Shendetesi

Shkencëtari gjerman dhe fitues i çmimit “Nobel” në lëmin e fiziologjisë, Harald zur Hausen, ka konstatuar që virusi jo mirë i studiuar, i cili shfaqet tek lopët, mund të shkaktojë kancerin tek njerëzit!
“Konsideroj që kafshët shtëpiake mund të jenë shkaktarët direkt të kancerit të zorrës së trashë tek njerëzit. Kemi të dhëna eksperimentale që e konfirmojnë këtë tezë. Mirëpo, këtë tashmë duhet ta vërtetojmë”, ka theksuar Hausen

Edhe shkencëtarët e tjerë më herët kanë tërhequr vërejtjen që përdormi i mishit të kuq (mishit të gjedhit, të viçit, të kalit, të deles dhe të derrit) rrit rrezikun e sëmurjes nga kanceri kolorektal. Mirëpo, Hausen konstaton që rreziku vjen vetëm nga mishi i gjedhit, por edhe nga qumështi i lopëve, edhe pse kjo nuk duket edhe aq e pabesueshme!

“Shpjegimi tradicional është lidhur me përgatitjen e mishit për ushqim nga skara, ndërkaq nga aty janë nxjerrë konstatimet që mishi i pjekur në skarë çon në formimin e kancerogjeneve.

Kjo tezë humb rëndësinë meqë kancerogjene të tilla formohen edhe me rastin e fërgimit të mishit të peshkut dhe të pulës, ndërsa askush nuk çan kokën që përdorimi i mishit të shpezëve dhe peshkut shton rrezikun nga kanceri i zorrës së trashë, thekson ky shkencëtar.

Ai gjithashtu tregon që niveli i sëmundjeve kolorektale nga kanceri është rritur shumë pas Luftës së Dytë Botërore. Ai është i bindur që kjo në mënyrën më të drejtpërdrejtë është e lidhur me atë që në këto shtete është bërë i popullarizuar mishi i importuar i gjedhit.

Shkencëtari gjerman shton edhe që në shtetet aziatike shumë më rrallë ndodhin sëmundje të kancerit në gjëndrat qumështore, për shkak se në ato shtete minimalisht përdoret në ushqim qumështi i lopës dhe prodhimet e qumështit.

Hausen në numrin e fundit të revistës shkencore International Journal of Cancer ka bërë publike që ka studiuar shkaktarët e gjakut dhe qumështit të lopës dhe që në ta ka zbuluar elemente të ADN-së të cilat mund t’i përkasin virusit të panjohur, i cili ka mundur të jetë shkaktar i kancerit.

Bllokimet e hundëve, rëndimi dhe simptoma të tjera si teshtimat janë të zakonshme për ata që vuajnë nga alergjitë sezonale.

Megjithatë, këto lloj alergjish mund të shkaktohen jo thjesht nga ajri në Pranverë, por edhe nga ushqimet që konsumoni.

Nëse e gjeni veten duke teshtirë, keni sy të përlotur apo hundë që rrjedhin (ose të thata) kur vjen pranvera, atëherë mund të keni nevojë të rregulloni dietën për të mirëpritur diellin e ngrohtë.

Këtu janë shtatë ushqime që është mirë t’i shmangni gjatë periudhës së ardhjes së Pranverës:

1. Domatet
   Domatet mund të shkaktojnë reagime alergjike, duke përfshirë një fyt që shpon dhe terr, tharje të gojës dhe kruarje, sy që iu kruhen ose përloten.

Kjo, për shkak se domatet, në mesin e frutave dhe perimeve të tjera, mund të shkaktojnë reagime ndaj barit të polenit në varësi të ndjeshmërisë së individëve.

1. Bananet
   Ajo që është përmendur shpesh si “ushqim i përsosur” mund të mos jetë aq e përsosur në qoftë se keni alergji. Disa fruta mund të ndikojnë negativisht duke bërë që njerëzit të jenë të ndjeshëm ndaj farësë së polenit. Bananet janë në listën e atyre që mund të shkaktojnë Sindromin e Alergjisë Orale. Nëse jeni alergjik ndaj saj, simptomat bëhen të dukshme brenda gjysmë ore pas konsumimit të saj.

