Shendetesi

Manastirliu, apel për zbatimin e disa rregullave të thjeshta në përditshmëri

Ministrja e Shëndetësisë dhe Mbrojtjes Sociale, Ogerta Manastirliu u bëri sot thirrje të gjithë qytetarëve të mbrojnë veten dhe njerëzit e dashur, duke zbatuar disa rregulla të thjeshta në përditshmëri.

Manastirliu ndau një informacion sensibilizues se si mund të parandalohet përhapja e COVID-19, duke nisur nga higjiena e duarve dhe deri te përdorimi i maskës dhe ruajtja e distancës sociale.

“Një thirrje për të gjithë qytetarët. Të mbrojmë veten dhe njerëzit tanë të dashur dhe t’i japim një dorë mjekëve dhe infermierëve, duke zbatuar disa rregulla të thjeshta në përditshmëri. Laj duart, përdor sapun, mos shtrëngo duart, përdor dezinfektant, shmang kontaktin, mbaj distancën dhe përdor maskën”, tha Manastirliu. /atsh

Manastirliu, apel për zbatimin e disa rregullave të thjeshta në përditshmëri Read More »

Mesazhi i mjekes: ‘Covid nuk ka preferencë në moshë’

Mjekja Migena Qato apelon për kujdes për shkak të rasteve të shtuara me Covid-19.

Qato bën apel kryesisht ndaj të rinjve që të kenë kujdes.

Nëpërmjet një mesazhi të shpërndarë nga ministrja e Shëndetësisë, Ogerta Manastirliu, ajo thekson se në spitalet Covid, dominojnë moshat e reja.

“Po përballemi me një pandemi të përmasave, që kurrë më parë nuk ishim përballur. Ditët e fundit kanë qenë jo të lehta për ne, pasi numri i rasteve është shtuar në mënyrë të konsiderueshme dhe jo vetëm kaq. Tani dominojnë për fat të keq edhe mosha të reja, të cilat kanë qenë të paprekura nga sëmundje të tjera më parë. Ndaj apeli shkon që të jemi shumë të kujdesshëm, të ruajmë distancën sociale, sepse tani Covid nuk ka më preference në moshë, nuk po kursen asnjë subjekt të popullatës. Ndaj jeni të kujdesshëm, mbroni veten tuaj dhe të afërmit”, thotë ajo./noa.al/

Mesazhi i mjekes: ‘Covid nuk ka preferencë në moshë’ Read More »

Mjeku Kalo deklaron -” Kemi nevojë për pushime, edhe mjekët…” !

Mjeku i Spitalit Infektiv QSUT, Tritan Kalo thotë se stafi i Covid1 është duke punuar që prej muajit mars për të përballuar pandeminë COVID-19 dhe se tani është koha për pushime.

“Ne jemi në punë të përkushtuar për ruajtjen dhe përkujdesin ndaj shëndetit tuaj, por edhe personeli i Shëndetësisë Publike dhe jo vetëm, e ka të domosdoshëm rigjenerimin e energjive dhe pushimet, sepse shumica janë prindër dhe duhet të kujdesen edhe për pushimet dhe shëndetin e fëmijëve të tyre dhe vetveten”, thotë z. Kalo.

Mjeku Kalo thotë më tej se dalja në vendet malore të pyllëzuara është gjë e mirë sepse ozoni i çliruar prej tyre është një faktor ndihmës në përballjen me sfidën Sars-Cov2/Covid-19.

Këtu ai ka një këshillë për rininë: “Të rinjtë e rë rejat tona le të shpenzojnë më pak kohë në bare e klube dhe të miqësohen edhe me shumë me natyrën. Më pak grumbullime në plazhe e mjedise dëfrimi ju më të rinjtë e këtij vendi. Rrezikoni shëndetin tuaj, por jo pak edhe atë të prindërve, të afërmve dhe miqve tuaj

Kemi më shumë shtrime të të rinjve në mjediset tona, por edhe jo pak humbje jetësh në mesin e tyre.”, thotë Kalo duke publikuar grafitë që shihni në galeri. /noa.al/

Mjeku Kalo deklaron -” Kemi nevojë për pushime, edhe mjekët…” ! Read More »

Forcimi i kapaciteteve për përballimin e COVID-19, Manastirliu: Shtohen 300 punonjës në sistemin shëndetësor

Ministrja e Shëndetësisë dhe Mbrojtjes Sociale Ogerta Manastirliu, gjatë takimit me epidemiologët e Tiranës, një prej vatrave kryesore në vend, ka deklaruar se sistemit shëndetësor do t’i shtohen 300 mjekë, infermierë, teknikë, në përgjigje të planit dhe strategjisë afatmesme ndaj situatës së shkaktuar nga COVID-19.

