Shendetesi

Gjithmonë më kanë pëlqyer vezët – të ngopin dhe janë të shijshme, por nuk haja kurrë vezë gjatë javës, sepse jam shumë e zënë. Të paktën kështu i them vetes kur dal me nxitim nga shtëpia çdo mëngjes, me duart e zëna dhe me një banane të marrë vjedhurazi nga shporta e frutave.

Kur dal kështu nga shtëpia, jam e paduruar dhe e shpërqëndruar deri kur vjen momenti për të ngrënë drekën, dhe kjo s’është mënyrë për të nisur ditën. Kështu që vendosa se ka ardhur koha për ndryshim dhe ky ndryshim duhet të kishte vezë. Specifikisht, u zotova të ha tre vezë çdo mëngjes për një javë.

Pse vezë? Janë perfekte. Jo vetëm që janë të pasura me proteinë (7gr për vezë), por përmbajnë omega-3, vitaminë D, E dhe B12; si dhe minerale si seleniumi. Për më tepër, thjesht dy vezë në ditë janë mjaftueshëm për të ngopur kërkesat e trupit për choline, përbërës që përmirëson kutjesën.

E di që shumë prej jush do të më shohin me sy të shtrembër, se koleksteroli do të më vdesë të re. Por, të tregohem e sinqertë, mendoj se këto janë gjepura. Shkenca ka përparuar goxha që nga koha kur ky “fakt” doli në dritë. Më herët rekomandohej vetëm 300mg kolesterol në ditë, por sot nutricionistët kanë zbuluar se nuk ka mjaftueshëm prova për të mbështetur këtë udhëzim. Ekspertët thonë se ka kolesterol në vezë, thjesht nuk është i njëjti me atë që të bllokon arteriet.

Sidoqoftë, duhet treguar kujdes. Numri i vezëve të rekomanduara varet nga pjesa tjetër e dietës. Unë jam goxha aktive, ha shëndetshëm dhe m’u duk e përshtatshme të shtoja tre vezë në ditë në dietën time.

Siç ua merr mendja, vezët normale bëhen të mërzitshme pas dy ditësh. Prandaj vendosa t’i bëja gjërat interesante. Të vetmet kritere ishin se çfarëdolloj gjëje që do të shtoja nuk do të më hante kohë dhe duhet të kishte vlera ushqyese. Zgjidhja: perime të ngrira. Kisha kohë që i mbaja në frigorifer dhe vendosa t’i hedh në tigan me pak gjalp para se të shtoja vezët.

Verdikti: bizelet dhe misri shtojnë një ëmbëlsi të këndshme dhe teksturë interesante, teksa e pasurojnë vaktin me fibra. Të nesërmen bëra të njëjtën gjë dhe shtova avokado dhe koriandër sipër. Ditën pas kësaj shtova sallatë lola, që ishte prag kalbjes, por sa të rrosh do mësosh.

Nëse nuk hani mëngjes për një arsye tuajën, dijeni që është justifikim, jo arsye. Ditën e dytë të eksperimentit tim, teksa po nxitoja për të dalë, vonë për punë, kuptova që s’kisha bërë vezët akoma. U ktheva, vura tiganin në zjarr, shtova gjalp dhe tre vezë, pa i trazuar më parë. Thjesht i hodha në tigan dhe i trazova aty me pirun. Shtova pak qumësht dhe i përfundova me kripë dhe piper. Gjejeni çfarë? Dolën një mrekulli. Për katër minuta kisha një mëngjes të mirëfilltë në duar dhe të njëjtën gjë mund të bëni dhe ju. Pa justifikime.

Para këtij eksperimenti, ora 10 e mëngjesit më gjentë në tavolinë duke vdekur për të ngrënë. Pas vezëve, të cilat më jepnin 21gr proteinë çdo mëngjes, mund të duroja pa mundim deri sa të vinte dreka. Mund të fokusohesha më mirë dhe më gjatë, meqë s’duhet të mendoja çdo sekondë për ushqim.

