Shendetesi

Ai ishte një operacion i veshtire, pas te cilit lind një shprese e madhe se Diana do te bashkohet me shoqet e saj e do të mund te rrije ne bange e te luajë njësoj me to.

Doktori që e operoi tha për “Shqiptarët për Shqiptarët” në News24 se ndërhyrja ka qene e vështirë dhe e komplikuar.

Vajza kishte probleme në 11 unaza të boshtit të kurrizit. “Kemi prerë 6 brinjë,” tha mjeku. “Organet si veshka,  diafragma dhe mëlcia janë devijuar për të ndërhyrë. Boshti kurrizor është fiksuar. Vajza do të ngrihet nga shtrati dhe për 7 ditë mund të largohet nga spitali. Pas 3 muaj ajo do të ecë si fëmijët e tjerë”.

Pas operacionit Dianen e ka vizituar nje mik special, qe i do shumë shqiptaret. Ai është kryetari i bashkisë së Zagrebit Milan Bandic. Kreu i bashkisë ka shkuar me dhurata tek Diana.

Ai i ka dhuruar një telefon celular. Kjo dhuratë e ka gëzuar kaq shumë 13-vjeçaren sa i ka thënë : Bandic i vërtetë është? Punon ky telefon? Kjo ka sjell hilaritet tek kreu i bashkisë, i cili i ka lënë vajzës edhe numrin e tij personal të telefonit.

Kryetari i bashkisë së Zagrebit i ka thënë që telefonatën e parë Diana duhet t’ia dedikojë atij.

Kombinimi kos me brokol mund të parandalojë – madje edhe të trajtojë – kancerin e zorrës, sugjeron një studim i ri. Hulumtuesit shkencorë nga Singapori kanë zbuluar se kosi i përzier me këtë “supeushqim” ka zhdukur 75% të tumoreve tek minjtë dhe më shumë se 95% të qelizave kancerogjene të zhvilluara në laborator.

Brokoli përmban një substancë kimike që lufton kancerin (i quajtur sulforane), ndërsa kosi përmban probiotikë – bakteri që ndihmon për të mbajtur një balancë natyrale të organizmave në stomak dhe zorrë.

Bazuar te këto gjetje, hulumtuesit shkencorë besojnë se kosi me brokol është një “formulë për luftimin e sëmundjes”, që mund të përdoret për të parandaluar zhvillimin e kancerit dhe për të zhdukur qelizat kancerogjene pas heqjes me operacion të masës tumorale.

Duke përdorur teknika gjenetike shkencëtarët zhvilluan një probiotikë që u vendos në qelizat e kancerit të zorrës dhe sekretuan një enzimë për të konvertuar një substancë të gjendur te brokoli dhe perime të tjera të familjes së lakrës në agjentë potencial kundër kancerit.

Në testet e kryera u zhdukën pothuajse të gjitha qelizat kancerogjene të zhvilluara në laborator.

Më pas, kombinimi i kosit me këtë perime zhduki 75% të tumoreve te minjtë e prekur nga kjo sëmundje.

Vjen një pikë kur të duket sikur gjithë bota të është kthyer kundër dhe stresi arrin kulmin duke u shpalosur në formën e një dhimbjeje koke që të mposht.

Cila është zgjidhja e një dite të keqe që nis e mbyllet me një dhimbje të ashpër koke?

Rruga e shkurtër është të marrësh një tabletë farmacie me shpresën që do ta shuajë dhimbjen sa hap e mbyll sytë.

Ka njerëz që preferojnë çajin e kamomilit e të tjerë që preferojnë ta durojnë në heshtje.

E vërteta është që kur vjen puna tek dhimbja e kokës e të tjera, jemi të gatshëm të bëjmë çdo gjë, vetëm të mos vuajmë.

Dhimbjet e kokës karakterizohen nga një presion që rreh si çekan mbi qafë, supe, në majë të kokës dhe rrotull saj. Por ka edhe më të rënda.

Migrena nga ana tjetër është ndjesia e pulsimit në të dyja ose në njërën nga anët e kokës.

Simptomat gjithsesi variojnë nga njeriu dhe nga ashpërsia e dhimbjes.
Xhenxhefili, Kura Sublime
Xhenxhefili njihet si mrekulli kundër dhimbjes së kokës dhe për fat të mirë e gjejmë në shtëpi pa asnjë problem.