2. Kosi
   Mukusi i tepërt është shpesh një problem që shfaqet me alergjitë sezonale dhe ushqime me bazë qumështin, si kosi, mund ta përkeqësojnë më tej problemin.

Sipas Livestrong.com, kosi mund të bëjë që mukusi në sistemin tuaj të ntrashet, duke penguar lëvizjen dhe largimin e tij nga trupi juaj. Kur mukusi, i cili është paracaktuar për të pastruar trupin nga substancat e huaja, e ka ngadalësuar lëvizjen e tij, ai nuk  i largon alergjenët shpejt ose në mënyrë efektive nga trupi juaj.

1. Kërpudhat
   Ju mund të lexoni fjalën “antihistamine” në çdo kuti të ilaçeve për alergjitë dhe të pyesni veten se për çfarë dreqin bëhet fjalë! Histaminat prodhohen nga trupi juaj dhe janë gjithashtu të pranishme në ushqime dhe mund të shkaktojnë reagime të caktuara alergjike, veçanërisht në qoftë se keni ndjeshmëri ndaj mykut.

Kërpudhat, (të cilat vetë janë një lloj myku) mund të rrisin nivelin e histaminës, duke çuar probleme me frymëmarrjen dhe në përgjithësi. Mbase është më mirë që herën tjetër kur të porosisni pizza, ta porosisni pa kërpudha!

1. Birra ose vera
   Vera dhe birra po ashtu mund të përkeqësojnë simptomat tuaja alergjike. Nëse vuani nga alergjia sezonale, sipas New York Times, konsumi i alkoolit mund t’iu bëjë të ndiheni edhe më keq.

Birra dhe vera përmbajnë histaminë, të cilat janë të pranishme për shkak të procesit të fermentimit gjatë prodhimit të pijeve alkoolike. Vera dhe birra në mënyrë të veçantë përmbajnë sulfite, të cilat gjithashtu kanë lidhje me reaksionet alergjike dhe astmën.

1. Ushqimet pikante
   EverydayHealth.com sugjeron që të qëndroni larg ushqimeve me erëza dhe pikante kur është sezoni i lulëzimit të polenit. Ushqimet pikante nxisin një “derdhje të histamines”.

2. Ushqimet e papërpunuara

Ushqimet e papërpunuara shkaktojnë më tepër alergji sesa ushqimet e gatuara, për shkak të pesticideve dhe papastërtive të tjera ushqimore.

Në Shqipëri, 9000 njerëz vdesin çdo vit për shkak të sëmundjeve të zemrës.

Ataku në zemër është një nga sëmundjet më të përhapura të zemrës në vendin tonë. Sëmundjet kardiovaskulare janë shkaktare të shumë vdekjeve në botë. Sëmundjet kardiovaskulare përfshijnë edhe difektet e zemrës, aritminë dhe sëmundjen e arterieve koronare.

Shëndeti i zemrës përmirësohet nëse ushqeheni mirë, konsumoni suplementë si Omega 3 ose hekuri si dhe kryeni aktiviete fizike. Megjithatë, ju duhet t’i vini veshin trupit tuaj që është në gjendje të japë paralajmërimet e një ataku në zemër.

Një atak në zemër ndodh kur gjaku i pasur me oksigjen që rrjedh në vena krejt papritur has një pengesë dhe nuk mund të arrijë në muskulin e zemrës. Si pasojë, kjo pjesë e zemrës nis e vdes për shkak të mungesës së oksigjenit. E gjithë zemra mund të shuhet nëse nuk ushqehet me gjak.

