër 1/atsh

Ministria e Shëndetësisë: 17 raste të reja, shkon në 1263 numri i të prekurve Read More »

Rritet numri i shtrimeve në Spitalin Infektiv/ 6 në terapi intensive dhe 2 të intubuar

Lajmi i fundit, Shendetesi / /

Ministria e Shëndetësisë dhe Mbrojtjes Sociale ka informuar sot se pavarësisht shërimeve ditore, vijon të ketë shtrime të reja në Spitalin Infektiv, ku aktualisht po trajtohen 34 të prekur, nga të cilët 6 janë në terapi intensive, 2 prej tyre janë të intubuar

Shefja e Epidemiologjisë pranë Institutit të Shëndetit Publik, Eugena Tomini u shpreh se “gjatë 24 orëve të fundit janë shëruar 7 qytetarë, duke e çuar ne 945 numrin e të shëruarve nga fillimi epidemisë. Në vendin tonë janë 284 persona aktivë me COVID19, kryesisht në Tiranë, Shkodër, Krujë dhe Kamëz”.

“Nga fillimi i epidemisë janë kryer mbi 18500 testime molekulare dhe serologjike dhe janë konfirmuar pozitivë 1263 raste. Në Laboratorin e Mikrobiologjisë në QSUT janë kryer 2244 testime serologjike në personel shëndetësor, me një pozitivitet të përgjithshëm rreth 7 %”, u shpreh Tomini.

Tomini ka ftuar qytetarët që të tregohen kujdesshëm duke respektuar distancën mes njëri-tjetrit.

“Ministria e Shëndetsisë dhe Mbrojtjes Sociale ju fton për t’u treguar të kujdesshëm për respektimin e distancës fizike me njëri-tjetrin, evitimin e kontakteve, shtrengimit të duarve dhe përqafimeve, ruajtjen e higjienës personale.
Nëse keni shenja të sëmundjes telefononi në numrin e Urgjencës Kombëtare 127 dhe në linjën e gjelbër 0800 40 40 për këshillim psikologjik apo çdo informacion për Covid19”, theksoi ajo. /atsh

Rritet numri i shtrimeve në Spitalin Infektiv/ 6 në terapi intensive dhe 2 të intubuar Read More »

Ministria e Shëndetësisë: 14 raste të reja dhe 13 të shëruar në 24 orët e fundit

Lajmi i fundit, Shendetesi / /

Ministria e Shëndetësisë dhe Mbrojtjes Sociale ka informuar se brenda 24 orëve të fundit janë identifikuar 14 raste të reja me COVID-19.

Genta Qirjako, ekspertë pranë Institutit të Shëndetit Publik u shpreh se “kanë vijuar testimet në Laboratorin e Virologjisë në ISHP për të dyshuar të prekur me COVID-19 dhe vazhdon puna intensive e epidemiologëve në terren për gjurmimin aktiv të rasteve.

Në 24 orët e fundit janë kryer 193 testime nga të cilat janë konfirmuar 14 raste pozitive, përkatësisht, 10 raste në Tiranë, 2 raste në Shkodër, 1 në Krujë, 1 në Durrës.

Rastet e konfirmuara në 24 orët e fundit janë kontakte familjare te rasteve pozitive dhe disa raste të reja në proces hetimi. Pjesa më e madhe e të prekurve në 24 orët e fundit janë simptomatikë, me shenja klinike të COVID-19.

Vijon të ketë shtrime të reja dhe rritje te rasteve në spitalin infektiv, ku aktualisht po trajtohen 30 të prekur, nga të cilët 6 janë në terapi intensive, 2 prej tyre janë të intubuar”.

Gjatë 24 orëve të fundit janë shëruar 13 qytetarë, duke e çuar në 938 numrin e të shëruarve që nga fillimi epidemisë. Në vendin tonë janë aktualisht 274 persona aktivë me COVID-19, rreth 70% e të cilëve janë në Tiranë.

