Stafit mjekësor të spitalit Covid 2 “Shefqet Ndroqi” në luftë kundër koronavirusit, i janë bashkuar 50 infermierë.
Ministrja e Shëndetësisë, Ogerta Manastirliu, ka takuar infermierët e rinj, duke deklaruar se forcimi i kapaciteteve spitalore edhe me burime njerëzore është në fokus të qeverisë.
“Një pjesë e juaj, pra e armatës së re të spitalit “Shefqet Ndroqi” janë edhe një pjesë e infermierëve të cilët kanë qenë në misionin e parë të dërguar në Itali dhe kanë marrë aty eksperiencën e nevojshme, eksperiencë e cila patjetër do të transmetohet tashmë në këtë spital. Janë 50 infermierë që i shtohen spitalit COVID2”, tha Manastirliu.
Ministrja e Shëndetësisë tha se po bëhet një punë e madhe nga mjekët dhe infermierët në spitalet COVID, që çdo ditë trajtojnë raste të rënda të konfirmuara pozitive por edhe raste të cilat janë të dyshuara.
Gjatë bashkëbisedimit me stafin e spitalit COVID2, Manastirliu tha se po bëhen përgatitjet edhe për periudhën e vjeshtë-dimrit, duke i siguruar se qeveria po bën çdo gjë për të fuqizuar kapacitetet spitalore.
“Qeveria shqiptare është e angazhuar maksimalisht për të gjithë mbështetjen për personelin mjekësor, për të fuqizuar kapacitetet tona spitalore, qoftë spitaleve aktuale, qoftë spitaleve të cilat projektohen për t’i shërbyer pacientëve me Covid përgjatë periudhës së vjeshtës dhe dimrit”, tha ministrja.
Manastirliu deklaroi se pavarësisht masave të marra, roli i qytetarëve është vendimtar për këputjen e zinxhirit të infeksionit, duke bërë apel për të zbatuar masat e thjeshta.
“Është në dorën e secilit prej nesh këputja e zinxhirit të infeksionit, duke zbatuar masat e thjeshta, me vendosjen e maskës, ruajtjen e distancimit fizik dhe higjienën personale. Kjo është për të mirën e përbashkët dhe për shëndetin e qytetarëve”, tha Manastirliu.
Mjeku i njohur Pëllumb Pipero ka deklaruar se duhet të kufizohen edhe lëvizjet e personave që vijnë nga Kosova për të kaluar disa ditë pushimi në bregdetin shqiptar.
Për mjekun Pipero, kufizimet nuk janë të nevojshme për sa kohë që njerëzit ndërgjegjësohen dhe zbatojnë rregullat e thjeshta të vendosjes së maskës, distancimit dhe higjienës.
Ai është shprehur se ata që kanë shenjat të virusit nuk duhet të nisen drejt Shqipërisë.
“E gjithë bota është në një varkë të madhe. Të gjithë na ka në dorë maska kudo që jemi. Të gjithë kanë të njëjtat rregulla. Nëse i respektojmë këto masa nuk duhet të kemi frikë që bashkëkombasit tanë të vijnë këtu. Por duhet t’i këshillojmë që nëse kanë shenja të mos nisen. Të tjerët mos i kufizojmë pasi përfitojnë shumë nga deti dhe dielli”, tha Pipero për A2.
Nuk ka asnjë përmirësim të situatës me koronavirusin në vend. Në 24 orët e fundit kanë humbur jetën 6 pacientë, që prej ditësh ishin të shtruar në spitale.
Fatkeqësisht nuk e kanë fituar dot betejën me sëmundjen në dy spitalet Covid, 3 qytetarë nga Durrësi, një 64-vjeçar, një 65-vjeçar dhe një 69-vjeçar, me sëmundje bashkëshoqërues.
Nuk e kanë fituar betejën me Covid 19 edhe një 72-vjeçare nga Fier, një 73-vjeçare nga Korça dhe një 78-vjeçare nga Tirana.