Si mund ta përdorësh xhenxhefilin kundër dhimbjes së kokës?

Mund ta përdorni si çaj duke përzier sasi të barabarta të lëngut të xhenxhefilit dhe limonit. Këtë mund ta pini dy herë në ditë.

Me xhenxhefilin mund të përgatisni një pastë duke përzier pluhurin e zhardhokut dhe dy lugë gjelle me ujë.

Lyeni ballin me pastën e xhenxhefilit dhe prisni disa minuta që dhimbja të lehtësohet.
Vaji i Livandos
Livandoja ka një aromë fantastike dhe konsiderohet si një kurë ideale kundër dhimbjeve të kokës.

Thjesht duke nuhatur aromën qetësuese të vajit esencial të livandos mund t’i kurseni vetes shumë dhimbje.

Hidhni disa pika të vajit në një shami dhe nuhasni aromën e këndshme. Ju mund të hidhni dy pika vaj në dy gota me ujë dhe të nuhasni avullin e krijuar.
Kanella
Kanella është erëza e mrekullisë dhe funksionon kundër dhimbjeve të kokës. Grini shkopinjtë e kanellës hollë dhe pluhurin bashkojeni me ujin duke formuar një pastë kanelle.

Lyejeni ballin dhe pjesët anësore të kokës me të dhe qëndroni shtrirë për 30 minuta. Më pas shpëlajini zonat e lyera me ujë të vakët.

Lëvizjet Fizike Bazë

Mjaftojnë disa ushtrime fizike dhe lëvizje bazë të kokës dhe qafës që të zbusni intensitetin e dhimbjes së kokës.

Ngrijeni dhe uleni kokën, lëvizeni majtas dhe djathtas në drejtim të secilit sup.

Përpiquni ta rrotulloni qafën me ngadalë në drejtim të akrepave të orës dhe anasjelltas që të ndihmoni në qetësimin e muskujve të shpatullave dhe qafës.
Borziloku
Zieni tre ose katër gjethe të freskëta borziloku në ujë (1 filxhan) të nxehtë. Shtoni mjaltë dhe pijeni çajin ngadalë.

Mund të përtypni edhe disa prej gjetheve ose të nuhasni avullin e lëshuar nga borziloku i zier.
Mollët
Nëse zgjoheni me dhimbje koke, hani menjëherë një fetë mollë me kripë dhe pini ujë të vakët më pas.

Ju mund të hidhni edhe dy lugë çaji me uthull molle në një gotë me ujë. Shtoni mjaltë dhe lëng limoni dhe pijeni dy ose tre herë në ditë.

Bimët natyrale kanë qenë të vetmet që janë përdorur nga njerëzit, kur ato vuajnë nga sëmundje dhe probleme të ndryshme. Por mjekësia moderne është përgjegjëse për medikamentet, duke bërë që të harrojmë funksionimin e këtyre bimëve. Siç është rasti me marulet e egra, një ilaç natyral që e ka prejardhjen në Amerikën e Veriut dhe Angli. Ajo është një analgjezik i aksesueshëm që zëvendëson kimikatet.

Marule të egra mes bimëve natyrale;

Marulja e egër është një ilaç bimor me efekt qetësues dhe analgjezik që sjell përfitime të ndryshme. Ajo ka efekt qetësues për shkak se lufton kundër pagjumësisë dhe nga ana tjetër, e relakson trupin ndaj ankthit dhe spazmave, duke qetësuar sistemin nervor dhe i relakson muskujt.

Nga ana tjetër, ajo gjithashtu ndihmon në reduktimin e dhimbjeve menstruale, dhimbjet e muskujve dhe indet e tjera që janë të irrituara.

Shtoni marulen e egër në dietën tuaj të përditshme dhe pijeni atë si një çaj për të ndihmuar në reduktimin e këtyre problemeve shëndetësore. Marulja e egër është një bimë dyvjeçare që do të duket ndryshe në varësi të sezonit, mund të jetë lule e verdhë ose mund të ketë vetëm gjethe të pjekura, gjithashtu mund të rritet deri edhe në 7 metra. Rekomandohet të merrni 2-4 ml 3 herë në ditë ose 1-2 lugë çaji të thatë të zhytur në ujë të vluar për 10-15.