COVID-19 – Statistika (7 Qershor 2020)
Testime totale 18290
Testime molekulare 16255
Testime serologjike 2035
Raste pozitive 1246
Raste të shëruara 938
Raste Aktive 274
Humbje jete 34 (Qarku Tiranë 21, Durrës 6, Fier 3, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon:
Tiranë 187
Krujë 24
Shkodër 19
Kamëz 14
Durrës 10
Mat 9
Lushnje 6
Tropojë 2
Korçë 1
Librazhd 1
Mallakastër 1/atsh

Ministria e Shëndetësisë: 14 raste të reja dhe 13 të shëruar në 24 orët e fundit Read More »

Dita Botërore e Sigurisë Ushqimore /Pesë këshillat për një ushqim të sigurt

Shendetesi / /

Në Ditën Botërore të Sigurisë Ushqimore, Autoriteti Kombëtar i Ushqimit apelon për pesë këshilla që mundësojnë për një ushqim të sigurt.

Mbajeni ushqimin të pastër; Lani duart përpara trajtimit të ushqimit dhe shpesh gjatë përgatitjes së ushqimit; Lani duart pas përdorimit të tualetit; Lani dhe dezinfektoni të gjitha sipërfaqet dhe pajisjet e përdorura për përgatitjen e ushqimit; Mbroni zonat e kuzhinës dhe ushqimet nga insektet, dëmtuesit dhe kafshë të tjera.

Sipas AKU-së, ndërkohë që shumica e mikroorganizmave nuk shkaktojnë sëmundje, mikroorganizmat e rrezikshëm gjenden më së shumti në tokë, ujë, kafshë dhe njerëz.

Këto mikroorganizma mbarten nga duart, copat e pastrimit dhe enët, veçanërisht banaqet e prerjes pasi kontakti sa më i vogël mund ti transferojë ato në ushqim dhe mund të shkaktojë sëmundje që derivojnë nga ushqimi.

AKU këshillon që të ndahet ushqimi i pagatuar nga ai i gatuar.

Konkretisht thekson AKU, ndani mishin e pagatuar, shpendët dhe frutat e detit nga ushqimet e tjera; Përdorni pajisje dhe enë të veçanta, si thikat dhe banaqet e prerjes për përpunimin e ushqimeve të pagatuara dhe lëndëve të para; Ruajeni ushqimin në enë për të shmangur kontaktin ndërmjet ushqimeve të pagatuara dhe atyre të gatuara.

Ushqimi i pagatuar, veçanërisht mishi, shpendët dhe frutat e detit dhe lëngjet e tyre, mund të përmbajnë mikroorganizma të rrezikshme që mund të transefrohen në ushqim gjatë përgatitjes dhe ruajtjes.

AKU sjell në vëmendje që gatimi i ushqimit të bëhet me kujdes, veçanërisht mishi, shpendët dhe frutat e detit.

Suprat dhe lëngjet e mishrave duhet të arrijnë zierjen në mënyrë që të garantohet se kanë arritur temperaturën 70°C. Për mishin e shpendëve, sigurohuni qe lëngu i tyre është i qartë dhe jo rozë. Në mënyrë ideale, përdorni një termometër.

Ringroheni me kujdes ushqimin e gatuar.

Gatimi i duhur vret pothuaj të gjithë mikroorganizmat e rrezikshëm. Studimet kanë treguar se gatimi i ushqimeve në temperaturën 70°C mund të ndihmojë të siguroheni që është i sigurt për konsum.
Ushqimet që kërkojnë një vëmendje të veçantë përfshirë mishin e grirë, rosto role, pjesë të mëdha mishi dhe shpendë të tërë.

Mbajeni ushqimin në temperatura të sigurta

Mos e lini ushqimin e gatuar në temperaturë dhome për më shumë se 2 orë;
Mbajini në frigorifer të gjitha ushqimet e gatuara dhe ato artikuj që prishen shpejt (e preferueshme nën 5°C). Ushqimin e gatuar mbajeni të nxehtë (më shumë se 60°C) përpara servirjes; Mos e shkrini ushqimin e ngrirë në temperaturë ambienti.
Mikroorganizmat mund të shumohen shumë shpejt nëse ushqimi ruhet në temperaturë dhome. Duke e mbajtur në temperaturë nën 5°C ose mbi 60°C, rritja e mikroorganizmave ngadalësohet ose stopohet. Disa mikroorganizma të rrezikshme rriten edhe nën 5°C.