Nëse kundërveprimi është i ngadaltë, atëherë zemra resht së rrahuri dhe njeriu vdes. Lodhja e tepërt është një prej shenjave të para të një ataku në zemër. Është mëse normale të ndiheni të lodhur pas një dite stresuese, por nëse lodhja është kronike atëherë duhet të shqetësoheni dhe të kryeni analizat.

Nuk është natyrale të ndiheni të lodhur pasi keni fjetur mirë, ngrënë mirë dhe nuk keni bërë asgjë gjithë ditën. Çrregullimet e gjumit janë një tjetër tregues paralajmërues i atakut në zemër.

Në këtë mënyrë, subkoshienca po ju tregon se ka diçka që nuk shkon. Çrregullimet e gjumit mund të jenë pasojat e nevojës për të urinuar më shpesh, etjes së madhe dhe nevojës për ujë. Konsultohuni me një mjek dhe sigurohuni që gjithçka është në rregull.

Një tjetër shenjë paralajmëruese është mungesa e frymëmarrjes. Nëse zemra nuk furnizohet mjaftueshëm me oksigjen, atëherë do ju duket sikur ju mungon ajri. Tretja e keqe është një tjetër shenjë paralajmëruese e atakut në zemër.

Nëse stomaku është gjithnjë i trazuar, atëherë diçka nuk shkon. Kini parasysh që tretja problematike mund të shkaktohet edhe nga ushqimet pikante. Nëse ndjeni dobësi në pjesën e krahëve, dhe ankth në rritje, atëherë edhe kjo mund të jetë tregues i një ataku në zemër për shkak të mungesës së oksigjenit.

Kur kjo ndodh zemra i dërgon një sinjal shpinës. Të gjithë nervat shpërndahen në krahë dhe shkaktojnë ndjesinë e dhimbjes. Nëse ndieni mpirje tek duart, atëherë një atak në zemër mund të ndodhë nga momenti në moment.

Nëse kuptoni që keni këto simptoma, vizitohuni tek një mjek menjëherë.

Duket se shumë mjek në Amerikë janë të të njëjtit mëndim, se marijuana qetëson dhimbjet e kancerit. Një studim i bërë kohët e fundit në SHBA zbulon se shumë mjek kanë rekomanduar përdorimin e marijuanës , si medikament mjekësor tek pacientët e sëmurë me kancer, edhe pse ata nuk e dinë se kjo bimë mund të bëjë pjesë në klasën e barnave mjekësor.

Në të paktën 29 shtete në Amerikë, mjekët u rekomandojnë pacientëve të prekur nga kanceri, marijuanën, si lehtësues të dhimbjeve të kancerit.Duke qenë se ende nuk ka studime rigoroze mbi përdorimin e marijuanës tek pacientët, kjo ka çuar mjekët që shpesh të rekomandojnë edhe barna të ngjashëm me marijuanën.Dr. Ilana Braun nga Instituti i Kancerit Dana-Farber në Boston thotë se është e nevojshme për më shumë studime rreth kësaj çështje pasi pacientët duan të dinë se çfarë mendojnë mjekët e tyre rreth përdorimit të marihuanës.

Nga një studim i kryer pak kohë më parë , thuhet se tetë në 10 mjekë kanë sugjeruar marihuanën pacientëve të sëmurë më kancer. Ndër ata që kanë rekomanduar thanë se nuk kishin njohuri të mjaftueshme për ta bërë këtë. Marihuana konsiderohet një drogë e paligjshme nga zyrtarët federalë dhe kufizimet federale kanë kërkime të kufizuara. Vitin e kaluar, Akademitë Kombëtare të Shkencave, Inxhinierisë dhe Mjekësisë thanë se mungesa e informacionit shkencor mbi marihuanën përbën një rrezik për shëndetin publik.

Zakonisht thuhet që shumë ilaçe duhet të merren dhe me ushqime, për të mbrojtur stomakun tuaj. Por a e dini se disa ushqime dhe pije duhen shmangur me çdo kusht?

Kjo ndodh pasi ato mund të ndryshojnë mënyrën se si përthith disa ilaçe trupi juaj, në disa raste i bëjnë joefektive.

