Shendetesi

“Rritja e rasteve me COVID-19, e justifikuar nga hapja”/ Mjeku Pipero për ATSH-në: Virusi në qarkullim, qytetarët të kenë kujdes si në fillimet e epidemisë

Sot në ditën me numrin më të lartë të rasteve të reja, mjeku infeksionist Pëllumb Pipero, i bën apel qytetarëve të jenë të ndërgjegjshëm, pasi virusi vazhdon të qarkullojë edhe pse me virulencë të rënë dhe me transmetueshmëri të ulët.

Lidhur me numrin e lartë të 42 rasteve në 24 orët e fundit në vendin tonë, mjeku Pipero në një intervistë për ATSH-në thekson se “lehtësimi dhe heqja totalisht e masave kufizuese, shtimi i aktiviteteve ekonomike, hapja e bareve, restoranteve, e hoteleve ka një rol të rëndësishëm dhe në këtë aspekt pritej shtimi i numrit të rasteve pozitivë”.

“Së dyti, është edhe hapja e aktiviteteve të tjera ekonomike që gjithashtu e shtonte mundësinë për të patur një numër të shtuar. Koincidoi që krahas me hapjen apo me heqjen e masave kufizuese pati edhe protesta, madje edhe mitingje, të cilat gjithashtu shtojnë mundësinë e kontakteve të ekspozimit si dhe ndikojnë fort në shtimin e rasteve pozitive”, nënvizoi Pipero.

Një arsye tjetër, vijoi Pipero, është edhe një lloj shkujdesjeje që vërehet tek qytetarët në raport me vizitat në mjedise publike, mbajtjen e maskës dhe ruajtjes së distancës fizike dhe ky është një fakt që nuk duhet neglizhuar.

Për mjekun Pipero një arsye tjetër është shtimi i rasteve në spitale.

“Një arsye tjetër, që natyrisht nuk është kryesore, por edhe ajo ndikon, është shtimi i numrit të tamponeve apo analizave, të cilat kryesisht gjurmojnë rastet klinike, por edhe kontaktet e kontakteve. Pra në këtë këndvështrim janë disa indikatorë të rëndësishëm, të cilët na e justifikojnë rritjen e rasteve pozitive”, sqaroi Pipero.

Rastet pozitivë mua si specialist, shtoi ai, nuk më shqetësojnë, shqetësues është fakti që krahas rritjes së numrave të rasteve pozitive ne kemi edhe numra të shtuar të rasteve të shtruar në spital.

Sipas tij, është një situatë që duhet të analizohet, por besoj është e përkohshme.

Duke i përcjellë një apel qytetarëve, mjeku Pipero tha se “duhet të jemi të ndërgjegjshëm që virusi vazhdon të qarkullojë edhe pse me virulencë të rënë dhe me transmetueshmëri të ulët. Ky konstatim klinik nga ana jonë tashmë është në një konstatim dhe evidencë e faktuar edhe me studime nga kolegët tanë nga vende të tjera të botës”.

Por, shtoi ai, gjithsesi virusi vijon të qarkullojë dhe të prekë jo vetëm moshat e vjetra por edhe moshat më të reja, ndaj të gjithë qytetarët i këshilloj të vazhdojnë të kenë kujdes si në fillimet e kësaj epidemie në vendin tonë.

“Në mënyrë që të mos kemi kthim mbrapa në masa shtrënguese. Kujdes do të thotë të ruajmë distancën fizike dhe të vendosim maska në mjedise publike krahas kujdesit të vazhdueshëm për higjienën e duarve. Kaq mjafton” – tha Pipero./atsh

“Rritja e rasteve me COVID-19, e justifikuar nga hapja”/ Mjeku Pipero për ATSH-në: Virusi në qarkullim, qytetarët të kenë kujdes si në fillimet e epidemisë Read More »

Pas personelit shëndetësor, testit serologjik do i nënshtrohen efektivët e Policisë së Shtetit

Shefja e Epidemiologjisë në Institutin e Shëndetit Publik, Eugena Tomini deklaroi sot se pas personelit shëndetësor, testit serologjik do i nënshtrohen efektivët e Policisë së Shtetit.

Gjatë një interviste në media, Tomini u shpreh se të dhënat që janë raportuar nga 2300 testime serologjike në personelin shëndetësor treguan se kemi një përqindje pozitivitet deri në 7%.

“Në mbi 2300 testime në personelin, vetëm 7% e tyre kanë rezultuar të përballur me COVID- 19, kanë prezencë të antikorpeve. Pjesa tjetër nuk është përballur që do të thotë që nuk ka patur kontakt ose kanë respektuar masat e përkujdesit shëndetësor për parandalimin e prekjes”, tha Tomini.