“Vendimi i qeverisë ka alokuar 300 punonjës të dedikuar për spitalet që priten të hapen, por edhe për planin tonë afatmesëm në kuadër të përgjigjes të situatës të shkaktuar nga COVID-19. 300 punonjës do të jenë mjekë, teknikë apo infermierë, që do t’i përgjigjen nevojave të spitaleve COVID apo nevojave të tjera që ka sistemi shëndetësor”, tha Manastirliu.

Gjatë takimit me epidemiologët, Ministrja Manastirliu theksoi se po vijon puna me forcimin e kapaciteteve dhe burimeve njerëzore për përgatitjen e periudhës vjeshtë dimër.

“Ne po përgatitemi për vjeshtë-dimrin, që sigurisht do të jetë i vështirë, por po përgatitemi të fuqizojmë asetet sa i përket burimeve njerëzore, epidemiologët, punonjësit në shërbimet e Njësive Vendore të Kujdesit Shëndetësor jo vetëm në Tiranë, ku janë dyfishuar ekipet por edhe në të gjithë qarqet, në mënyrë që në terren të kemi më shumë epidemiologë, më shumë punonjës, të cilët të mundet të kenë prioritet jo vetëm testimin, por edhe gjurmimin, hetimin për kufizimin e infeksionit”, tha Manastirliu.

Epidemiologët e terrenit kanë bërë të ditur se nga rastet e identifikuara së fundmi ka rritje të rasteve tek moshat e reja të cilët janë infektuar nga frekuentimi i vendeve me grumbullime masive, kryesisht festa dhe ditëlindje.

“Ajo çfarë vihet re këtë periudhë është rritja e rasteve në moshat e reja. Vatrat kryesore janë nga festat, ditëlindjet apo grumbullimet ne ceremoni mortore”, u shprehën epidemiologët.

Manastirliu ju ka bërë edhe njëherë thirrje të rinjve të tregohen të përgjegjshëm, pasi sjellja individuale në këtë betejë është vendimtare.

“Ajo çfarë konstatohet nga puna juaj është që të rinjtë, apo personat që janë frekuentues të festave dhe të ceremonive të cilat me udhëzime tona janë të ndaluara e që në fakt janë kryer në komunitet, por gjithashtu edhe frekuentuesit e klubeve, bareve, janë bërë shkak për transmetimin e infeksionit. Një thirrje për të rinjtë, të cilët duhet të ndërgjegjësohen më shumë sa i përket këtij virusi të rrezikshëm pasi ata po bëhen bartës të këtij infeksioni dhe më pas ja transmetojnë prindërve të tyre, gjyshërve të tyre. Sot më shumë se kurrë të gjithë duhet të jenë të kujdesshëm, të përgjegjshëm sepse sjellja e çdo individi në këtë luftë me këtë armik të padukshëm është vendimtare në fitoren e çdo beteje”, apeloi Manastirliu./atsh

Forcimi i kapaciteteve për përballimin e COVID-19, Manastirliu: Shtohen 300 punonjës në sistemin shëndetësor Read More »

ISHP: Nënat e infektuara me COVID-19 mund të ushqejnë foshnjat me gji

Instituti i Shëndetit Publik i ka bërë thirrje të gjitha nënave të cilat rezultojnë pozitive me COVID-19 dhe që janë në periudhën e laktacionit, të vijojnë të ushqejnë me gji foshnjën e tyre, pasi përmes gjirit nënat ushqejnë foshnjën e tyre dhe me antitrupat e nevojshëm për tu mbrojtur nga infeksione të ndryshime.

Përmes një njoftimi të publikuar ditën e shtunë, ISHP thekson se, studimet e deritanishme nuk kanë konfirmuar transformimin e virusit nëpërmjet qumështit të gjirit tek lehonat, të konfirmuara me Covid19.

