Shendetesi

Trëndafilat dhe aroma e tyre janë adhuruar prej shekujsh.

Me petalet e tyre mund të përgatisni shumë kura bukurie, gatimi dhe mjekësore.

Trëndafilat mund të mos jenë të ngrënshëm por ato ofrojnë një sërë vlerash shëndetsore.

Petalet e tyre kanë aftësi qetësuese, luftojnë inflamacionin, përmirësojnë humorin, i bëjnë mirë sistemit nervor, rivendosin ekuilibrat emocionalë e të tjerë.

Në këtë artikull të AgroWeb.org do të mësoni se si të përgatisni një shurup bimor të ëmbël dhe pak të thartë.

Ky shurup është i shkëlqyer për shumë probleme të rrugëve të frymëmarrjes dhe acarimit të fytit.

Kura Terapeutike E Petaleve Të Trëndafilit

Në këtë kurë mund të përdorni petale të thara ose të freskëta.

Për përgatitjen e kurës ju nevojiten:

Trëndafila të freskët ose të tharë

Mjaltë

Uthull molle
Përgatitja
AgroWeb.org ju udhëzon të mbushni më shumë se çerekun e kavanozit me petale trëndafili.

Më pas hidhni mjaltin mbi to deri sa zbuten dhe të shkrihen me mjaltin.

Sasia e mjaltit të përdorur është e gjitha në varësi të ëmbëlsisë së dëshiruar të kurës.

Nëse kurën e dëshironi të ëmbël, atëherë mbusheni gjysmën e kavanozit me mjaltë.

Më pas hidhni uthullën e mollës deri sa të mbushet i gjithë kavanozi.

Përzieni butësisht deri sa të largoni flluskat e ajrit dhe shtoni sërish uthull deri sa të gjithë përbërësit të zenë vend.

Mbulojeni kavanozin me një mbështjellëse plastike dhe më pas vendosni kapakun.

Futeni kavanozin në një vend të freskët për dy deri në katër javë.

Gjatë kësaj periudhe tundeni atë herë pas here.

Më pas kullojeni dhe futeni në frigorifer ku mund të qëndrojë për një vit.
Përdorimet E Kurës Së Trëndafilit
Këtë kurë mund ta përdorni gjatë stinës së virozave, gripit dhe të ftohurës.

Sa herë që keni kollë, bllokim të frymëmarrjes ose acarim të fytit, mund të hani nga një lugë.

Nëse jeni shtatzënë, lehonë ose merrni medikamente të caktuara, konsultohuni me mjekun përpara përdorimit./AgroWeb.org

Që nga viti 1915, ky lajm është i njohur por praktikisht askush nuk e përhap atë.

Kloridi i magnezit kujdeset për gjithçka dhe ka një çmim qesharak të ulët. Vlerat e tij u zbuluan në vitin 1915 nga prof. Pierre Delbet, por kompanitë farmaceutike kanë kërkuar për të censuruar këtë informacion, pasi vlerat e dobishme të kloridit të magnezit janë kaq shumë që do të kufizojë shitjen e një sasie të madhe të ilaçeve.

Delbet, duke përdorur për herë të parë një sasi klorur magneziumi për të larë plagët, ai e kuptoi se jo vetëm që ata u shëruan shpejt, por lëkura nuk ishte subjekt i çdo lloj dëmi.

Kjo substancë mund të ketë një ndikuar në një numër të sëmundjeve: distrofi, skleroza, polio, kanceri, astma, bronkiti kronik, pneumonia, emfizemë, kolla e mirë, të ngjirurit, çrregullime të zorrëve, sëmundjet qafës së mitrës, tension i muskujve, artrit, dhimbje në muskujve, osteoporozën, depresioni, ankthi, frika, dhimbje koke, ethe, herpes, urtikarie, tetanozi, tërbimi, shytat, rubeola, fruthi dhe shumë sëmundje të tjera të fëmijërisë.

Në hulumtimet e tij të shumta, prof. Pierre Delbet zbuloi se klorur magnezi edhe në formën e vajit për aplikacionet e jashtme, dhe për habinë e tij, sillte shërime.

Edhe për kujdesin e lëkurës ai sjell benefite kundër ekzemës, psoriasisit, lythave, por edhe me hemorroidet.

A e dinit kete?

Ne përdorim bimë dhe erëza të ndryshme për të shijuar ushqimet, pa menduar se këta përbërës kuzhine mund të përdoren edhe për qëllime të tjera.

