Shendetesi

Një pije e ngrohtë dhe e shëndetshme që mund ta përgatisni në çdo moment. Por keni menduar ndonjëherë që përzgjedhja e çajit nuk duhet të kufizohet vetëm nga menuja e barit ku e porosisni apo lloji që keni në shtëpi ?

Në të vërtetë sipas mjekësisë tradicionale kineze, çaji duhet përgjedhur në varësi të grupit të gjakut të personave që e konsumojnë. Për më tepër lexoni më poshtë:

Grupi i gjakut A: Njerëzit të cilët kanë grupin e gjakut A janë të prirur të vuajnë nga aciditeti i stomakut. Çajrat që rekomandohen për ta janë të bazuara në xhenxhefil, xhensen, çaj jeshil dhe Mate, i cili është i njohur si një zëvendësim për kafen. Një zgjedhje ideale e çajit për ta është gjithashtu një përzierje e xhensengur dhe xhenxhefilit.

Grupi i gjakut 0: Personat që i përkasin grupit të gjakut 0 janë shumë emocionalë dhe analitikë. Janë të prirur për të vuajtur nga stresi dhe kanë vazhdimisht nivele të larta të kortizolit në organizëm. Çajrat më të mirë për ta janë: çaj jeshil, çaji i pastër me lule jasemini, një kombinim i jaseminit, vaniljes dhe kanellës, si dhe çaji i kamomilit.

Grupi i gjakut B: Njerëzit me grupin e gjakut B zakonisht kanë aktivitet metabolik të reduktuat, si rrjedhojë rrezikojnë të preken nga sëmundjet autoimune, shtimi në peshë, lodhja kronike dhe gjumi i parregullt. Ata kanë një sistem të qëndrueshëm, i cili ndihmon tretjen e ushqimit, por një mbrojtje të dobët kundër baktereve.

Ata duhet të pinë çaj me fruta pylli, çaj majdanozi, trumze dhe rozmarine.

Grupi i gjakut AB: Zgjedhja ideale e çajit për personat me grupin e gjakut AB është një përzierje e çajit jeshil dhe nenexhikut. Për meshkujt me grupin e gjakut AB është veçanërisht e rekomanduar përzierja e hithrës dhe mentes.

Shqiptarët janë konsumatorë të mëdhenj të kafesë, dhe këtë e tregojnë të dhënat e importit të këtij produkti të çmuar.

Ndërkohë të dhënat e Institutit të Statistikave tregojnë se një shqiptar tashmë konsumon mesatarisht 3.1 kg kafe në vit.

Kafeja zakonisht pihet në mëngjes. Ky është rregulli i përgjithshëm dhe i pashkruar.

Ka shumë konsumatorë që e pijnë kafenë me stomakun bosh, gjë që sipas ekspertëve të AgroWeb.org është një gabim i madh.

Të dhënat shkencore tregojnë se pirja e një filxhani kafeje me stomak bosh i shkakton organizmit një dëm të konsiderueshëm.

Kur stomaku është bosh, kafeja çliron acid hidroklorik që rrugëton në të gjithë sistemin tretës.

Ky acid është i papranueshëm dhe agresiv për stomakun.
Kafeja është e rëndë për stomakun dhe shkakton vështirësi në tretje.
Kur këto të fundit nuk treten dhe shpërbëhen siç duhet në sistemin tretës, i çelin rrugën shumë problemeve të tjera shëndetësore.

Këto probleme janë: irritimi i mukozës në stomak, fryrje, inflamacion të zorrëve madje edhe shtim i qelizave të dëmshme në aparatin tretës.

Për të gjitha këto arsye, ekspertët e AgroWeb.org ngulin këmbë që kafeja nuk duhet pirë me stomakun bosh.

Ata thonë se ngënia e mëngjesit është shumë e rëndësishme për njeriun dhe organet e trupit.

Për më tepër, ekspertët sqarojnë se kafeja në mëngjes me stomak bosh rrit nivelet e kortizolit me shpejtësi.

Më pas, organizmi ka nevojë për më shumë kohë që të kthehet në gjendjen normale.

Pirja e kafesë përpara mëngjesit rrit nivelet e aciditetit në stomak duke shkaktuar jo vetëm fryrje por shpesh edhe të vjella.

Ekspertët thonë se periudha më e mirë për të pirë kafenë është rreth një orë pas zgjimit.