Rutina ishte e këndshme dhe relaksuese. Nuk bluaja më çdo të ha për mëngjes, apo a do të ha mëngjes. Si dhe, s’ndihesha më në faj për ç’haja. Për më tepër, isha e detyruar të ulesha për 10 minuta dhe të ushqehesha, momente këto që më përgatitën më mirë për ditën.

Kam ndërmend të vazhdoj të ha tre vezë për mëngjes. Vetëm nëse shkenca zbulon se petullat me çokollatë janë burimi i rinisë. Nëse kjo ndodh, do të ha petulla. Për hir të shkencës.

Kanceri është një sëmundje shumë e fshehtë.

Format e zbulimit të kësaj sëmundjeje konsiderohen të jenë më të mira sesa testet dhe kontrollet rutinë, pasi nuk janë aq të besueshme.

Çdo simptomë e çuditshme që juve ju duket e dyshimtë dhe e pashpjegueshme mund t’ju ndihmojë të zbuloni kancerin në kohë.

Këtu, ne po ju paraqesim disa nga shenjat e hershme të kësaj sëmundjeje.

Frymëmarrje e keqe në mënyrë të vazhdueshme;
Këto shenja konsiderohen si shenjat më të hershme për shfaqjen e kancerit të mushkërive në trupin tuaj.

Dhimbje kraharori dhe kollë kronike;
Sipas disa pacientëve, dhimbjet në krah, dhimbjet e gjoksit dhe kolla gjithashtu janë shenja shumë të zakonshme. Disa lloje të kancerit si leuçemia dhe tumoret e mushkërive mund të imitojnë simptomat e një kolle kronike.

Ethet periodike dhe infeksionet;
Infeksionet si dhe ethet e shpeshta mund të nënkuptojnë leuçeminë, të cilën ne të gjithë e dimë që është një lloj i tumorit të gjakut që zhvillohet në palcën e eshtrave. Kjo bën që palca të prodhojë qeliza të bardha të gjakut anormale, të cilat më vonë sulmojnë sistemin tuaj imunitar.

Vështirësi gëlltitjeje;
Vështirësitë në gëlltitje mund të nënkuptojnë praninë e kancerit të fytit dhe mushkërive.

Nyjet limfatike të fryra në krahë, ije dhe qafë;
Këto janë shpesh ndryshime negative në sistemin limfatik dhe ato shkaktohen kryesisht nga kanceri.

Gjakderdhje;
Kjo shenjë do të thotë që ekziston një shqetësim në trombocitet dhe qelizat e kuqe të gjakut. Mund të shkaktohet nga leuçemia. Sasia e qelizave të bardha të gjakut bëhet anormale. Mund të eliminojë qelizat e kuqe të gjakut dhe trupi juaj të bëhet i paaftë për të ngjizur, kështu që do të filloni të humbisni gjak.

Lodhje;
Për fat të keq, lodhja konsiderohet të jetë një nga shenjat më të neglizhuara të kancerit. Megjithatë lodhja nuk do të thotë gjithnjë kancer, prandaj mos u shqetësoni. Duhet të vijë së bashku me simptoma të tjera. Nëse e keni vënë re se jeni të lodhur pa ndonjë arsye dhe ju ndjeheni gjatë gjithë kohës, është koha të drejtoheni tek mjeku juaj.

Dhimbje të legenit dhe barkut
Këto shenja së bashku me dhimbjet dhe fryrjen, zakonisht nënkuptojnë kancerin ovarian.

Fryrje dhe shtim i papritur i peshës;
Sigurohuni që të vizitoheni tek një mjek nëse këto simptoma vazhdojnë për një periudhë të gjatë kohore pasi ato zakonisht tregojnë kancerin ovarian.

Çfarë është prostata dhe cilat janë simptomat e saj?

Prostata është një organ që ndodhet tek meshkujt nën fshikëzën e urinës. Disa nga simptomat e kësaj sëmundje janë : urinimi me ndërprerje, urinim i pavullnetshëm, urinimi i shpeshtë natën, pakësimi urinës, ndjesia emergjente e të urinuarit, apo urinimi me sforcim.

