Shendetesi

Deri më tani, kemi dëgjuar dhe besuar në shprehjen popullore: “Një mollë në ditë dhe i thua mjekut ik.”

Të gjitha varietetet e mollëve përmbajnë vlera të jashtëzakonshme, por ato jeshilet janë të pasura me proteina, vitamina, minerale dhe mbi të gjitha,fibër.

Mollët jeshile rregullojnë problemet me tretjen, nivelet e glukozës në gjak dhe përmirësojnë oreksin.

Mollët jeshile mund të konsumohen që në fillim të ditës me stomak bosh dhe ju ofrojnë përfitimet e mëposhtme.
Antioksidantët
Mollët jeshile janë një nga burimet më të mira të flavonoidëve dhe vitaminës C.

Së bashku, këto përbërës funksionojnë si antioksidantë dhe shfarosin radikalet e lira që dëmtojnë qelizat.

Avantazhi i të ngrënit një mollë jeshile me stomak bosh është se organizmi pajiset me armë të forta për largimin e këtyre substancave të rrezikshme dhe shmangien e sëmundjeve kronike.
Rënie në peshë
Ngrënia e një molle jeshile me stomak bosh është e rëndësishme në përpjekjet tuaja për të rënë në peshë.

Mollët jeshile përmbajnë pak kalori dhe shumë fibër, duke shuar urinë menjëherë.

Me mollën jeshile, metabolizmi do të punojë më së miri.
Glukoza në gjak
Molla jeshile me stomak bosh balancon nivelin e sheqerit në gjak.

Kjo është shumë e rëndësishme për njerëzit që vuajnë nga diabeti dhe jo vetëm.

Duke qenë se mollët jeshile janë të pasura me fibër të tretshme, ngrënia me stomak bosh vonon përthithjen e sheqerit dhe ky efekt zgjat për shumë kohë.

Studimet tregojnë se gratë që hanë një mollë jeshile me stomak bosh çdo ditë kanë 30% gjasa më pak për tu prekur nga diabeti i tipit 2.

Mjekët thonë se ne kemi nevojë për 28 gramë fibër në ditë.

Një mollë e vetme ka 5 gramë.
Dhëmbë të bardhë e të pastër
Me ngrënien e mollës jeshile në mëngjes ju mund të pastroni dhëmbët.

Fibra shkatërron bakteret e gojës dhe shmang akumulimin e baktereve të tjera.
Rrahje të shëndetshme të zemrës
Një arsye tjetër përse duhet të hani mollë me stomak bosh është kaliumi që balancon lagështinë e qelizave.

Kjo është e nevojshme për rrahje të rregullta të zemrës.

Shkencëtarët thotë se njeriu ka nevojë për 4.700 miligramë kalium në ditë.

Çdo mollë përmban 115 miligramë kalium që mjafton për të mbajtur rrahjet e zemrës në nivele optimale./AgroWeb.org

Shumica e njerëzve nuk kursejnë aspak për kujdesin e lëkurës pasi ne të gjithë duam më të mirën që mund të arrijmë kur bëhet fjalë për pamjen tonë të jashtme.

Sidoqoftë, ndonjëherë trajtimet më të mira mund të gjenden në natyrë, qoftë ato kundër akneve, shenjave ose rrudhave.

Më poshtë do të gjeni një recetë të tillë natyrale e cila mund t’ju ndihmojë me shenjat, skuqjen e lëkurës, rrudhat dhe aknet dhe krejt këto pa ndonjë efekt anësor të padëshiruar.

Për ta përgatitur këtë tretman natyral ju duhen vetëm dy përbërës – vaj ulliri dhe sodë bikarbone ose ndryshe e njohur si soda e bukës.
Të dy përbërësit janë shumë të mirë për lëkurën tuaj pasi mund t’i japin një shkëlqim të jashtëzakonshëm.

Soda bikarbone ka aftësi që të largojë qelizat e vdekura të lëkurës dhe të eliminojë shenjat e akneve nga fytyra ndërsa vaji i ullirit ka veti anti-inflamatore, antioksiduese, qetësuese dhe hidratuese duke bërë kështu lëkurën tuaj shumë të butë.