Përdorni ujë dhe lëndë të para të sigurta

Përdorni ujë të sigurtë ose trajtojeni atë që të jetë i sigurt;
Përzgjidhni ushqime të freskëta dhe të plota; Zgjidhni ushqime të përpunuara për siguri, siç është qumështi i pasterizuar; Lani frutat dhe perimet, veçanërisht nëse konsumohen të gjalla;

AKU këshillon të mos përdoret ushqimi përtej datës së skadencës.

Lëndët e para, duke përfshirë ujin dhe akullin, mund të jenë të kontaminuara me mikroorganizma të rrezikshme dhe kimikate. Kimikatet toksike mund të formohen në ushqime të dëmtuara ose të mykura. Tregoni kujdes në përzgjedhjen e lëndëve të para dhe masa të thjeshta si larja apo qërimi i tyre mund të reduktojnë riskun, thekson AKU./atsh

Dita Botërore e Sigurisë Ushqimore /Pesë këshillat për një ushqim të sigurt Read More »

Ministria e Shëndetësisë: 20 raste të reja, shkon në 1232 numri i të prekurve

Lajmi i fundit, Shendetesi / /

Në 24 orët e fundit janë kryer 253 testime nga të cilat janë konfirmuar 20 raste pozitive, përkatësisht, 10 raste në Tiranë, 3 raste në Shkodër, 3 në Krujë, 2 në Durrës, 2 në Tropojë.

Dr. Flutra Beqo nga Ministria e Shëndetësisë tha sot në komunikimin e përditshëm se “rastet e identifikuara në 24 orët e fundit janë kontakte familjare dhe disa raste të reja në proces hetimi. Aktualisht kemi një personel shëndetësor të riinfektuar pas thuajse 3 muajsh, pra i infektuar për herë të dytë, si kontakt familjar. Gjendja e tij shëndetësore është e stabilizuar”.

“Gjatë 24 orëve të fundit një 85 vjeçare nga Tirana ka humbur jetën në Spitalin Infektiv, e konfirmuar me COVID-19, me disa sëmundje bashkëshoqëruese. Deri më sot 34 qytetarë nuk e kanë fituar dot betejën me COVID-19 pavarësisht përpjekjeve të stafit mjekësor”, -nënvizoi Beqo.

Sipas saj, vijon të ketë shtrime të reja në spitalin infektiv, ku aktualisht po trajtohen 27 të prekur, nga të cilët 6 janë në terapi intensive, njëri prej tyre është i intubuar.

Në vendin tonë janë aktualisht 273 persona aktivë me COVID-19, rreth 70% e të cilëve janë në Tiranë.

Ministria e Shëndetësisë dhe Mbrojtjes Sociale ju fton edhe njëherë për t’u treguar të kujdesshëm për respektimin e distancës fizike me njëri-tjetrin, evitimin e kontakteve, shtrëngimit të duarve dhe përqafimeve, ruajtjen e higjienës vetjake dhe shmangien e grumbullimeve.

Nëse keni shenja të sëmundjes telefononi në numrin e Urgjencës Kombëtare 127 dhe në linjën e gjelbër 0800 40 40 për këshillim psikologjik apo çdo informacion për COVID-19.

COVID-19 – Statistika (6 Qershor 2020)

Testime totale 18097
Testime molekulare 16062
Testime serologjike 2035
Raste pozitive 1232
Raste të shëruara 925
Raste Aktive 273
Humbje jete 34 (Qarku Tiranë 21, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

Tiranë 187
Krujë 23
Shkodër 17
Kamëz 14
Durrës 10
Mat 9
Lushnje 6
Berat 2
Tropojë 2
Korçë 1
Librazhd 1
Mallakastër 1/atsh

Ministria e Shëndetësisë: 20 raste të reja, shkon në 1232 numri i të prekurve Read More »