Disa ilaçe janë krijuar të përthithen ngadalë, dhe disa ushqime e përshpejtojnë këtë proces. Ose dhe e kundërta, disa ushqime japin mundësinë që të përthithen më shumë se çfarë duhet nga ilaçet, që mund të kenë efekte anësore të rrezikshme.

Kur merr ilaçe është gjithmonë më mirë të konsultoheni me doktorin për atë se çfarë mund të bëni dhe çfarë jo. Këto janë disa nga ushqimet që nuk duhet të konsumoni:

1-Djathë dhe mish me antibiotik- Nëse jeni duke marrë monoamine oxidase për depresionin duhet të shmangni përdorimin e djathit dhe mishit, po kështu edhe linezoidi, antibiotik që kuron pneumoninë.

2-Qumësht, antibiotik dhe ibuprofen- Kalciumi i qumështit mund të ndikojë në disa antibiotikë si tetraciklina që kuron aknet, malarien apo kolerën. Duhet të jeni të kujdesshëm dhe nëse ilaçet përmbajnë ciprofloxacin dhe doxycycline, që përdoren për të trajtuar infeksionet bakteriale.

3-Alkool dhe antihistamina- Reagimet ndërmjet alkoolit dhe këtyre medikamenteve, mund të jetë toksik, por mund të ndryshojë efektin e ilaçit dhe të rrisë efektet anësore.

4-Pije të gazuara dhe ibuprofen- Pijet e gazuara janë me dioksid karboni, dhe dëmtojnë mjaft me ilaçe që janë me veshje, siç është ibuprofeni. Acidet dëmtojnë veshjet e disa ilaçeve, që do të thotë që shpërbëhen para se të arrijnë objektivin

Ka nga ata që preferojnë ekspres, të tjerë amerikanë dhe ata në një nga variantet e shumta që janë në qarkullim në çdo cep të botës, por sigurisht që nuk ka asnjë të rritur i cili asnjëherë nuk ka provuar të pijë kafe.

Për shumë veta është një ritual, për shumë zakon, sidomos në mëngjes, sepse pothuajse për këdo është mbi të gjitha një kënaqësi, shkruan ShkodraNews. Por mendimet rreth kundërindikacioneve të kafesë e bëjnëë “të hidhur” për ata që nuk duan të heqin dorë nga shëndeti i mirë. Tani, megjithatë, vjen një lajm i mirë për të gjithë adhuruesit e kafesë: është e mirë për trurin, lëkurën dhe trupin.

Këtu janë 5 arsye të mira (dhe të shëndetshme) për ta pirë kafen:

1) Është e pasur me antioksidantë: sipas një studimi të kryer në vitin 2005 nga Universiteti i Scranton, në SHBA, kafja lufton plakjen.

2) Aroma e kafesë ka aftësinë për të bërë njerëzit të ndjehen më pak të strresuar: Një kërkim i Universitetit Kombëtar në Seul ka shkuar edhe më tej, duke shqyrtuar trurin e minjve nën stres për shkak të mungesës së gjumit, e sipas tyre aroma e kafesë mund të shkaktojë ndryshime në proteinat që shkaktuan këtë stres.

3) Kafja mund të zvogëlojë simptomat e sëmundjes së Parkinsonit: për të mbështetur atë ishte një studim i Dr. Ronald Postuma, i cili në vitin 2012 tregoi se si pija ndihmon për të kontrolluar lëvizjet e atyre që vuajnë nga kjo sëmundje

4) Kafja është e mirë për mëlçinë, veçanërisht nëse pini alkool: në këtë rast provimi vjen nga një studim që ka ekzaminuar 125 mijë njerëz, duke ardhur në përfundimin se ata që pijnë të paktën një filxhan kafe në ditë kanë 20% të mundësisë të prekjes nga cirroza e mëlçisë, e cila është patologjia tipike e atyre që konsumojnë alkool të tepërt.