Ndërkaq, nga 531 testet për persona të dyshuar me koronavirus, kanë rezultuar pozitivë 127 raste.
Shpërndarja gjeografike e rasteve pozitive ditore është si vijon: 36 raste në Tiranë, 28 në Krujë, 15 në Durrës, 8 në Has, 5 në Kukës, 4 në Fier, nga 3 raste në Shkodër, Korçë, Elbasan, Vlorë, Gjirokastër, nga 2 raste në Lezhë, Përmet, Klos, Shijak, Finiq, nga 1 rast në Kurbin, Lushnje, Berat, Tepelenë, Kolonjë, Malësi e Madhe.
Problematike është situata edhe në spitalet Covid. Aktualisht ne spitalin Infektiv dhe “Shefqet Ndroqi” po trajtohen 119 pacientë të konfirmuar pozitivë me Covid-19, 22 pacientë janë në terapi intensive, 4 prej të cilëve të intubuar.
Megjithë rastet ditore të identifikuara, gjatë 24 orëve të fundit janë shëruar 32 qytetarë, duke e çuar numrin e të shëruarve në 3 mijë e 155, që nga fillimi i epidemisë. /noa.al/
Tritan Kalo, mjek infeksionist pranë Qendrës Spitalore Universitare “Nënë Tereza”, ka ripërsëritur apelin drejtuar qytetarëve për të respektuar tre masa të domosdoshme për të mos rrezikuar prekjen nga virusi i frikshëm.
Kalo thotë se në kohën kovidiane, ndërgjegjësimi qytetar mbetet arma më e efektshme ndaj flamës mbarëbotërore. Ai sjell në vëmendje edhe pandeminë e gripit Spanjoll në vitet 1918-1920 e deri në ditët tona, ku sipas tij vetëndërgjegjësimi ndihmon në pakësimin e dëmeve, pra në një numër sa më të vogël humbje jetësh.
“Kohë kovidian, vetëndërgjegjësimi, arma më e efektshme përballë kësaj “flame mbarëbotërore”. Nga pandemija e Gripit Spanjoll 1918-1920 e deri në Pandeminë e Sars-Cov2/Covid-19 më 2020 e në vijim, vetëm tre masa të vetëndërgjegjësimit janë treguar dhe po tregohen më të efektshme, për parandalimin e përhapjes së frikshme të tyre dhe uljen e “dëmeve në jetët njerëzore”, që ato shkaktojnë’.
“Higjena personale dhe ajo kolektive, si dhe e mjediseve ku jetojmë dhe punojmë, distancimi fizik mes nesh, aty kur dhe ku është e mundshme, dhe mbajtja e maskave kudo por më së paku në mjediset e mbyllura dhe ato të mbipopulluara.
Për asnjërën prej këtyre pandemive nuk ka pasur mjekim apo mjet parandalues specifik, por përmes këtyre masave janë shpëtuar dhe me siguri do të shpëtohen jetë të paçmimta njerëzish e do të ulen dëmet e këtyre “flamave mbarëbotërore”.
Mjeku infeksionist thotë se bluzat e bardha pp kujdesen me përkushtim ndaj çdo pacienti por janë qytetarët që duhet të duan më shumë jetët e tyre. ”Ju duam, ju respektojmë, përkujdesemi për ju në çdo moment. Duajeni edhe më shumë jetën tuaj dhe të atyre që gjallojnë pranë jush. Sars-Cov2/Covid-19 nuk njeh moshë prekjeje, dhe virusi dëmton deri në rrënim të plotë jo vetëm mushkëritë tuaja. Together forerver’. /atsh
Për të patur një jetë të shëndetshme, duhet të keni shumë kujdes edhe me ushqimin. Ka disa produkte që mund të gjenden lehtësisht në kuzhinën e çdo shtëpie, por ndoshta nuk e keni ditur që janë një burim energjie dhe jetëgjatësie për trupin tonë.