Shumë sëmundje, si ato të zemrës, kancerit dhe osteoporozës janë të lidhura me konsumin e kripës. Kjo ka bërë që një numër i madh njerëzish të reduktojnë nivelet e marrjes së kripës në mënyrë që të mbrojmë shëndetin tonë. Kështu që sot do t’ju tregojmë se cilat janë disa nga ushqimet që ju konsumoni dhe që përmbajnë më shumë kripë sesa ju mund ta imagjinoni.

– Drithërat;

– Gjiza;

– Gjevrek me susam;

– Sandwich vegjetarinë;

– Piperi;

– Çokollata e zezë;

– Petullat;

– Salcat e pastave;

– Krahët e pjekur të pulës;

– Fileto;

– Lëngu i perimeve;

– Perimet e konservuara.

Lentet e frikshme janë tepër të preferuara gjatë sezonit të Halloëeen, por kanë një efekt tepër të dëmshëm për sytë.

Mjekët kanë lajmëruar se nëse i blini në internet ose treg të hapur, nuk janë të aprovuara nga ligjet mjekësore dhe mund t’ju përhapin infeksione. Badrus Hussain, një kirurg për sytë ka thënë se po trajton shumë raste kur fëmijët rreth moshës 16 vjec janë infektuar prej lenteve.

“Disa nga rastet që shohim janë pacientë që i ndajnë lentet me miqtë, përdorin të njëjtat çdo vit edhe pse ka kaluar data e skadencës si dhe kanë efekte tepër të rrezikshme që mund të përfundojnë në verbërim,” – tha ai për Independent. Kirurgu shtoi se zona e kornesë së syrit është tepër delikate, prandaj ndodh që të dëmtohet edhe nga lente të krijuara në zona laboratorike nga vetë mjekët.

Shisha është kthyer në shoqëruesin e preferuar të njerëzve jo vetëm nëpër clube, por edhe në ambiente më të vogla apo edhe thjeshtë në shtëpi.

Por edhe pse ju duket një mënyrë mjaft argëtuese për të kaluar kohën e lirë dhe krejt e padëmshme për shëndetin, me siguri shumë prej jush nuk i dinë efektet negative të saj.

Tymosja e Shisha-s mund të jetë po aq e dëmshme dhe e rrezikshme sa konsumimi i duhanit. Kjo sepse tymosja në argjile nuk mund të jetë më pak toksike në një tub uji.

Madje një konsumues i rregullt i Shisha-s mund të thithë më shumë helme tymërash gjatë konsumimit të Shisha-s sesa një duhanpirës brenda pak ditësh.

Kjo shkakton rreziqe afatgjata për shëndetin duke përfshirë edhe kancerin e zemrës, lëkurës si dhe sëmundje të gojës.

Shumë persona që e parapëlqejnë Shisha-n mund të thonë se mund ta lënë kur të duan dhe vazhdojnë sërish ta konsumojnë për kënaqësi.

Nikotina në Shisha i bën njerëzit po aq të varur sa nikotina në cigare ndaj lënia e saj mund të marrë pak kohë.

Pak ditë pasi ta keni lënë do të vini re ndryshimet dhe përmirësimet në shëndetin dhe cilësinë e jetës suaj.

Arsyet pse duhet ta lini Shisha-n:

Zvogëloni shanset për infektimin e gojës nga bakteret

Zvogëloni shanset për t’u prekur nga kanceri dhe turbekulozi

Parandaloni sëmundjet e zemrës

Bëni një jetë më të shëndetshme

Më parë turbekulozi në vendet e Lindjes së Mesme lidhej me Shishën

Monoksidi i karbonit (nga qymyri) është 30 herë më i vështirë për tu tretur në ujë,sesa oksigjeni.

Në një thithje të vetme ata që konsumojnë shisha thithin deri në 200 herë më shumë tym se nga një cigare.

Pirja e duhanit vret rreth 114,000 njerëz në Britani të Madhe çdo vit.

Sa më e gjatë seanca me nargjile, aq më shumë nikotinë dhe toksina merrni.