Kombinimi i këtyre dy përbërësve mund të bëjë mrekulli për lëkurën tuaj dhe t’ju kushtojë pothuajse asgjë, prandaj pse nuk e provoni dhe shihni vetë.

Përbërësit:

Sodë bikarbone (sodë buke)

Vaj ulliri

Mënyra e përgatitjes:

Merrni një enë të vogël dhe përzieni vajin e ullirit dhe sodën bikarbone derisa të krijohet një masë homogjene.

Vendoseni në zonat e fytyrës që janë problematike për ju dhe lëreni të qëndrojë për 5 deir 10 minuta, më pas shpëlani me ujë të vakët.
Përsëriteni këtë tretman çdo ditë derisa të keni rezultatet e dëshiruara.

Në pak javë, do të bindeni edhe vetë se kjo maskë bën mrekulli pasi do të keni lëkurë të shëndetshme dhe plot shkëlqim.

Mëlçia është një organ i madh në trupin tonë të vendosur në pjesën e sipërme të barkut në anën e djathtë.

Ka shumë funksione të rëndësishme dhe komplekse: prodhimi i proteinave; sintezën, depozitimin dhe përpunimin e yndyrave, metabolizmin dhe ruajtjen e karbohidrateve; eliminimin, metabolizmin dhe sekretimin e produkteve biokimike potencialisht të dëmshme …

Ka shumë sëmundje të ndryshme që mund të dëmtojnë mëlçinë, siç janë hepatiti A, B dhe C, ciroza e mëlçisë, mëlçia yndyrore dhe të ngjashme. Përveç kësaj, shumë ilaçe që konsumojmë për sëmundje të tjera mund ta dëmtojnë këtë organ.
Procedura

Së pari, blini 150 gramë rrush të thatë (të zi) nga një prodhues i besuar.

Lani rrushin dhe lereni mënjanë.
Vëndoseni 400 ml ujë ne një enë për gatim dhe lereni atë te vlojë, shtoni në ujin e vluar rrush të thatë për ta zier për 20 minuta me një zjarr të qetë. Sasia e ujit duhet të jetë 3:1. Pra, nëse vendosni një filxhan rrush të thatë, derdhni tri gota ujë.
Lereni masën e fituar të qëndroje tërë natën
Të nesërmen në mëngjes, lengu i fituar ështe gati për tu pirë. Është e rëndësishme që të pini këtë ujë në stomak bosh, dhe pas gjysmë ore mund të hahet mëngjesi.
Përdorimi

Pirja mund të jetë e ftohtë apo e nxehtë. Pini në mëngjes në një stomak bosh. Pas dy ditësh do të vini re efektet e para të kësaj pije. Megjithatë, edhe pse do të ndjeheni më mirë në vetëm dy ditë, rekomandohet të pini të paktën 7 ditë.

Ju mund ta përsërisni këtë trajtim çdo muaj.

Këshillë Plus: Është e rëndësishme që të shmangni ushqimin e shpejtë dhe pije alkoolike gjatë këtij pastrimi, për të pasur një efekt të plotë.

Ditët me shi ndikojnë fort në  dhimbjet e reumatizmës. Edhe pse dimri dhe pranvera janë stinë shumë sfiduese për pacientët që preken nga kjo sëmundje, kjo verë ka nisur plot shira.

Reumatizma është një sëmundje autoimunitare që shfaqet tek gishtat, gjunjët, këmbët dhe kyçet. Sipas të dhënave ajo mund të prekë njerëzit e të gjitha grupmoshave, por kryesisht prek më shumë gratë se burrat.

Roli dhe ndikimi i motit në dhimbjet e reumatizmës mbetet akoma subjekt i studimeve mjekësore.

Si të zbusni dhimbjet e reumatizmës të nxitura nga moti

Nëse dëshironi të ndiheni mirë, atëherë përpiquni të lëvizni sa më shumë. Lëvizja parandalon shtimin në peshë dhe presionin e saj mbi gjymtyrë dhe inde. Lëvizja gjithashtu çliron endorfinën e cila bllokon dhimbjen.