Tomini deklaroi se strategjia e testimit serologjik është të shtrihet fillimisht në grupet që janë më të ekspozuara dhe më pas edhe te popullata e gjerë.

“Strategjia është fokusuar në dy grupe kryesore, personeli shëndetësor si linjë e parë dhe personeli i policisë së shtetit. Do të jetë ky grup i dytë i riskut për tu vlerësuar për prezencë të imunitetit apo antikorpeve përkundrejt përballjes me COVID. Tendenca është për tu shtrirë edhe në popullatën e gjerë. Taskforca e ka vlerësuar një mundësi të tillë për të krijuar një kampion të caktuar”, u shpreh Tomini.

Lidhur me rastet në rritje të individëve të prekur me COVID-19, Tomini u shpreh se kjo lidhet me heqjen e kufizimeve dhe me mosrespektimin e masave nga ana e qytetarëve.

“Distancimi fizik nuk është respektuar. Mbajtja e maskës dhe dorezave në ambiente të mbyllura si dhe higjienës personale duhet të respektohet maksimalisht”, tha Tomini./atsh

Pas personelit shëndetësor, testit serologjik do i nënshtrohen efektivët e Policisë së Shtetit Read More »

Rritja e rasteve me COVID-19, Brataj: Qytetarët nuk respektuan masat, grumbullimet luajtën rol në shtimin e tyre

Drejtori i Urgjencës Kombëtare, Skënder Brataj deklaroi sot se nga heqja e kufizimeve për lëvizjen e qytetarëve pritej një shtim i rasteve të prekur me infeksionin COVID-19, por numri i lartë lidhet me mosrespektimin e masave nga qytetarët.

“E kemi thënë që do të kemi rritje, por sasia e numrit të tyre varet nga masat që do të respektoheshin nga qytetarët në radhë të parë. Njerëzit janë të lirë të lëvizin dhe është më i pamundur kontrolli”, tha Brataj gjatë një interviste në media.

Brataj komentoi se edhe grumbullimet dhe manifestimet kanë luajtur rol në shtimin e rasteve. Sipas tij, përgjegjësia personale është edhe kolektive, se grumbullimet dhe manifestimet nuk bëhen rastësisht.

“Masa më e efektshme ishte distancimi fizik”, u shpreh Brataj.

Sipas Brataj nëse vijon rritja e numrit të personave të përket me COVID-19 do të detyrohemi të rikthejmë kufizimet, pasi këta individë të prekur kthehen në pacientë dhe kolapsojnë sistemin.

“Virusi është këtu nuk ka ikur. Vërtet ka ulur virulencën, por nuk duhet të harrojmë se kemi 41 të shtruar në Infektiv, kur dy javë më parë kishim 14. Ky është një tregues jo i mirë”, deklaroi Brataj./atsh

Rritja e rasteve me COVID-19, Brataj: Qytetarët nuk respektuan masat, grumbullimet luajtën rol në shtimin e tyre Read More »

Pipero apel qytetarëve: Distancimi dhe higjiena, kushtet e vetme që ju ndihmojnë

Mjeku infeksionist Pëllumb Pipero u bëri sot apel qytetarëve që të zbatojnë me rigorozitet masat për distancimin social dhe higjienën personale, si kushtet e vetme që i ndihmojnë për të mos u prekur nga infeksioni COVID-19.

Gjatë një interviste në media, Pipero u shpreh se shtimi i rasteve të të prekurve në ditët e fundit ka ardhur pikërisht nga ulja e vigjilencës nga ana e qytetarëve, duke mos respektuar masat.

Ndërkohë, Pipero tha se nuk do ketë një valë të dytë të koronavirusit në vjeshtë ose dimër.

“Unë mendoj që nuk do ketë një rikthim të virusit në vjeshtë ose në dimër. Në rast se do ketë kthim, kurrë nuk do jetë më i egër dhe i fortë, por më i butë për disa arsye. Kjo pasi virusi vazhdon ta humbasë virulencën në mënyrë graduale,” tha ai.

Pipero u shpreh se situata do të jetë e përballueshme, pasi kapacitetet mjekësore në vend janë rritur, ndërsa ndërgjegjësimi i qytetarëve është shtuar.