“1-7 Gusht 2020 është java Botërore e Ushqyerjes me gji. Qumështi i gjirit është alternativa më e mirë për të ushqyer foshnjat gjatë vitit të parë të jetës e më tej. Nëpërmjet tij foshnjat marrin gjithë elementët e nevojshëm ushqimor për mirërritjen dhe zhvillimin dhe për më tepër antitrupat mbrojtëse ndaj infeksioneve të ndryshme”,- thekson ISHP.

“Ushqyerja me gji mbetet çelësi i sigurt për një shëndet të mirë në vazhdimësi.Gratë me COVID-19 gjithashtu mund të ushqejnë foshnjat me gji. Ato duhet: Të lajnë duart shpesh me ujë e sapun ose t’i dezinfektojnë ato me pastrues duarsh me bazë alkooli. Të mbajnë maskë gjatë çdo kontakti me beben Të teshtijnë apo kolliten në një shami letre higjienike një përdorimshe. Të pastrojnë dhe dezinfektojnë rregullisht sipërfaqet e prekura”,- thekson ISHP./atsh

ISHP: Nënat e infektuara me COVID-19 mund të ushqejnë foshnjat me gji Read More »

Ministria e Shëndetësisë: 120 raste të reja,ja sa humbje jete…

Ministria e Shëndetësisë dhe Mbrojtjes Sociale informon se në 24 orët e fundit, janë kryer 510 testime për të dyshuar të prekur me COVID-19, nga të cilat janë konfirmuar 120 raste pozitive.

Në komunikimin për mediet, Dr. Flutura Beqo nga Ministria e Shëndetësisë dhe Mbrojtjes Sociale tha se shpërndarja gjeografike e rasteve është si vijon: 57 raste në Tiranë, 15 në Durrës, 8 në Kavajë, 7 në Krujë, 6 në Elbasan, 5 në Korçë, nga 4 raste në Kurbin, Pogradec, nga 3 raste në Lushnje, Tropojë, nga 2 raste në Shkodër, Tepelenë, nga 1 rast në Vlorë, Divjakë, Belsh, Prrenjas.

Gjatë 24 orëve të fundit janë shëruar 9 qytetarë, duke e çuar numrin e të shëruarve në 2961, që nga fillimi i epidemisë.

“Fatkeqësisht, nuk e kanë fituar dot betejën me sëmundjen në dy spitalet Covid, një 58 vjeçare nga Kurbini dhe një dhe një 71 vjeçare nga Lushnja me disa sëmundje bashkëshoqëruese, një 61 vjeçar nga Durrësi dhe një 67 vjeçar nga Fieri. Ministria e Shëndetësisë dhe Mbrojtjes Sociale i shpreh ngushëllimet familjarëve”, u shpreh ajo.

Aktualisht tha Beqo, në spitalin Infektiv dhe spitalin “Shefqet Ndroqi” po trajtohen 119 pacientë, 18 janë në terapi intensive, 6 prej të cilëve pacientë të intubuar.

“I drejtohemi të gjithë qytetarëve të tregojnë kujdes me ruajtjen e higjienës personale, me mbajtjen e distancës fizike, vendosjen e detyrueshme të maskës në ambientet e mbyllura dhe kudo ku nuk është e mundur të ruhet distanca fizike. Ministria e Shëndetësisë dhe Mbrojtjes Sociale edhe një herë ka një lutje për qytetarët dhe bizneset të tregojnë kujdes dhe të zbatojmë me rigorozitet masat e vendosura, sepse virusi është ende mes nesh”, apeloi Beqo.

Nëse keni shenja të sëmundjes telefononi në numrin e Urgjencës Kombëtare 127 dhe në linjën e gjelbër 0800 40 40 për këshillim psikologjik apo çdo informacion për COVD- 19.