Salmoni
Ky lloj peshku zakonisht nuk perceptohet si një ushqim i shëndetshëm. Por, acidet yndyrore të përfshira në salmon ndihmojnë në uljen e kolesterolit të keq, triglicerideve dhe inflamacionit.
Lëng portokalli
Është plot me antioksidantë që stimulojnë enët e gjakut. Mund të ndihmojë gjithashtu në uljen e presionit të gjakut. Mjafton të pini dy gota në ditë për të përmbushur nevojën e përditshme të trupit tonë për vitaminë C.
Kafja
Po, e lexuat mirë. Studimet kanë treguar që konsumimi i kafesë mund të zvogëlojë rrezikun e sulmeve në zemër me 20%. Sidoqoftë, kini parasysh se kafeja mund të ketë një efekt negativ në stomak dhe kafeina e tepërt nuk është e mirë për shëndetin tuaj.
Hurma
Ia vlen ta provosh jo vetëm për shijen e saj të ëmbël, por edhe për përfitimet e saj shëndetësore. Ndihmon për të ulur kolesterolin sepse përmban kurkumin, i cili ka shumë efekte pozitive në trupin tonë. Kjo ndihmon në zvogëlimin e ruajtjes së yndyrës dhe zvogëlon gjendjen inflamatore në trup.
Çaj jeshil
Çaji jeshil është i njohur për vetitë e tij qetësuese. Meqenëse çaji përmban antioksidantë, ato zvogëlojnë thithjen e kolesterolit dhe nxisin metabolizmin. Për efekt maksimal, këshillohet të pini të paktën dy gota në ditë.
Bukë me drithëra
Rekomandohet ta zëvendësoni bukën e bardhë me bukë gruri të plotë sepse përmban fibra që parandalojnë akumulimin e kolesterolit në arteriet.
Kanellë
Përveç që është një produkt i shijshëm për çajin dhe ëmbëlsirat, është edhe një armë e fortë në luftën kundër kolesterolit. Për të arritur një efekt maksimal, mund të konsumoni disa lugë çaji në ditë.
Vaj ulliri
Vaji i ullirit mund të bëjë mrekulli, pasi i siguron trupit yndyrë të shëndetshme dhe ul nivelin e kolesterolit. Kjo do të thotë që rreziku i infarktit të miokardit zvogëlohet në 41%.
Avokado
Yndyrnat që përmbajnë avokadot rregullojnë kolesterolin e mirë dhe të keq, i cili ka një ndikim të rëndësishëm në shëndetin tonë. Përveçse përmban një aromë të mirë, gjithashtu përshtatet në mënyrë të përkryer me llojet e ndryshme të pjatave të ëmbla dhe të këndshme, të cilat e bëjnë më të lehtë përfshirjen në dietë. /abcnews.al/
Me rritjen e temperaturave, freskinë e gjejmë tek pijet dhe lëngjet e ftohta.
Të gjithë e njohin mirë ndjesinë që të jep një gotë me ujë të ftohtë gjatë një dite të nxehtë.
Megjithatë, sipas te dhënave të AgroWeb.org, pirja e ujit të ftohtë, sidomos pas ngrënies, ka shumë rreziqe të fshehura për shëndetin.
Perimetri i Belit
Kur uji i ftohtë zbret në stomak, ai do të ngrohet nga dhjami i akumuluar në këtë zonë.
Stomakut do t’i duhet shumë punë dhe energji për të ngrohur temperaturën e trupit dhe rrjedhimisht do të krijojë fryrje të pakëndshme.
E gjithë kjo energji nuk përdoret për shkrirjen e yndyrnave, gjë që zgjeron perimetrin e belit.
Probleme Me Tretjen
Pirja e ujit të ftohtë pas vakteve mund të shkaktojë probleme me tretjen.
Kjo ndodh sepse temperaturat e ftohta ndryshojnë strukturën e ushqimeve të konsumuara dhe vështirëson tretjen e tyre.
