Shendetesi

Qumësht-kefir është si të kesh të gjitha llojet e pushteteve, tejet i rekomandueshëm për problemet me tretjen. Vepron si ilaç natyral për sëmundjet e prostatës, diabetin, arteriet, dobesimin, etj etjjjjjjj (shihni listen nga supershendeti.com)
Kefiri e njohur dhe si kërpudha Tibetiane, është një pije e dendur nga qumështi, i cili përbëhet nga acidi karbonik dhe alkoli etilik.

Origjina e kefirit është nga Tibeti.

Ai mund të bëhet nga qumështi i lopës, deles ose i dhise duke vendosur këtë kërpudhë brenda, e cila është simbiozë nga bakteret e acidit laktik, streptokokeve, mikrokokeve dhe këpurdhave, të cilat lihen një ose dy ditë.

Kështu qumështi fermentohet.

Temperatura optimale është nga 10 °C deri në 25 °C.

Përmbajtja e alkoolit është nga 0,2 °C, do maksimum 2 °C.

Yndyra dhe proteina varet nga lloji i qumështit të përdorur.

Kefiri ka shije të thartë.

Ky produkt konsiderohet edhe si dietik, për shkak të përbërjes së ulët të kalorive.

Shumë njerëz e pinë atë në mbrëmje.

Ata që janë të shqetësuar për formën trupore mund të preferojnë të ngopin urinë e tyre para fjetjes, duke pirë një gotë kefir.

Ai normalizon aktivitetin e lukthit dhe zorrëve, ka efekte të dobishme në sistemin nervor dhe metabolizëm, ul rrezikun për kancer dhe ka edhe shumë avantazhe të tjera.

Kefiri përmban deri në 22 lloje të mikroorganizmave, shumica e të cilave janë Lactobacille.

Tek foshnjat kefiri ka aftësi për të normalizuar mikroflorën, duke ndikuar kështu pozitivisht në procesin e tretjes.

Për shkak të kësaj, rekomandohet që kefiri të përfshihet në dietë, edhe kur ju merrni barna.

Barnat eliminohen më shpejt dhe efektet anësore të tyre reduktohen.

Kefiri është i dobishëm edhe për njerëzit të cilët kanë alergji ose vuajnë nga disbioza (çrregullim i florës së baktereve).

Falë vetive të tij antimikrobike, kefiri është i dobishëm te rastet e sëmundjeve infektive të traktit gastrointestinal.

Kjo është veçanërisht e rëndësishme, për ata të cilët kanë aciditet të ulët gastrik.

Kefiri ndihmon në eliminimin e toksinave nga organizmit dhe parandalon rritjen e mikrobeve patogjene.

Pas helmimit me ushqim, kefiri është një shtesë e vlefshme në dietën tuaj ditore.

Kefiri po ashtu forcon imunitetin.

Rekomandohet të pihet një gotë kefir në ditë esëll, gjatë epidemisë së SARS-it (sëmundje e mushkërisë) ose influencës (gripit).

Aftësia për t’u rikuperuar pas ndonjë sëmundje, po ashtu është karakteristike për këtë produkt.

Kefiri është një prej pijeve më të popullarizuara dhe favorite të femrave.

E para dobi e kefirit janë vetitë e tij dietike.

Rekomandohet te konsumohet i freskët, para kohës së gjumit.

Është dëshmuar se kalciumi në kefir është shumë më lehtë të tretet, kur një person është në gjumë dhe kështu, dobitë e tij shtohen.

E dyta, ai ka aftësi për të larguar kokëdhimbjen gjatë menstruacioneve dhe menopauzës.

Dhe përfundimisht, eliminon nauzenë gjatë shtatzënisë.

Për njerëzit që vuajnë nga sëmundjet e sistemit kardiovaskular, kefiri mund të ndihmojë lehtësimin e barrës së muskulit të zemrës.

Efektet anësore të kefirit janë të pakrahasueshme me vetitë e dobishme të tij.

Meqë ky është një produkt i fermentuar i qumështit, kefiri është e qartë se mund të jetë i dëmshëm për njerëzit me aciditet të lartë në lukth.

Kefiri po ashtu është i kundërindikuar te pankreatiti dhe ulçera peptike.

Kefiri nuk rekomandohet të pihet kur keni fryrje në lukth dhe diarre. Kjo pije po ashtu është e ndaluar te fëmijët nën moshën tetë muajshe.

Ndonjëherë, kefiri mund të veprojë si sedativ.

Pirja e saj para provimeve dhe ngjarjeve të rëndësishme nuk është e mirë.

Ai mund të reduktojë aftësinë e trupit tuaj për të reaguar dhe për t’u përqendruar.
EFEKTET SHËNDETËSORE
– Trajton veshkat, sistemin riprodhues dhe mbron prostatën.

– Mbështet sekrecionet e enzimave dhe kuron pankreasin.

– Ka efekt pozitiv për sëmundjet e rrugëve të frymëmarrjes.

– Prodhon antibiotik të vecantë dhe sulmon bakteriet e dëmshme.

– Redukton stresin, depresionin dhe aktivizon organet e trupit.

– Rregullon arteriet dhe venat që janë dëmtuar nga diabeti.