Një rast i tillë është përshembull përdorimi i gjetheve të dafinës. Jemi të sigurt se shumë prej jush nuk e dinë se aroma e veçantë dhe e dallueshme e gjetheve të dafinës ka një efekt tepër qetësues në trupin e njeriut. Gjethet e dafinës kanë qenë prej shekujsh pjesë e mjekësisë natyrore.

E vetitë e tyre të jashtëzakonshme mjekësore, si vetitë e forta anti-inflamatore dhe qetësuese janë të njohura dhe të përdorura gjerësisht edhe nga grekët e lashtë. Përveç kësaj, besohej se gjethet e dafinës mund të mbështesnin edhe trajtimin e epilepsisë.

Sot, shumë praktikues të mjekësisë natyrore i pranojnë përfitimet e mahnitshme shëndetësore të gjetheve të dafinës, të cilat përfshijnë uljen e hipertensionit, mbrojtjen nga pagjumësia dhe stresi, si dhe kontrollin e niveleve të kolesterolit në gjak.

Për të marrë përfitimet shëndetësore të gjetheve të dafinës mund t’i shtoni ato në ushqim ndërsa gatuani, ose mund t’i ndizni lehtë dhe me kujdes në një tas rezistent ndaj nxehtësisë dhe të lini aromën të përhapet ngadalë nëpër shtëpi.

Djegia e gjetheve të dafinës është shumë e dobishme për të relaksuar muskujt, për të qetësuar mendjen dhe për të përmirësuar gjendjen shpirtërore.

Gjethet e dafinës janë gjithashtu një nga ilaçet më të fuqishëm kundër furrtares së zezë! Nëse insektet kanë pushtuar kuzhinën ose oborrin tuaj, përdorni gjethe dafine për t’i sprapsur.

Vështirë se mund të gjeni një zgjidhje më të mirë se gjethet e dafinës, për shkak se janë krejtësisht të sigurta për t’u përdorur edhe kur keni vërdallë fëmijë të vegjël ose kafshë shtëpiake.Aroma e tyre e fuqishme funksionon mrekulli kur bëhet fjalë për të larguar furrtaret e zeza apo insekte të ngjashme.

Fiku i detit është një bimë frutore tradicionale me emrin botanik Opuntiaficus-indica që i përket familjes së kaktusit. Fiku i detit që të huajt e njohin si “dardha me gjemba” është edhe frut edhe perime. Gjethet e gjelbra e të mëdha që përdoren në gatime për shkak të përmbajtjes së ulët të kalorive konsiderohen si perime. Ndërkohë që kokrrat që çel bima konsiderohen frut. I gjithë fiku është i pasur me shumë vlera ushqimore. Në Shqipëri, fiku i detit është rritur kryesisht në gjendje të egër, por gjithashtu kultivohet sidomos në zonat plot diell dhe ngohtësi të vendit. Periudha e fund gushtit dhe shtatorit nxjerr në treg sasi jo të vogla të këtij fruti, që tregtohet me çmimin 100-150 Lekë për kilogram për produktin e vendit, ndërkohë gjenden edhe fiq deti të importuar sidomos prodhim nga Afrika Veriore që tregtohen me çmim shumë më të lartë që kap edhe 600 Lekë për kilogram. AgroWeb ju fton të mos ngurroni të zgjidhni produktin shqiptar pasi është krejt cilësor. Përfito nga vetitë e këtij fruti Lufton inflamacionin Fruti është në gjëndje të luftojë inflamacionin në muskuj, arterie, traktin gastrointestinal dhe sistemin kardiovaskular. Për më tepër, pjesa frutore e bimës është në gjendje të shërojë dhimbjet tek njerëzit që vuajnë nga infeksionet në fshikëzën e urinës dhe gurët në tëmth. Fruti përmban flavonoidë që luftojnë radikalet e lira dhe neutralizojnë molekulat që shkaktojnë dëme tek qelizat. Shumë studime të ndryshme kanë nxjerrë në pah vetitë anti-inflamatore të këtij druri frutor dhe kokrrave të tij, sidomos kundër ulçerës. Fuqizon sistemin imunitar Substancat e shumta të këtij druri frutor ndihmojnë në forcimin e sistemit imunitar. Studime tek kafshët kanë treguar që shumë prej këtyre substancave ngadalësojnë ritmet e rritjes së tumorëve. Antioksidantët Fiku i egër është i pasur me antioksidantë të njohur si betalina të cilët ngadalësojnë plakjen e parakohshme, forcojnë qelizat e shëndetshme dhe ndihmojnë me detoksifikimin e organizmit.