Sëmundja e prostatës, është kthyer në një ndër shqetësimet më serioze për shëndetin e moshave të mëdha në ditët e sotme. Duhet të tregohemi të kujdesshëm me trajtimin në kohë të kësaj sëmundjeje sepse mund të çojë në pasoja fatale për jetën e pacientit. Kjo pasi mund të arrijë të shndërrohet nga një formë lehtë në një më të rëndë siç është sëmundja kanceroze e prostatës.

Prostata prek në masë burrat mbi 50 vjeç, por nuk përjashtohen as moshat më të reja. Përveçse pasojat e saj janë të rënda sepse çojnë deri në vdekje, mund edhe shfaqin impotencën seksuale. Me problemet gjatë urinimit vjen ankthi për shfaqjen e semundjes.

Kjo është një sëmundje botërore shumë e përhapur dhe kap një në tre veta deri në moshën 60 vjeç, duke u vështirësuar kësaj kategorie shumë mënyrën e të jetuarit, në moshën 70 vjeç e sipër një në dy veta mund të vuaj nga sëmundja e prostatës. Në jetën e njeriut ka dy periudha të rritjes së prostatës: periudha e parë është në kohën e pubertetit e atëherë kjo gjendër dyfishohet si madhësi.

Disa nga sjelljet që meshkujt duhet të parandalojnë :

1: Nuk duhet të rrinë ulur në të ftohtë për kohë të gjatë. Kjo e dëmton shumë prostatën më shumë. Temperaturat e ulëta dhe konsumi i lartë i alkoolit. Kështu nuk rritet vetëm rreziku për një infeksion urinar por edhe për bllokim të plotë të urinimit .

2: Të shtysh për më vonë nevojën për urinim. Kështu ka rrezik të tendoset dhe irritohet fshikëza e urinës. Edhe ky gabim rrit rrezikun për një bllokim të plotë urinimi. Duhet të shkoni rregullisht në tualet.

3: Mos neglizhoni vizitat tek mjeku. Studime tregojnë se një në tre burra me shqetësime prostate trajtohet nga mjeku. Sa më herët të fillojë terapia, aq më të shumta janë mundësitë për t’u qetësuar. Në rast se keni dhimbje në pjesën e fundit të barkut apo në vendndodhjen e veshkave duhet të konsultoheni menjëherë tek mjeku.

Mënyrat e kurimit

1-Mjekim nëpërmjet ilaçeve
Ekzistojnë dy grupe kryesorë ilaçesh që përdoren. Këto janë Alfa Blocker dhe 5 Alpha Reductase inhibitors. Nëse pas bërjes së gjithë analizave dhe vlerësimeve, urologu e sheh të nevojshme atëherë fillojnë që të dyja grupet e ilaçeve. Gjatë kurimit me këto ilaçe, për shkak të efekteve anësore ose mundësisë që të mos merret rezultat, pacienti qëndron patjetër nën kontrollin e doktorit.

2-Kurimet kirurgjikale
Mënyra e kurimit kirurgjikal më klasik është operacioni i hapur. Por në bazë të përparimeve teknologjike të ditëve të sotme dhe rezultateve të suksesshme të marra nga këto mënyra, përveç prostatave të mëdha kirurgjia e hapur nuk përdoret.

3- TUR-P (Prostat transurethral resection)
Kjo është mënyra më e përdorur në botë. Me anë të resektoskopit (pajisje me sistem fiberoptik që ka kamerë) futesh në rrugët urinare dhe prostati që pengon rrugën nxirret në pjesë të vogla. Përqindja e suksesit është shumë e lartë.

4- Rreze Lazer jeshil
Kjo është mënyra e avullimit të prostatës me anë të lazerit. Kjo procedurë mund të bëhet me anestezi të përgjithshme ose të pjesshme. Në mënyrën e kurimit me rreze laser, sistemi i marrësit fiberoptik me kamerë arrin në indin e prostatës dhe pa gjakderdhje e avullon prostatën. Për pacientët që vuajnë nga sëmundjet e zemrës ose të mushkërive, ose mbi pacientët që nuk mund ti nënshtrohen anestezisë, rrezet lazer jeshile mund të përdoren në mënyrë të sigurt.