Por nëse moti është me të vërtetë i ftohtë, atëherë përpiquni të lëvizni në mjediset e brendshme dhe të kufizoni aktivitetin fizik në ambiente të jashtme.

Shtendosja

Rekomandojmë të shtendoseni trupin rregullisht për të larguar dhimbjet dhe mpirjet. Bëni levizje shtendosëse në mëngjes ose përpara se të shtriheni për të fjetur.

Sigurohuni që të jeni ngrohtë

Kur moti është i freskët apo i ftohtë dhe me lagështirë, mundohuni që të rrini në një ambient të ngrohtë.

Mbulohuni dhe vishni rroba të plota. Bëni një banjë të ngrotë për 20 minuta. Ngrohtësia e ujit do të përmirësojë qarkullimin e gjakut në inde. Vajrat esencialë që gjendet në farmacitë bimore janë gjithashtu të rekomandueshëm për të masazhuar gjymtyrët. Hidhni disa pika vajrash esencialë në duar dhe më pas përhapeni atë në zonat e dhimbjes.

Ushqehuni shëndetshëm

Kufizoni sheqerin dhe konsumoni me ushqime të pasura me acide yndyrore omega-3 të cilat luftojnë inflamacionin.

Krijoni një rutinë individuale
Reumatizma shfaqet ndryshe tek çdo njeri, ndaj përpjekjet për të zbutur dhimbjet duhet të jenë të bazuara në simptomat dhe nevojat tuaja personale. Disa njerëz nuk gjejnë qetësim duke dalë në diell, ndërsa disa të tjerë përjetojnë më pak dhimbje gjatë ekspozimit në diell.

Përpiquni të kuptoni më shumë se çfarë ju lehtëson dhimbjet.

Sipas ekspertëve acidi refluks i njohur ndryshe si urth, ndodh kur acidi i stomakut kthehet sërish në ezofag duke krijuar një ndjenjë djegësie. Ky acid mund të shfaqet kur ne konsumojmë ushqime me përmbajtje të lartë acidi, ushqime me shumë yndyrë apo ato pikante.

E nëse përjetoni rregullisht urth më shumë se dy herë në javë, për disa javë mund të keni një sëmundje të quajtur gerd, që kërkon vëmendje mjekësore.

Intoleranca ushqimore ndaj domateve mund të rezultojë nga sasi të vogla, deri në sasi të mëdha. Simptomat e intolerancës ndaj domates mund të ndryshojnë nga personi në person. Nëse konsumoni sasi të vogla domatesh, simptomat nuk mund të vihen re. Nëse vuani nga intoleranca ndaj specit, patates apo piperit mund të zbuloni se jeni intolerantë edhe ndaj domates.

Sakaq domatet e konservuara shpesh janë të larta në natrium. 200 gramë domate të konservuara përmbajnë 564 miligramë natrium. Ndërsa një filxhan me domate të freskëta ka vetëm 9 miligramë. Një dietë e lartë në natrium rrit rrezikun e osteoporozës dhe komplikacionet kardiovaskulare.

Pjesa më e madhe e amerikanëve kanë një dietë të lartë në natrium për shkak të produkteve të konservuara. Domatet po ashtu mund të ndihmojnë në krijimin e një diete të shëndetshme.

Kur të shfaqen këto simptoma, atëherë fjala është për një infeksion urinar. Ky është problem i shpeshtë që shfaqet kur mikroorganizmat që gjenden në traktin urogjenital dhe në zorrë depërtojnë në fshikëzën e urinës.

Më shumë se 90 për qind të infeksioneve urinare shkaktohen nga bakteri “E.coli”, e cila në mënyrë natyrale gjendet në zorrë. Infeksionet e tilla më shpesh prekin femrat, sepse bakteret më lehtë futen në fshikëzën e femrave shkaku i gypit më të vogël urinar.

