Shendetesi

Hudhrat e njoma paralajmërojnë ardhjen e pranverës. Nga marsi në maj, kjo është periudha e tyre.
E ndërsa shumë prej nesh stepen për konsumin, duke menduar aromën jo fort të këndshme, studiuesit i rekomandojnë për shkak të vetive që hudhrat kanë për organizmin tonë.

Nuk është e thënë të konsumohen vetëm të gjalla dhe të freskëta, përdorini në gatime, për të marrë të gjitha përfitimet që ato ofrojnë.

Hudhrat e njoma shqiptare kanë një veçori shumë të rëndësishme.
Ato vijojnë të jenë e njëjta farë tradicionale si ajo e kohëve të shkuara dhe ruajnë të njëjtën shije dhe vlera.

Mbi të gjitha janë produkte të tokës dhe zhvillimi i tyre nuk është i ndikuar nga asnjë stimulant apo substancë tjetër, duke i bërë hudhrat e njoma shqiptare një nga perimet më të pastra dhe të sigurta.

Çfarë përmban hudhra e njomë?
Hudhra e njomë, ashtu si hudhra e thatë përdoret për të kuruar gripin e thjeshtë e deri për parandalimin e sëmundjeve të rënda.

Përdoret për të kuruar probleme që lidhen me sistemin e gjakut dhe zemrën, përfshirë kolesterolin e lartë, parandalimin e atakut të zemrës dhe sëmundjeve koronare.
Shumë e përdorin për të parandaluar problemet me zhvillimin e qelizave të dëmshme të mushkërive, të prostatës, të gjirit e të stomakut.

Një lëndë përbërëse e hudhrës shërben si lëndë kuruese për sëmundjet e zemrës dhe e mbron atë.
Hudhra ndikon edhe në përmirësimin e parametrave lipidë të gjakut, forcon potencialet antioksidante dhe shkakton ulje të tensionit.

Në fjalë të tjera hudhra ndikon në uljen e kolesterolit dhe kurimin e tensionit të lartë.
Një studim lidh hudhrën me uljen e rrezikut të lindjes së parakohshme, si pasojë e lëndëve antimikrobiale dhe prebiotike që ajo përmban.
Studime të tjera tregojnë se hudhra përmban një lëndë që mbron mëlçinë nga dëmtimet që shkaktohen nga përdorimi i alkoolit.

Si ta zgjedhim hudhrën e njomë?
Hudhra e njomë duhet të ketë kërcell të fortë, pa pjesë të zbutura dhe gjethet e saj duhet të kenë ngjyrë jeshile të fortë.
Në rast se rreth pjesës së kërcellit është formuar një shtresë e butë, ajo duhet të hiqet gjithmonë.

Si të ruajmë hudhrën e njomë?
Mbështilleni mirë me letër dhe futeni në frigorifer. Kini kujdes gjatë mbështjelljes pasi aroma e saj e fortë do të përhapet kudo.

Trupi i njeriut përshkohet nga miliarda nerva.

Shumica prej tyre janë periferikë dhe kanë një funksion primar: shpërndarjen dhe transmetimin e mesazheve e sinjaleve në tru dhe në shtyllën kurrizore.

Kur gjithçka shkon siç duhet, truri merr të gjithë informacionin për të cilin ka nevojë që mundësojnë lëvizjen e muskujve, njohjen e dhimbjes dhe funksionin e organeve.

Kur këto nerva dëmtohen atëherë ecja është e vështirë, dhimbja e fortë dhe rreziku është i lartë.

Diabeti është shkaktari kryesor i dëmtimit të këtyre nervave.

Megjithatë  nuk përjashtohet as trauma (e shkaktuar nga një aksident) plakja, mungesa e vitaminave, ekspozimi ndaj toksinave, hepatitis C, dhe sëmundje imunitare.

Sipas të dhënave , kjo sëmundje zhvillohet ngadalë, që do të thotë se njeriu mund ta kurojë atë përpara se të përkeqësohet.

Ndonëse diagnostikimi nuk është gjithmonë i thjeshtë, simptomat e kësaj sëmundjeje janë një këmbanë alarmi që nuk duhen injoruar.
Mpirje, Therje, Djegie
Nëse vëreni mpirje, therje ose djegie të këmbëve dhe duarve duhet të dini që kjo ndodh nga kompresimi i nervave ndijorë gjatë gjumit.

Këto simptoma janë të përkohshme, por nëse zgjasin shumë gjatë, duhet të shkoni tek mjeku.
Vështirësi Në Lëvizje
Dëmtimi i nervave motorikë shkakton dobësi, vështirësi në lëvizje ose paralizë, thonë ekspertët.