– Aktivizon elementët e sistemit imun që janë të rëndësishme për luftimin e viruseve dhe
mikrobeve.

– Një studim ka nxjerrë se ndihmon për kurimin e Hepatitit C.

– Është ilaçi më i fuqishëm që lufton alergjitë.

– Ushqim i mrekullueshëm për fëmijët dhe të moshuarit.

– Nxit lëvizjen e zorrëve dhe redukton gazrat.

– Redukton dhe pengon fryerjet.

– Rregullon sheqerin në gjak.

– Rregullon presionin e gjakut.

– Kerifi është i përshtatshëm edhe për njerëzit që janë alergjik ndaj laktozës.

– Rifreskon lëkurën dhe lufton plakjen e saj.

– Rregullon sekrecionin bilar dhe lufton viruset e mëlçisë.

– Rinkonfiguron bakteriet e dobishme në sistemin tretës pas dëmëve që ka shkaktuar
antibiotiku.

– Kuron stomakun dhe ulçerat duodenale.

– Përmirëson funksionet e trurit, kujtesën, vëmëndjen dhe përmirëson punën e pesë shqisave.

– Redukton yndyrën në gjak dhe acidet yndyrore.

– Ndihmon për uljen në peshë.

– Forcon flokët dhe ndalon rënien e tyre.

– Ndihmon për kurimin e plagëve dhe rigjenerimin e qelizave.

– Ndihmon pë kurimin e ekzemës.

– Pastron enët e gjakut.

– Ndihmon për kurimin e kolitit nervor.

– Lufton qelizat tumorale.

– Parandalon kancerin e zorres se trashe.

– Pastron trupin nga toksinat.

– Ndihmon për kurimin e Candidas.

– Studimet kanë treguar se konsumimi i kefirit rregullisht ndihmon për t’u dukur më i ri.

– Lufton plakjen dhe kapsllëkun kronik.

– Tret yndyrat dhe ndihmon uljen në peshë.

– Kuron sëmundjet reumatike dhe artritin.

– Pastron trupin nga efektet e antibiotikëve kimik.

– Pastron sistemin tretës.

– Pastron trupin nga kripërat dhe mineralet që shkaktojnë pijet alkoolike.

– Ndihmon për kurimin e dhimbjeve të kokës dhe migrenës
ILAÇ NATYRAL PËR PROSTATËN
Një suplemenet natyral me të vërtetë i dobishëm për ata që kanë probleme me prostatën është edhe Kefiri.

Qumësht-kefir është si të kesh të gjitha llojet e pushteteve.

Është një ushqim probiotik, përmban bakteret e acidit laktik të pasura në vitaminë B12, B1, dhe Vitamina K.

Siç e cekëm më lart, përmban deri në 22 lloje të mikroorganizmave, shumica e të cilave janë Lactobacille.

Studimet më të fundit mjekësore tregojnë se, Kefiri ndihmon në trajtimin e infeksioneve urinare dhe sidomos problemet e prostatës.

Për problemet që çojnë në prostatë është e duhura, të merren kokrrat, që janë të përshtatura për jetën në ujë ose tretësira të tjera të lëngshme.

I gatshëm, dmth i koncentruar në supplement natyror, kefiri kushton 5-20 euro, ne varësi të cilësisë (ose bejeni vete kefirin, sipas recetes qe do t’ju njohim ne vijim).

Më i shtrenjti është “Kefir d’aqua”, pra kefiri i ujit, pasi nuk përmban proteina dhe është më i rekomznduar te të sëmurët me prostatë.

Bashkë me suplementin, te kefiri i gatshëm është i shkruar edhe doza dhe rekomandimi, se si duhet të përdohet dhe për sa kohë.

Ndërsa kur vendosni ta prodhoni në ambientet e shtëpisë suaj, mund të pini deri në një litër në ditë.

Këtë kurë natyrale do ta vazhdoni, derisa të shihni efektet positive të prostatës.
SI PRODHOHET NË SHTËPI
Kefiri (shkumë, bëhet si lloj kosi) është një pije e dendur nga qumështi, i cili përbëhet nga acidi karbonik dhe alkooli etilik.

Kefiri fitohet nga qumështi i lopës, deles ose dhisë dhe në vijim mund të lexoni se si mund ta përgatisni vetë…
Çfarë nevojitet:
Për këtë ju nevojitet qumësht i freskët (ai organik është më i mirë), një kavanoz i madh, i pastër me kapak, një lugë druri, një kullesë (mundësisht najloni), një tas i madh dhe disa kokrra kefiri.

Kokrrat e kefirit në disa vende shiten të gatshme ose mund të mblidhen nga qumështi i hollë, duke pasur kujdes mos të marrim ajkën apo qumështin e trashë.

POR, që mos të dështoni, blijeni më mirë të gatshme kokrrat e Kefirit, në supermarket, dyqane bimore, madje e kanë edhe disa farmaci.

Gjithashtu, mund të porositen në internet.
Kokrrat e kefirit:
Kokrrat e kefirit përmbajnë një përbërës të njohur si kefiran, një polisakarid që shkrihet në ujë, që i jep kefirit ndjesinë e butësisë.

Kokrrat variojnë në ngjyrë nga të bardha deri tek të verdha.