Lufton kolesterolin Sasia e lartë e fibrës së tretshme lufton kolesterolin e keq dhe parandalon rritjen e tij në nivele të dëmshme. Fiku i detit përmban pektinë, dhe shumë element të tjerë që janë aktivë në uljen e kolesterolit të keq dhe ruajnë yndyrnat e shëndetshme ose kolesterolin e mirë. Lufton diabetin “Fiqtë me gjemba” janë të dobishme për njerëzit që vuajnë nga sëmundja e diabetit që nuk varet nga insulin. Studimet kanë nxjerrë në pah që substancat dhe ushqyesit e fikut të detit ulin dhe ekuilibrojnë tensionin e gjakut, por edhe sheqerin në gjak duke frenuar mëlçinë të çlirojë glukozë në gjak. Fiku i detit përmban pektinë fibroze që zbut simptomat e diabetit dhe nevojën për insulinë. Fibra e patretshme gjithashtu ul nevojën për të ngrënë gjithë kohës duke qenë se ju jep ndjesinë e ngopjes. Përmirëson tretjen Fibra tek fiku i detit përmirëson funksionet e aparatit tretës siç janë përthithja e lëngjeve të tepërta dhe përshpejtimi i lëvizjes së zorrëve. Kjo fibër minimizon dhe ngadalëson qelizat kancerogjene në zorrën e trashë të cilat kanë fuqinë të rriten dhe zhvillohen shpejt. Ushqyesit Fiku i detit është i pasur me minerale dhe vitamina siç janë vitamina A, C, K, B6, riboflavina dhe kalciumi. Ushqim me pak kalori Fiku i detit ka një përmbajtje të lartë të amino acideve, mineraleve dhe vitaminave. Ai konsiderohet një ushqim me pak kalori e rrjedhimisht plot vlera për ata që duan të bien në peshë. Kokrrat e bimës me gjemba përmbajnë 17 amino acide, 8 prej të cilave janë thelbësore. Ato japin shumë energji dhe nuk shkaktojnë shumë lodhje. 100 gramë gjethe të freskëta të bimës së fikut të detit kanë vetëm 16 kalori. Ndihmon prostatën Përbërësit e fikut të detit kanë vlera në trajtimin e një sëmundje të njohur si benign prostatic hyperplasia (BPH). Ekstraktet e fikut të detit bllokojnë enzimat që janë përgjegjëse për uljen e niveleve të testosteronit. Mbrojnë neuronet Kërcenjtë, gjethet dhe frutat e fikut të detit përmbajnë një sërë substancash dhe antioksidantësh që janë të fuqishme për mbrojtjen e nervave. Rrjedhimisht ato mbrojnë qelizat e trurit nga dëmet e ndryshme./AgroWeb.org

Kërkime të reja shkencore duken premtuese për të dalluar disa lloje kanceri me analiza gjaku, në faza shumë të hershme.

Testi, i njohur si biopsi e lëngshme, kontrollon ADN-n për qeliza kancerogjene dhe shërben për të dalluar 10 lloje të ndryshme kanceri me saktësi të lartë.

Dr.Eric Klein, nga Instituti “Taussing” për Kancerin, në Klinikën e Klivlendit, SHBA, ka drejtuar kërkimin shkencor që u paraqit te konferenca e përvitshme e Shoqërisë Amerikane të Klinikave Onkologjike në Çikago, mbledhja më e madhe e onkologëve nga e gjithë bota.

Shumica e llojeve të kancerit zbulohen në faza të përparuara, kur kurimi është më i ndërlikuar dhe përqindja e atyre që shërohen është më e vogël, thotë broshura e konferencës.

Analiza e ADN-s së gjakut nuk është ende gati të përdoret gjerësisht, por ky test do të mundësonte dallimin e shumë llojeve të kancerit që në faza të hershme, që para se të nisin simptomat, kur trajtimi ka më shumë gjasa të ketë sukses. Këto lloje testesh mund të vihen në zbatim në mënyrë universale.

“Ta dallosh kancerin herët, që para se të shpërndahet, është një nga mënyrat më të fuqishme për të siguruar trajtimin e duhur për më shumë njerëz, duke u dhënë më shumë gjasa që ta mundin sëmundjen”, thotë Fiona Osgun e Kërkimeve Britanike për Kancerin, e cila nuk ka qenë pjesë e studimit.

Kërkimi u bë me 1627 pjesëmarrës, 749 prej të cilëve ishin pa kancer, 878 kishin lloje të ndryshme kanceri të sapodiktuar, të patrajtuar.

Analiza e gjakut përbëhej nga tre teste që tregonin kancerin e pankreasit, vezoreve, mushkërive, ezofagut, etj.