Efektet anësore të sëmundjes nëse nuk trajtohet në kohën e duhur
Komplikacionet që mund të lërë kjo sëmundje nëse nuk trajtohet në kohën e duhur dhe me terapitë e duhura janë të shumta. Ajo çon në krijimin e shqetësimeve të shumta të organizmit, të cilat fillojnë me vështirësitë që paraqiten në aparatin urinar.

Pacienti mund të bëhet kaps mund të ndjejë vështirësi të shumta gjatë urinimit. Ndërkohë që kjo shkon dhe më keq sepse duke pasur të gjitha këto shenja fillojnë problemet dhe me pjesët e tjera të organizmit. Ku një ndër to është dhe funksionimi i veshkave. Ato me rëndimin e gjendjes së prostatës vijnë gjithnjë e më tepër duke u shkatërruar dhe çojnë në krijimin e një çrregullimi të organizmit, i cili sa vjen e lodhet më shumë.

Sëmundjet renale ndikojnë më pas në shfaqjen e problemeve të tjera, të cilat lidhen me organizmin, siç është azotermia, infeksione urinare, të cilat mund të jenë të përmasave të ndryshme dhe mund të mbartin dhe pasoja fatale për jetën. Për të tilla raste është gjithmonë e nevojshme që pacienti të tregojë kujdesin e duhur, pjesa më e madhe e këtyre pacientëve përfundojnë në operacion, pasi infeksioni urinar, në të cilin kanë arritur mund të jetë shumë problematik.

Ndërkohë që shfaqen dhe probleme të tjera pacienti ndjen debulesa të shumta trupore mund të tregojë shenja nervozizmi dhe paqëndrueshmëri. Por ka dhe raste që kjo sëmundje e rënduar mund të çojë në krijimin e gurëve në fshikëz, dhe shfaqjen e hemorragjisë, e cila mbart pasoja tepër të rënda.

Si ndikon prostata në jetën seksuale të mashkullit?
Ndonëse shfaqet në moshën e mesme, prostata ka një rol kryesor në funksionimin seksual të mashkullit që në hapat e parë të adoleshencës. Patologjitë e prostatës ndikojnë në mënyrë të drejtpërdrejtë në dëshirën e mashkullit për të kryer seks, por në të njëjtën kohë kushtëzojnë edhe nivelin e erektimit apo pamundësinë e arritjes së orgazmës.

Po ashtu prostata mund të dëmtojë edhe pjellorinë e mashkullit. Është tashmë e vërtetuar se me shfaqjen e problemeve në këtë organ bie ndjeshëm libido ose siç njihet ndryshe dëshira për të kryer marrëdhënie seksuale. Edhe terapitë ndaj patologjive që shfaqen në prostatë japin çrregullimet e tyre në funksionimin seksual të meshkujve, pasi organet gjenitale janë të lidhura ngushtë edhe me funksionet urologjike.

Shenjat janë të dukshme sidomos në ndryshimin e ndjesisë së orgazmës apo dhe ngjyrës së spermës. Kjo e fundit zëvendësohet në shumë raste nga lëngu spermatik që del në mënyrë të pavetëdijshme, por që në fakt nuk ka lidhje me kënaqësinë seksuale. Ndaj dhe në një masë të madhe seksualiteti i mashkullit varet nga ky organ, i cili shfaq problem kryesisht në moshën e mesme dhe atë madhore.

6 ushqimet kundra kancerit të prostatës
Kanceri i prostatës është kanceri i dytë më i zakonshëm në mesin e njerëzve në mbarë botën dhe prek një në gjashtë meshkuj në Shtetet e Bashkuara. Besohet se yndyra dhe sasia e lartë e sheqerit mund të kontribuojnë në normat e rritura të kancerit të prostatës. Kështu, filloni duke u përpjekur të konsumoni këto gjashtë ushqime në ndihmë të shëndetin të prostatës suaj.