Kjo e fundit është rezultat i largimit të kokrrave në të njëjtin qumësht gjatë fermentimit për më shumë se periudha optimale 24 orë.

Kokrrat mund të rriten në madhësinë e arrave dhe në disa raste edhe më shumë.

Përbërja e kefirit në masë të madhe varet nga lloji i qumështit të fermentuar, duke përfshirë përqendrimin e vitaminës B12.

Së pari, shtojmë kokrrat e kefirit në kavanoz (do të dëshironi rreth 3 lugë për çdo vonë e qumështit), dhe pastaj ngadalë derdh qumështin tuaj mbi kokrra.

Butësisht trazojmë përzierjen dhe vendosim kapakun në kavanoz, por duke e lënë atë pak të lirshëm për të lejuar gazin të dalë.

Koha:

Hapi i dytë është ajo çfarë ndodh me fermentimin.

Koha që lini përzierjen e kefirit të fermentojë nga 12 deri në 48 orë, varet nga ju.

Nëse e lini më pak, kefiri do të jetë më i hollë, më i ëmbël dhe sa më shumë ta lini të fermentohet, do të bëhet më i trashë dhe më i thartë.

Është e rëndësishme që kavanozi të jetë i vendosur diku larg nga rrezet direkte të dritës.

Do të shihni se pak kohë më pas, përzierja do të fillojë të ndahet në dy shtresa, më e trashë sipër dhe më e hollë dhe e verdhë poshtë.

Është koha kur qumështi fillon të ndahet në gjizë dhe në hirë.

Kullojeni:

Pasi mendoni se kefiri është gati, trazojeni lehtë përzierjen e fermentuar dhe kullojeni në një tas të madh.

Kjo do të nxjerrë jashtë kokrrat e kefirit nga kefiri i lëngshëm.

Kokrrat vendosini në kavanoz dhe derdhni kefirin e lëngshën për ta ruajtur.

Ju mund ta ruani kefirin në frigorifer për përdorim të përditshëm, ose mund të lini mbi banak edhe për dy ditë të tjera.
Ruajtja e kokrrave:
Pasi e keni grumbulluar kefirin, do t’i lini kokrrat për të filluar procesin.

Por, mos i hidhni tutje kokrrat.

Ju mund t’i ripërdorni ato sërish, qe mos te blini me fare kefiri te gatsh e.

Mund të derdhni një sasi të vogël të qumështit mbi kokrrat e kefirit dhe ruajini ato në një enë të vogël në frigorifer deri sa të jeni gati për të bërë një tjetër grumbull kokrrash.
Jini krijues:
Shumë njerëz pyesin nëse mund të bëjnë kefir nga lloje të tjera të qumështit dhe përgjigja është PO!

Qumështi me yndyrë të plotë (zakonisht 3.25 për qind) gjithmonë do të japë rezultatet më të mira, por në fund të fundit mund të përdorni çdo lloj qumështi, me shumë apo me pak yndyrë, madje edhe me qumesht bajame, soje, orizi etj.

Ju mund të përdorni edhe qumësht kokosi e kështu me rradhë.

Apo mund t’i shtoni kefirit frut për ta shijuar.
HISTORIA E KËRPUDHËS TIBETIANE QË BËN KEFIR
Është e çuditshme kur mendon se kërpudha e mbajtur në qumësht çdo 17-të ditë rilind një tjetër kërpudhë.

E kjo është mënyra e përhapjes së magjisë së re, e cila po kalohet dorë më dorë.

Kërpudha tibetiane çdo 17 ditë ka ciklin e shtimit dhe pjesa e re pritet dhe i jepet një njeriu që ta kërkon, në të kundërt flaket.

Kështu është bërë e mundur përhapja e saj, nga e cila dhjetëra njerëz kërkojnë shërimin.

E bashkë me formatin ku shkruhet gjerë e gjatë për përdorimin, në fund gjendet edhe një shënim i vogël mbi historinë e zbulimit të kësaj kërpudhe. Kjo kërpudhë rritet nga priftërinjtë tibetianë.

Në Europë, kërpudhën tibetiane e solli një profesor i Klinikës Universitare të Gleivitzit në Poloni.

Ky i fundit, gjithmonë sipas rrëfenjave, punonte që prej 5-vjetësh në Indi, ku edhe u sëmur nga kanceri në mëlçi.

Ai u mjekua me këtë kërpudhë nga priftërinjtë dhe, u kthye nga India plotësisht i shëruar.

Ky profesor ka qenë edhe përhapësi i kërpudhës magjike në Europë, e cila veç qumështit nuk do kujdes tjetër.
KEFIRI PERMBAN:
Mikroorganizma: Acid laktik dhe kërpudha

Përbërësit që dalin pas fermentimit: Acidi karbonik dhe alkooli etilik

Lëndë ushqyese: proteina dhe polisaharide (sheqerna)

Vitamina: vitaminen A, B1, B2, B6, B 12, D dhe niacinen

Mineralet: kalciumit dhe hekur
Ushqimet që përmbajnë probiotikë, ngjashëm me kefirin
Në vitin 2002, një grup i përbashkët studiuesish nga FAO dhe OBSH-ja i përkufizuan probiotikët si “mikro-organizma të gjalla që janë të dobishme për shëndetin tonë”.

