Shendetesi

Pjepri i hidhur ka shërbyer si ilaç tradicional indian ndër shekuj. Kohët e fundit, shtojcat e ekstraktit të hidhur të pjeprit kanë fituar popullaritet si një ilaç alternativ për diabetin.
Tani studimet e reja në minj duket se sugjerojnë se ekstrakti i hidhur i pjeprit mund të ndihmojë në luftimin e kancerit.

Pjepri i hidhur (Momordica charantia), i njohur ndryshe edhe si gurrë e hidhur, është pjesë e familjes së kastravecave dhe kungujve.

Ai e ka origjinën në Kerala në Indinë e Jugut.

Më vonë u bë më i përhapur në Kinë më anë të importimit të frutave në shekullin XIV.

Pastaj u përhap në rajonet e Afrikës dhe në Karaibe.

Fruti është gjithashtu një element i kuzhinave të caktuara aziatike, duke shtuar aromën unike të pjatave përmes shijes specifike që ka.

Kohët e fundit, Prof. Ratna Ray, nga Universiteti Saint Louis në Misuri dhe kolegët e saj bënë një zbulim intrigues.

Në eksperimentin me minjtë, ekstrakti i hidhur i pjeprit duket se ishte efektiv në parandalimin e rritjes dhe përhapjes së tumoreve.

Prof. Ray u rrit në Indi, kështu që ajo ishte e njohur jo vetëm me cilësitë e pjeprit të hidhur, por edhe me vetitë e saj të pretenduara medicinale.

Kjo e bëri atë kurioze nëse bima kishte apo jo ndihmë efektive për trajtimet antikancerogjene.

Ajo dhe kolegët e saj vendosën ta provojnë këtë në një studim paraprak duke përdorur ekstrakt të hidhur të pjeprit në lloje të ndryshme të qelizave kancerogjene, përfshirë qelizat e kancerit të gjirit, prostatës, kokës dhe qafës.

Testet laboratorike treguan se ekstrakti i ndaloi ato qelizat të përsëriteshin, duke sugjeruar se mund të ishte i efektshëm në parandalimin e përhapjes së kancerit.

Në eksperimentet e mëtejshme duke përdorur modele minjsh, studiuesit zbuluan se ekstrakti i bimës ishte në gjendje të zvogëlonte mundësinë nga prekja e kancerit të gjuhës.

Ata përdorën mekanizmin përmes të cilit ekstrakti i hidhur i pjeprit ndërvepronte me tumoret e kancerit të gojës dhe gjuhës.

Ata panë që ekstrakti ndërvepron me molekula që lejojnë glukozën, sheqerin e thjeshtë dhe yndyrën të udhëtojnë nëpër trup, e duke “ushqyer” qelizat e kancerit dhe duke i lejuar ato të lulëzojnë.

Duke ndërhyrë në ato rrugë, ekstrakti i hidhur i pjeprit në thelb ndaloi rritjen e tumoreve të kancerit, dhe madje çoi në vdekjen e disa prej qelizave të tyre.

“Të gjitha studimet e modelit të kafshëve që kemi kryer na japin rezultate të ngjashme, një ulje afërsisht 50% e rritjes së tumorit”, thotë Prof. Ray.

Mbetet e paqartë nëse pjepri i hidhur do të kishte të njëjtin efekt tek njerëzit, por Prof. Ray dhe kolegët shpjegojnë se kjo është ajo që ata synojnë të zbulojnë.

“Hapi ynë tjetër është të bëjmë një studim pilot në njerëzit me kancer për të parë nëse pjepri i hidhur ka përfitime klinike dhe është një terapi premtuese shtesë për trajtimet aktuale”, thotë ajo.

Prof. Ray duket e bindur që bima është një kontribuese pozitive për shëndetin personal.

“Disa njerëz marrin një mollë në ditë, kurse unë do të ha një pjepër të hidhur në ditë. Më pëlqen shija”, shprehet ajo.