Për shembull, ushqimet me yndyrë kanë tendencën të ngurtësohen kur përzihen me ujë të ftohtë.
Sa më shumë kohë të kërkojë tretja aq më të mëdha do të jenë problemet me refluksin acidik.
Marramendja
Kur metabolizmi has në vështirësi, trupi e ka të vështirë për t’u përshtatur me ndryshimin e menjëhershëm të temperaturës.
Për rrjedhojë, organet përfshirë edhe trurin furnizohen me më pak oksigjen.
Mungesa e oksigjenit shkakton marramendje.
Bllokimi i Trurit
Sipas informacioneve të AgroWeb.org, rënia e papritur e temperaturës në trup tjetërson shumë funksione fiziologjike.
Për pasojë, njeriu vuan nga dhimbjet e kokës apo migrena.
Kjo është arsyeja përse këshillohet që pijet e ftohta të konsumohen me pipë për t’i dhënë kohë trupit të përshtatet me temperaturën e ftohtë.
Truri është shumë i ndjeshëm ndaj temperaturës.
Uji i ftohtë ndikon në uljen e temperaturës së gjakut që shkon në tru, duke shkaktuar bllokimin momental të tij.
Ngadalësim i Rrahjeve Të Zemrës
Disa studime shprehen se pirja e ujit të ftohtë stimulon disa nerva të cilët shkaktojnë ngadalësim të rrahjeve të zemrës.
Humbje Të Ushqyesve
Temperatura normale e trupit është diku mes 36-37°C.
Kur njeriu pi ujë tepër të ftohtë, e detyron trupin të përdorë më shumë energji për të rikthyer temperaturën në nivele normale.
Kjo energji mund të përdorej për të përthitur ushqyesit e marra nga ushqimet.
Kësisoj në vend që trupi të marrë ushqyesit e duhur, shpenzon energji për të ngritur temperaturën.
Më Shumë Etje
Sa më shumë ujë të ftohtë të pini, aq më të etur do të ndiheni, thonë studimet të cilave u referohet AgroWeb.org.
Uji i ftohtë shkakton humbje më të mëdha të lëngjeve, gjë që do të thotë se pavarësisht se keni pirë ujë, trupi mbetet i dehidratuar.
Temperatura E Duhur E Ujit
Ekspertët thonë se njerëzit duhet të pijnë ujë në temperaturë ambienti për të siguruar një hidratim të mirë.
Ujin mund ta pini edhe përpara vakteve për të rritur ndjesinë e ngopjes dhe për të mos e tepruar me ushqimin.
Mos harroni që uji nuk ka kalori, ndaj mund të pini deri në dy litra në ditë për të qenë të shëndetshëm./AgroWeb
Koronavirusi nuk ndalet në Shqipëri, ku në 24 orët e fundit e kanë humbur betejën 6 pacientë në dy spitalet COVID.
Eugena Tomini, nga Instituti i Shëndetit Publik tha se fatkeqësisht nuk e kanë fituar dot betejën me sëmundjen në dy spitalet Covid, një 58 vjeçar nga Durrësi, një 70 vjeçar nga Kruja, dhe një 82 vjeçare nga Shijaku. Nuk e kanë fituar betejën, një 63 vjeçar nga Kukësi, një 64 vjeçar nga Shkodra, një 69 vjeçar nga Elbasani.
Numër rekord edhe në rastet e reja ditore. Në 24 orë u raportuan 139 të prekur të rinj.
Rastet dolën prej 561 testime te persona të dyshuar.
Shpërndarja gjeografike e rasteve pozitive ditore është si vijon: 81 raste në Tiranë, 10 në Berat, 8 në Durrës, 7 në Tropojë, 6 në Elbasan, nga 3 raste në Shkodër, Kukës, Lezhë, Kavajë, Pogradec, nga 2 raste në Korçë, Divjakë, Shijak, nga 1 rast në Lushnje, Mirditë, Tepelenë, Vau i Dejës, Malësi e Madhe, Bulqizë,
Megjithë rastet ditore të identifikuara pozitive, gjatë 24 orëve të fundit janë shëruar 69 qytetarë, duke e çuar numrin e të shëruarve në 3123, që nga fillimi i epidemisë.