Vështirësia në lëvizje mund të jetë një shenjë paralajmëruese e një infarkti ndaj sigurohuni që të shkoni tek mjeku sa më parë.
Dhimbje Në Këmbë
Dhimbjet e forta, ndjesia e therjes në fundshpinë që shpërndahet vetëm në njërën këmbë, nënkupton dëmtimin e nervit shiatik.

Sipas të dhënave , nervi shiatik mund të dëmtohet nga hernia diskale ose nga diabeti.
Ngathtësi Dhe Plogështi
Nëse krejt papritur vëreni se rrëzoheni shpesh, jeni të ngathët dhe nuk qëndroni në këmbë, atëherë duhet të dini se kjo ndodh nga dëmtimi i nervave.

Ngathtësia është gjithashtu simptomë e sëmundjeve nervore siç është Parkinsoni.
Urinim i Shpeshtë
Dëmtimi i nervave nënkupton se fshikëza e urinës merr informacionin e gabuar.

Kjo shoqërohet me dëshirën në rritje për të shkuar në banjë.

Njerëzit që vuajnë nga diabeti janë më të prekur nga ky problem.
Dhimbje Të Papritura Koke
Nëse prekeni nga dhimbje koke të papritura por shumë të forta, atëherë duhet të dini që kjo vjen si pasojë e dëmtimit të nervave të qafës.

Ky problem zgjidhet nëpërmjet një injeksioni që bllokon përkohësisht nervin përgjegjës që transmeton sinjalin e dhimbjes.
Djersitja e Tepërt
Djersitja e tepërt mund të jetë tregues i dëmtimit të nervave që dërgojnë informacion nga gjëndrat e djersës tek truri.
Ndjesi Minimale Të Dhimbjes
Nervat ndijorë i tregojnë trurit nëse diçka është e rrezikshme dhe nuk duhet prekur.

Nëse këto nerva janë dëmtuar, ju mund të shihni sobën ndezur por truri nuk e percepton rrezikun e nxehtësisë.

Kështu jeni më të rrezikuar nga djegia ose diçka tjetër.

Nëse vëreni se keni pësuar një lëndim të tillë nga përdorimi i sobës, enëve të kuzhinës e të tjerë, atëherë vizitohuni tek një mjek

Dr. Steven Gundry përforcon atë që shumë e kanë dëgjuar këto kohë.

Ajo ndjeshmëria ndaj glutenit është diçka e vërtetë, edhe te njerëzit që nuk vuajnë nga sëmundja autoimune celiac. Gundry thotë që njerëzit duhet ta shmangin glutenin për të ulur rrezikun e inflamacionit që mund të çojë në rritjen e peshës.

Dr. Gundry është një armik i lektinës, një proteinë bimore që mund të dëmtojë stomakun dhe zorrët tuaja, ku bën pjesë edhe gluteni.

Ai thotë që nëse duhet të hani bukë, ajo duhet të jetë buka e markës Barely. Meqë te ne nuk ekzistojnë këto produkte, po ju tregojmë çfarë është kjo lloj buke.

Ajo përmban miell bajamesh, gjalpë bajamesh dhe vaj arre kokosi dhe absolutisht jo drithëra, sojë apo maja. Nëse vendosni të mos hani prodhime të përbëra nga drithërat, produktet me miell bajamesh janë alternativa më e mirë.

Në maj, një studim ka zbuluar që shumë produkte pa gluten mund të nxisin obezitetin më shumë sesa produktet përkatëse me miell integral sepse përmbajnë më shumë yndyra të ngopura dhe më pak proteina. Më të kritikuarat ishin mielli pa gluten, biskotat, bukët dhe makaronat e ngjashme.

Për hir të së vërtetës, Barely Bread përmban 3 gramë proteina për fetë, njëlloj si një fetë buke me miell integral, që nënkupton nëse jeni duke shmangur glutenin, ky zëvendësues i bukur ka vlera ushqimore të përafërta me të.

Megjithatë, nëse jeni skeptikë ndaj rekomandimit të Dr. Gundryt, mund të keni të drejtë. Po në maj, Revista Mjekësore Britanike, zbuloi që njerëzit që nuk kanë sëmundjen celiac dhe ndjekin një dietë pa gluten nuk janë duke e ulur fare rrezikun e sëmundjeve të zemrës. Në fakt, ndërprerja e të gjitha drithërave bashkë, mund t’i ekspozojë ata ndaj sëmundjeve të zemrës.

Sigurisht, Barely Bread, apo buka me miell bajamesh, është shumë e mirë për ju, por konsultohuni me mjekun tuaj më parë nëse do vendosnit të përjashtonit të gjitha drithërat nga dieta.

Limoni ka benefite të panumërta shëndetësore dhe po aq benefite të tjera. Shija dhe aroma specifike i japin një shije ushqimit dhe pijeve.