Një dietë speciale që nëse mbahet për 15 ditë mund të humbasësh 15 kilogramë nga pesha trupore.

Dhe si çdo dietë, ajo duhet mbajtur me rregull madje edhe gjatë fundjavave kur zgjedhja është e juaja, mjaft që mos e teproni, ashtu siç duhet të bëni edhe pas 15 ditëve të kësaj diete.

Ne ju rekomandojmë fort që të këshilloheni me një mjek nutricionist apo mjek tjetër që ju kontaktoni duke e informuar për këtë dietë.

E hënë

Mëngjesi: 1 portokall (ose dardhë, pjeshkë, shalqi, pjepër, jo banane), 2 rriska bukë të thekur, 1 kafe pa sheqer.

Dreka: 1 portokall, 1 vezë të zier, 1 kos

Darka: 2 domate ose 2 dcl pire nga domatet, 2 vezë të ziera, 1/2 kg sallatë të gjelbër ose trangull, 2 rriska bukë të thekur

E martë

Mëngjesi: 1 portokall (ose dardhë, pjeshkë, shalqi, pjepër, jo banane), 2 rriska bukë të thekur, 1 kafe pa sheqer

Dreka: 1 portokall, 1 vezë, 1 kos, 2 rriska bukë të thekur

Darka: 125 gr mish të bluar gjedhi, 1 domate, 1 rriskë bukë të thekur, 1 gotë çaj ose kafe.

E mërkurë

Mëngjesi: 1 portokall (ose dardhë, pjeshkë, shalqi, pjepër, jo banane), 2 rriska bukë të thekur, 1 kafe pa sheqer.

Dreka: 1 portokall, 1 vezë të zier, 1 kos, 1 sallatë jeshile.

Darka: 125 gr mish të bluar, 1 portokall, 1 rriskë bukë të thekur, 1gotë kafe ose çaj.

E enjte

Mëngjesi: 1 portokall (ose dardhë, pjeshkë, shalqi, pjepër, jo banane), 2 rriska bukë të thekur, 1 kafe pa sheqer.

Dreka: 125 gr djathë të freskët të lopës me pak yndyrë, 1 domate, 1 rriskë bukë të thekur.

Darka: 125 gr mish të bluar, 2 domate, 1 mollë, 1 rriskë bukë të thekur.

E premte

Mëngjesi: 1 portokall (ose dardhë, pjeshkë, shalqi, pjepër,jo banane), 2 rriska bukë të thekur, 1 kafe pa sheqer

Dreka: 200 gr mish të zier ose peshk, 1 domate, 1 rriskë bukë të thekur.

Darka: 500 gr perime të ziera (karota, bizele, patate), 1 vezë, 1 domate.

Gjatë fundjavës hani në mënyrë normale

Shafrani i Indisë është një nga erëzat më të njohura dhe të përdorura në botë, një pjesë integrale si e kuzhinës po ashtu edhe e mjekësisë tradicionale në kulturat aziatike si kineze dhe indiane.

Është përdorur për shekuj me radhë për shkak të vetive të saj terapeutike dhe më poshtë shpjegojmë se si ta përdorni për të përgatitur një antibiotik natyral të shkëlqyeshëm, i cilësuar si një ndër më të fuqishmit në botë.
Studime të ndryshme ee kanë shoqëruar shafranin për vetitë e fuqishme terapeutike, duke përfshirë rolin si antibiotik dhe antioksidant, i cili është tejet efektiv në parandalimin e kancerit, luftimin e infeksioneve dhe mikrobeve.

Falë aftësisë së tij për të shkatërruar mikrobet, shafrani i Indisë mund të përdoret për të trajtuar gastritin, ulçerat e stomakut dhe probleme të tjera të sistemit të tretjes. Dhe jo vetëm kaq: inflamacionin, artritin, problemet e mëlçisë dhe Alzheimeri mund të kurohen me ndihmën e shafranit të Indisë.