Ndërsa rastet aktive të prekura nga koronavirusi po ndiqen në dinamikë nga mjeket e familjes sipas protokolleve të përcaktuara.
Aktualisht ne spitalin Infektiv dhe “Shefqet Ndroqi” po trajtohen 110 pacientë te konfirmuar pozitiv ku 21 paciente janë në terapi intensive, 6 prej të cilëve pacientë të intubuar.
Po ashtu në dy spitalet, Covid 1 dhe Covid 2, përveç pacientëve të konfirmuar pozitivë me Covid19, vijojnë të marrin trajtim pacientë të dyshuar nga ana imazhetike si te prekur nga covid19, të cilët po trajtohen sipas protokolleve nga ekipet tona mjekësore në dy spitalet
Drejtori i Urgjencës Kombëtare, Skënder Brataj ka reaguar ashpër sot ndaj një lajmi që sipas tij i referohet një avokati, i cili thotë se infektimi me Covid-19 ka qenë një mashtrim me urdhër të Ramës.
“Avokati i njohur hedh akuzat e rënda, zbulon mashtrimin e madh me koronavirusin në Shqipëri: Ja kush e urdhëroi Skënder Bratajn që bënte sikur ishte me Covid-19”. Ku e zbulove? Ku i ke dëshmitë, ku i ke provat? Ku e ka llogjikën? Po ty kush të urdhëron të mashtrosh, kush ta jep të drejtën të përmendësh emrin tim?”, shprehet i revoltuar Skënder Brataj.
Brataj sqaron se edhe cilët janë interesat e këtyre personave që sipas tij bëjnë lajme të tilla, ndërsa shton se janë sharlatanë dhe nuk e kanë dëgjuar ndonjëherë fjalën edukatë. “Ne nuk duhet të kemi aq frikë nga gripi i stinës, duhet të kemi frikë nga VIRUSET SI JU! Unë jam mjek dhe nuk ma nxë goja të them e provovofsh Covidin!”, i është përgjigjur ndër të tjera Brataj avokatit në fjalë.
Reagimi i plotë i Skënder Brataj:
STOP SHARLATANËVE, STOP MASHTRUESVE PARA SE TË JETË VONË! JETA ËSHTË MË E SHTRENJTË SE ÇDO PËRFITIM TJETËR! Çfarë gjeta sot në media!!
“Avokati i njohur hedh akuzat e rënda, zbulon mashtrimin e madh me koronavirusin në Shqipëri: Ja kush e urdhëroi Skënder Bratajn që bënte sikur ishte me Covid-19”. Ku e zbulove? Ku i ke dëshmitë, ku i ke provat? Ku e ka llogjikën? Po ty kush të urdhëron të mashtrosh, kush ta jep të drejtën të përmendësh emrin tim?
Jam i indinjuar, jam i ofenduar, jam i lënduar, jam i lodhur, jam i skandalizuar se si në vitin 2020 çdo sharlatan mund të shkruaj dhe të mashtroj, çdo pseudoprofesionist t’i tregoj vendin profesionistit, çdo përfitues mund të përdori emrin e kujtdo vetëm për pëlqime netëoku?
Shqipëria ka spitale psikiatrike të mjaftueshme për sharlatanët e të gjitha llojeve, këta njerëz të vegjël që pasi kërkojnë popullaritet drejtohen drejt partive të vjetra dhe të reja, drejt listave për pushtet sa herë që flitet apo afrohen zgjedhjet. Njerëz që nq C.V e tyre në të cilat nuk mbarojnë konsulencat me shtetin shqipëtar, anëtar bordesh për përfitime ekonomike-financiare! Njerëz që njohin lojrat e të gjitha llojeve, të pushtetit, të përfitimit, të futjes në çdo skut të përfitimit.