Me fjalë të tjera, probiotikët janë “bakterie të mira” që paraqiten në zorrë.

Disa nga format më të popullarizuara të Probiotikeve përfshijnë bakteret e Acidophilus Lactobacillus dhe Bifidum Bifidobacterium.

Probiotikët mund të merren si shtesë në një formë pluhuri apo pilule dhe mund të ndihmojnë me sëmundje të zorrëve dhe të stomakut, të cilat janë shumë të lidhura me njëra tjetrën.

Ato gjenden sigurisht edhe tek ushqimet dhe një listë kryesore e gjeni në vijim, përfshirë kefirin, të cilin e shpjeguam gjerësisht…
1. KOSI
Kosi, sidomos ai i bërë në shtëpi është një nga probiotikët më të mirë.

Kosi përmban mikroorganizma të rëndësishëm për të mirëmbajtur florën tonë bakteriale, e cila na mbron ndaj mykut, helmimeve të ndryshme etj.

Në librin “Dieta për çdo femër” shkruhet se probiotikët arrijnë t’i kthejnë organizmit bakteriet e mira në traktin digjestiv, të largojnë mykun nga trupi dhe ulin rrezikun e zhvillimit të infeksioneve.

Për këtë kosi duhet konsumuar çdo ditë.

Ai ka dhe shumë veti të tjera.
2. TURSHITË
Të gjitha perimet turxhi, në veçanti lakra, janë shumë të pasura në bakterie të mira, vitamina B, A, E dhe C.

– Stimulojnë punën e pankreasit, duke e rregulluar nivelin e sheqerit në gjak.

– Ulin shtypjen e gjakut në arterie.

– Zbusin problemet e kapsllëkut.

TURSHI SHTËPIE APO TURSHI INDUSTRIAL?Tek turshitë industriale janë të pranishme sulfatet si konservues, që nuk këshillohen tek fëmijët që vuajnë nga astma, pasi shkaktojnë vështirësi në frymëmarrje.

Po ashtu, turshitë e blera në treg përmbajnë shumë uthull, gjë që mund t’ju ngacmojë stomakun.

Pjesa më e madhe e turshive industriale është e pasterizuar, nuk përmban baktere të mira, por përmban sasi të mëdha të kripës, gjë që nuk është e shëndetshme.

Nëse turshitë përgatiten vetë në kushtet e shtëpisë, bakteret e mira në turshi janë më të lira se sa probiotikët e gatshëm.

Laktobacilet ndihmojnë tretjen.

Enzimat gjithashtu e nxisin tretjen.

Pastrojnë organizmin.
3. ÇOKOLLATA E ZEZË
Tek çokollata e zezë me cilësi të lartë gjejmë 4 herë më shumë probiotikë, se tek kosi, dhe kjo është vetëm një nga dobitë e çokollatës së zezë.

Studimet e fundit kanë treguar se falë rreth 300 përbërësve të ndryshëm që gjenden tek çokollata e zezë mund të keni shumë përfitime nga konsumimi i saj.

Një prej dobive më të spikatura të çokollatës së zezë është se ajo ndihmon në parandalimin e sëmundjeve kardiovaskulare dhe tumoreve.

Ajo përmban shumë antioksidues, të cilët mbrojnë organizmin nga sëmundjet, duke përfshirë edhe shfaqjen e tumoreve.

Me konsumimin e çokollatës së zezë, rritet edhe niveli i endorfinave të cilat mes të tjerave lehtësojnë dhimbjet në trup.

Çokollatat që përmbajnë mbi 70% kakao kanë rezultuar efikase edhe për dobësim, pasi ato kontribuojnë për shkrirjen e yndyrnave.

Ajo gjithashtu përmirëson punën e trurit, dhe lufton kollën.
4. KIMCHI
Kimchi është një formë e lakrës turshi në Azi.

Është shumë pikante dhe është një shoqëruese e mirë e ushqimit në disa vende aziatike.

Përveç probiotikëve që përmban, Kimchi është dhe një burim i shkëlqyer i beta-karotenit, kalciumit, hekurit dhe vitaminave A, C, B1 dhe B2.

Kimchi është vlerësuar si një nga ushqimet më të mira probiotike.
5. ÇAJI “KOMBUCHA”
Ky është një formë çaji i fermentuar, që përmban një sasi të lartë bakteriesh të mira.

Ky çaj është përdorur për shekuj dhe besohet se ndihmon në rritjen e energjisë, ju forcon shëndetin dhe ndoshta redukton edhe peshën tuaj trupore.

Megjithatë ky çaj mund të mos jetë një zgjidhje e mirë sidomos për ata persona që kanë vuajtur më parë nga myku.
PRE-BIOTIKËT, ku ndryshojnë nga Probiotikët
Në ndryshim nga probiotikët të cilët janë vetë mikro-organizmat e dobishëm per shëndetin tonë, prebiotikët janë lëndë ushqyese për këto mikro-organizma duke ndihmuar zhvillimin e tyre në aparatin tonë tretës.

Ushqime që përmbajnë prebiotikë janë bananet, fasulet, tërshëra, vera e kuqe, mjalti dhe asparagët.

Duke përfshirë rregullisht këto ushqime në dietën e përditshme arrijmë t’i japim aparatit tonë tretës një dorë mjaft të mirë në punën e tij të palodhur!