COVID-19 – Statistika (1 Gusht 2020)

Testime totale 41709

Raste pozitive 5396

Raste të shëruara 2961

Raste Aktive 2274

Humbje jete 161 (Qarku Tiranë 83, Shkodër 24, Durrës 21, Fier 9, Elbasan 6, Kukës 4, Vlorë 4, Korçë 4, Lezhë 3, Dibër 2, Berat 1)

Shpërndarja gjeografike e rasteve aktive sipas qarqeve:

Tiranë 1251

Durrës 277

Shkodër 211

Vlorë 95

Fier 85

Lezhë 84

Korçë 68

Kukës 66

Elbasan 55

Gjirokastër 31

Berat 27

Dibër 24/atsh

Ministria e Shëndetësisë: 120 raste të reja,ja sa humbje jete… Read More »

Ja tre qytetet më të prekura në vend nga Covid-19

Aktualisht në vendin tonë ka 2167 raste aktive të infektuarish me Covid 19. Tre qytetet më të prekura në vend, janë Tirana Durrësi dhe Shkodra. Tirana vijon të jetë vend të parë, me 1191 të infektuar.

COVID-19 – Statistika (31 Korrik 2020)

Testime totale 41199

Raste pozitive 5276

Raste të shëruara 2952

Raste Aktive 2167

Humbje jete 157 (Qarku Tiranë 83, Shkodër 24, Durrës 20, Fier 7, Elbasan 6, Kukës 4, Vlorë 4, Korçë 4, Dibër 2, Lezhë 2, Berat 1)

Shpërndarja gjeografike e rasteve aktive sipas qarqeve:

Tiranë 1191

Durrës 256

Shkodër 209

Vlorë 94

Fier 83

Lezhë 82

Kukës 65

Korçë 60

Elbasan 47

Gjirokastër 29

Berat 27

Dibër 24

Ja tre qytetet më të prekura në vend nga Covid-19 Read More »

Ja sa raste konfirmohen me COVID në 24 orët e fundit në Shqipëri

Gjatë 24 orëve të fundit, janë regjistruar 3 viktima, me sëmundje bashkëshoqëruese, ndërsa janë konfirmuar pozitiv me COVID, 79 raste.

“Ministria e Shëndetësisë dhe Mbrojtjes Sociale ju informon rreth situatës së COVID19 në Shqipëri në 24 orët e fundit.

Kanë vijuar testimet për personat e dyshuar të prekur me Covid19 dhe vazhdon puna intensive e epidemiologëve në terren për gjurmimin aktiv të rasteve.

Ministria e Shëndetësisë dhe Mbrojtjes Sociale ju rikujton të përdorni maskën kudo në ambientet e mbyllura dhe në çdo ambient publik ku nuk mund të ruani distancën.
Fatkeqësisht, nuk e kanë fituar dot betejën me sëmundjen në dy spitalet Covid, një 56 vjeçar dhe një 76 vjeçar nga Tirana me disa bashkëshoqëruese dhe një 90 vjeçar nga Elbasani.

Ministria e Shëndetësisë dhe Mbrojtjes Sociale i shpreh ngushëllimet familjarëve.

Aktualisht në spitalin Infektiv dhe spitalin “Shefqet Ndroqi” po trajtohen 115 pacientë, 16 janë në terapi intensive, 5 prej të cilëve pacientë të intubuar.

Në 24 orët e fundit, janë kryer 500 testime për të dyshuar të prekur me COVID19, nga të cilat janë konfirmuar 79 raste pozitive.

Shpërndarja gjeografike e rasteve është si vijon: 56 raste në Tiranë, nga 6 raste në Shkodër, Krujë, nga 3 raste Fier, Lushnje, nga 1 rast në Elbasan, Kavajë, Vlorë, Kamëz, Divjakë.

Gjatë 24 orëve të fundit janë shëruar 69 qytetarë, duke e çuar numrin e të shëruarve në 2952, që nga fillimi i epidemisë.

Ministria e Shëndetësisë dhe Mbrojtjes Sociale i rekomandon çdo qytetari të tregojë kujdes për respektimin e rregullave: Ruani distancën nga të tjerët të paktën 1.5 metër; Mbani maskë në ambiente të mbyllura dhe kudo ku nuk mund të ruani distancën. Ruani higjienën personale dhe kolektive.

Nëse keni shenja të sëmundjes izolohuni dhe telefononi në numrin e Urgjencës Kombëtare 127 dhe në linjën e gjelbër 0800 40 40 për këshillim psikologjik apo çdo informacion për Covid19”, njofton ministria e Shëndetësisë.

Ja sa raste konfirmohen me COVID në 24 orët e fundit në Shqipëri Read More »