Simptomat e infeksionit janë ndjenja e presionit në fshikëzën urinare, të djegura gjatë urinimit, urinë e turbullt dhe gjak në urinë, temperaturë dhe dhimbje në pjesën e poshtme të stomakut. Soda e bukës është ushqimi i duhur shkaku i përbërësve alkalin. Në 2,5 dl ujë shtoni 1 lugë sodë të bukës dhe i përzieni mirë. E pini gjithë gotën. Më së miri është ta pini në mëngjes. Mos e përdorni më gjatë se një javë.

Një program ushqimor 5 ditor, i përshtatshëm edhe për personat që kalojnë pjesën më të madhe të ditës në zyrë!

Shumë persona kanë provuar të praktikojnë teorinë e indeksit glicemik për të rënë nga pesha. Dhe shumë prej tyre ia kanë dalë mbanë me sukses. E pse jo, kjo teori ka baza të mjaftueshme shkencore. Nëse merrni parasysh të zbatoni këtë teori për të humbur kilogramët e tepërt mund të arrini minus disa kilogramë në vetëm 5 ditë!

Me ndihmën e indeksit glicemik ushqimet vendosen në kategori sipas efektit që këto ushqime kanë në rritjen e sheqerit në gjak. Pra, ne zgjedhim ushqime me indeks glicemik të ulët, që jo vetëm nuk e rrisin shpejt sheqerin në gjakun tonë, por edhe na mbajnë të ngopur për shumë kohë.

Dita 1

Mëngjes: 1 portokall, 1 kos (2%), 50 gr tërshërë, 2 lugë bajame ose arra, 1 kupë çaj pa sheqer. Paradite: 90 gr djathë pa yndyrë si gjiza, ½ kastravec, 1 frut. Drekë: 5 karkaleca mesatarë të pjekur në skarë, 1 sallatë jeshile, 1 fetë bukë të zezë. Pasdite: 1 frut. Darkë: 120 gr fileto viçi, 2-3 patate të vogla të ziera, perime të ziera, 1 frut.

Dita 2

Mëngjes: 2 feta proshutë pule, 1 fetë të hollë bukë thekre, 2 lugë të vogla vaj ulliri, 1 kupë çaj të zi. Paradite: 1 frut. Drekë: 1 sallatë jeshile dhe gjoks pule me 1 lugë vaj ulliri + limon ose uthull molle, 1 mollë jeshile. Pasdite: 1 kupë me karota dhe kastravecë të prerë për së gjati. Darkë: 150 gr salmon në skarë ose në furrë, 2-3 patate të ziera, 1 kupë kërpudha (të pjekura), 1 sallatë jeshile, 1 kos me copëza frutash (para gjumit).

Dita 3

Mëngjes: 1 fetë të hollë bukë me drithëra, 2 lugë të vogla vaj ulliri, 50 gr gjizë pa yndyrë, 1 domate, 1 kupë çaj jeshil. Paradite: 5 arra. Drekë: 1 fetë bukë të zezë, 30 gr gjoks pule, 30 gr djathë pa yndyrë, 1 kastravec. Pasdite: ½ fetë bukë të zezë, 1 lugë salcë kosi. Darkë: 120 gr fileto pule, perime të pjekura (kunguj, domate, speca), 1 frut.

Dita 4

Mëngjes: 1 banane, 1 filxhan të vogël qumësht, 2 lugë tërshërë, 2 lugë arra, 1 kupë çaj. Paradite: 1 kupë kos me 1 lugë fara lini. Drekë: sallatë jeshile, 1 vezë e zier. Pasdite: 1 mollë, 10 lajthi. Darkë: 150 gr sardele, perime të ziera, kos me kastravec.

Dita 5

Mëngjes: 1 kupë qershia, 1 fetë bukë thekre, 2 lugë të vogla vaj ulliri, 30 gr djathë, 1 kupë çaj jeshil. Paradite: 10 lajthi. Drekë: 1 sallatë jeshile me peshk ton dhe vaj ulliri, 1 fetë bukë të zezë. Pasdite: 1 kos me copëza frutash të freskëta. Darkë: brokoli dhe karota të ziera, 120 gr makarona integrale të ziera, 60 gr djathë (gjizë), 1 frut.