Që në lashtësi, luani i zemrës është përdorur për të trajtuar rrahjet e çrregullta të zemrës të shkaktuara nga ankthi.

Grekët dhe Romakët e lashtë e vlerësonin luanin e zemrës sepse besonin që ai i shëronte nga shqetësimet fizike dhe emocionale të zemrës.

Emri botanik i luanit të zemrës është Leonurus cardiaca dhe përshkruan më së miri paraqitjen dhe përdorimin mjekësor të kësaj bime.

Leonurus do të thotë “bishti i luanit” sepse shumë njerëz mendonin se gjethet e bimës i ngjanin bishtit të luanit. “Cardiaca” do të thotë “për zemrën.”

Në Shqipëri, kjo bimë rritet e egër në natyrë.

Njerëzve u duket si një barishte e zakontë, por ata që sigurojnë të ardhura falë bimëve mjekësore, e konsiderojnë veten me fat kur e gjejnë luanin e zemrës, pasi ia dinë mjaft mirë vlerat.
Vlerat shëndetësore të luanit të zemrës
Substanca alkaloid lenourine që gjendet tek luani i zemrës qetëson muskujt dhe parandalon mpiksjen e gjakut. Ajo ul tensionin e gjakut dhe largon yndyrnat prej tij.

Disa prej vlerave më të shquara shëndetësore të luanit të zemrës janë :
Përdoret për kurimin e problemeve me zemrën

Aftësitë diuretike të luanit të zemrës shmangin kalcifikimin e arterieve dhe ulin hipertensionin. Luani i zemrës ul tensionin e gjakut sepse ka vitaminat A dhe C.

Ai përdoret edhe për të trajtuar sëmundjet kardiovaskulare, ul ritmet e larta të rrahjeve të zemrës, çrregullimet me zemrën dhe ul rrezikun e mpiksjes së gjakut.

Kjo bimë ul rrahjet e çrregullta të zemrës të shkaktuara nga stresi, tensioni apo ankthi.

Përdorimi i luanit të zemrës për këtë çrregullim është miratuar edhe nga Autoriteti Gjerman i Mjekësisë.

Hipertiroidizimi është një simptomë që shkakton rrahje të çrregullta të zemrës dhe Komisioni Gjerman shprehet se luani i zemrës mund të përdoret edhe kundër kësaj simptome.
Tonik për femrat

Luani i zemrës është një nga tonikët më të mirë bimorë për femrat.

Ka plot vlera për shqetësimet shëndetësore duke përfshirë edhe irritimin nervor.

Çrregullimet e lëkurës

Ekstrakti i luanit të zemrës ndihmon për të trajtuar disa probleme me lëkurën siç janë dermatiti, ekzema dhe kruarjet e tepërta.
Kundër irritimit dhe problemeve me sytë

Luani i zemrës përdoret kundër kruarjeve, problemeve me sytë dhe parandalimin e mpiksjes së gjakut.
Lufton ethet, temperaturën dhe probleme të tjera të frymëmarrjes

Luani i zemrës parandalon ethet dhe temperaturën. Trajton kollën dhe simptomat e bronshitit.
Kundër edemës dhe problemeve me veshkat

Luani i zemrës përmirëson funksionet e veshkave dhe trajton edemën e shkaktuar nga problemet në këtë organ.
Shton oreksin

Luani i zemrës ka një shije të hidhur që nxit tretjen. Ajo duhet kombinuar me disa bimë të tjera aromatike në përgatitjen e një tretësire e cila duhet konsumuar me pika përpara çdo vakti.

Luani i zemrës është i dobishëm edhe kur pihet si çaj.

Shija e hidhur mund të zbutet duke shtuar erëza ose ëmbëlsues. Mjalti është një prej tyre.

Luani i zemrës kombinohet mirë edhe me trëndafilin e egër për përgatitjen e tonikëve të shëndetshëm të zemrës.

Ky trend kishte ekzistuar më parë, por fatmirësisht ishte në buzë të shoqërisë sa i përket mjekësisë dhe shkencës, dhe njëherësh ishte absolutisht përtej mundësive të komunitetit shkencor.

Në vitet e fundit, kemi përmbytjet e miteve absolutisht jo shkencore që pretendojnë se e bardha është e zezë, se vaksinimi shkakton autizëm, disa nga sëmundjet më serioze mund të trajtohen me kristale dhe mrekulli të ngjashme alkimike.

Këtu kemi disa nga shembujt mbi mitet e medicinës dhe zbulojmë se cila është e vërteta dhe cili është fake news i vërtetë medicinal, transmeton KosovaPress.

1. Vaksina në fëmijëri shkakton autizëm

Mit

Gastroenterologu britanik Andrew Wakefield, në një studim të vitit 1998 të publikuar në The Lancet, deklaroi se kishte gjetur një lidhje midis autizmit dhe vaksinës kundër fruthit, shytave dhe rubeolës që fëmijët i marrin qysh në moshën parashkollore.

