Shendetesi

Kumbullat jeshile janë një frut me origjinë turke, që njihet si Janerik (kumbulla e shpirtit), dhe janë fruta të rekomanduara sidomos për njerëzit në dietë, sepse kanë pak kalori (46 kalori në 100 g kumbulla) dhe nuk kanë yndyrë. Po ashtu, janë të pasura me vitamina dhe minerale.

Dietologët këshillojnë t’i hani kumbullat në çdo kohë, por sidomos pas një vakti të rëndë, si dreka, sepse janë shumë të mira për aparatin tretës.

Vitamina A dhe beta karotene që gjenden me shumicë në kumbullat jeshile ndihmon për shikimin, por edhe për lëkurën e pastër.

Ky lloj fruti është i pasur edhe me vitaminën B dhe B-6, të cilat ndihmojnë metabolizmin me karbohidrate dhe proteina. Edhe vitamina K është e pranishme tek kumbullat jeshile. Siç dihet, ndihmon qarkullimin e gjakut dhe lufton alzheimerin.

Kumbullat jeshile luftojnë edhe aneminë, janë freskuese shumë të mira dhe pastrojnë mëlçinë, ndihmojnë tretjen dhe luftojnë sëmundjet e zorrëve.

Kanë një sërë lëndësh ushqyese dhe përmbajnë 8-20 % sheqer natyral, acide dhe pektinë, përmbajnë kalcium, magnez, kalium dhe hekur.

Dushi i bërë çdo ditë mund të rrisë rrezikun e infeksionit tek njerëzit, paralajmërojnë ekspertët.

Doza e tepërt mund të zvogëlojë hidratimin e lëkurës, duke shkaktuar që ajo të atë të bëhet e thatë dhe plasaritur, e cila lejon mikrobet të hyjnë, sipas ekspertit të sëmundjeve infektive Dr. Elaine Larson nga Universiteti “Columbia”.

Ajo shton se shumica e njerëzve lahen me besimin se do të zvogëlojnë rrezikun e tyre ndaj sëmundjeve, megjithatë, ndërsa në të vërtetë dushi më së shumti heq vetëm erën e trupit.

Dr. Brandon Mitchell, asistent profesor i dermatologjisë në Universitetin e Xhorxh Uashingtonit, shton se larja heq nga lëkura vajrat e saj natyrale, të cilat mund të prishin bakteret “të mira” që mbështesin sistemet imunitare të njerëzve.

Sipas Dr. Mitchell, banja vetëm një herë ose dy herë në javë zakonisht është e mjaftueshme për shumicën, ndërsa një dush ditor nuk është i nevojshëm.

Një banane në ditë mund të shpëtojë jetën. Efektet pozitive në organizëm të një regjimi të shëndetshëm me fruta janë të njohur, por edhe mes vetë frutave dobitë që sjellin në organizëm janë të ndryshme.

E duke studiuar dobitë e bananes, një grup shkencëtarësh në Universitetin e Alabamas dolën në përfundimin se një banane në ditë mund të na shpëtojë jetën.

Sipas studiuesve, banania parandalon sulmet në zemër dhe mpiksjen e gjakut në tru.

“Ushqimet që përmbajnë sasi të mëdha potasiumi, si banania, mund të parandalojnë bllokimet fatale të arterieve dhe enëve të tjera të gjakut”, thonë në raportin përfundimtar të tyre grupi i shkencëtarëve të Universitetit të Alabamas, transmeton tch.

Studiuesit shpjegojnë se testimet janë kryer në një grup minjsh të ndarë në 3 kategori. Kategorisë së parë iu dha ushqim me sasi të ulët potasiumi, të dytit sasi normale dhe të tretit ushqim me nivel të lartë potasiumi.

“Vumë re se në grupin e parë qarkullimi i gjakut te minjtë ishte më i ngarkuar, më i vështirë, ndërsa në grupin e tretë arteriet ishin në gjendje perfekte, akoma më mirë se më parë”, thonë shkencëtarët.

Njerëzit shpesh mendojnë se pastrimi i mëlçisë mund të bëhet më mirë përmes detoksifikimit të rreptë, që do të thotë mosngrënie apo marrje e kufizuar e kalorive. Por, në fakt ju mund të pastroni mëlçinë thjesht duke ngrënë ushqimet e duhura.

Hani arra!