Gjatë kësaj kohe, ju duhet të konsumoni ushqim të shëndetshëm dhe më pas t’i dorëzoheni kënaqësisë së kafesë.

Megjithatë, nëse ju keni nevojë të pini kafenë përpara se të hani mëngjes, sigurohuni së paku që të shtoni pak qumësht dhe ta shoqëroni me një biskotë, për të zbutur ndikimin e dëmshëm që kafeja ka në stomakun bosh./AgroWeb.org

Me ardhjen e verës rëndohet gjendja e njerëzve që kanë probleme të shëndetit mendor. Doktoreshë Valentina tregon arsyet që çojnë në keqësimin e gjendjes së pacientëve me rritjen e temperaturave.

“Për shkak të djersitjes së madhe, të humbjes së lëngjeve, ka një përqendrim më të madh të medikameteve në organizëm dhe i krijojnë lodhje e këputje. Tendenca e tyre është që të ndërpresin mjekimin ”, shprehet doktoresha.

Vizita e radhës është me një paciente që ka tentuar dy herë vetëvrasjen.

Zonja 50-vjeçare nga një fshat i Tiranës merr mjekim prej vitesh për çrregullim bipolar. “Mos ardhtë më ajo situatë. Kisha ndërprerë edhe mjekimin”, thotë pacientja.

Doktoresha e pyet nëse ka bërë analizat që i ka kërkuar. “Nuk i kam bërë se jam me Ramazan. Unë jam sëmurë gjithmonë dhe nuk i kam marrë”, thotë zonja.

Numri i vizitave në një ditë shkon edhe 30 për një mjek. “Streset në punë, streset në familje, pasiguria për të gjetur. Është shtuar numri i pacientëve adoleshentë për shkak të abuzimit me substancat”, tregon doktoresha.

Doktoresha evidenton faktin që shqiptarët bëhen doktorë të njëri-tjetrit. “Ne e kemi më te letë të shkojmë te hoxha se sa te psikiatri”, thotë doktoresha.

Problem tjetër është mjekimi nga farmacisti.

“Japin edhe medikamente pa kriter, të cilat populli i ka si karamele tani. Shprehja popullore është që duhet të bëhesh mjek i vetes, por jo deri te përdorimi i medikamenteve”, shprehet doktoreshe Valentina.

Sa herë bëhet fjalë për blerjen e vezëve, pyetja është gjithmonë e njëjtë: ku mund t’i gjejmë të freskëta?

Dhe gjithmonë është e vështirë, për shkak se ne nuk mund ta dimë në ç’kushte rriten pulat që bëjnë vezët, sa organik është ushqimi që u jepet atyre, a janë pjesë e kullotave apo e kafazeve të mbyllura etj.

Sa herë gjendeni në market dhe vendosni të blini një karton me vezë, e para gjë që duhet të bëni është të shikoni me kujdes etiketën. Zakonisht, etiketat janë konfuze, sepse flasin për vende të hapura ku rriten e ushqehen pulat, kullota dhe natyrisht, për vezë organike. Por sapo shkon në shtëpi dhe sheh ngjyrën e tyre, të gjitha shënimet e etiketës bëhen të pabesueshme.

Atëherë, cilat janë shenjat që na ndihmojnë të përcaktojmë cilësinë e mirë të vezëve?

Ferma të hapura

Zakonisht, vendet ku rriten pulat janë hapësira të mëdha që kanë të përfshira kullota. Kushtet e rritjes së pulave janë në nivele maksimale dhe ushqimi i tyre është organik. Qasja e pulave me natyrën siguron cilësi më të mirë për vezët. Në fermat me kullota të hapura pulat e kalojnë pjesën më të madhe të ditës duke u ushqyer jashtë në natyrë.

Vezë organike

Kjo do të thotë që vezët që blejmë në dyqan duhet të jenë nga ato vende që u përmendën më sipër dhe i gjithë ushqimi që hanë pulat është organik dhe jo OMGJ. Zakonisht, nëse pulat rriten dhe ushqehen në mjedise të jashtme, atëherë vezët certifikohen si organike, pra pa pesticide.