Zbulimi i tij shkaktoi dyshime te prindërit dhe ky dyshim mbeti deri sot. Ka një rritje të numrit të fëmijëve që nuk vaksinohen në mbarë botën dhe është veçanërisht shqetësuese fakti se fruthi është një sëmundje që gjithashtu mund të ketë pasoja vdekjeprurëse. Përkundër kësaj, hulumtimi i kryer nga CNN në 2015 ka treguar se prindërit që janë kundër vaksinimit të fëmijëve janë kryesisht të pasur, të bardhë dhe të arsimuar. 57 për qind e të anketuarve shpjeguan pse ata nuk i vaksinuan fëmijët e tyre si “ankth rreth autizmit”.

E vërteta

Në studimin e tij të vitit 2010, revista The Lancet mohoi duke pretenduar se bëhej fjalë për “një shkencë joefektive”. Siç u dëshmua më vonë, Wakefield ka mashtruar publikun, sepse me dashje ka falsifikuar të dhënat dhe ka marrë para nga avokatët që punojnë në padi kundër sëmundjes së lidhur me vaksinën. Për shkak të kësaj, ai edhe mbeti pa lejen e mjekut.

Akademia Amerikane e Pediatrisë tani ka prezantuar një seri studimesh që nuk kanë gjetur asnjë lidhje midis vaksinës dhe zhvillimit të autizmit. Shkencëtarët gjithashtu theksojnë se vetëm 5 për qind e prindërve nuk vaksinon fëmijët nga mosha 2 deri në 11-vjeç, një rritje e jashtëzakonshme e numrit të fruthit të infektuar në të gjithë vendin, duke çuar në një shtesë prej 2.1 milionë dollarë në shpenzimet e kujdesit shëndetësor.

2.Një fëmijë me konsum të ulët të yndyrës parandalon problemet me zemër

Mit

Shkaku kryesor i vdekshmërisë në vitet 40 të shekullit të kaluar në SHBA ishte sëmundja e zemrës. Një numër studimesh janë kryer për të zbuluar pse dhe si kjo shkakton sëmundjen. Ndër të tjera, edhe studimi i njohur i Framingham Heart dhe Seven Countries. Kjo e fundit ka ekzaminuar faktorët e rrezikut në kultura të ndryshme dhe ka lidhur dietën me yndyra të ngopura me sëmundjet e zemrës.

Rezultatet u mbështetën nga Shoqata Amerikane e Zemrës dhe alarmuan për yndyra të ngopura. Trendi u përcoll nga industria ushqimore që filloi prodhimin bazuar në reduktimin e yndyrës në prodhime. Sëmundja e zemrës mbetet shkaku kryesor i vdekshmërisë në vend, pavarësisht rritjes së popullarizimit dhe propagandës kundër ushqimeve yndyrore.

E vërteta

Miliona dollarë u shpenzuan për të përsëritur rezultatet e këtij studimi, kështu që ishte e diskutueshme që të bëheshin metodologjia që ata përdorën. Një studim i ri i The Lancet, i cili përfshinte 18 vende në pesë kontinente, arriti në përfundimin se “yndyrat nuk janë të lidhura me sëmundjen e zemrës”.

Ajo që doli të ishte një vrasës i vërtetë ishte një reagim ndaj një studimi joadekuat. Përkatësisht, pasi ushqimet me yndyrë të ulët ishin joefektive, prodhuesit filluan të shtonin sheqer. Dhe tani e dimë se sheqeri është shumë i dëmshëm për shëndetin.

Sipas studimit të Institutit të Mjekësisë të Brendshme JAMA, të publikuar në 2014, njerëzit që konsumojnë 25 për qind të kalorive të tyre të përditshme pikërisht nëpërmjet produkteve të pasura me sheqer kanë dyfishin e shanseve të vdesin nga sëmundjet e zemrës sesa ata që konsumojnë 10 për qind ose më pak, pavarësisht nga mosha, gjinia, aktiviteti fizik ose indeksi i masës trupore, transmeton KosovaPress.

1. Testimi i rregullt PSA i prostatës te të rinjtë mund të shpëtojë jetë

Mit

Kanceri i prostatës është një nga tumoret më të zakonshme në mesin e meshkujve, dhe e dyta më vdekjeprurëse pas kancerit të mushkërive. Përcaktimi i antigjenit të prostatës specifike matet me varietetin e kësaj proteine në gjak, rritja e të cilave mund të tregojë kancerin e prostatës.

Në vitin 1994, Administrata Amerikane e Ushqimit dhe Barnave miratoi testimin e tillë. Pasi që është një procedurë e thjeshtë dhe një teknikë jo invazive që mund të zbulojë sëmundje vdekjeprurëse, supozohet se mbi 20 milionë teste të tilla kryhen gjatë vitit.

E vërteta

Shumica e tyre në fakt bëjnë më shumë dëm sesa që përfitojnë. Madje, edhe mjeku që zbuloi mundësinë e një testimi të tillë, e quajti testimi “i një katastrofe fitimprurëse të shëndetit publik”. Në vitin 2012, Task Forca e Shërbimeve Parandaluese të Shërbimeve të SHBA këshilloi që të mos kryejnë teste të tilla, pasi rreth 80 për qind e tyre kishin rezultate të rreme pozitive.