Domatja
Likopena, një antioksidant i fuqishëm që gjendet në domate, mund të jetë i dobishëm në parandalimin e kancerit të prostatës dhe për të reduktuar rritjen e tumorit në mesin e njerëzve me kancer të prostatës. Në një rishikim të 21 studimeve, studiuesit zbuluan se njerëzit që hanin një shumë domate dhe produkte të gatuar me domate, kishin më pak gjasa për të zhvilluar kancerin e prostatës në krahasim me meshkujt të cilët rrallë hanë ushqime të tilla. Për shkak se likopena është e lidhur fort me muret qelizore.

Brokoli
Disa studime kanë treguar një shans më të ulët të zhvillimit të kancerit të prostatës në mesin e njerëzve të cilët hanë sasi të mëdha brokoli ose perime të tjera. Në një studim kanadez, hetuesit gjetën se ngrënia në sasi të mëdha të perimeve të tilla, veçanërisht brokoli dhe lulelakër, u shoqërua me një rrezik të zvogëluar të kancerit të prostatës. Edhe pse arsyet janë ende të paqarta, disa studiues thonë se fitokemikalet e gjetura në këto perime, vrasin qelizat e kancerit, duke lënë qelizat normale të prostatës të shëndetshme dhe të paprekur.

Çaji jeshil
Çaji jeshil është një komponent i rëndësishëm i dietës aziatike dhe ka qenë konsumuar për mijëra vjet. Çaji jeshil është arsyeja pse normat e kancerit të prostatës në Azi janë aq shumë më të ulëta se sa në Amerikë. Në studimin e Qendrës së Shëndetit Publik Japonia tek 49.920 njerëz, studiuesit gjetën 48 për qind më pak gjasa të sëmundjes së prostatës në mesin e meshkujve të cilët konsumonin më shumë se 5 gota çaji jeshil në ditë.

Ushqimet bishtajore
Ushqimet bishtajore të tilla si fasule, kikirikë dhe thjerrëzat gjithë përmbajnë komponentë biologjikisht aktive të njohur si fitoestrogjene. Këto përbërës shtypin rritjen e tumorit në qelizat e kancerit të prostatës. Konsumimi i lartë i sojës është një mënyrë tjetër e mirë për parandalimin e kancerit të prostatës.

Lëngu i shegës
Ashtu si vera e kuqe apo çaji jeshil, shega është një burim i pasur me antioksidantë dhe konsiderohet një fryt i mrekullueshëm në parandalimin e sëmundjeve kronike të lidhura me stresin oksidues. Në një studim të vogël prej 46 njerëzve, hetuesit gjetën se pirja e 8 gotave me lëng shege në javë parandalonte përparimin e sëmundjes tek ato meshkuj që vuanin nga kanceri i prostatës. Antioksidanti, i quajtur elaxhitaninë, që ndodhet në mënyrë bollshme në shegë, shkatërron qelizat e kancerit të prostatës dhe jo qelizat e shëndetshme.

Peshku
Acidet yndyrore, si omega-3 dhe omega-6, janë esenciale për trupin e njeriut. Duke pasur një dietë me ekuilibër të acideve omega-3 dhe omega-6 yndyrore mund të ndihmojë në parandalimin e zhvillimit dhe përparimin e kancerit të prostatës. Në një studim të 6272 burrave suedezë të ndjekur përgjatë 30 viteve, hulumtuesit kanë raportuar se ata burra që hanin peshk kishin shumë herë më pak gjasa për të zhvilluar kancerin e prostatës sesa meshkujt të cilët nuk e futnin peshkun në dietën e tyre. Më të këshillueshme janë salmoni, sardelet dhe trofta.

Plakja është një proces biologjik. Të gjithë njerëzit janë të destinuar të përballen me të.

Në ditët e sotme ka një larmishmëri mënyrash dhe teknikash që merren me trajtimin e simptomave të brendshme dhe të jashtme të plakjes.

Sigurisht, e vërteta është se plakja është e pashmangshme.

Çdo njeri nis të shfaqë shenjat e plakjes në mënyra dhe moshë të ndryshme.

Përgjithësisht shenjat e plakjes nisin pas moshës 45 vjeçare.