Sipas Piperos, nëse ky virus kishte shumë të panjohura në fillim, tani ai është një virus i njohur për mjekët dhe shkencëtarët./atsh

Pipero apel qytetarëve: Distancimi dhe higjiena, kushtet e vetme që ju ndihmojnë Read More »

Pas personelit shëndetësor, testit serologjik do i nënshtrohen efektivët e Policisë së Shtetit

Shefja e Epidemiologjisë në Institutin e Shëndetit Publik, Eugena Tomini deklaroi sot se pas personelit shëndetësor, testit serologjik do i nënshtrohen efektivët e Policisë së Shtetit.

Gjatë një interviste në media, Tomini u shpreh se të dhënat që janë raportuar nga 2300 testime serologjike në personelin shëndetësor treguan se kemi një përqindje pozitivitet deri në 7%.

“Në mbi 2300 testime në personelin, vetëm 7% e tyre kanë rezultuar të përballur me COVID- 19, kanë prezencë të antikorpeve. Pjesa tjetër nuk është përballur që do të thotë që nuk ka patur kontakt ose kanë respektuar masat e përkujdesit shëndetësor për parandalimin e prekjes”, tha Tomini.

Tomini deklaroi se strategjia e testimit serologjik është të shtrihet fillimisht në grupet që janë më të ekspozuara dhe më pas edhe te popullata e gjerë.

“Strategjia është fokusuar në dy grupe kryesore, personeli shëndetësor si linjë e parë dhe personeli i policisë së shtetit. Do të jetë ky grup i dytë i riskut për tu vlerësuar për prezencë të imunitetit apo antikorpeve përkundrejt përballjes me COVID. Tendenca është për tu shtrirë edhe në popullatën e gjerë. Taskforca e ka vlerësuar një mundësi të tillë për të krijuar një kampion të caktuar”, u shpreh Tomini.

Lidhur me rastet në rritje të individëve të prekur me COVID-19, Tomini u shpreh se kjo lidhet me heqjen e kufizimeve dhe me mosrespektimin e masave nga ana e qytetarëve.

“Distancimi fizik nuk është respektuar. Mbajtja e maskës dhe dorezave në ambiente të mbyllura si dhe higjienës personale duhet të respektohet maksimalisht”, tha Tomini./atsh

Pas personelit shëndetësor, testit serologjik do i nënshtrohen efektivët e Policisë së Shtetit Read More »

Shtimi i rasteve të reja me COVID-19/ Mbështetje mjekëve të Infektivit, Manastirliu: Besimplotë tek ju që nga dita e parë

Pas shtimit të pacientëve në spitalin COVID1, Ministrja e Shëndetësisë dhe Mbrojtjes Sociale ka vizituar sot stafin mjekësor të Spitalit Infektiv në QSUT, për t’i mbështetur për punën që po bëjnë dhe për t’i inkurajuar për përballimin e situatës së shkaktuar nga COVID19.

“Aktualisht situata epidemiologjike na referon disa momente të rëndësishme të cilat vlejnë për t’u analizuar. E para që në këto dy javë që sigurisht është edhe një efekt i hapjes dy javë më parë, ka raste simptomatike më shumë të shfaqura se dy javë më parë. Virusi ekziston, nuk është zhdukur, pavarësisht se të gjithë e duam të eliminuar. Por ne duhet që të vijojmë të bëjmë detyrën tonë, si Ministri Shëndetësie, ju si mjekë padyshim”, tha Manastirliu.

Ministrja e Shëndetësisë bëri apel për qytetarët për respektimin e masave të distancimit fizik, për të kufizuar përhapjen e COVID19.

“Jemi përpara hapjes së transportit publik, që është një risk tjetër që duhet të marrim parasysh, ku vendosja e maskave është e detyrueshme, kushtet e higjienës patjetër. Por në të gjithë aktivitetet duhet të jetë ky kujdes, jo vetëm në ato të cilat do të lejohen të hapen”, tha Manastirliu.

Shefja e shërbimit infektiv, prof. Najada Çomo tha se ka një rritje të numrit të të shtruarve gjatë ditëve të fundit, por dha edhe lajmin e mirë që falë punës së stafit, një pacient ka dalë nga intubimi.

“Ky është një lajm shumë i mirë. Unë jam shumë e kënaqur që po bëhen hapa përpara dhe kam qenë gjithmonë besimplotë që nga dita e parë që kam shkelur në këtë spital që këtu mjekët bëjnë të pamundurën dhe e tregojnë çdo ditë profesionalizmin e tyre. Është gjithmonë një lajm i mirë kur mjekësia ja del. Ndaj edhe njëherë shumë falenderime për të gjithë sakrificën edhe profesionalizmin që keni treguar për gjatë gjithë kësaj kohe dhe e tregoni në fakt në çdo ditë të vitit”, tha Manastirliu./atsh

Shtimi i rasteve të reja me COVID-19/ Mbështetje mjekëve të Infektivit, Manastirliu: Besimplotë tek ju që nga dita e parë Read More »

36 raste të reja, Bino: Shkak, grumbullimet masive dhe mosrespektimi i këshillave parandaluese

Ministria e Shëndetësisë dhe Mbrojtjes Sociale ka informuar se situata e COVID-19 është përkeqësuar dhe brenda 24 orëve të fundit janë identifikuar 36 raste të reja.