Trajtimet e panevojshme mund të përfshijnë biopsi të dhimbshme, kirurgji dhe rrezatim. Ekspertët vlerësojnë se pesë prej 1.000 meshkujve që operojnë kancerin e prostatës me siguri do të vdesin brenda një muaji, dhe të paktën 200-1000 meshkuj që punojnë me rrezatim, zhvillojnë një sërë komplikimesh, përfshirë disfunksionin erektil, problemet e traktit urinar dhe kështu me radhë.

Shoqata Amerikane për Urologji nuk i rekomandon këto teste te meshkujt nën moshën 55-vjeç, nëse nuk kanë faktorë rreziku për zhvillimin e kancerit, si pirja e duhanit, mbipeshë apo histori familjare.

1. Qumështi i papërpunuar është më i shëndetshëm se ai i pasterizuar

Mit

Është e vështirë të përcaktohet saktësisht kur lindi kjo ide, por lëvizja po bëhet gjithnjë e më e fortë. 12 shtete në SHBA lejojnë kështu shitjen e qumështit të papërpunuar në dyqane, dhe 13 janë ende duke planifikuar të shkojnë në këtë mënyrë.

Në procesin e pasterizimit qumështi nxehet për të mbytur bakteret e dëmshme, por nxitësit e qumështit të papërpunuar thonë se nxehtësia gjithashtu shkatërron ushqyes të rëndësishëm që gjenden në qumësht dhe se konsumimi i produkteve të qumështit të pasterizuar shkakton zhvillimin e alergjive dhe simptomave të ndryshme të intolerancës laktoze.

E vërteta

Administrata amerikane e ushqimit dhe barnave thotë se nuk ka dëshmi se qumështi i papërpunuar është më i mirë se ai i pasterizuar.

Sipas saj, madje është krejt e kundërta: derisa qumështi i papërpunuar dhe produktet e tij konsumohen nga 3 për qind të popullsisë, ato shkaktojnë 96 për qind të sëmundjeve që ndërlidhura me prodhimet e infektuara të qumështit. Infeksionet e baktereve të dëmshme nga qumështi i papërpunuar si salmonella dhe E. coli mund të çojnë në dështim të organeve, paralizë ose vdekje.

1. Operimi, opsioni më i mirë për dhimbjet në pjesën e poshtme të kurrizit

Mit

Me kalimin e kohës, dëmtimi i disqeve çon në mikrodhimbje gjatë lëvizjeve. Mund të ndodhë edhe dëmtimi i nervave, dhe dhimbja mund të përhapet gjithashtu në këmbë.

Me ekzaminimin e MR ose CT, ngushtimi i hapësirës mes rruazave shpesh interpretohet si degjenerim i disqeve dhe një burim dhimbjeje. Prandaj, duket logjike që operacionet e bashkimit me rruaza ose heqjen e eshtrave mund të kufizojnë mikrodhimbjet, duke krijuar më shumë hapësirë për nervat dhe për të lehtësuar dhimbjen.

Ky reflektim ka çuar në rritjen e 70 për qind në operacione të tilla në periudhën 2001-2011. Rreth 400,000 operacione të tilla kryhen çdo vit në SHBA.

E vërteta

Një studim i kohëve të fundit ka treguar se 40 për qind e njerëzve që janë duke kaluar nëpër operacione të tilla pas tyre ende ndjejnë dhimbje të madhe. Mundësitë e zhvillimit të ndërlikimeve mund të rrezikojnë jetën deri në 20 për qind.

Edhe me përparimet e sotme në teknologji, është pothuajse e pamundur të gjesh se çfarë shkakton dhimbjen e shpinës. Rreth 85% janë në të vërtetë lloje jo specifike, shkaku i të cilëve nuk është identifikuar, prandaj operacioni nuk është zgjidhja më e mirë.

Në vitin 2017, Shoqata Amerikane Mjekësore njoftoi udhëzime të reja, me rekomandime për mjekët që të zgjedhin një opsion pa kirurgji, si ushtrimi, terapia fizike dhe të ngjashme.

1. Terapi elektrokonvulzive shkakton dëmtim të trurit

Mit

Rryma që kalon përmes trurit për të shkaktuar sulme kimike duket barbare. Në filmat e Hollywoodit shfaqen pacientë që vuajnë nga dhimbja përpara se të marrin një trajtim të tillë dhe pastaj bëhen pasivë, dhe humbasin përvojën e kujtesës dhe ndryshimin e personalitetit.

Në të vërtetë, në të pesëdhjetat e shekullit të kaluar, spitalet psikiatrike kishin përdorur një terapi të tillë për “trajtimin” nga sjellja e çrregullt e deri te homoseksualizmi. Këto perceptime vazhdojnë të ekzistojnë. Në një studim britanik, rreth 20 për qind e të anketuarve thanë se frikësohen nga vdekja nëse i nënshtrohen elektroshokëve.

E vërteta

Për njerëzit që luftojnë me depresion rezistues ndaj çdo trajtimi, goditjet elektrike janë shpesh opsioni i vetëm. Ilaçet kundër depresionit kanë sukses 50-60 për qind, ndërsa suksesi i një procedure të tillë është 70-90 për qind. Studimet tregojnë se shërimi në këtë mënyrë është i sigurt dhe se humbja e kujtesës është afatshkurtër, transmeton KosovaPress.