E megjithatë, plakja nis të zhvillohet shumë vite përpara. Kjo për shkak të disa faktorëve të jashtëm, të cilën ndikojnë në rritjen e shfaqjes së tyre.

Shfaqja përballë toksinave, dietave të varfra ushqimore janë një pjesë e faktorëve të cilët ndikojnë shfaqjen e plakjes së pamjen e jashtme.

Padyshim, një nga shenjat më të dukshme të plakjes janë rrudhat, të cilat nuk dëshmojnë thjeshtë afrimin e plakjes por edhe cilësinë e jetesës që çdokush bën në lidhje me mënyrën e të ushqyerit.

Por bukuria vjen nga stomaku. Fatmirësisht, bujaria e natyrës me frutat e perimet e saj i dhuron njerëzve mundësinë që të mund të luftojnë plakjen përmes ushqimit.

Më poshtë keni disa ushqime te cilat ndihmojnë rigjenerimin e qelizave dhe luftojnë plakjen.
Lista e ushqimeve që luftojnë plakjen
Karrotat
Këto perime janë të pasura me antioksidantë, përfshirë dhe beta karrotenin. Përveçse mbrojnë shëndetin e lëkurës luftojnë gjithashtu efektet negative të radikaleve të lira dhe rrezeve të dëmshme të diellit.

Mënyra më e mirë e konsumimit të tyre është në sallata ose të shtrydhura në lëng.
Avokado
Jo më kot konsiderohet si “Fruti i Rinisë”. Avokadot janë ndër frutat më të mira për të luftuar plakjen dhe komplikacionet që sjell ajo.

Ato janë të pasura me yndyrna mono të ngopura dhe aminoacide. Pas tretjes, avokadot stimulojnë rigjenerimin e qelizave duke dhuruar një trup më të ri dhe të shëndetshëm.
Çokollata e Zezë
Çokollata e Zezë ose çokollata me mbi 60 % kakao është një ushqim i shëndetshëm. Ajo përmban një numër të lartë antioksidantësh dhe yndyrna të shëndetshme që luftojnë plakjen e qelizave.

Vlerat e saj jo vetëm që i japin organizmit energji por promovojnë gjithashtu edhe rigjenerimin.

Ndihmon gjithashtu edhe në parandalimin e sëmundjeve inflamatore
Shalqini
Janë frutat më të mira për t’i përfshirë në çdo lloj diete. Kjo për shkak të kalorive të pakëta që ato përmbajnë.

Gjithashtu, ato janë të pasura me ujë dhe antioksidantë.

Këto vlera i japin shalqinit veti tretëse, pastruese dhe anti inflamatore. Shalqini ndihmon trupin që të luftojë helmet në trup duke pastruar kështu organizmin.

Shalqini ndihmon në rigjenerimin e qelizave dhe parandalon efektet e plakjes së parakoshme në nivelin e brendshëm dhe të jashtëm.
Të Gjelbrat
Perimet e gjelbra, nga lakrat, sallatat, spinaqi etj janë super ushqime që mbrojnë trupin në përgjithësi.

Disa nga karakteristikat e tyre janë sasia e lartë e fibrave, antioksidantëve dhe proteinave.

Ato ndihmojnë në aktivitetin e rregullt të qelizave dhe mbrojnë sistemin imunitar.

Krahas vitaminave dhe mineraleve ato reduktojnë nivelin e kolesterolit dhe presonin e lartë të gjakut.
Arrorët
Frutat arrore janë të pasura me energji dhe vlera ushqyese. Ato janë një burim i shkëlqyer i acideve yndyrore, të cilat ndihmojnë për të ulur nivelin e kolesterolit.

Studimet tregojnë se dietat mesdhetare të cilat janë të pasura edhe me produktet arrore (arra, lajthi, bajame) parandalojnë sëmundjet koronare arteriale, duke favorizuar profile të shëndetshme të lipideve të gjakut.

Gromësima është një fenomen i zakonshëm që i prek tek të gjithë, një fenomen që krahas sikletit që të shkakton përballë të tjerëve është gjithashtu edhe shenjë e infeksionit gastrit.