Të gjitha arrat janë plot me aminoacide yndyrore esenciale, por arrat në veçanti kanë shumë ‘l-arginine’ dhe ‘glutathione’, të cilat mund të ndihmojnë në detoksifikimin e mëlçisë dhe në oksigjenimin e gjakut. Është byku i arrës, që është gjetur shpesh në produktet e pastrimit të mëlçisë, që ju mund të blini në farmaci. Por pse të mos hani më mirë arra?

Shmangni alkoolin dhe fruktozën

Fruktoza është shumë e dëmshme për mëlçinë tuaj, ashtu si dhe alkooli. Fruktoza e konvertuar në yndyrë depozitohet në mëlçinë tuaj dhe në indet e tjerë, si yndyrë trupi. Kjo mund të çojë në sëmundje të mëlçisë. Kur mëlçia bëhet jofunksionale, ne kemi humbur çelësin e fuqisë sonë metabolike.

Dashuria e një grejpfruti

Ky frut i verdhë ose ngjyrë rozë është i pasur me vitaminë C dhe antioksidantë, të cilët janë të shkëlqyer në pastrimin e mëlçisë. Një nga flavonoidet në grejpfrut, ‘naringenin’, ka në përmbajtjen e vet një përbërës, që e bën mëlçinë ta djegë dhjamin, në vend që ta depozitojë atë.

Jini miqësorë me qepët dhe hudhrat

Ushqimet e pasura me sulfur kanë një nga llojet kryesore të molekulave, të përdorura për të ndihmuar në pastrimin e mëlçisë nga një gamë e gjerë toksinash. Ushqime, si: qepët, hudhrat dhe të verdhat e vezëve futen në këtë kategori. Hudhra përmban allicin dhe selen, të cilët është provuar se mbrojnë mëlçinë nga mbingarkesat toksike.

Pini çaj jeshil

Çaji jeshil ka veti antioksidante dhe është plot me katecin, një lloj antioksidanti bimor, i njohur për eliminimin e yndyrës së akumuluar dhe për nxitjen e funksionimit të duhur të mëlçisë. Ai gjithashtu mbron kundër toksinave, që mund të shkaktojnë dëme serioze të mëlçisë.

Erëzat

Shafrani i Indisë ka marrë shumë popullaritet. Gjithkush e dëshiron këtë erëz, ndërsa janë provuar shumë nga përfitimet e saj në studimet kërkimore. Është treguar se, shafrani i Indisë mbron mëlçinë kundër dëmtimeve toksike dhe madje rigjeneron qelizat e dëmtuara të mëlçisë. Shafrani i Indisë, gjithashtu rrit prodhimin biliar (një lëng tretës që prodhohet nga mëlçia) dhe “pluhura” -ilaçe të mëlçisë, të dobishme për ata që kanë probleme me fshikëzën e tëmthit.

Që nga kohët e lashta, natyra ka qenë burimi kryesor i mjekësisë për njerëzit. Kjo është arsyeja pse shumë prej tyre nuk i drejtohen farmacive, por përdorin kurat me përbërës natyralë. Avantazhi më i madh qëndron në faktin se janë të lira dhe nuk shkaktojnë dëme në shëndet.

Një pije natyrale e përdorur prej vitesh vjen si një shpëtim  për ju që keni probleme me mbipeshën. Përgatitet me fara chia dhe limon. Ajo ka aftësinë të pastrojë trupin dhe të parandalojë akumulimin e yndyrës. Kjo është arsyeja pse shumë njerëz në mbarë botën kanë vendosur ta përfshijnë atë në dietën e tyre. Nëse dëshironi ta bëni atë, ne do t’ju tregojmë se si ta përgatisni atë në shtëpinë tuaj.

Secili prej këtyre përbërësve është shumë i mirë dhe i shëndetshëm. Megjithatë, kur i kombinoni sëbashku, rezultati është befasues.

Përbërësit:

1 limon (lëngu)

1 lugë gjelle fara chia

1 lugë gjelle mjaltë

1 ½ gota ujë

Përgatitja:

Zhysni fillimisht farat e chia-s në një enë me ujë për 1 orë. Më pas hidhini në një blender sëbashku me ujin, mjaltin dhe lëngun e limonit. Pijeni çdo ditë në mëngjes këtë përzierje.
Do t’ju ndihmojë në përshpejtimin e metabolizmit dhe do të humbni peshë në mënyrë efektive. Përdoreni për 1 muaj rresht dhe do të peshoni rreth 18 kilogramë më pak.