Rëndësia e ngjyrës së vezës

Ngjyrat e bardhë apo kafe (e lëvores) e vezëve është si ngjyra e flokëve. Gjenetikisht, pulat me pendë kafe kanë tendencë për të bërë vezë kafe dhe pulat me pendë të bardha kanë tendencë për të bërë vezë të bardha. Nutricionistët, në këtë rast thonë se vezët janë njëlloj, ndryshimi është që vijnë nga vende të ndryshme, por nëse kërkoni vezë të cilësisë së mirë dhe organike, në shumicën e rasteve ato janë kafe.

Çfarë tregon e bardha dhe e verdha?

Ngjyra e verdhë e vezës është një tregues themelor i cilësisë dhe i shijes. Sa më e fortë dhe e errët të jetë e verdha, ose portokalli, është tregues i një diete të ekuilibruar dhe një ushqimi organik me të cilin është ushqyer pula. Ngjyra e fortë e së verdhës vjen edhe nga bari, nga kullota, edhe pse në ditët tona ka edhe shumë stimulantë artificialë që e bëjnë mjaft mirë këtë. Megjithatë, edhe shija e vezëve të tilla është më e mirë.

Si ta dalloni vezën e freskët?

Një tjetër tregues i cilësisë së vezëve të freskëta është edhe trashësia e së verdhës dhe së bardhës. Vezët e freskëta dhe organike, ngjyrën e verdhë e kanë të errët dhe të fortë, ndërsa të bardhën e kanë të trashë. Në qoftë se veza bëhet menjëherë një ngjyrë sapo thyhet apo i ka të dy ngjyrat shumë të holla, atëherë është një tregues i një veze pa cilësi dhe të ndenjur.

Dhe aspak nuk na çudit që kjo bukë nuk përmban fare drithëra.

Steven Gundry, nga Nebraska, autor i librit “Paradoksi i bimëve” e ka quajtur “pothuajse bukë”, dhe nuk përmban sojë, tharmë as gluten. Dhe pikërisht duket pothuajse sikur bukë!

Nga çfarë përbëhet pra, pyesni ju? Nga të bardhët e vezëve, mielli i bademit, vaji i kokosit, mielli i kokosit, mielli i patates së ëmbël, mielli i lajthisë, gjalpi i bademit dhe nga disa imtësi. Sipas recetës së tij, një copë e kësaj buke ka 90 kalori.

Natyrisht, dr. Gundry i ka iniciuar edhe prodhimin, andaj tërë recetën nuk dëshiron ta zbulojë.

Mirëpo, duke pasur parasysh që edhe vetë ka thënë që inspirimi për bukën ka ardhur nga paleo-ushqimi, i cili është i pasur me receta për bukë nga përbërës të ngjashëm, edhe ju mund ta bëni ndonjë nga versionet tuaja të “pothuajse bukës” së shëndetshme.

Ne kemi zgjedhur tani për tani njërin ndër më të popullarizuarat në internet, ndërkaq ju mund të hulumtoni variacione në këtë temë.

Përbërësit e recetës:

2 filxhanë miell bademi,

1/3 gotës + 1 lugë kokrra liri të bluar,

1 lugë të vogël kokrrash të plota të lirit të zi,

½ lugë të vogla kripë,

1 lugë e vogël sodë buke,

½ filxhan qull misri,

6 lugë gjalpë,

4 vezë,

1 lugë e vogël uthull molle,

½ gote jogurt.

Përgatitja:

Në tepsi të madhe përzieni të gjithë përbërësit pluhur dhe lirin. Në tigan shkrini gjalpin dhe lëreni 5 minuta të ftohet.

Përzieni gjalpin e shkrirë me vezët, uthullën dhe jogurtin.

Me lugë gome butësisht përzieni përbërësit e njomë dhe të thatë derisa të bëhen si miell.

Kujdes të mos e teproni me përzierjen, sepse atëherë do të bëhet shumë e ngjeshur dhe e vajisur.

Futni në enë për pjekje të cilën e kenë mbështjellë me letër për pjekje. Sipas dëshirës qitni edhe pak kokrra liri.

Piqeni në 175 gradë rreth 25 minuta (kontrollojeni me rrëmojcë për të qenë të sigurt a është e pjekur).

Lëreni bukën të ftohet në furrë, pastaj priteni në feta të holla dhe shërbejeni.

Për të ruajtur freskinë e kësaj buke, mbështilleni në peshqir letre dhe futeni në ese me mbyllës hermetik.