Pacientët nuk ndiejnë dhimbjen nga procedura dhe nuk ka konvulsione të dukshme. Në përgjithësi, është një trajtim shumë efektiv kundër depresionit – dhe për parandalimin e vetëvrasjes, ku është dukshëm më i mirë se terapia e barnave.

Pacientët mund t’i vërejnë përmirësimet dramatike pas vetëm një ose dy javësh, në krahasim me gjashtë deri në tetë javë sa janë të nevojshme për antidepresantë me veprim të plotë me efekte anësore të mundshme të shtimit të peshës, çrregullimeve të gjumit dhe të ngjashme.

Kur ndiheni shumë të lodhur, patjetër që mund të ndiheni edhe sikur ju mungon kapaciteti i trurit. Tani, një studim i ri ka sugjeruar se kjo mund të jetë si pasojë e privimit kronik të gjumit.

Hulumtimi i ri, i kryer nga Michele Bellesi – Universiteti Politeknik, Marche, Itali dhe i botuar në “Journal of Neuroscience, analizoi trurin e minjve që kishin gjumë të rregullt, atyre me zgjim spontan, me privim të gjumit dhe me privim kronik të gjumit.

Duke përdorur softuerin skanues me bllok-fytyrë, shkencëtarët matën proceset e sinapave dhe qelizave në korteksin frontal të miut. Në mënyrë të veçantë analizuan qelizat e quajtura – qeliza të astrociteve dhe studiuesit zbuluan se minjtë e privuar nga gjumi treguan shumë aktivitet në këto qeliza.
Gjetjet sugjerojnë se astrocitet fillojnë të thyejnë më shumë mbeturinat e trurit.

Studiuesit treguan se sipas gjetjeve të tyre, gjumi luan një rol kyç në produktivitetin e njeriut gjatë ditës, në punë, studime dhe gjëra të tjera.
Lodhja e tepërt dhe humbja e koncentrimit, mund të jetë rezultat i gjumit jo të mirë. Nëse bëni gjumë më pak sesa që duhet të gjitha proceset e funksionit të trurit bëhen më të vështira.
Prandaj, sipas tyre, këshillohet që në bazë të moshës të flihet mjaftueshëm që të jeni më pak të lodhur.

Dushi i mëngjesit është shumë relaksues dhe disa meshkuj preferojnë pikërisht këtë pjesë të ditës. Por duhet të keni parasysh disa këshilla, nëse ju jeni pjesë e tyre.

Uji i ngrohtë ju prish pamjen

Në qoftë se laheni me ujë shumë të ngrohtë, fytyra juaj skuqet dhe do të ngjani jo fort mirë me pamjen tuaj. Përveç kësaj nxitet edhe prodhimi i yndyrës duke qenë se ngacmohen gjëndrat që ndodhen nën lëkurë. Mundohuni që dushin ta bëni me ngrohtësinë që trupi duron.

Shampo vetëm një herë

Mos përdorni shampo më shumë se njëherë. Nëse laheni përditë, aq është e mjaftueshme. Kështu kurseni më shumë kohë dhe bëheni gati më shpejt.

Rruhu ndërkohë që lahesh

Hapi i fundit që duhet të bëni është rruajtja. Nëse keni komoditetin dhe prakticitetin për ta bërë ndërsa laheni, jo vetëm kurseni kohë, por do e keni më të lehtë rruajtjen duke qenë se qimet zbuten nga uji i ngrohtë i dushit.

Zëvendëso peshqirin me një material pambuku

Do bëjë që flokët tuaj të marrin më lehtë formë dhe nuk do të harxhoni kohë për t’i stiluar ato.

Ushqim, ushqim, ushqim… Sa na pëlqen kjo fjalë, dhe jo vetëm të flasim për të por mbi të gjitha të konsumojmë. Por a e kishit marrë me mend se disa lloj ushqimesh ju bëjnë të kaloni në depresion?

Lëngjet e gazuara kryesojnë këtë listë. Niveli i sheqerit, esencave dhe përbërësve të tjerë të shtuar që këto pije përmbajnë bën që përveç se obezitet dhe probleme kardiovaskulare ato të shkaktojnë edhe depresion.

Drithrat e përpunuar janë një lloj tjetër ushqimi që i shtohet kësaj liste. Pastat, buka, përmbajnë një sasi të lartë sheqeri dhe kjo i bën që të hyjnë në listën e ushqimeve “deprsive”.

Ushqimet e shpejta janë të fundit për nga renditja por të parat për nga rrezikshmëria. Këto lloj ushqimesh përveç se nuk kanë vlera ushqyese ju rrisin tendencën për t’u prekur nga depresioni.

Shkencëtarët kanë rikthyer vëmendjen e tyre në një hulumtim i cili befason cdo herë njerëzit. Bëhet fjalë për fenomenin i kërcitjes së gishtërinjve.

Një lëng i quajtur “lëngu sinoval”, i cili ndodh mes nyjeve, mund të krijojë në lloj gazi dhe zhurma që ju dëgjoni kur kërcisni pjesët e trupit, ka të bëjë pikërisht me ”shpërthimin” e këtyre ”fluskave” të gazit.

Kjo konfirmon idenë se zhurma e plasaritjes është për shkak të flluskave të vogla që rrëzohen në lëngun e nyjeve kur presioni ndryshon.

Çuditërisht ky fenomen është debatuar për rreth një shekull.