Shefja e departamentit të Sëmundjeve Infektive në ISHP Silva Bino theksoi sot se “kjo situatë nuk ishte kaq e papritshme për shkak të grumbullimeve masive që kanë ndodhur ditët e fundit. Jo vetëm grumbullimet, por edhe mosrespektimi i këshillave, në lidhje me distancimin fizik, në lidhje me mbajtjen e maskave, në lidhje me shumë elementë të tjerë të kujdesit personal qoftë edhe të higjienës”.

“Të gjithë qytetarët, të gjithë ne duhet të jemi të përgjegjshëm që Covid19 nuk ka ikur nga vendi ynë. Deri më tani, deri në fillimin e hapjes së masave kishim një numër njëshifror, e cila erdhi si rezultat i masave drastike, i sakrificës së gjithsecilit. Por kjo nuk do të thotë që me hapjen e masave ne të shpërdorojmë çdo këshillë dhe të shpërdorojmë atë që ne vetë sakrifikuam”, u shpreh Bino.

Në 24 orët e fundit janë testuar 359 persona të cilët janë dyshuar për Covid19 dhe prej të cilëve kanë rezultuar 27 raste në Tiranë, 4 raste në Shkodër, 2 raste në Kamëz, 1 rast në Durrës, 1 në Lushnjë dhe 1 në Lezhë.

Duke sjellë këto të dhëna, Bino theksoi edhe njëherë se “të gjitha këto raste janë shfaqje e mosrespektimit të shumë rregullave të distancimit fizik apo të përgjegjshmërisë personale apo kolektive në lidhje me punëdhënësit apo punëmarrësit”.

Një pjesë e mirë e tyre janë kontakte të rasteve pozitive që tregon që gjurmimi në terren po kryhet në mënyrë të fuqishme, i cili do të vazhdojë dhe do të përforcohet në javët në vijim.

COVID-19 – Statistika (9 Qershor 2020)

Testime totale 18960

Testime molekulare 16716

Testime serologjike 2244

Raste pozitive 1299

Raste të shëruara 960

Raste Aktive 305

Humbje jete 34 (Qarku Tiranë 21, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

Tiranë 204

Shkodër 29

Krujë 24

Kamëz 19

Durrës 10

Mat 9

Lushnje 4

Tropojë 2

Korçë 1

Librazhd 1

Mallakastër 1

Lezhë 1/atsh

36 raste të reja, Bino: Shkak, grumbullimet masive dhe mosrespektimi i këshillave parandaluese Read More »

Si të mbrohemi nga COVID-19 ndërsa bëjmë pazar

Ministria e Bujqësisë dhe Zhvillimit Rural përcolli disa këshilla që duhet të respektojnë qytetarët për të ruajtur shëndetin në kushtet e pandemisë, kur bëjnë pazar, duke filluar që përpara se të dalin nga shtëpia, në dyqan dhe kur kthehen në shtëpi.
Pazari është një pjesë e rëndësishme e jetës së përditshme, sidomos kur mëngjesin, drekën dhe darkën i përgatisim në shtëpi.
Në mes të pandemisë së COVID-19 është jetike t’i kryeni aktivitetet e përditshme, si blerjen në pazar, me më tepër kujdes se zakonisht, sidomos nëse nuk keni mundësi që të blerat e pazarit t’jua sjellin në shtëpi.
Thjesht kur mendon se duhet të dalësh e të bësh pazar, të vijnë në kokë një sërë pyetjesh: A është i pastër dyqani i lagjes, sidomos kur bëhet fjalë për sipërfaqet që preken vazhdimisht, si koshat lëvizës apo makineritë e kartave të bankës? A është i sigurt ushqimi?
Ministria e Bujqësisë njofton për respektimin e rregullave të higjenës dhe masave të mbrojtjes që duhet zbatuar kur bëjmë pazar që konsistojnë në larjen e duarve para se të dalim për pazar dhe pasi kthehemi nga pazari në shtëpi, mbajtja e maskës dhe ruajtja e distancimit fizik. /atsh

Si të mbrohemi nga COVID-19 ndërsa bëjmë pazar Read More »