Po ashtu, limoni përmirëson shëndetin e zemrës, ndihmon përmirësimin e lëkurës ashtu si edhe eliminon bakteriet dhe infeksionit.

Megjithatë, limoni ka edhe një aftësi dhe një trik që jo të gjithë e dijnë…limoni mund të eliminojë aromën e keqe në kuzhinën tuaj.

Instruksione si të realizoni këtë truk:

Ndajeni limonin në katër pjesë, por mos e ndani atë krejtësisht. Vendosni pak kripë në pjesët e ndara dhe vendoseni limonin në kuzhinë. Limoni i vendosur kështu eliminon aromën e keqe dhe sjell aromë të mirë në kuzhinën tuaj. Gjithashtu eliminon bakteriet që mund të jenë prezente.

Ju po ashtu mund të krijoni një dezinfektues të fortë duke kombinuar lëngun e tre limonëve, sapunin e lëngshëm dhe pak kripë në një shishe me ujë. Kjo do të dezinfektojë krejt hapësirën që ju e vendosni atë.

Studimi i ri “Epiphany”, që po zhvillohet në Qendrën Kardiologjike Monzino të Italisë propozon qëllimin ambicioz të parashikimit nëse një person do të përballet me një infarkt ose një lloj tjetër sëmundjeje të zemrës gjatë jetës së tij.

Hulumtuesit do të përpiqen të identifikojnë karakteristikat që mund të dallojnë në një grup prej 1,000 personash, ata që janë në rrezik më të madh për të patur një problem kardiologjik në periudhën afatmesme dhe afatgjatë.

Në praktikë, përpjekja bëhet për të identifikuar subjektet te të cilët është e pranishme një sëmundje aterosklerotike koronare fillestare, dhe pastaj të analizohet gjaku për të zbuluar shënjuesit e mundshëm që lidhen me çfarë ka rezultuar nga ekzaminimi radiologjik.

Nëse arrihet ky synim, në të ardhmen do të identifikohen njerëzit në rrezik infarkti, me një test të thjeshtë të gjakut.

Hamendësimi i ekzistencës së shënjuesve vjen nga një studim i kryer në Monzino, i cili ka krahasuar pacientët me infarkt dhe pacientët me anginë të qëndrueshme dhe tregues për rivaskularizim, duke zbuluar se të dyja format e aterosklerozës në këto raste ishin të ndryshme nga pikëpamja molekulare dhe për këtë arsye, të dallueshme.

Shumë studime tregojnë se një në pesë pacientë në të cilët CT-ja (disa bioshënjues gjenomikë) skanon pllakat aterosklerotike në një fazë të hershme të zhvillimit, do të paraqesë një ngjarje serioze kardiologjike në një periudhë afatmesme, por sot nuk kemi në dispozicion mjete të mjaftueshme për të mësuar se kush do të sëmuret.

Sy të skuqur, teshtima, dhimbje koke dhe stres, këto janë pasoja e alergjive pranverore tek fëmijët.

E me afrimin e stinës që është më problematikja në këtë aspekt, e cila vjen me rritjen e përqendrimit të poleneve në ajër dhe ndryshimit të temperaturave, gjithçka bëhet më e vështirë.

Por si mund t’i ndihmojmë fëmijët tanë për ta përballuar sa më mirë këtë fazë? Ja disa këshilla:

Shëtitjet në fshat

Evitoni shëtitjet në fshat, veçanërisht në orët e mëngjesit, por dhe në ditët me erë dhe më klimë të thatë.

Mal dhe det

Zgjidhni si destinacion për të vizituar detin, ose lokalitete në lartësi, si malet. Duhet të keni parasysh që për lartësitë nga 600 deri në 1000 mbi nivelin e detit, të njëjtat bimë çlirojnë polenet një muaj më vonë.

Filtrat e kondicionerëve

Duhet të pastroni filtrat e kondicionerëve në shtëpi dhe makinë.

Prerja e barit

Mos e prisni barin dhe mos i lini fëmijët që të qëndrojnë në afërsi të hapësirave ku ai është prerë.

Tym, pluhur dhe qime

Evitoni kontaktin me tymin e duhanit, pluhrat dhe me qime të kafshëve. Ndërkohë që në lidhje me alergjitë, ekzistojnë dhe disa mite që janë të gabuar, si përshembull ai i fushave, që ju këshillon që të mos kaloni kohë në fusha. Polenet janë kudo dhe nuk mund t’i evitoni.

Miti i dritareve

Sipas një tjetër miti, duhen mbyllur dritaret dhe të ndalohet fëmija të dalë nga shtëpia, por kjo është e pamundur.

Miti i kateve të larta

Edhe pse mund të evitoni të jetoni në katet e larta, nuk mund ta shmangni shpërndarjen e poleneve në katet e ulëta, apo jo.