Gromësima është procesi i nxjerrjes së gazit përmes aparatit tretës nga goja.

Shkaktohet nga një sërë faktorësh dhe ka të bëjë kryesisht me procesin e tretjes. Në shumicën e rasteve ka të bëjë me mënyrën e të ushqyerit.

Gromësima shkaktohet kryesisht në momentet kur ha shumë dhe qendron ulur palëvizur për një kohë të gjatë, kur ha ushqime pikante, ushqime të shpejta.

Ajo shkaktohet kur konsumon shumë alkol, pije të gazuara, kur pi duhan, kur merr ilaçe dhe antibiotik, kur keni probleme me stomakun, kur hani shumë shpejt apo kur hani ndërkohë që emocionalisht jeni të mërzitur.

Më poshtë keni disa metoda natyrale që ndalojnë gromësimën si dhe përmirësojnë shëndetin e stomakut.
Metodat Natyrale Kundër Gromësimës Përmes Ushqimeve
Xhenxhefili
Xhenxhefili është një ndër kurat më popullore që përdoret në shtëpi për të parandaluar gazrat.

Vetitë e tij janë të jashtëzakonshme përsa i përket çlirimit dhe rigjenerimit të muskujve, të cilat parandalojnë gromësitjen ashtu si edhe të vjellat.

Xhenxhefili ndihmon tretjen, qetëson stomakun dhe çliron trupin nga dhimbjet abdominale (dimbjet e barkut) në pak minuta.

Mënyra më e mirë për të konsumuar xhenxhefilit është në formën e çajit. Zieni një lugë gjelle me xhenxhefil pluhur apo 2-3 feta xhenxhefili në një ibrik me një filxhan e gjysmë çaji me ujë.

Ziejeni për 8-10 minuta, ëmbëlsojeni me pak mjaltë, shtojini disa pika limoni dhe pijeni.

Mund ta konsumoni çdo ditë. Vlerat shëndetësore që do përfitoni janë të pafundme.
Hudhra
Shtypni 2-3 thelpinj hudhrash, hidhini në një një gotë të mbushur gjysmë me ujë të vakët. Gjithashtu përdoreni më shpesh hudhrën në gatimet tuaja të përditshme.
Uthulla e Mollës
Shtoni një lugë çaji me uthull molle në një gotë me ujë, shtoni një lugë çaji me mjaltë, përzieni mirë dhe pijeni para vakteve. Mund ta përdorni dy herë në ditë.
Kosi
Probiotikët tek kosi dhe bakteret e mira të cilat ndikojnë në tretjen e mirë, përmirësojnë gjithashtu githë shëndetin. Ato lëshojnë baktere të mira në organizëm.

Konsumoni kos të paktën një herë në ditë. Jo vetëm është një ushqim i lehtë për stomakun por ndihmon gjithashtu në shëndetin e tij.

Njerëzit që kujdesen për nivelin e kolesterolit dhe të sheqerit në gjak, duhet të tregojnë kujdes për marrjen e vitaminës B3.

Kjo vitaminë ose siç njihet ndryshe niacina, është thelbësore për transformimin e proteinës, karbohidrateve dhe yndyrnave në energji për organizmin.

Ajo është një ndër vitaminat më të rëndësishme të kompleksit të vitaminave B dhe luan një sërë funksionesh të shpjeguara më poshtë .
Sëmundjet e Zemrës
Nivelet e duhura të niacinës në organizëm, ndihmojnë në uljen e triglicerideve në gjak.

Ato rrisin nivelet e lipoproteinës dhe zbrapsin rrezikun e sëmundjeve të zemrës.

Kjo vitaminë parandalon bllokimin e enëve të gjakut.
Diabeti
Niacina parandalon shfaqjen e diabetit të tipit 2, që në shumë raste vjen si pasojë e një reagimi të sistemit imunitar.

Është pikërisht trupi ai që sulmon qelizat që formojnë insulinën dhe nuk i lejon ato të kryejnë këtë funksion.

Niacina rrit imunitetin dhe përmirëson prodhimin e insulinës.
Lëvizja e Gjymtyrëve
Niacina u vjen në ndihmë njerëzve që vuajnë nga artritii dhe osteoartriti.