Ka shumë dieta të ndryshme që janë për humbje të peshës, mirëpo shumë pak prej tyre janë efektive.

Kjo është arsyeja se përse dieta me limon është bërë e famshme, për shkak se është shumë e thjesht dhe efektiv.

Çfarë duhet të bëni është të filloni mëngjesin me ujë limoni në stomak të zbrazët. Dieta e limonit është e përsosur për heqjen e toksinave nga trupi, si dhe humbjen e peshës njëkohësisht.

Kjo dietë zgjatë 14 ditë, dhe gjatë kësaj periudhe organizmi do të pastrohet, si dhe do t’i humbni ca kile ekstra.

Programi:

Çdo ditë duhet ta pini lëngun e limonit të përzier me ujë, por në sasi të ndryshme.

Dita e parë:

Pini lëngun e një limoni të shtrydhur me një gotë ujë të freskët.

Dita e dytë:

Pini lëngun e dy limonëve të shtrydhur me dy gota ujë të freskët.

Dita e tretë:

Pini lëngun e tre limonëve të shtrydhur me tri gota ujë të freskët.

Dita e katërt:

Pini lëngun e katër limonëve të shtrydhur me katër gota ujë të freskët.

Dita e pestë:

Pini lëngun e pesë limonëve të shtrydhur me pesë gota ujë të freskët.

Dita e gjashtë:

Pini lëngun e gjashtë limonëve të shtrydhur me gjashtë gota ujë të freskët.

Dita e shtatë:

Pini lëngun e tre limonëve të shtrydhur me dhjetë gota ujë të freskët. Gjithashtu, në këtë ditë duhet të shtoni një lugë gjelle mjaltë dhe ta pini pijen gjatë tërë ditës.

Dita e tetë:

Pini lëngun e gjashtë limonëve të shtrydhur me gjashtë gota ujë të freskët.

Dita e nëntë:

Pini lëngun e pesë limonëve të shtrydhur me pesë gota ujë të freskët.

Dita e dhjetë:

Pini lëngun e katër limonëve të shtrydhur me katër gota ujë të freskët.

Dita e njëmbëdhjetë:

Pini lëngun e tre limonëve të shtrydhur me tri gota ujë të freskët.

Dita e dymbëdhjetë:

Pini lëngun e dy limonëve të shtrydhur me dy gota ujë të freskët.

Dita e trembëdhjetë:

Pini lëngun e një limoni të shtrydhur me një gotë ujë të freskët.

Dita e fundit, apo dita e katërmbëdhjetë:

Pini lëngun e tri limonëve të shtrydhur me dhjetë gota ujë të freskët, por gjithashtu në këtë ditë duhet ta shtoni edhe një lugë gjelle mjaltë.

Lëngu i përzier i limonit rekomandohet të pihet përnjëherë, pavarësisht se disa njerëz kanë vështirësi ta bëjnë këtë. Nëse nuk mund ta pini pijen përnjëherë në mëngjes, të paktën e pini herë pas here përgjatë mëngjesit, me rëndësi duhet ta pini të gjithën një orë para shujtës.

Përseriteni të njejtën dietë edhe për 2 javë tjera (14 ditët e vazhdueshme) në mënyrë që dieta të bëj efektin e saj për 28 ditë.

Një ngjarje e pazakontë ka ndodhur të premten e kësaj jave kur një grua shqiptare 58 vjeç ka sjellë në jetë fëmijën e saj të parë, një moment emocionues për të cilin ajo ka pritur gjithë jetën. Shqiptarja e quajtur Flora e ka lindur foshnjën në Leverkusen të Gjermanisë. Ajo ka sjellë në jetë një djalë të cilin e ka pagëzuar me emrin Florian.

Floriani ka lindur i shëndetshëm dhe peshon 3360 gramë. Flora ka pasur një shtatzëni normale, por lindja është bërë me prerje çezariane për të mos rrezikuar ndonjë komplikacion. “Floriani është kaq i bukur. Ai ka sytë dhe hundën time. Ai është një dhuratë, një mrekulli e vërtetë”, ka thënë babai foshnjës Sjdi, 72 vjeç.

“Kjo ishte një eksperiencë emocionuese për mua. Ne kemi raste të ndryshme, por një shtatzëni në moshën 58-vjeçare është shumë e veçantë”, është shprehur mjekja gjinekologe që ka asistuar në lindjen e Florës.