Kanceri i vezoreve u diagnostikua me 90% saktës, i ndjekur nga hepatobiliari, një kancer shumë vdekjeprurës që sulmon mëlçinë dhe tëmthin, si dhe kancerin e pankreasit, me 80% saktësi.

Testi është premtues sidomos për ndjeshmërinë e lartë që ka ndaj kancerit të pankreasit. Kanceri i pankreasit diagnostikohet zakonisht kur ka përparuar shumë, thotë dr.Chris Abbosh, kërkues në Instutin e Kancerit në Universitetin e Londrës.

Megjithatë, është e rëndësishme të vihet në dukje se numri i njerëzve në të cilët u diktua ky lloj kanceri, është i vogël.

Për kancerin e vezoreve dhe të pankreasit u dalluan vetëm 10 raste. Ndërsa me kancerin hepatobiliar u gjetën vetëm pesë.

Llojet e kancerit që hasen në kokë, qafë dhe mushkëri u diktuan me më pak saktësi, 56% dhe 59% respektivisht.

Por rezultatet janë premtuese. Aftësia për ta diktuar kancerin në faza të hershme, në mënyrë që t’u ofrohet pacientëve trajtim i saktë për sëmundjet, është diçka që pritet të shpëtojë shumë jetë, sipas dr.Nickolas Papadopoulos, profesor onkologjie dhe patologjie në John Hopkins Medicine, si dhe autor i një studimi për analizat e gjakut që bëhen për identifikim të hershëm të kancerit.

Për shumë prej kacereve të zakonshme, mundësia e mbijetesës trefishohet kur diagnostikohet në fazë të hershme, sipas Institutit të Kërkimeve për Kancerin në Britani.

Mbetet ende shumë punë për t’u bërë para se të përdoret gjerësisht.

“Nevojiten ende shumë kërkime para se të arrihet ky qëllim. Ky test gjaku ishte më i mirë se të tjerët për të dalluar disa lloje kanceri, ndaj na duhen prova të mëtejshme për saktësinë, si dhe për të përcaktuar nëse do të shpëtojë vërtet jetë”, tha Osgun.

Gerhardt Attard, nga fondacioni bamirës John Black, drejtues te Instituti i Kërkimeve për Kancer në Universitetin e Londrës, beson se shumë shpejt kjo mund të bëhet një metodë e zakonshme për të diktuar kancerin.

“Kjo po ecën shumë shpejt. Mendoj se në 5 deri 10 vitet e ardhshme, nëse vazhdon të funksionojë kështu, mund ta shohim në përdorim të përditshëm”, tha Attard.

Por Abbosh ka disa paralajmërime për kërkimin.

“Që t’i përmbahet premtimit për të bërë analiza për kancer, ky test duhet të ketë aftësinë të identifikojë pacientët që do të kenë simptoma ose shenja kanceri. Do të jetë e rëndësishme të përcaktohet se sa i dobishëm është ky test për të identifikuar faza të hershme të kancerit. Në fazën e parë të sëmundjes, ndërhyrjet kirurgjike kanë më shumë gjasa ta heqin të gjithë kancerin nga pacienti e të japin shërim të plotë. Por këto të dhëna nuk janë ende të prekshme”, tha Abbosh, përcjell TCh.

Dr. H. Gilber Welch, profesor mjekësie në Institutin Dartmouth për Politika Shëndeti dhe Praktika Klinike, tha në një lajm të mëparshëm të CNN se analiza e këtyre testeve është tepër e ndërlikuar.

“Biopsia e lëngshme ka shumë faza, shumë hapa, dhe shumë mundësi që gjërat të shkojnë keq”, tha ai.

Gjatë sezonit veror është shumë e rëndësishme shmangia e disa ushqimeve, që jo vetëm ndikojnë keq në organizmin tonë, por edhe mund të bëhen shkaktarë për infeksione.

Nuk duhet të konsumoni ushqimet pikante dhe gjithashtu ushqimet që nuk janë vegjetariane. Ushqimet pikante rrisin temperaturën e trupit duke qenë se rritet norma e metabolizmit.

Gjithashtu vera nuk është koha më e mirë për të konsumuar mish, peshk apo të gjitha llojet e ushqimeve të detit. Nëse konsumoni shumë mish do të djersisni më shumë dhe do të keni probleme me tretjen.

Është shumë e rëndësishme të shmangni ushqimet e gatshme apo të ‘fast-food’-eve që janë të pasura me yndyrna dhe vaj. Gjithashtu nuk duhet të konsumoni salcat, sepse përmbajnë sasi të lartë të një lënde që ndikon në shtimin në peshë.