Nëse konsumoni të paktën 200 miligramë niacinë në ditë, do të mund të lëvizni më lehtë dhe pa dhimbje.
Migrena
Nivelet e mjaftueshme të niacinës në organizëm parandalojnë migrenën.

Parandalimi ndodh sepse niacina stabilizon ciklet e enëve cerebrale të gjakut.
Simptomat e Mungesës Së Niacinës
Sipas të dhënave , njerëzit që ushqehen me bukë të bardhë, oriz apo ushqime të tjera të përpunuara kanë më shumë mungesa të kësaj vitamine.

Njerëzit me imunitet të dobët kanë pamjaftueshmëri të niacinës dhe përballen me këto simptoma:

Lodhje

Probleme me tretjen

Mungesë oreksi

Diare

Depresion

Sklerozë
Suplementët e Vitaminës B3
Kjo vitaminë tretet në ujë. Suplementët e saj duhen marrë me rekomandimin e mjekut.

Nëse merrni më shumë se 75 miligramë në ditë mund të përballeni me zgjerim të tepërt të enëve të gjakut.

Dozat e larta shkaktojnë dëmtim të mëlçisë, diabet, gastrit dhe nivel të lartë aciditeti në organizëm.

Burrat kanë nevojë për 16 miligramë niacinë në ditë ndërsa grave u nevojiten 14 miligramë në ditë.

Qumështi i gjirit përmban 7 miligramë niacinë,  një sasi e mjaftueshme për foshnjat.
Ushqimet Më Të Pasura Me Vitaminën B3
Sigurohuni që të merrni sasi të mjaftueshme të niacinës duke përzgjedhur ushqime të pasura me këtë vitaminë.

Disa prej tyre janë të listuara më poshtë .

Peshku ton, mishi i pulës, gjelit, viçit (mëlçia), bizelet, farat e lulediellit, kërpudhat, avokado, kikirikët, brokoli, shpargu, kafeja, fasulet, drithërat, specat.

Nga të gjitha këto ushqime, peshku ton ka sasinë më të madhe të niacinës.

Në një racion prej 100 gramësh gjenden 22.1 mg të niacinës ose 110% të nevojës ditore të kësaj vitamine.

E keni provuar ndjesinë e diçkaje që duket shumë mirë për të qenë e vërtetë, dhe shihni se majft gjëra kanë ndodhur në favorin tuaj së fundmi dhe ju duket e dyshimtë?

Disa persona nuk mund ta kapërcejnë këtë ndjesi, dhe fati i tyre i mirë merr një kthesë të keqe në mendje. Njerëzit që kanë një neveri të paarsyeshme për të qenë të lumtur  vuajnë nga sindromi që quhet Kerofobia (cherophobia). Ajo vjen nga fjala greke ”chairo” që do të thotë “unë gëzohem”. Në thelb ajo do të thotë se njerëzit kanë frikë të bëhen pjesë e çdo gjëje të lumtur.

Kerofobia nuk përdoret gjerësisht dhe nuk ka një përcaktim të saktë, por është shfaqur si term në edicionin e fundit të Diagnostic Statistical Manual of Mental Disorders, që është burimi kryesor i diagnostifikimit të kushteve të shëndetit mendor. Por sipas Healthline, disa mjekë ekspertë e klasifikojnë kerofobinë si një formë ankthi.

Disa simptoma të kësaj, sipas Healthline janë:

Ankth kur jeni të ftuar në një mbledhje shoqërore

Anashkalimi i mundësive që mund të çojnë në ndryshime pozitive të jetës, me frikën se diçka e keqe do të ndodhë

Refuzoni të merrni pjesë në aktivitete “zbavitëse”.

Mendoni se të jesh i lumtur do të thotë se do të ndodhë diçka e keqe.

Mendoni se lumturia ju bën një njeri të keq, apo më të keq.

Beson se të tregosh lumturi është keq për ty, miqtë dhe familjen.

Mendoni se të përpiqesh të jesh i lumtur është humbje kohe dhe përpjekjesh.