5) Pirja e kafe zvogëlon prirjen për të bërë vetëvrasje: këtë herë Shkolla e Shëndetit Publik në Harvard, sipas të cilit pirja e 2 deri 4 filxhanë kafeje në ditë ul me 50% rrezikun për vetëvrasje

Hipokrati e përdori për herë të parë fjalën talasoterapi për të përshkruar efektet kuruese të ujit të detit.

Që në kohët e lashta ai analizoi përfitimet shëndetësore prej elementëve minerale të ujit të detit.

Talasoterapi do të thotë Kura Me Ujin e Detit

Ndër përparësitë e shumta për shëndetin, zhytja në ujin e detit përmirëson funksionimin e sistemit imunitar, nxit mirëqenien e përgjithshme të organizmit dhe rregullon lëkurën.

Një zhytje në det mund të përmirësojë gjendjen e organizmit dhe shëndetin tuaj. Lexoni hollësitë që sjell AgroWeb.org për ujin e detit dhe përfitoni nga kjo verë që po vjen.
Uji i Detit – Mrekulli Për Sistemin imunitar
Uji i detit përmban elemente jetike, vitamina, minerale, aminoacide dhe mikroorganizma të gjalla që prodhojnë veprim antibiotik dhe antibakterial që kontribuojnë në funksionimin e duhur të sistemit imunitar.

Sipas studimeve të konsultuara nga AgroWeb.org, përbërësit e ujit të detit përthithen dhe përdoren lehtë nga trupat tanë ndërsa ne notojmë.

Ekspertët pohojnë se noti në det hap poret në lëkurë duke lejuar thithjen e mineraleve detare. Gjithashtu noti eliminon helmet e trupit që shkaktojnë sëmundje të ndryshme.

Uji i detit përdoret nga shumë njerëz për të përmirësuar shëndetin dhe mirëqenien e përgjithshme.

Kjo pasi ai aktivizon mekanizmat e shërimit të trupit për të luftuar sëmundje të tilla si azma, artriti, bronkiti, si dhe dhimbjet e kyçeve.
Uji i Detit Ndihmon Fort Qarkullimin e Mirë të Gjakut
Noti në ujin e detit lehtëson shumë qarkullimin e gjakut në trupin tuaj. Qëllimi kryesor i terapisë së ujit të detit është rritja e qarkullimit të gjakut.

Larja në det raporton AgroWeb.org përmirëson qarkullimin e gjakut. Ajo stabilizon mineralet bazë të cilat dobësohen nga stresi, ushqimi i dobët dhe ndotja e mjedisit.
Uji i Detit – Bekim Për Gjendjen e Mirë të Trurit
Studimet shkencore të konsultuara nga AgroWeb.org tregojnë se tingujt e valëve të detit ndikojnë tek truri i njeriut duke sjellë në një gjendje relaksimi të thellë.

Ky qetësim sjell rigjallërimin e mendjes dhe trupit. Një nga kripërat minerale bazike të ujit të detit është edhe magnezi. Minerali i magnezit eleminon irritimin nervor dhe rrit ndjenjën e qetësisë.
Ajri i Detit Sjell Gjumë Më të Shëndetshëm
A keni menduar ndonjëherë se pse flemë më qetë pasi notojmë në det? Ajri i detit është “i ngarkuar” me jone negativë të shëndoshë që përshpejtojnë kapacitetin përthithës të oksigjenit nga organizmi.

Kjo është arsyeja pse në fund të ditëve në det, ju keni më shumë energji ndërsa në të njëjtën kohë jeni më të relaksuar.
Përfitimet Unike Për Organizmin
Ngrohtësia e diellit pranë detit ndikon në sistemin tonë endokrin. Ekspozimi i kujdesshëm ndaj diellit është i dobishëm kundër disa problemeve të lëkurës të tilla si psoriaza, ndërsa rrezet ultravjollcë përmirësojnë lëkurën e thatë./AgroWeb.org