Ushqimet mund t’i konsumoni në gjendjen e tyre natyrale dhe nuk keni pse t’u shtoni salcë. Duhet të tregoni një kujdes shumë të madh edhe ndaj ushqimeve të mbetura nga vaktet e kaluara.

Sapo mbarohet ushqimi, pjesën që ngelet duhet ta ruani në ambient të ftohtë ose të ngrohtë, në varësi të llojit. Ushqimi i lënë jashtë mund të kthehet në një problem, sepse hyn në një zonë problematike të temperaturës.

Nëse ushqimi lihet jashtë për më shumë se katër orë, duhet hedhur menjëherë në kosh të plehrave./a.a/ /a.g//ATSH

Vrapi është një nga aktivitetet më të preferuara dhe më të ushtruara fizike në botë. Ky aktivitet ka një ndikim domethënës në jetëgjatësinë e njeriut.
Njerëzit që vrapojnë janë 25-40 përqind më pak të rrezikuar nga vdekshmëria e hershme dhe jetojnë të paktën 3 vjet më shumë se njerëzit që nuk vrapojnë.

Një studim i publikuar në revistën Progress in Cardiovascular Diseases, të cilës i referohet AgroWeb.org, thekson se vrapi ose ecja e shpejtë “është një faktor kyç që garanton jetëgjatësinë.”

Lajmi më i mirë që vjen nga ky studim 15 vjeçar, është që përfitimet janë të njëjta, si në rastet e një vrapi të ngadaltë e të lehtë për pak minuta ashtu edhe në rastet e një vrapi të shpejtë dhe kohëgjatë.

Kjo do të thotë që njerëzit mundet të jenë modestë në këtë aktivitet fizik dhe sërish, të korrin shumë përfitime maksimale.

Ekspertët shpresojnë që ky studim do t’i motivojë njerëzit të kryejnë aktivitet fizik për shkak të përfitimeve që vijnë prej tij.

Studimi ka analizuar edhe aspekte të tjera të këtij aktiviteti fizik. Duke mbajtur në konsideratë faktorë të tjerë të stilit të jetesës, shkencëtarët sugjerojnë që vrapi të shton minimalisht 3 vite jetë.

Por përfitimet janë më të mëdha se kaq, sidomos në e nisni këtë aktivitet më vonë gjatë jetës.
Autorët e studimit saktësojnë se, çdo orë që shpenzoni duke vrapuar ju jep 7 orë shtesë jetë. Këto të dhëna vlejnë për sasi të vogla kohore të shpenzuara çdo ditë për vrap.

Gjatë vlerësimit të rolit të vrapit në shëndetin e njeriut, shkencëtarët morrën për bazë të ashtuquajturat “fraksione të popullsisë” dhe faktorët që shkaktojnë vdekje të parakohshme. Në studim u përfshinë 55,000 njerëz.

Shkencëtarët thanë se nëse duhanpirësit ndalonin së piri duhan menjëherë, atëherë me këtë veprim do të shmangej 11% e vdekjeve të parakohshme.

Nëse të gjithë njerëzit mbipeshë do të ulnin Indeksin e Masës Trupore, atëherë do të shmangnin 8% të vdekjeve të parakohshme.

Tensioni i lartë i gjakut ishte një tjetër kontribues në nivelin e vdekjeve të parakohshme, me 15%. Mungesa e vrapit apo aktivitetit fizik, ishte faktori më i lartë i rrezikut me 16 përqind.

A është vrapi forma më e mirë e ushtrimit fizik? Pikë së pari, vrapi është i volitshëm dhe më energjik në krahasim me format e tjera të stërvitjes. Nuk është habi që vrapuesit aktivë renditen të parët.

Përfitimi në jetëgjatësi i njerëzve që nuk vrapojnë, por që janë aktivë është 12%, ndërsa ai i njerëzve që vrapojnë, por jo në mënyrë aktive është 30%.

Ky krahasim nxjerr në pak faktin se vrapi është një tregues më i fortë i shëndetit se çdo formë tjetër e stërvitjes, edhe nëse ky aktivitet zgjat shumë pak.

Ekspertët nuk deklarojnë që vrapi është dyfish më i mirë se ushtrimet e tjera fizike, por theksojnë se vrapimi është një aktivitet shumë inkurajues për shëndetin.

Ndoshta ky artikull do të frymëzojë shumë lexues të AgroWeb.org që të marrin pjesë në maratona ose të vrapojnë në ajër të pastër.