Duke kombinuar shafranin e Indisë dhe mjaltin ju mund të siguroni këto përfitime në mënyrë perfekte, shkruan noa.al. Mjalti është shumë efektiv në stimulimin e tretjes së mirë, luftimin e baktereve dhe viruseve të pranishëm në zorrë.

Për të përgatitur ilaçin ju nevojitet 1 lugë gjelle pluhur shafran Inde dhe 100 gramë mjaltë. Përzieni mirë dy përbërësit, derisa të integrohen në mënyrë të përsosur me njëri-tjetrin. Merrni gjysmë lugë çaji nga ky ilaç natyral rreth 5-6 herë në ditë dhe dobitë janë të garantuara. /noa.a

Vetitë e limonit në shëndetin e njeriut janë të padiskutueshme.

Mjekët thonë se lëngu i tij ju ndihmon edhe për dhimbjet që shkaktohen nga gurët në veshka.

Por si ta përdroni lëngun e limonit për këtë problem?

Ju do të përzieni vajin e ullirit dhe lëngun nga limoni organik më pas pini përzierjen.

Prisni gjysëm ore dhe pastaj shtrydhni lëngun e një gjysmë limoni, shtoni një lugë uthull molle dhe pijeni. /noa.al/

Është shumë e vështirë të ndiqni dietë për periudha shumë të gjata. Kërkohet një vullnet i madh, si dhe shpirt sakrifice. Dieta që ne propozojmë më poshtë zgjat vetëm 5 ditë në muaj, dhe është shumë efektive për humbjen e peshës. Dieta është projektuar nga Doktor Oz, një mjek i njohur amerikan, i cili drejton një program po aq të njohur televiziv. Dieta 5-ditore është një plan i shkëlqyeshëm ushqimi për të detoksifikuar trupin dhe për të pasur energji.

Ju duhet të zgjidhni 5 ditë në muaj gjatë së cilave numri i kalorive zvogëlohet. Gjatë këtyre ditëve, konsumohen vetëm 1000 kalori në ditë, nga të cilat më shumë se gjysma duhet të vijnë nga ushqime bimore me shumë yndyrë, të tilla si avokado, arra dhe ullinj. Sekreti i dietës qëndron në efektin që ajo ka në trurin tonë: konsumi i yndyrnave bimore na bën të ndjehemi të ngopur për një periudhë mjaft të gjatë kohore.

Kur trupi juaj fillon të mendojë se ndjeheni të uritur, ai fillon të eliminojë qelizat e dëmtuara ose jofunksionale.

Pikërisht pas 5 ditësh ju do të keni humbur 5 kilogramë dhe pas këtyre ditëve mund të filloni të hani normalisht, por pa e tepruar.

Mëngjesi

Opsioni 1- Një një gotë hidhni, një lugë mjaltë, me 225 gramë spinaq të grirë, 70 gram rrushë, 1 banane të vogël, 250 ml ujë të ftohtë, 1 lugë gjelle lëng limoni.

Opsioni 2- 80 gram tërshërë me 40 gram luleshtrydhe të ngrira dhe 40 gramë fara kungulli.

Ndërmjet vakteve

Një sallatë mikse me 6 ullinj të mëdhenj, shoqëruar me vaj ulliri ose 30 stika, shkruan noa.al.

Dreka dhe darka

Opsioni 1- Kaurdisni 50 gramë kërpudha, 1 spec dhe gjysmë qepë në një tigan me vaj ulliri; 1 vezë e fërguar; gjysmë avokado. Shoqërojeni vetëm me majdanoz dhe piper të zi.

Opsioni 2- Kaurdisni 180 gramë domate qershi në një tigan me vaj ulliri me 400 gramë spinaq të vogël dhe 1 thelp hudhër të bluar; përdorni në një vakt 120 gramë spageti kungulli.

Opsioni 3- Pjatë mesdhetare me 180 gram ullinj, 120 gramë pjepër të prerë në feta dhe 80 gramë miell qiqre. /noa.al