Intelektual dhe popull shqipëtar ka ardhur koha të ndahet e vërteta nga mashtrimi, profesionisti nga gjithollogu, të ndahen të shkolluarit nga diplomat e blera që e kanë masakruar këtë vend. Njerëz që mbjellin mosbesim, konfuzion me qëllim, me arrogancë dhe ulërima, njerëz që përdorin çdo fjalor të ndyrë, njerëz që nuk di nëse e kanë dëgjuar ndonjëher fjalën EDUKATË!
Sot në media në titullin e sipërpërmendur të shkruhej se:
“Rama ka caktuar Skënder Bratajn që bënte sikur ishte me Covid, por si kokrra e mollës. Ky tha se duhet të kemi frikë gripin e stinës”. Po e thashë se gripi i stinës do ti bashkohet SarsCov2 dhe e rrezikon më shumë jetën tuaj! Por ajo që dua tju them JU është se keni të drejtë! Ne nuk duhet të kemi aq frikë nga gripi i stinës, duhet të kemi frikë nga VIRUSET SI JU! Unë jam mjek dhe nuk ma nxë goja të them e provovofsh Covidin!
Ju them se është shumë e thjeshtë, pyet 172 famijle që kanë humbur të dashurit e tyre nga kjo sëmundje, pyet 3031 veta që për fatin e mirë janë shëruar, pyet 2417 persona aktiv të infektuar, pyet 122 që janë të shtruar në spital, pyet 23 pacient në terapi intensive, pyet 7 pacient(më fal, nuk i pyet dot) se janë të intubuar që po luftojnë me vdekjen. Nuk të njoh personalisht dhe nuk dua tju njoh! Ju zotëri që nuk më njihni, nuk besoj se jemi takuar ndonjëher, ku e dini që më ka caktuar Rama? Pse mendoni që unë nuk u sëmura? Pse nuk kënaqeni që u shërova? Çfarë prisnit, të vdisja dhe të kënaqeshit?
Besoj se puna, mjekësia dhe zoti më shpërblyen, ato më shpëtuan, unë u shërova, ato mendojnë se mund tju nevojitem edhe juve në të ardhmen! Këtu nuk diskutohet vetëm jeta ime, këtu diskutohet jeta e shqipëtarëve. Unë të uroj të mos e provosh. Por unë të kërkoj të mos luash me shëndetin e shqipëtarëve, të mos mashtrosh, unë të kërkoj të heshtësh, ti nuk je mjek, ti nuk e di për çfarë po flet.
Kjo është detyrë e armatës së mjekëve dhe infermierëve, kjo është detyrë e personelit mbështetës, kjo është detyrë e shëndetësisë që e dinë shumë mirë për çfarë flasin! Këta njerëz që shkojnë çdo ditë në punë nuk e dinë a do të kthehen të pa infektuar në familje. Ti avokat, ti gjithollog, ti keqdashës, ti shoqëri INCIVILE, mjaft me llogjet tuaja bajate, mjaft me mashtrime, mjaft me emrat tanë se nuk kemi kohë të merremi me ju.
Duam të shpëtojmë jetë njerzish, duam të ruajmë shëndetin e shqipëtarëve. Ju institucione shtetërore ju lutem, ndalojini këta njerëz që po luajnë me jetët tona, ju media nëse keni përgjegjësi pozicionohuni kundër këtyre viruseve të pa zhdukshëm! Ti populli im, ruaj shëndetin tënd dhe të familjes, ruaj shëndetin e shqipëtarëve, ndaloji këta përfitues të pa mëshirshëm. Kush luan me shëndetin nuk ka kufij njerëzor, nuk ka humanizëm! Si mund të lihen të lirë?
Ti populli im të lutem: Vendos maskën në ambientet e mbyllura. Ruaj distancën. Zbato rregullat e higjenës. Mos lejo sharlatanët të venë në rrezik jetën tënde! Dr.Skender Brataj